Fara í efni

"BARÁTTA MÍN" - kynnt til þjóðverndar, siðverndar

Galopnað var Ísland fyrir útvöldu fólki á stríðsflótta snemma á árinu, öðrum á flótta afar illa tekið.
Verst er “ trúarvilltu” fólki tekið og því sem rangan húðlit ber. Þannig eru hafrar valdir frá sauðum út frá pólitiskri heimsýn og kynþáttahyggju í bland. Fyrir fordæmt fólk á flótta hérlendis er nú ætlun Jóns Gunnarssonar, ráðherra “ útlendingamála” að reistar verði lokaðar gæslubúðir fyriri börn og fullorðna, uns land-hreinsun af slíkum tekst að fullu sem liður í hvítri þjóðarvörn. Mjög í ætt við hatursviðhorf nýnasista er “ Barátta Mín”,  framsettar “ varnir” Jóns Gunnarssonar við “ óheppileglegri” tegund flóttafólks. Grynnra er á kynþáttafordómum hérlendis en margur hyggur. Nú skal grafin upp stríðsöxin gegn flóttafólki af “ óheppilegum uppruna” skv. oftækisviðhorfum, sem þó hafa örlítið látið á sjá um tíma. “Fangavist fram að brottvísun” skal verða meginregla. Gæslubúðir fyrir nýkomna flóttamenn skulu reistar, svo auðvelduð verði manngreining, upprunagreining, tanngreining, trúargreining, litgreining, kyngreining og pólitísk greining á slíkum gestum, börnum og fullorðum á flótta.
Bráðum er öld síðan ritlingur kom út sem kallaðist “ Barátta Mín”. Höfundur heimskur dóni, en safnaði saman mörgum mannfræðifrösum síns tíma , sem gildi höfðu þá, og upp reis þekkt bylgja mannhaturs. Svipaðrar bylgju gætir nú víða um Evrópulönd, hennar gætir á Íslandi. Vel kynjuðu, rétt trúuðu, rétt lituðu, vel menntuðu stríðsflóttafólki skal boðið velkomið hæli á siðprúða Íslandi. Útkastið , eftir rannsóknir í lokuðum gæslubúðum skal gert að éta það sem úti frýs, það gert landrækt eftir manngreininguna, liði í þjóðvörnum í siðprúðu landi. “Svarti Sambó” og honum skylt fólk, sem hingað rambar á flótta, skal sent í Rúandabúðir eftir búðavist og útlegðardóm á Íslandi. Það er eitt tilbrigðið við siðfágun á Íslandi tillögusmíði, framsett af fúllri alvöru.