Baldur Andrésson skrifar: UM ÓGNVALDA SAMFÉLAGS

Mynd af tveimur vegvilltum framleiðendum á “ hríðskotabyssum úr plasti”, sögðum á slóð nýnasista, er nú uppdregin til skelfingar fólki öllu. “Samfélag lögreglu” og Alþingi sagt skotmark í hugarórum tvímenninga. Í sjö mánuði segist dómsmálaráðherra hafa setð fast að samningu frumvarps til laga um að galopnað verði aðgengi valdkerfis, lögreglu, að öllum persónusamskiptum þegna landsins, á netinu og símleiðis. Á það við um pólitísk samskipti jafnt og öll önnur persónuleg málefni. Sagt að slíkt sé til glæpavarna, til varna gegn landráðum og hvers kyns óæskilegum hugrenningum þegna, að mati valdhafa samfélagsins.
Svo vill til að viku áður en hugarsmíð dómsmálaráðherra skal birt Alþingi, um stórskerðingu á samskiptafrelsi fólks á Íslandi, kemur upp “plastbyssumál” tveggja ringlaðra einstaklinga, kennt við landráð. Í öðru orði er þó sagt að fátt sé vitað um hugrenningar plastbyssukappa, Í hinu orði upp dregin mynd af hræðilegri, yfirvofandi fyrri ógn, sem snjöllu lögregluvvaldi tókst að kæfa.
Öll er atburðarásin, málavextir og tímasetning viðburðar sérkennileg. Ekki síst í ljósi þess hvernig einmitt nú skal eflt lögregluvald til eftirlits með öllum skoðanaskiptum fólks og persónulegum samskiptum til “samfélagsvarna”. Oft var þörfin, en nú er NAUÐSYN, fylgir því talinu.
Mjög aukinn vopnaburður lögreglu flokka sumir líka til glæpavarna, auk nauðsynjar á frjálsu aðgengis hennar að einkasamskiptum allra þegna. Sagan segir að því fleri vopnum sem veifað er í samfélögum, því betur dafnar ofbeldismenning innan þeirra. Hóf er best í öllu.
Baldur Andrésson

Fréttabréf