Beint á leiđarkerfi vefsins

Frjálsir pennar

16. Júlí 2016

Sveinn Elías Hansson skrifar: HVERNIG VAXTABĆTUR ERU SKERTAR

Vegna ummæla Guðlaugs Þórs um vaxtabætur, og frétt á RUV 19 júli um sama málefni, vil ég segja eftirfarandi.

Úr frétt á vísi, 4 júlí 2016 um lækkun vaxta og barnabóta. Árið 2016 voru greiddar barnabætur 10,8 milljarðar samanborið við rúma 11 milljarða árið 2013. Árið 2013 var níu og hálfum milljarði varið í vaxtabætur frá ríkinu en þær eru 6,2 milljarðar í ár. Guðlaugur Þór Þórðarson, varaformaður fjárlaganefndar, segir þetta fagnaðarefni. „Nú er það þannig að skuldir heimilanna hafa lækkað mikið á þessu kjörtímabili og við höfum forgangsraðað til þess að lækka skuldir heimilanna. Það hefur tekist. Í takt við hækkandi laun og minnkandi skuldsetningu heimilanna lækka því vaxtabætur frá ríkinu. Því ættum við að fagna þessum árangri. Vaxtabætur eru í sjálfu sér slæmt form af stuðningi og ýta undir skuldsetningu," segir Guðlaugur Þór.

Þetta er að mestu leiti rangt hjá Guðlaugi Þór, og mun ég sýna dæmi hér á eftir sem hrekur þessar fullyrðingar hans.

Einnig er það svo að þessi svokallaða skuldaleiðrétting gagnaðist þeim best sem höfðu enga þörf fyrir aðstoð, sá hópur átti það miklar eignir fyrir og fékk hann því engar vaxtabætur þar sem eignirnar skertu þær niður í 0.

Frétt á ruv 19-07-2016.

http://www.ruv.is/sarpurinn/klippa/slegist-um-velferdarmalin

Í þessari frétt reynir húsnæðisráðherra framsóknarflokksinns að hvítþvo flokkinn að skerðingum vaxta og barnabóta og kennir nánast alfarið sjálfstæðisflokknum um. Að sjálfsögðu ber framsóknarflokkurinn ÁBYRGÐ á þessum skerðingum og níðingsskap gagnvart þeim sem minnst hafa.

Framsókn hefur verið í þessari stjórn frá 2013, en sér nú fram á kosningar og fylgishrun og grípur því til útúrsnúninga og lyga til að blekkja kjósendur.

Hér sjáum við útreikninga á vaxtabótum frá 2012 til 2017. Árið 2014 SKERTI núverandi ríkisstjórn vaxtabætur verulega með því að hækka skerðingu vegna tekna úr 8% í 8,5%. Það eru tugir þúsunda á ári sem ríkisstjórnin hirti af þeim sem minst hafa.

Einnig ber þes að geta að hámark vaxtagjalda til útreiknings hefur verið það sama frá árinu 2010 eða 800 þús, en vinstri stjórnin hækkaði það á því ári úr 554ooo í 800000, en breitti einnig tekjutengingunni úr 6% í 8%. Það kom mun betur út fyrir þá sem minst hafa.

            Fasteignam. Eignir,  Skuldir alls.  tekjur   sk.v/tekna  sk v/eigna   vaxtab.

2012    19450000 -1000000    20450000     4432875   354630              0    400000

2013    21100000   209612    20961250     4529924   362384              0    400000

2014    22400000   914719    21485281     4709789   400332              0    399668

2015    24900000  2879586    22022413     5216700   443419              0    356581

2016    28000000  5427026    22572973     5486400   466344          198390   135266

2017    31550000  8412702    23137297     5826297   495257          304743         0

Rétt er það hjá Eygló Harðardóttur að vaxtabætur hafi lækkað mikið á undanförnum árum, en það er EKKI aðallega vegna bættrar afkomu heimilanna.

Aðalástæða lækkunar vaxtabóta er GLÓRULAUS hækkun skerðingar vegna tekna úr 8% í 8,5% árið 2014. Sú tekjutenging skerðir bætur um tugþúsundir á hverju ári, og SAMÞYKKTI FRAMSÓKN þessar skerðingar, og er því ekki eins saklaus og Eygló vill vera að láta.

Bætt staða heimilanna sem ráðherrar og þingmenn núverandi stjórnarmeirihluta guma sig af, er nánast eingöngu til kominn vegna HÆKKUNAR FASTERIGNAMATS sem hefur hækkað frá 2012 um 62,2% meðan laun hafa hækkað um 31,4%

Í þessu dæmi hér að ofan er sami einstakklingur, sem býr í sömu íbúðinni, borgar af sömu lánunum, bara meira, vinnur í sömu vinnunni og hefur fengið umsamdar launahækkanir.

Núna í ár skerðast vaxtabætur hjá honum vegna aukinna eigna (tala á blaði, hækkað fasteignamat ekkert annað breytist) um 198390 kr á ári eða 16532 kr á mánuði.

Launahækkun þessa aðila var 269700 á árinu eða 22475 kr, en eftir skatt eru það 13485 kr, þannig að þessi einstakklingur er VERR SETTUR í ár með ráðstöfunartekjur sem nema 3047 kr á mánuði eða 36564 kr á ári.

Þetta tal um bættan hag almennings sem valdi skerðingu vaxtabóta er LYGI, því það sem breytist er TALA Á BLAÐI (fasteignamat) sem veldur því að þessi einstakklingur er verr settur í ár en í fyrra og verður ENN VERR settur á næsta ári.

,ÞÖKK SÉ ÞESSARI STÓRKOSTLEGU RÍKISSTJÓRN SEM HUGSAR SVO VEL UM ÞÁ SEM MINST HAFA".

Sveinn Elías Hansson


Bréf til síđunnarRSS Fréttaveita

Frá lesendum

16. Janúar 2018

SÖGULEGIR SIGRAR EĐA HVAĐ?

Því er slegið upp að atvinnuveganefnd Alþingis verði nú í fyrsta skipti stýrt af konum. Af þessu stærir formaðurinn sig, Lilja Rafney Mgnúsdóttir. Inga Sæland, Flokki fólksins, verður fyrsti varaformaður og Halla Signý Kristjánsdóttir, Framsóknarflokki, annar varafromaður. Lítið vitum við um stefnu þeirra í atvinnumálum. Á sama tíma berast fréttir frá Noregi að ný stjórn sé á teikniborðinu. Saman komu þær fram á fréttamannafundi til að skýra frá þessu þær Erna Solberg, Hægri flokknum, Siv Jensen, Framfaraflokknum og Trie Skei Grande, Frjálslynda flokknum. Allt konur. Allar afturhald að mínu mati! Kynin eiga að standa jafnt að vígi í stjórnmálum. En þá á líka að sýna þeim þá virðingu að taka konur jafnt sem karla alvarlega, óháð kyni og spyrja um stefnu og innihald. Eitthvað er rangt við þessa framsetningu og ótrúlega afturhaldssamt á árinu 2018. Kannski líka svoldið niðurlægjandi - fyrir konur.
Kona

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar

7. Janúar 2018

ÁBYRGĐ Í VERKI?

Formaður flokks sem segist vera vinstri flokkur og er kominn í samstjórn með Sjálfstæðisflokknum og er forsætisráðherra í þokkabót, segir að mál málanna sé að gera vinnumarkaðinn ábyrgan. Hvað þýðir það? Auðvitað skilja allir skilaboðin, enda höfum við margoft heyrt þau áður - úr munni Sjálfstæðisflokksins. Fólk á að þegja og sætta sig við það sem því er skammtað. Nema átt sé við að forsvarmsmenn SA og Viðskiptaráðs lækki við sig launin og stuðli að kjarajöfnun, er ríkisstjórnin  ef til vill til í það líka og biskupinn og Hæstiréttur? Þá skulum við fara að tala saman. En á meðal annarra orða, var það ábyrgt að auka framlag úr ríkissjóði til stjónmálaflokkanna á þingi - til sjálfra sín -  um 362 milljónir? Var það ábyrgð í verki?
Jóel A.

7. Janúar 2018

UM HVAĐ SNÝST DÓMARAMÁLIĐ?

Um hvað snúast stjórnmálin á Íslandi? Veit það einhver? Stjórnarandstaðan vill að Sigríður dómsmálaráherra segi af sér, finnst það mikilvægast af öllu! En hvað gerði hún rangt? Var það ekki svokölluð matsnefnd sem klúðraði málum? Hvernig væri að fjölmiðlar reyndu að skýra þetta dómaramál? Það er orðið augljóst í mínum huga að málið er ekki eins svart hvítt og margir vilja vera láta - er ég þó enginn aðdáandi dómsmálaráðherrans né Sjálfstæðisflokksins. 
Sunna Sara

7. Janúar 2018

ENGIN ÁBYRGĐ

Ef landinn brýtur löginn hér
leiddur er til sakar
En Sigríður enga ábyrgð ber
ef skaða mörgum bakar
Pétur Hraunfjörð

7. Janúar 2018

SAMTRYGGING Á ALŢINGI

Það er rétt sem þú segir Ögmundur að alltaf er það mest sannfærandi þegar menn byrja á sjálfum sér! Það má til sanns vegar færa með ríkisstjórnina að hún geri þetta en með undarlegum og öfugsnúnum áherslum. Hún byrjar á því að skrúfa frá peningstreyminu úr ríkissjóði og eykur framlag til eigin þarfa um 362 milljónir! Þetta er kostnaðurinn við lýðræðið er gjarnan viðkvæðið þegar kostaðar eru heilsíður í blöðum með auglýsingum sjálfum sér til dásemdar. Annars eru ríkisstjórnarflokkarnir ekki einir um þetta, Samfylking, Viðreisn og Miðflokkurinn eru þarna í liði með VG, Sjálfstæðisflokki og Framsóknarflokki. Það er þetta sem kallað er ...
Jóel A.

5. Janúar 2018

HVAR FĆ ÉG HLJÓMDISKINN?

Þakka þér fyrir skrif þín um Andrés Björnsson og Einar Benediktsson, Tími er svipstund ein sem aldrei líður. Mér þóttu þessi skrif þín vera orð að sönnu. Ég las viðtalið við Andrés sem þú lést okkur lesendur fá aðgang að og las ljóð Einars Benediktssonar, Kvöld í Róm. Nú verð ég að eignast hljómdiskinn með ljóðalestri Andrésar Björnssonar, en hvar er hann að fá? Geturðu upplýst um það Ögmundur?
Jóhannes Gr. Jónsson 

3. Janúar 2018

YFIR STRIKIĐ

Katrín færði mikla fórn
og fór yfir strikið
Situr nú í samherjastjórn
al-sæl fyrir vikið.
Pétur Hraunfjörð

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Frjálsir pennar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta