Fara í efni

BAKKABÖLIÐ VERÐUR BÆTT !

Bakkakrísan frá 2018 sem leiddi til stórstrands 2020 er mörgum áfall. En böl má bæta, enda er framkomið nýstofnað HER/ÓP hf, frumkvöðull. Ónothæft kísilver stendur ókeypis til boða á Bakka, dýrt tengt rafkerfi og mikið landrými, allt ókeypis og einkafnot af Bakkagöngum fylgja ásamt opinberum stofnstyrkjum. Afar LÍFRÆN ræktun á valmúa í 50 ha gróðurhúsum á ónýttum iðnaðarlóðum á Bakka er nýtt plan HER/ÓP HF með aðstoð séfræðinga frá Afganistan og víðar frá erlendis. HER/ÓP HF hyggst umbreyta ónýtu kísilveri í úrvinnslustöð á valmúa- afurðum. Könnun leiðir í ljós að markaður valmúaafurða er vaxandi og traustur á Vesturlöndum og eru þvi miklar vonir bundnar við áhuga ýmissa ótilgreindra fjárfesta, kunnir leynistigum fjármagns. HER/ÓP HF mun breytast i HEROP GROUP þegar fram líður á á lífræna framleiðslu þess, með fjölda tengdra sölufyrirtækja víða um lönd. Aftur verður kátt á Bakka, þótt nú séu margir tapsárir.