Greinar Júní 2009

ÞÖRF Á YFIRVEGUN


...Nú þurfum við að hugsa af yfirvegun. Ég trúi ekki öðru en að ná megi þverpólitískri samstöðu um framhaldið. Enginn má gefa sér fyrirfram niðurstöðuna. Eitt er víst: Við þurfum að leggjast í mikinn áróður fyrir Íslands hönd út í hinum stóra heimi. Við þurfum að segja að þjóðin sé reið og leið yfir því sem gerst hefur; að við viljum greiða það sem okkur ber; virða þjóðréttarlegar skuldbindingar okkar; fá aðstoð við að ná í fjármuni sem skotið hefur verið undan þannig að þeir sem misst hafa innistæður sínar fái þær greiddar. Við eigum einnig að segja að við ætlum að gæta að félagslegu réttlæti; að við ætlum ekki að láta sektarkennd þjóðarinnar snúast upp í þá andhverfu að reikningur vegna tapaðrar innstæðu í London eða Amsterdam verði sendur til innheimtu á göngudeildum Landspítala Íslands næstu áratugina...

Lesa meira

„HANN ER KOMMÚNISTI"


...Í fyrsta lagi kemur fram hjá fulltrúa Salt Investment að búið hafi verið "að ganga frá öllum endum" við fyrirtækið, þegar ég kom í heilbrigðisráðuneytið fyrr á þessu ári. Þetta eru athyglisverðar fréttir í ljósi þess að forveri minn í embætti þrætti jafnan fyrir að þessi hefði verið raunin. Það hefði enda verið umdeilanlegt ef ráðherra heilbrigðismála, sem óbeint er tengdur eigendum Bláa lónsins hefði verið að skipuleggja heilbrigðisstarfsemi á vegum fyrirtækis sem Lónið er hluthafi í. Hitt sem er til umhugsunar er hverja kynningu ég hef fengið hjá umboðsmönnum Otto Nordhus, sem Morgunblaðið segir norskan stofnanda "einkarekna heilbrigiðfyrirtækisins Nordhus Medical." Þetta fyrirtæki er að hasla sér völl í viðskiptum með heilbrigðisþjónustu...

Lesa meira

HÆÐST AÐ LÝÐRÆÐINU


Ekki held ég að á annað hundrað starfsmenn stofnana heilbrigðisráðuneytisins skrifi upp á boðskap Staksteina Morgunblaðsins í dag. Þar hæðist ritstjóri blaðsins að lýðræðislegum vinnubrögðum í heilbrigðisráðuneytinu við endurskipulaginngu og fjárlagagerð. Á fundinum voru frjóar og gjöfular umræður og ríkur vilji til að skoða starfsemi á vegum ráðuneytisins á gagnrýninn hátt með það fyrir augum að stuðla að markvissari vinnubrögðum og sem bestri nýtingu fjármuna. Allir vildu gagnsæ og lýðræðilsega vinnubrögð. Ekki tilskipunaraðferðafræði...Menn vita sem er að það vinnulag hefur ekki bara skilað okkur efnahagshruni. Í opinberri stjórnsýslu hefur uppskeran verið óánægja og árangursleysi. Líka við fjárlagagerð, gagnstætt því sem Morgunblaðið ætlar. Þannig skilar Sjálfstæðisflokkurinn...

Lesa meira

Í BOÐI BSRB


...Að þessu sinni er það Ingiberg Magnússon sem sýnir verk sín. Þóra Einarsdóttir, óperusöngkona, söng sig inn í hjörtu allra viðstaddra við undirleik Önnu Guðnýjar Guðmundsdóttur. Þær voru klappaðar upp og fengu mikið lof. Það gerði líka Einar Már Guðmundsson, rithöfundur sem fór á kostum, mælti ljóð af munni fram, las úr verkum sínum, og talaði við samkomugestina. Í næstu viku kemur út ný bók eftir Einar Má sem heitir Hvítbók. Mér kæmi ekki á óvart að flestir viðstaddra hafi hugsað til þess að ná í hana volga ... Að lokinni dagskrá bauð BSRB upp á veitingar sem voru listilega framreiddar af Stefaníu Óttarsdóttur...

Lesa meira

MENNING Í MUNAÐARNESI


Laugardaginn 20. júní  verður efnt til hefðbundinnar Menningarhátíðar BSRB í Munaðarnesi. Tilefnið er opnun málverkasýningar Ingibergs Magnússonar. Við opnunina mun Einar Már Guðmundsson, rithöfundur,  lesa úr verkum sínum og Þóra Einarsdóttir, óperusöngkona syngur við undirleik Önnu Guðnýjar Guðmundsdóttur. Mér hlotnast sá heiður að stýra hátíðinni  sem venju samkvæmt hefst  klukkan 14 og stendur í um klukkustund en þá er boðið upp á veitingar. Allir eru velkomnir og er ...

Lesa meira

FULLVELDIÐ, LÝÐRÆÐIÐ OG FRELSIÐ


Ég óska lesendum síðunnar gleðilegrar þjóðhátíðar. Megi dagurinn verða okkur tilefni til að íhuga allt það góða og jákvæða sem við sem þjóð höfum fengið áorkað. Íslendingar búa yfir frjóum og gjöfulum meninngararfi. Við skulum leggja rækt við hann sem aldrei fyrr því menningin eflir með okkur samstöðu og baráttuþrek; viljann til framfara.
Á síðustu öld byggðum við upp grunn að öflugu velferðarsamfélagi á Íslandi. Þann grunn þarf nú að verja. Það gerum við aðeins í sameiningu. Til þess þurfum við að geta ráðið ráðum okkar sjálf. Við þurfum sjálfstæði til ákvarðana og athafna. Það er kjarni fullveldisins. Nú er vegið að fullveldi Íslendinga. Við ráðum okkur sjálf aðeins að takmörkuðu leyti....

Lesa meira

MEÐ ÞJÓÐARHAG AÐ LEIÐARLJÓSI


Ráðherrar Sjálfstæðisflokksins "sömdu" okkur út í hafsauga í Icesave deilunni síðastliðið haust. Ýmsir lögfræðingar og þjóðréttarfræðingar hafa alla tíð sagt að ekki hafi verið um eiginlegan samning að ræða heldur yfirlýsingu sem þvinguð var fram á upplausnarstundu - auk þess sem hún byggði ekki á lýðræðislegum vilja. Síðan hefur verið reynt að ná betri niðurstöðu. Slík niðurstaða er nú til umræðu á Alþingi og í þjóðfélaginu. Ekki er vitað hvaða afstöðu Sjálfstæðismenn á Alþingi koma nú til með að taka. Ég geri ekki kröfu til þess að þingmenn Sjálfstæðisflokksins máti sig við sínar fyrri gjörðir þótt óneitanlega væri trúverðugt að þeirra væri minnst í málflutningi. Reyndar geri ég enga kröfu á Sjálfstæðismenn sem eina hjörð. Nú ber einmitt hverjum og einum, sjálfum, að taka afstöðu til þessa máls á grundvelli mjög vel ígrundaðra raka. Hrunið byggði á hjarðhugsun. Hún reyndist vera leið til glötunar. Nú er þjóðarhagur í húfi. Menn hafa spurt hvort ...

Lesa meira

Á SEÐLABANKINN AÐ ÞJÓNA FÓLKI EÐA FJÁRMAGNI?


...Hvað á Sigríður Ingibjörg Ingadóttir við? Telur hún að samhengi sé á milli þess að draga úr útgjöldum til Landspítala og að lækka stýrivexti? Fróðlegt væri að fá á þessu nánari skýringu. Einnig hvað hún á við þegar hún stillir upp sem andstæðum "faglegum" og "pólitískum"  forsendum fyrir vaxtaákvörðunum: "Við getum vissulega haft okkar skoðanir á þeim ákvörðunum sem teknar eru í Seðlabankanum en það er einnig mikilvægt að þær ákvarðanir séu teknar á faglegum forsendum en ekki pólitískum. .."Þarf þingkona Samfylkingarinnar ekki að skýra nánar fyrir skuldsettum heimilum og fyrirtækjum, sem ramba á barmi gjaldþrots, hvað hún á við?
Bjarni Benediktsson
, formaður Sjálfstæðisflokksins, hefur uppi sam konar málflutning og segir mig sem ráðherra þurfa að þola ...

Lesa meira

Frá lesendum

HVERS VEGNA UMPÓLAÐIST VG?

Ég er hrygg og döpur yfir því hvernig VG hefur umpólast í orkumálunum. Flokkurinn barðist gegn markaðsvæðingu orkunnar en var einangraður, nánst einn á báti, en nú þegar ná mætti breiðari samstöðu og flokkurinn auk þess í ríkisstjórn þá fylkir hann sér undir merki markaðsvæðingarsinna og talar meira að segja ákaft fyrir málinu. Svo lærir lengi sem lifir!
Sunna Sara

Lesa meira

SKIPTIR VG UM NAFN?

Mér finnst ágæt hugmyndin sem nefnd er í grein þinni um hvernig þú myndir einkavæða raforkuna varðandi nafnabreytingu á Vinstrihreyfingunni grænu framboði. Það væri markvissara og betur lýsandi að stytta nafnið þannig að flokkurinn héti einfaldlega Hreyfingin framboð. Skammstöfunin yrði ekki síður upplýsandi. Ég hef til þessa alltaf stutt VG en nú er mér öllum lokið og spyr hvað er til ráða?
Jóhannes Gr. Jónsson 

Lesa meira

EKKI LJÓST HVAÐ EIGI AÐ UPPLÝSA

Sæll Ögmundur. Ég rakst á eftirfarandi athugasemd við pistil um 3. orkupakkann, frá einhverjum sem nefnir sig Húsara, á flandri mínu um netheima, þar sem spurt er góðra og gildra spurninga og þar sem ég tel að þú sem innanríkisráðherra helferðarstjórnarinnar ættir að geta svarað þeim ... og ættir að svara þeim, þá sendi ég þér athugasemdina, með óskum um svör frá þér: "Það væri fróðlegt að vita hvaða nauðir rekur íslensk stjórnvöld til að reka trippin svo rösklega; leitun á öðru eins niðurbroti þeirra í nokkru máli. Hversu oft höfum við ekki séð þessa gjá milli ...
Jón Jón Jónsson

Lesa meira
Allt Frá lesendum

Fréttabréf

 

Frjálsir pennar

Kári skrifar: BREYTINGAR Á ÍSLENSKUM LÖGUM VEGNA ORKUPAKKA 3

... Ég velti fyrir mér hvort sagnfræðingurinn Guðni Th. Jóhannesson, forseti, hafi velt fyrir sér afleiðingum þessa fyrir íslenskan efnahag, raforkuverð og náttúruvernd. Það er sláandi að lítið sem ekkert heyrist í ýmsum forystumönnum náttúruverndar á Íslandi um þetta mál. En Alþýðusamband Íslands hefur gengið á undan með góðu fordæmi og lýst andstöðu við þriðja orkupakkann. Það var skorinorð og skynsamleg afstaða, enda fjarri því að launafólk á Íslandi komi til með að njóta þess í bættum kjörum að auðlindir landsins verði gerðar að fóðri fyrir braskara ...

Lesa meira

Þórarinn Hjartarson skrifar: ÞJÓÐIN MÍN ER SKYNSÖM

... Alþingismenn upp til hópa, allir nema þingmenn Miðflokks og Flokks fólksins, segja okkur að leiða beri pakkann í lög. Þeir ætla bersýnilega ekkert að sinna þjóðarviljanum í þessu máli. Katrín ræðir málið við norsku Ernu Solberg og pöntuð er sameiginileg yfirlýsing með EFTA-ríkjunum tveimur um að pakkinn skerði ekki fullveldi þeirra. Norska þingið samþykkti einmitt pakkann í fyrra í grófu trássi við vilja þjóðarinnar. Allir sérfræðingarnir sem RÚV og Fréttablaðið vitna í, allir, segja að pakkinn hafi lágmarksáhrif, en afar brýnt sé að samþykkja hann. Svo er pantaður úrskurður frá forseta EFTA-dómstólsins ... 

Lesa meira

Kári skrifar: INNLEIÐING ORKUPAKKA 3 KEMUR ÍSLENSKUM NEYTENDUM AÐ ENGU GAGNI EN ÞJÓNAR HAGSMUNUM FJÁRGLÆFRAMANNA

Eftir að hafa horft á Silfrið á RUV í morgun er betur ljóst en áður að sumir þingmenn leggja mjög sérkennilegan skilning í hugtökin „neytendavernd“, „samkeppni“ og „frjáls markaður“. Sumt af þessu fólki virðist telja að það sé á sama tíma hægt að markaðsvæða og stjórna því hver fær að keppa á sama markaði. Rétt að fólk geri sér ljóst, að eftir að búið er að samþykkja ákveðna markaðsvæðingu, með innleiðingu tilskipana og reglugerða þar að lútandi, gilda reglur Evrópuréttar um viðkomandi starfsemi. Það er ekki hægt á sama tíma að gangast undir ákveðnar reglur en ætla sér líka að hafa fulla stjórn á málum eftir að reglurnar hafa verið innleiddar. Þannig virkar þetta ekki ... 

Lesa meira

Jón Karl Stefánsson skrifar: TÖLVUPÓSTAR HILLARY CLINTON UM LÍBÝU

Hillary Rodham Clinton er, ásamt Nicholas Sarkozy fyrrverandi Frakklandsforseta, sá stjórnmálamaður utan Líbýu sem á mestan heiður, eða mestu sök, á því að koma af stað þeirri styrjöld sem ríkti í landinu árið 2011 og því ástandi sem nú ríkir  þar. Hún átti frumkvæði að því að láta loka sendiráði Bandaríkjanna í Líbýu 25. febrúar og strax í kjölfarið að  þrýsta á stjórnmálamenn á heimsvísu að samþykkja ályktun Öryggisráðs SÞ númer 1970 sem fólst í refsiaðgerðum gegn Gaddafi og ríkisstjórn Líbýu. Þann 28. febrúar 2011 lýsti hún því yfir í Genf í Sviss fyrir framan hóp evrópskra kollega sinna að ...

Lesa meira

Þórarinn Hjartarson skrifar: GELDING STJÓRNMÁLANNA OG TVÍSKIPT ELÍTA

Í orkupökkunum er fjórfrelsi ESB innleitt í íslenska orkugeirann og þær reglur ýta til hliðar íslenskri orkulöggjöf. Í lögum sem afnema frystiskyldu á hráu kjöti er fjórfrelsið líka innleitt og ýtir til hliðar íslenskum fyrirvörum og íslenskri matvælalöggjöf. Íslenska stjórnmálastéttin er sameinuð um þetta að undanateknum Miðflokknum (og Flokki fólksins í orkupakkamáli). Í utanríkismálum undafarin ár hefur íslenska stjórnmálastéttin verið algerlega sameinuð í einni blokk: í refsiaðgerðum BNA og ESB gegn Rússum, flugskeytaárásum BNA & co á Damaskus, NATO-æfingunni Trident Juncture á Íslandi ...

Lesa meira
Allt Frjálsir pennar