Beint á leiđarkerfi vefsins

Frjálsir pennar

26. Febrúar 2017

Kári skrifar: UMBOĐSMENN AUĐS OG ÁFENGIS

Að stýra þjóðfélagsumræðunni
Eins og margir vita er sú aðferð notuð á Íslandi, þegar óþægileg mál koma upp, þ.e. hneykslismál, að dreifa athygli fólks frá þeim, beina sjónum þess í aðrar áttir. Þegar hitna tekur óþægilega undir sumu fólki í þjóðfélaginu (að þessu sinni vegna umræðu um aflandseyjar og skattaskjól) eru fjölmiðlar notaðir til þess að "búa til vandamál" sem stjórnmálamenn, og aðrir spekingar, útmála sem "gríðarlega vá" sem verði að stöðva með öllum ráðum. Dæmi um það gæti t.d. verið tal um "háskalegar launahækkanir til handa almenningi" (engin vá talin fyrir hendi þótt kjararáð hækki laun út fyrir allt velsæmi).

Oft er um algeran tittlingaskít að ræða sem skiptir þjóðina litlu sem engu máli. Enda er það aukaatriði. Tilgangurinn er auðvitað sá að stýra umræðunni inn á aðrar og þóknanlegri brautir. Margt fjölmiðlafólk sér ekki í gegnum þetta og lætur nota sig í þessum tilgangi, í stað þess að halda sig við stóru málin, aðalatriði máls, og kvika ekki frá þeim mánuðum og helst árum saman. En þau mál tengjast oftast fjárglæframönnum og framgöngu þeirra. Þar eru umsvifin mest. Sumir íslenskir frjálshyggjumenn hafa t.d. brugðið á það ráð að rjúka í fjölmiðla og búa til "vandamál" þegar athyglin hefur beinst óþægilega mikið að þeim sjálfum, vegna fjárglæframála og annara hneykslismála. Rétt viðbrögð fjölmiðlafólks í slíkum tilvikum væru þau að ræða alls ekki það mál sem viðkomandi lýðskrumari "hefur búið til" heldur halda honum við efnið, fjárglæframálin sem hann tengist! Það væru rétt viðbrögð við lýðskrumi frjálshyggjumannsins (og frjálshyggja er ekki alltaf bundin við ákveðna sjórnmálaflokka). Ekki falla í þá gryfju að ræða málin á forsendum fjárglæframannsins.

Dæmigerð aðferð er einnig að koma fram með frumvörp á Alþingi, í andstöðu við þjóðina, um mál sem eiga þangað ekkert erindi. Eitt slíkt hefur verið til umræðu undanfarið.

[Frjálshyggjufrumvarp]

Vínið glepur viðkvæm börn,
völt á lífsins bryggju.
Tækifærin Teitur Björn,
tengir frjálsri hyggju.

Á Alþingi liggur nú, enn eina ferðina, fyrir frumvarp um afnám einkaleyfis Áfengis- og tóbaksverslunar ríkisins á smásölu áfengis og sem heimilar áfengisauglýsingar. Þetta ólánsfrumvarp er eitt margra álíka sem sýnir vel hvar hjarta flutningsmanna slær. Þeim er umhugað um hagsmuni græðgisfólks sem vill selja áfengi og græða vel á sölunni. Hins vegar vilja þeir ekki að ríkið græði á sölunni heldur verður gróðinn að lenda í vösum braskara og helst fjárglæframanna.

Reynt er að fægja mesta lýðskrumið af frumvarpinu og láta sem svo að málið snúist einvörðungu um frelsið, þetta misnotaða og útþvælda hugtak. En frelsi hverra og til hvers? Varla "frelsi" fólks frá áfengisbölinu eða hvað? En "frelsi" til þess að fá sér "hvítvín með humrinum"? Óskipulögðu fólki, og fólki sem hugsar ekki langt fram í tímann, kann að þykja slíkt "frelsi" mikilvægast af öllu öðru "frelsi" og er þá mikið sagt. Eða "rauðvín með steikinni", kannast einhver við þau "rök"?

Hvað um frelsi fjárglæframanna til þess að græða á ágæfu og óhamingju annara? Það er augljóslega mikilvægt "frelsi" í huga flutningsmanna frumvarpsins og vegur auðvitað þyngst á metunum enda "ógæfumarkaðurinn" stór sem aftur felur í sér mikil "sóknarfæri" fyrir fjárglæframenn.

Áfengi á dælustöðvum?

Í framhaldi af þessu liggur auðvitað beint við að ganga alla leið og selja áfengi á sérstökum tönkum "bensínstöðva", þar sem menn "dæla sjálfir". Það er hið fullkomna "frelsi" í sölu áfengis. "Frjálshyggjurökin" fyrir því gætu t.d. verið þau að "áfengi" (etanól) sé nú þegar, víða um heim, selt á dælustöðvum[i] og þess vegna sé þetta bara spurning um að "taka skrefið til fulls". Þekktur, burtfarinn, frjálshyggjumaður hefði líklega talið þau "rök" mjög sterk.

Með þessu móti má betur "nota ferðina" á bensínstöðina og uppfylla "mannlegar þarfir" um leið og tekið er eldsneyti á bílinn og fylla á nokkrar flöskur af víni í leiðinni. Að selja áfengi í lítratali er líka miklu "frelsisvænni" aðferð enda þá engin sérstök magntakmörkun og "frelsisskerðing" til staðar, eins og felst í því að þurfa að kaupa vínflöskur í fyrirfram gefnum stærðum. Margir leysa það "vandamál" reyndar með því að kaupa þá fleiri flöskur. En áfengi í lítratali hlýtur þó ávalt að vera "hið fullkomna frelsi frjálshyggjunnar".

En þeir sem enn telja brotið á frelsi sínu til neyslu áfengis, þrátt fyrir dælustöðvar, munu þá í nafni "aukins frelsis" ganga enn lengra og berjast fyrir því að lagnir fyrir áfengi og bjór verðir lagðar í götur[ii] bæjarfélaga á Íslandi, á sama hátt og vatn, sími og rafmagn. Úr "gullkrönum" heimilanna mun þá streyma mjöður bruggaður af færustu meisturum. "Bjórböð" munu tröllríða þjóðinni, þegar kemst í tísku að "láta renna vel í karið", og njóta áfengisins í gegnum húðina hið ytra, fremur en drekka það eingöngu. Í stað vínbúða koma þá bjór- og vínböð.

Rökleysa og frasar stuðningsmanna

[Frelsispostular]

Halda fast í Hólmsteins von,
hans nú bulla drengir.
Viktor Orri Valgarðsson,
vínið frelsi tengir.

Sumir stuðningsmenn ógæfufrumvarpsins hafa sótt sér "rök" í smiðju Hannesar Hólmsteins Gissurarsonar sem oft hefur látið í ljós aðdáun sína m.a. á kenningum og "frelsisskrafi" John Stuart Mill. En Mill gekk út frá því að frelsi einstaklinga ætti að vera án takmarkana svo lengi sem hegðun þeirra skaðaði ekki aðra. Ekki verður þeim rökum beitt um neyslu áfengis. Enda hvílir þá sönnunarbyrðin á stuðningsmönnum frumvarpsins (og vilja breytingar) að sanna að drykkja einstaklinga sé og verði öðru fólki skaðlaus.[iii] Alvarleg afbrot, tengd áfengisneyslu, sýna að svo er ekki. Þvert á móti eru fjölmörg dæmi þess að fólk undir áhrifum áfengis valdi bæði sér og öðrum miklum skaða. Það er gömul saga og ný.

En einmitt þess vegna ættu menn að hafa vítin til varnaðar. Skynsemi manna krefst þess, nema því aðeins að ofsatrú frjálshyggjunnar hafi náð slíkum tökum á þeim að reynsla og rökrétt hugsun komist hvergi að. Lagasetning ríkisvaldsins um mál sem þetta hefur ekkert með "forræðishyggju" (einn af frösum frjálshyggjunnar) að gera heldur myndar nauðsynlegan ramma um efni sem reynst hefur mörgum afar skaðlegt. Að hleypa græðgi einkaaðila inn á þann markað er fráleitt. Ríkisvaldinu ber að tryggja öryggi fólks. Liður í því er að hindra sem best að áfengisdrykkja og drukkið fólk valdi öðrum skaða. Frasar frjálshyggjunnar mega ekki verða skynseminni yfirsterkari.

"Rökin" um minnkun umfangs ríkisins eru enn fremur afar frasakennd. Þegar svo háttar til að ríkiseinokun er á litlum markaði hníga nákvæmlega engin rök í þá átt að fela einkaaðilum viðkomandi starfsemi. Vítin ættu að vera til varnaðar í þeim efnum enda greiðir almenningur þá í raun bónusa og arð sem sömu einkaaðilar tæma út úr fyrirtækjunum, eftir að hafa fengið þau "fyrir lítið" oft og tíðum. Kostnaður almennings ríkur upp úr öllu valdi og þjónustan versnar í kjölfarið (útibúum lokað o.s.frv.). Þannig virkar einkaránsvæðingin á Íslandi.            

Einkarekstur á því aðeins rétt á sér að markaður sé nægjanlega stór og raunhæf samkeppni tryggð. Að færa ríkiseinokun til fjárglæframanna og einkaránsfólks er ekki leið að því marki. Í slíkum tilvikum er ríkinu (ríkisvaldinu) mun betur treystandi. Umboðsmenn auðs og áfengis átta sig e.t.v. á því síðar, þegar frasarnir hafa dofnað í hugskotinu og raunveruleikinn tekur við.
Höldum svo áfram að ræða um fjárglæfra, aflandsfélög og skattaskjól!



[i] http://www.afdc.energy.gov/fuels/ethanol_locations.html

[ii] Sjá einnig: http://www.dailymail.co.uk/news/article-3625489/Belgian-city-gets-BEER-pipeline-tipplers-crowdfunded-bottle-day-rest-life.html

[iii] Sjá einnig: https://www.ncbi.nlm.nih.gov/pmc/articles/PMC3547008/

 

 


Bréf til síđunnarRSS Fréttaveita

Frá lesendum

17. Júní 2018

Í FRAMHALDI AF OLÍFUVIĐAR-GREIN

Í framhaldi af grein þinni um Ólífuviðargrein þá er vert að rifja upp ferð Apolli 11 til tunglsins í júlí 1969. Merki ferðarinnar (Mission Emblem) var hannað af geimförunum sjálfum. Þeir komu upp með þá hugmynd að nota ameríska örninn og tunglferjan sjálf var kölluð "Eagle". Í lokafasa hönnunarferlisinu þótti geimförunum útlit arnarins vera of ...
Sveinn V. Ólafsson

7. Júní 2018

„SKILAR SÉR MEST TIL ŢEIRRA STĆRSTU"

Við sjáum lekinn ljótan
Þar lítið var um þref
gjaldlítinn gaf ´ún kvótann
ei Lilju fyrirgef.
Pétur Hraunfjörð

28. Maí 2018

LÍTIĐ MAĐUR SEGJA MÁ

Lítið maður segja má
orðin margir bera
sannleika að segja frá
sjaldan aðrir gera.
Málavexti þá muna skalt
ef margir á þig hlýða
Og ekki bæta í sárið salt
sem aðrir fyrir líða.
Pétur Hraunfjörð

19. Maí 2018

SVO ER ÖNNUR TEGUND FROĐUFRÉTTA

... Þakka pistilinn um daginn um hvernig fjölmiðlamenn forheimska opinbera umræðu um stjórnmál með að slá upp fyrirsögn um ýmis mál og með viðbótinni "segir stjórnmálafræðingur" í meginmáli. Í aðdraganda kosninga halda þeir sínu striki með þetta en bæta við annarri tegund froðufrétta sem felst í því að skrifa fyrirsögn hvern dag um hvort meirihlutar standi eða falli. Í meginmáli er síðan vísað til skoðanakannana. Sífelldar fréttir af skoðanakönnunum er sennilega einföld leið til að fylla síður blaða og framkalla uppgerða spennu í stað þess að taka til umfjöllunar viðfangsefni stjórnmála og mikilvægi almannaþjónustu fyrir lífskjör. Aukið vægi ...
Sigfinnur

18. Maí 2018

BARNAVERNDAR-MÁL EIGA BETRA SKILIĐ EN AĐ RÁĐIST SÉ GEGN EFTIRLITS-AĐILUM

Sæll Ögmundur. Takk fyrir góða og tímabæra grein þína um fréttaflutning af barnaverndarmálum. Ég var rétt í þessu að lesa einkar einkennilega grein eftir Auði Jónsdóttur á vef Kjarnans, en hún virðist ímynda sér að ábending þín í lok greinarinnar um möguleg tengsl blaðamanns Kjarnans og aðila sem barnaverndarmálum - að þarna sé að finna tengsl ekkert síður en annars staðar - sé megininntakið í umfjöllun þinni. Það er afskaplega undarlegur málflutningur, órökvís og óheiðarlegur, og mér finnst þessi mikilvægi málaflokkur eiga betra skilið en slíka útúrsnúninga. Maður veltir fyrir sér ...
Þorsteinn Siglaugsson 

16. Maí 2018

GETUR EKKI ORĐA BUNDIST

Var að lesa það sem félagi Einar Ólafsson ritar. Eg get ekki orða bundist: Að jafna einni skelfilegustu harðstjórn sem mannkynið hefur nokkru sinni upplifað við Evrópusambandið botna eg ekkert í. Evrópusambandið hefur verið byggt á grundvallarmannréttindum og að útfæra lýðræði á kannski eitthvað öðruvísi hátt en íhaldinu á Íslandi hugnast. Í mínum augum er fáni Evrópusambandisin tákn um betra lýðræði og aukin mannréttindi. Og að ala á tortryggni gagnvart því sem vel hefur verið gert skil eg ekki. Vilja menn þessa endalausu vitleysu með þennan efnahagsleik með ...
Guðjón Jensson

4. Maí 2018

MÁLAVEXTIR OG MĆĐRAHYGGJA

Ég þakka þér fyrir að greina frá allri þessari uppákomu í Velferðarráði varðandi hæfni Braga. Er það ekki rétt skilið að afskipti Braga snéru aðeins að því að amman fengi að umgangast barnabörn sín áður en hún dæi? Og eins og þú segir, hefði verið ámælisvert og vanræksla ef Bragi hefði ekki haft afskipti af því. Það hefur nú komið fram að ástæða hefur verið til að Barnaverndarstofi skipti sér af/komi með athugasemdir á starfsháttum barnaverndarnefnda á t.d. höfuðborgarsvæðinu í gegnum tíðina, eins og hefur komið fram í fjölmiðlum. Ég leyfi mér að vitna í eftirfarandi: "Í umræðu sem spannst um þessa lagasetningu og aðkomu mína að henni var ég harðlega gagnrýndur fyrir að draga taum mæðra - væri mæðrahyggjumaður eins og ...
Ari Tryggvason

15. Apríl 2018

SITT SÝNIST HVERJUM

Ögmundur minn kæri. Ég hefi nú um langt skeið ekki tjáð mig varðandi mál líðandi stundar. Ég get þó ekki orða bundist hversu harkalega öfl innan VG fara gegn Katrínu okkar Jakobsdóttur. Mér finnst helv hart hversu sú er við tók af þér og ég veitti brautargengi á sínum tíma fer grimmilega fram gegn okkar frábæra formanni og kann ég henni litlar þakkir fyrir. Auðvitað stöndum við öll gegn beitingu vopnavalds og ég tala nú ekki um beitingu efnavopna, en mér finnst aðallega vera mesti hávaðinn eftir að Trump og co fóru fram og eyðilögðu efnavopnaverksmiðjurnar, þessi háværu mótmæli voru ekki mjög svo í frammi þegar Rússar og stjórnvöld í Sýrlandi voru að berja á þjóðinni. ...
Óskar K Guðmundsson fisksali

14. Apríl 2018

UTANRÍKIS-NEFND ALŢINGIS TAKI AF SKARIĐ

Albert Jónsson fyrrverandi sendiherra og núverandi fréttaskýrandi RÚV, segir í fréttum að samkvæmt foringja NATÓ styðji Ísland árásirnar á Sýrland, það standi þar til annað verði sagt. Um þetta hlýtur utanríkismálanefnd Alþingis að greiða atkvæði þegar hún kemur saman eftir helgi - eða hvað?
Jóel A.

14. Apríl 2018

LÍĐUR STRAX BETUR EN SPYR SAMT HVORT ENGIN TAKMÖRK SÉU FYRIR RUGLINU

Mér líður strax betur eftir að hlusta á fréttir RÚV og Stöðvar 2 af árásunum á Sýrland.Trump skýrði fyrir okkur hvers vegna árásirnar voru nauðsynlegar og síðan komu Guðlaugur utanríkisráherra og Katrín forsætisráðherra og sögðust hafa skilning á árásinni, hún  hefði verið "víðbúin", sagði forsætisráherra. Albert Jónsson, fyrrverandi sendiherra mætti svo í fréttir til að segja að engin stórhætta væri á ferðum, árásarþjóðirnar ætluðu ekki að fara að blanda sér í átökin í Sýrlandi, það hefði aldrei verið vilji til þess af þeirra hálfu!!! En herskipin halda áfram að safnast við Sýrlandsstrendur og Trump segir að Bandaríkjamenn séu tilbúnir að halda árásum áfram. Hann talar fyrir hönd ríkis sem tekið hefur þátt í stríðinu og ausið milljörðum til stðunings leppherjum sínum ... Eru engin takmörk fyrir ruglinu? ...
Jóhannes Gr. Jónsson



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

10. Apríl 2018

Hrafn Magnússon skrifar: LEIFTURSÓKN FRÁ HĆGRI

Fyrir nokkru las ég bók Þorleifs Óskarssonar, sagnfræðings, um SFR, stéttarfélag í almannaþjónustu. Félagið hét reyndar SFR, starfsmannafélag ríkisstofnana, þegar ég gegndi framkvæmdastjórastörfum fyrir félagið á árunum 1973 til 1975. Bókin kom út í apríl á liðnu ári og er heiti hennar  „Saga baráttu og sigra í sjötíu ár". Bók Þorleifs er afar fróðleg og prýdd mörgum myndum. Ég hefði talið ákjósanlegt að nafnalisti væri aftast í bókinni, en tilvísanir, heimildir og myndaskrá eru hins vegar til fyrirmyndar.  Þá eru viðtölin við ýmsa fyrrverandi og núverandi forystumenn félagsins upplýsandi og gefa fyllri mynd af starfsemi SFR. Við lestur bókarinnar sakna ég þó þess að ekki sé getið um ...

13. Mars 2018

Jón Karl Stefánsson skrifar: VARĐANDI NEIKVĆĐA UMFJÖLLUN UM VANESSU BEELEY OG TIM ANDERSON

Eins og við mátti búast vakti fyrirlestur Vanessu Beeley ásamt útgáfu bókar Tim Andersons, Stríðið gegn Sýrlandi, sterk viðbrögð, bæði jákvæð og neikvæð. Einnig var viðbúið að viðbrögðin í neikvæðu áttina væru ekki efnisleg, heldur beint gegn persónum höfundar og þeirra sem buðu Vanessu til Íslands. Það er rétt að svara bæði þeirri gagnrýni sem komið hefur upp og einnig að lýsa stuttlega því sem kemur fram í bók Tims Andersons og einnig því sem ekki kemur fram þar, um tilgang útgáfunnar og þætti þýðenda í þessu öll saman. Bók Tims Andersons er mjög ítarleg, hvað heimildavinnu varðar. Þeir sem vilja ...

3. Febrúar 2018

Einar Ólafsson skrifar: ŢEGAR NÝJA MARKIĐ SÁ DAGSINS LJÓS

Takk Ögmundur fyrir frumkvæði þitt að fundinum í dag. Það var mjög athyglisvert að hlusta á Zoe Konstantopoulou. Þegar hún var að tala um Evrópusambandið og evruna kom mér í hug klausa úr gamalli norskri skáldsögu (gamalli eða ekki, hún kom út á æskuárum okkar). Einn merkasti rithöfundur Norðmanna eftir Ibsen og Hamsun var Jens Bjørneboe, lítt þekktur hér. Merkasta bók hans, að mér finnst, kom út árið 1966, Frihetens øyeblikk. Þorsteinn bróðir minn gaf mér hana í jólagjöf árið 1970. Eftir að ég las hana var ég ekki samur maður. Ég byrjaði að þýða hana ...

Slóđin mín:

Frjálsir pennar

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta