Beint á leiđarkerfi vefsins

Frjálsir pennar

26. September 2016

Kári skrifar: ŢJÓFRĆĐI OG LÝĐRĆĐI

Skammt er nú til kosninga. Eins og oft áður munu næstu kosningar ráða miklu um umfang þjófræðis á næstu árum. Þjófræðisöflin róa öllum árum að áframhaldandi eignatilfærslum frá þjóðinni og til ákveðinna flokksgæðinga. Um er að ræða orkufyrirtæki (Landsvirkjun), fjármálafyrirtæki (banka) auðlindir hafsins og fleira. Einkavæðingaróperan verður flutt sem aldrei fyrr, nái núverandi stjórnarflokkar markmiðum sínum. Alltaf er nóg af kjósendum sem langar til að vera í "vinningsliðinu" og jafnvel njóta góðs af þýfinu sem deilt er til fáeinna útvalinna og hrýtur af borðum braskaranna.

Öðruvísi verður varla skýrt, með skynsamlegu móti, hvers vegna græðgisöflin koma jafn vel út úr kosningum og dæmin sanna. Það gefur auga leið að þeir flokkar sem lengst hafa setið að völdum hafa einnig verið í bestri aðstöðu til þess að búa í haginn fyrir þjófræðið. Það er með öðrum orðum nauðsynlegt skilyrði þjófræðisins að vera í aðstöðu til að stunda það. Alveg eins og þjófur þarf að komast í tæri við þýfið þarf stjórnmálaflokkur að komast til áhrifa og valda svo þjófræði stjórnmálanna geti þrifist.

Fríríki frjálshyggjunnar

[Frjálshyggjufríríki]

 

Frjáls er hyggja í fríríki,

 

frelsið boðar sanna.

 

Ganga framar guðsríki,

 

gæði markaðanna.

 

 

 

Frjáls er hyggja fríríkis,

 

frelsi boðar manna.

 

Óstjórnlegt er andríkið,

 

eins og dæmin sanna.

 

Það má velta upp þeirri spurningu hvort ekki sé of mikill meiningarmunur á milli annars vega meirihluta þjóðarinnar og hins vegar frjálsyggjuaflanna (og styðja þjófræðið) svo hægt sé að kalla eina þjóð. Sá stóri hluti þjóðarinnar sem ekki vill láta stela frá sér, og arðræna sig, hlýtur að eiga heimtingu á að vera í friði með eignir sínar, enda eignarrétturinn varinn af 72. gr. stjórnarskrár Íslands sem og af 1. gr. 1. viðauka við mannréttindasáttmála Evrópu. Segja má að þjófræðisöflin á Íslandi ásælist sífellt eignir þjóðarinnar. Einkaránsvæðing bankanna er eftirminnilegt dæmi um það. En allur orkugeirinn er þar undir líka, að sjálfsögðu, sem og náttúruauðlindir almennt.

Mjög góð lausn á þessu vandmáli, fyrir alla aðila, gæti verið sú að stofna fríríki frálshyggjunnar á Íslandi. Varnarsvæðið á Miðnesheiði hefði verið heppilegt í þessu tilliti en þar sem annarskonar uppbygging er þar í gangi nú væri betra að fórna landstórri jörð fyrir þetta verkefni. Grímsstaðir á Fjöllum gætu t.d. komið til greina og þá með ströngum skilyrðum hvað snertir vatnsréttindi og önnur réttindi sem þar kom til álita.

Þjóðaratkvæðagreiðsla yrði síðan haldin um það hverjir kjósa að tilheyra hinu nýja, guðdómlega ríki frjálshyggjunnar. Ríkisborgarar frjálshyggjuríkisins myndu þá fá sérstök vegabréf sem staðfesta, sýna og sanna, hollustu þeirra við frjálshyggjuna. Gera verður sérstaka samninga við íslenska ríkið um aðgang að vegakerfi og innheimtu veggjalda vegna þess. Enda mun frjálshyggjufólk hins nýja ríkis ekki taka annað í mál en "borga fyrir sig". Sama gildir um heilbrigðiskerfið. Þar verður þegnum nýja frjálshyggjuríkisins heimilt að sækja sér þjónustu utan landamæranna gegn allháu gjaldi. Hins vegar liggur beinast við að nýja fríríkið byggi sjálft upp heilbrigðiskerfi, innan sinna landamæra sem þegnar þess ríkis kosti sjálfir. Það á og alveg sérstaklega við um menntakerfi. Enda þarf að innprenta þegnum fríríkisins ómenguð fræði frjálshyggjunnar og eðlilegast að sú kennsla fari fram innan landamæra fríríkisins, hvort sem er á framhalds- eða háskólastigi. Þá standi sömu þegnum einnig til boða nám erlendis sem þeir greiða að sjálfsögðu sjálfir, úr eigin vasa. Íbúum fríríkisins verður einnig heimilt að byggja upp eigin flugsamgöngur, með flugvelli (millilandaflugvelli) og öllu sem til þarf. Allur kostnaður við uppbyggingu og rekstur greiðist af nýja fríríkinu.

Þótt kostnaður við uppbyggingu innviða verði umtalsverður munu harðsoðnir talsmenn frjálshyggjunnar (og sótsvartir hægri menn) telja það létt á metum, í samanburði við allt það FRELSI sem þeir njóta í fríríkinu. Þar munu gilda fáar og einfaldar reglur (enda talið mikilvægt að "einfalda regluverkið") byggðar á Lögbók fríríkis frjálshyggjunnar.

Innan fríríkisins verður auðvitað heimilt að reka vændishús, spilavíti, glæpabankastarfsemi, stunda eiturlyfjasölu, og yfirleitt alla þá glæpastarfsemi sem hægt er að óska sér. En ströng landamæragæsla mun tryggja að íslenska þjóðin beri engan skaða af þeirri starfsemi, enda fríkríkið vandlega varið með þrefaldri rafmagnsgyrðingu og landamæraeftirliti (sem kostað verður af fríríkinu).

Þegnum fríkríksins verður heimilt að stunda fiskveiðar í íslenski lögsögu, gegn háu gjaldi og semja þarf um sérstaklega við íslensku þjóðina sem eiganda miða og aflaheimilda. Um aðgang að höfnum og hafnargjöld þarf og að semja sérstaklega.

Ávinningur íslensku þjóðarinnar af nýja fyrirkomulaginu verður gríðarlegur og í raun ómetanlegur. Hægt verður að byggja upp miklu sterkara heilbrigðiskerfi (þar með talinn nýjan Landspítala), stórbæta menntakerfið, vegakerfið og alla aðra innviði, enda engin niðurrifsöfl lengur til staðar sem arðræna þjóðina og standa gegn framförum. Sú starfsemi hefur öll færst yfir í fríríki frjálshyggjunnar og öðrum kemur ekkert við hvað gerist þar, eða hvernig íbúar ríkisins kjósa að haga sínum innanríksimálum.


Bréf til síđunnarRSS Fréttaveita

Frá lesendum

26. Maí 2017

ALLIR AĐ GRĆĐA!

Ósköp er dapurlegt að fylgjast með Costco auglýsingabrellunni og hvernig landinn bregst alltaf eins við, beðið í röðum og fjölmiðlarnir síðan með beinar útsendingar og forsíðufréttir! Allt ókeypis fyrir verslunarkeðjuna.
Ég var að vonast til að vera í útlöndum eða á heiðum uppi til að forðast að þurfa verða vitni af niðurlægingu íslensku hópsálarinnar. Myndir voru birtar af ...
Jóel A.

26. Maí 2017

ÚTVATNAĐUR HAUS

Flugfélag Íslands fékk nýtt heiti
fáránlegt sýnist að mest öllu leyti
úr Íslensku máli
nú í ensku prjáli
Æ voru þeir með hausinn í bleyti.
Pétur Hraunfjörð

22. Maí 2017

BRASKARAR OLLU HRUNINU

Ætt´að láta eitthvað kjurt,
eftir stóra hnjaskið.
Leifsstöð vilja læða burt,
leggja undir braskið.
Kári

21. Maí 2017

ENGINN VANDI AĐ STELA ÍSLANDI

Ég las grein þína um landsöluna og vesaldóm ríkisstjórnarinnar í landsölumálum og hlustaði á ykkur Brynjar á Bylgjunni. Ég er sammála þér í hverju orði og fannst mér ég heyra á Brynjari að þetta væri farið að trufla pólitíska smavisku hans. En hvernig væri að þingið og ríkisstjórnin gerðu eitthvað í málinu? Á virkilega að láta auðkýfinga taka landið undan okkur? Það er nefnilega enginn vandi að stela Íslandi!
Jóhannes Gr. Jónsson

21. Maí 2017

KRJÚPIR ŢÚ AĐ TÁNUM

Kyssa vöndinn kallast það
krjúpir þú að tánum
Gárungar margir gera það
fylgir gróðahyggju-bjánum.
Pétur Hraunfjörð

20. Maí 2017

ÉG ER EKKI ÉG, ÉG ER ANNAR

Einhver var ég annar fyrr,
oft þá tókst að sanka.
Um mig hefur staðið styrr,
stal þó aðeins banka.
Kári

18. Maí 2017

LEIKRITS-UPPKASTIĐ LOKSINS FANN

Nú Ólafur segir sannleikann
er setið hefur í dankanum
Því leikritsuppkastið loksins fann
er leiddi til kaupa á bankanum.
...
Höf.
Pétur Hraunfjörð

13. Maí 2017

KERFINU TIL MÁLSBÓTA

Eitt verður að segjast kerfinu til málsbóta. Þegar einstaklingur í heimahúsi er orðinn verulega veikur fær hann alla þá bestu þjónustu sem hugsast getur. Heimsóknir jafnvel oft á dag og yfirsetu. Þessu má ekki gleyma í annars mjög þarfri umræðu um aðstoð við aldrað fólk í heimahúsum.
Sunna Sara

13. Maí 2017

LOKSINS!

Loksins er farið að afhjúpa eina mestu blekkingu síðari tíma. Okkur hefur verið talin trú um að verið sé að stíga risastór framfaraspor í þágu aldraðra með kerfisbreytingunni, allir heima. Svo kemur á daginn að þetta er engin lausn heldur syndaaflausn einsog þú orðar það svo ágætlega í gein þinni Ögmundur, því heima er fólkið skilið eftir bjargarlaust.
Jóel A.

10. Maí 2017

MINNA ÁLAG - MEIRI UMÖNNUN OG MEIRI ÁNĆGJA!

Ég er búin að bíða lengi eftir þessum fundi um heima-aðhlynningu aldraðra, uppáhaldsumræðuefni stórnmálamanna fyrir kosningar  en gleymdasta málefninu eftir kosningar. Ég tek undir með Sigríði E. hér á síðunni að þessi þjónusta er mjög góð hjá borginni svo langt sem hún nær en að hún verði að ná miklu lengra. Það þarf að fjölga verulega í því góða starfsliði sem sinnir þessari þjónustu. Það þarf að borga vel fyrir þessa vinnu en ekkert síður þarf að draga úr álgainu sem þessu starfi fylgir og það verður aðeins gert með fleira fólki. Með þessi móti yrðu ...
Sunna Sara



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

23. Apríl 2017

Sveinn Elías Hansson skrifar: VISTARBANDIĐ (kemur ţađ aftur?)

... Líkja má fólki sem ekki hefur efni á að kaupa húsnæði við jarðnæðislaust fólk á árum áður,  það var neytt í  vinnumennsku hjá bændum gegn húsaskjóli og fæði. Fyrirtæki eins og Vísir í Grindavík hafa keypt heilu blokkirnar undir starfsfólk sem var flutt frá Húsavík, þegar fiskvinnsla var þar lögð niður. IKEA hyggst reisa nýjar íbúðir fyrir starfsmenn sína, kísilverið á Bakka við Húsavík er að reisa íbúðir þar fyrir starfsmenn og svo mætti eflaust lengi telja. Hver er hin raunverulega hugsun bak við þessar aðgerðir fyrirtækjanna? Nú spyr eflaust einhver. Af hverju er maðurinn að velta þessari spurningu fyrir sér? ...

3. Apríl 2017

Einar Ólafsson skrifar: FÁTĆKT ER PÓLITÍSK ÁKVÖRĐUN

... Efnahagsástandið á Íslandi er nú með þeim hætti að enginn íbúi landsins ætti að þurfa að búa við fátækt. Með réttri stefnu, ákvörðunum og aðgerðum geta stjórnvöld komið í veg fyrir fátækt. Fátækt er því í raun pólitísk ákvörðun.
... það breytir því þó ekki að fyrir þá sem búa við efnislegan skort er það engin sárabót þótt þeir séu hlutfallslega færri hér en annars staðar, staða þeirra er jafn sár fyrir því. En á hinn bóginn skyldi maður ætla að það sé auðveldara að ráða bug á þessum vanda eftir því sem hlutfallið er lægra og því minni afsökun að láta það undir höfuð leggjast ... Þótt efnislegur skortur sé tiltölulega fátíður hér miðað við önnur lönd gefa niðurstöðurnar í skýrslu UNICEF sannarlega tilefni til viðbragða. ...

Slóđin mín:

Frjálsir pennar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta