Grímur skrifar: PÁSKAUPPRISA PCC

Kolabiturinn PCC BakkiSilicon mun rísa silikonsleginn úr öskustó sinni um næstu páska eru ný fyrirheit, enda upprisutími þá fyrir kraftaverk. Þá verða 10 mánuðir liðnir frá að loks var uppgjöf á rekstri boðuð í júni 2020, mun lengra liðið frá því að allt dæmi BakkiSilicon var komið í uppnám, framhald þá metið afglöp.

Upprisa BakkiSilicon nú um páska er að líkum hafin yfir mannlegan, röklegan skilning. Birtist því sem undur. Rétt eins og ófarasagan frá upphafi rekstrar 2018 til stöðvunar 2020 er látin standa óútskýrð, eins og gildir um athæfi æðri máttar-valda. Fullvíst er að “Hönd Guðs” kemur að páskaupprisu BakkiSilicon sú sem líknsöm er oft þeim þurfandi.

Hentast þykir að sleppa öllu gjálfri orða um það sem almenning varðar ekkert um. Um þau undur sem gerast bak luktra tjalda, þess eðlis að mannleg rökhugsun er óþörf.

Mjög var viðbrenndur grautur allur í potti BakkiSilicon um árið en 60 milljarðar voru áðir lagðir í þá grautargerð, til stofnkostnaðar og vegna ógnartaps á rekstri. Nú skal aftur reynt að malla á Bakka, kolabíturinn BakkiSilicon nú aftur í stuði eftir dauðadá sitt og kröm, páskaupprisa því boðuð trúuðum.

“Hönd Guðs” að baki endurlífgun PCC BakkiSilicon hf er hreyfiafl sem starfar utan við það svið, sem upplýst má vera. Skal því í þöggun hvíla, líkt og annað sem málið varðar.

Fréttabréf