Greinar 2010

LESENDUR DV EIGA BETRA SKILIÐ!

Birtist í DV 25.01.10.
DVEinhvern veginn finnst mér að lesendur DV eigi annað og betra skilið í umfjöllun um Icesave en greinar blaðamannanna Jóhanns Haukssonar og Vals Gunnarssonar á undanförnum vikum. Í stað málefnalegrar greiningar eru endalausir palladómar um einstaklinga og stjórnmálaflokka. Innihaldsrýrir, en þeim mun rætnari. Sjálfur hef ég fengið vel útilátna skammta...Hvernig væri nú til tilbreytingar að reyna sig við málefnalega umræðu um Icesave og alla vega gera tilraun til að ...

Lesa meira

ÍSLENDINGAR VIRKJA VELVILJANN


Íslendingar berja sér á brjóst fyrir viðbraðgsflýti við hjálparbeiðni frá Haiti vegna hörmunganna í kjölfar jarðskjálfta. Ég tek þátt í brjóstkassabarsmíð.  Ég er stoltur að hugsa til þess að Íslendingar voru í hópi þeirra sem voru fyrstir að taka við sér þegar ógæfan reið yfir. Mér þykir líka vænt um að lesa frásagnir af því hve vel okkar fólk hefur staðið sig í björgunarstarfi við erfiðar aðstæður. Þakkir til allra hlutaðeigandi, viðbragðsskjóts utanríkisráðuneytis, björgunarsveita, hjálparstofnana...Fáum þar auk þess ágætan og sannsöglan spegil á eigið hlutskipti. Hollt fyrir okkur -  um leið og við ...

Lesa meira

EKKI SÚ RÉTTVÍSI SEM BEÐIÐ ER EFTIR


...Þegar skrifstofustjórn Alþingis tók ákvörðun um kærur með kröfum um refsingar og  fangelsisdóma síðastliðið haust mótmælti ég. Taldi þetta ósanngjarnt, óráðlegt, nánast heimskulegt. Við yrðum að horfa á aðstæður. Spyrja, hvers vegna allur þessi hugaræsingur og ofsi? Svörin blöstu við. Á þessum tíma var það að renna upp fyrir fólki að Ísland hafði verið svikið. Og blóðið ólgaði. Fólk greip til aðgerða sem það að jafnaði gerir ekki - og eru óafsakanlegar undir öllum venjulegum kringumstæðum. Svo leið tíminn. Flestir héldu að málið væri dautt. Slasað fólk hefði fengið bætur. Helst ríflegar. En viti menn. Nú reis "Réttvísin" úr rekkju. Steig framúr. En ekki sú réttvísi sem beðið var eftir.
Í þjóðfélaginu er nefnilega spurt...

Lesa meira

LOFSVERT FRAMTAK GUNNARS SIGURÐSSONAR


...Það er fólgin von í öllu því fólki sem er tilbúið að berjast fyrir betra Íslandi. Í þeirri baráttu dugir engin værukærð. Það þarf að hrista upp í íslensku þjóðfélagi. Sá er blindur sem ekki kemur auga á það. Við eigum enn eftir að losa okkur við hugsunarhátt útrásartímans; braskið og spillingin ríður enn húsum í fjármálaheiminum og víðar í atvinnulífi. Þessu útrýmum við ekki með löggjöf og reglugerðum einum saman heldur með því að breyta hugarfari í þjóðlífinu, tíðarandanum. Að því vill Gunnar Sigurðsson stuðla með mynd sinni....

Lesa meira

FERSKIR ERU LÝÐRÆÐISVINDARNIR


...Ef við ætlum hins vegar að treysta á forræðishyggjuna - "góðu" stjórnmálamennina - til að passa upp á okkur, og hættum að hugsa sjálf, þá erum við dæmd til að tapa. Bæði vegna þess að "góðu" stjórnmálamennirnir eru ekki alltaf við völd og svo er hitt, að "góðu" stjórnmálamennirnir geta stundum gert slæma hluti....Sannast sagna finnst mér stórundarlegt - og kemur mér á óvart  hve djúpum rótum forræðishyggjustjórnmál virðast standa í íslenskri pólitík - sú hugmynd, að stjórnmál snúist um fagmennsku; kunnáttu á því að hafa vit fyrir öðrum...

Lesa meira

LÝÐRÆÐI ER GRUNDVALLARRÉTTUR


...

Á daginn hefur komið að dráttur á málinu gæti komið okkur vel, það er að segja, ef við nýtum þann byr sem við höfum erlendis og gerum allt sem í okkar valdi stendur til að styrkja stöðu okkar með öflugu kynningarátaki. Ég var ekki einn um þessa skoðun. Svo mikil var óánægjan í þjóðfélaginu með niðurstöðu þingsins að fjórðungur atkvæðisbærra manna í landinu mæltist til þess við forseta Íslands að hann yrði við áskorunum um þjóðaratkvæðagreiðslu. Samkvæmt stefnu VG hefði ekki þurft forsetann til sem millilið því samþykktir flokksins kveða á um að þetta hátt hlutfall kjósenda eigi að geta krafist þjóðaratkvæðagreiðslu milliliðalaust....

Lesa meira

UM LÝÐRÆÐI OG FORGANGSRÖÐUN Í STJÓRNMÁLUM


... Annars vil ég sérstaklega vekja athygli á ítarlegu viðtali við Einar Guðmundsson, lækni, í Silfri Egils í dag. Einar talaði með lýðræðinu, gegn forræðishyggjunni, með virðingu fyrir samferðarfólki, gegn foringjadýrkun, með málefnalegri umræðu gegn klisjutali. Hann var sannast sagna kyngimagnaður. Hann sagði að á Íslandi hefðum við farið illa með lýðræðið. Við þyrftum að vanda okkur betur. Stjórnmálamönnum hætti til  að forgangsraða í eigin þágu en ekki alamnnahags. Fyrst kæmu þeir sjálfir, síðan fokkurinn, síðast kæmi þjóðin. Þetta ætti að vera öfugt. Einar sagði...

Lesa meira

JÓHANN HAUKSSON OG FAÐMUR SIÐMENNINGARINNAR


...Jóhann studdi mál sitt nýlegri speki frá Guðmundi Ólafssyni, hagfræðingi. Þeir félagar segja að Icesave lausnin rúmist í tveimur setningum: 1) Íslendingar borga. 2) Ef Íslendingar geta ekki borgað, þá borga þeir ekki. Hvað þá? Jú, þá hvílum við, samkvæmt Jóhanni, í faðmi siðmenningarþjóðanna. Einhvern veginn þannig var þetta orðað. Þeim Guðmnundi og Jóhanni virðist ekki umhugað um að Icesave-deilan sé leyst á grundvelli réttarríkis og sanngirni. Þetta er í ætt við málflutning þeirra sem segja að öllu skipti að klára málið - svo reddum við þessu seinna. Það verði örugglega eitthvað gert fyrir okkur í Brussel seinna. Þetta er ekki bara kúlulánahugsun frá 2007, heldur er þetta líka ...

Lesa meira

SAMSTÖÐU UM MÁLSTAÐ!

Birtist  í DV 11.01.10.
DV...Þetta skilja náttúruunnendur í Evrópu. "Ég gleymi aldrei hverasvæðunum og kraftinum í Dettifossi", skrifaði mér Hollendingur um daginn eftir að heyra viðtal við mig í hollenskri útvarpsstöð.  Þegar Bretum og íbúum meginlandsins er bent á að málið snerti okkur öll, alla þá sem annt er um dýrmætar náttúruperlur, sem við sameiginlega viljum vera gæslumenn fyrir, þá breytist tónninn. Enn einn vinkillinn eru áhyggjur manna yfir gölluðu regluverki fjármálakerfisins ....Þessa stöðu verðum við að nýta okkur...

Lesa meira

MÁLSTAÐUR ÍSLANDS STYRKIST


Egill Helgason

mætti með Silfur sitt á RÚV á sunnudag og færði okkur sjónarmið málsmetandi einstaklinga erlendis sem nú stíga fram hver á fætur öðrum og bera brigður á greiðsluskyldu Íslendinga í Icesave. Í þessum hópi eru Alain Lipietz, sem sæti hefur átt á Evrópuþinginu og Michael Hudson, prófessor við Missuori háskólann í Bandaríkjunum. Eva Joly, góðvinur Íslands var einnig í þættinum í útsendingu frá París en hún hefur haldið fram svipuðum sjónarmiðum. Þetta er í ætt við það sem Íslendingar hafa sjálfir haldið fram og er að finna í ...

Lesa meira

Frá lesendum

ÍSLAND ER LAND ÞITT, ÞVÍ ALDREI SKAL GLEYMA …

… sem afhendir, ríkasta hluta þjóðarinnar auðlindir sínar á hverju hausti. Ísland er landið þar sem Skattsvikarar eru gerðir að Fjármálaráðherra og Forsætisráðherra. Ísland er land þar sem utanaðkomandi Seðlabankastjóri stakk uppá því að farið væri í að finna þýfið úr hruninu, en í staðinn var boðið uppá afslátt af gengi ef þýfið væri flutt heim. Ísland er landið þar sem einn af hugmyndasmiðum hrunsins og aðalráðgjafi Gamma var gerður að  ...
Monsieur le docteur Ralph

Lesa meira
Allt Frá lesendum

Fréttabréf

 

Frjálsir pennar

Jón Karl Stefánsson skrifar: UMSÁTRIÐ UM SIRTE: LOKAHNYKKUR NAUÐGUNARINNAR Á LÍBÍU

Oftast er dauði Muammars Gaddafis afgreiddur á svipaðan hátt og stríðið í Líbíu árið 2011. Á íslensku Wikipedia segir til dæmis: „Stjórn Gaddafi var steypt af stóli og Gaddafi flúði til Sirte en var þar handsamaður og drepinn af uppreisnarmönnunum“. Miðað við frásögn sem þessa mætti ætla að Gaddafi hafi falið sig fyrir almenningi, en hafi náðst og þá var sagan öll. En þetta er ævintýri. Hér verður rakinn hinn raunverulegi aðdragandi dauða Gaddafis og endaloka Jamahiriya stjórnarinnar í Líbíu. Notast er við fréttaskot frá ...

Lesa meira

Þórarinn Hjartarson skrifar: TYRKNESKUR ÞJÓÐRÉTTARGLÆPUR OG KÚRDÍSKAR VILLIGÖTUR

... Margir þeir aðilar sem fordæma innrásina „harma“ samtímis „brottköllun“ Trumps á bandarískum hersveitum við norðurlandamæri Sýrlands og boðað frekara brotthvarf herja þaðan. Margir þeir aðilar sem mótmæla nú, m.a. stjórnvöld Íslands, studdu loftskeytaárásirnar á Damaskus í fyrra og hafa aldrei mótmælt neinu í hernaðinum gegn Sýrlandi öðru en árásunum á Kúrda. Staðan í Norður-Sýrlandi er ekkert einföld. Fréttablaðið slær upp dag eftir dag: „Sýrlenski stjórnarherinn berst með Tyrkjum gegn Kúrdum.“ Það er mikill misskilningur. Ekki er um að ræða Sýrlandsher heldur leifar af hryðjuverkaher á snærum Tyrkja ...

Lesa meira

Kári: VALDHEIMILDIR ESB OG ORKUMÁL

... Þegar Evrópusambandið, og aðildarríki þess, „deila valdheimildum“ (shared comptetence) þá missa aðildarríkin jafnframt valdheimildir sínar [competence] til þess að setja lög og taka ávarðanir á viðkomandi sviði, þegar Evrópusambandið ákveður að setja reglur (reglugerðir, tilskipanir). Af þessu er strax ljóst að ríki heldur ekki áfram fullu valdi á sviði sem fellur undir „shared competence“ [eins og orka gerir eftir Lissabon-sáttmálann]. Í stuttu máli merkir það að tveir aðilar [ESB vs. aðildarríki] deila rétti til þess að setja lög og taka ákvarðanir á ákveðnum sviðum, en Evrópurétturinn er þó ríkjandi [kjósi Evrópusambandið að aðhafast ...

Lesa meira

Þórarinn Hjartarson: STRÍÐSÖFLUNUM MIÐAR BETUR Í NORÐRI EN SUÐRI

Átökin um hnattræn yfirráð nú um stundir einkennast annars vegar af mikilli alhliða drottnunarstöðu Bandaríkjanna og NATO-blokkarinnar – sem í krafti stöðu sinnar kalla sig „alþjóðasamfélagið“ – og hins vegar af hnignandi stöðu sömu blokkar. Efnahagsleg hnignun hennar (undanhald í keppninni um heimsmarkaðinn) samfara miklum hernaðaryfirburðum leiðir af sér þá miklu árásahneigð sem hún sýnir (sérstaklega Bandaríkin). Helstu stríð og stríðsógnir nútímans eru frá þessari blokk komnar, undir bandarískri forustu. Á 21. öldinni hafa ...

Lesa meira

Kári skrifar: ÍSLENSKT ÞJÓÐFÉLAG Í HELGREIP MAFÍUSTARFSEMI? - BANKAKERFI OG AUÐLINDIR - ORKUPAKKI 4

Þegar rætt er um orkumál þjóðarinnar er nauðsynlegt að gera það í alþjóðlegu samhengi – sem hluta af alþjóðlegri hagsmunabaráttu. Einn af verstu göllum Evrópusambandsins er mikill „frjálshyggjuhalli“ á ákveðnum sviðum. Hann birtist m.a. í afstöðu sambandsins til markaðsvæðingar og einkavæðingar.
Í stuttu máli felur markaðsvæðing í sér að ákveðin starfsemi er opnuð upp á gátt fyrir bröskurum og fjárglæframönnum, enda eru það þeir hópar sem helst hafa pólitísk sambönd, aðgang að fjármagni og geta nýtt sér tækifærin sem ...

Lesa meira

Jón Karl Stefánsson skrifar: BANDARÍKIN FÆRA HEIMINN NÆR KJARNORKUVETRI, OG ÍSLAND HJÁLPAR TIL?

Þann 20. október 2018 tilkynnti forseti Bandaríkjanna að Bandaríkin myndu hverfa frá samningi um banni við skamm- og meðaldrægum kjarnorkuvopnum, eða INF samningnum svokallaða, sem Bandaríkin og Sovétríkin höfðu skrifað undir árið 1987. Bandaríkin riftu samningnum þann 1. febrúar s.l. og strax daginn eftir fylgdi Rússland á eftir. Bandaríkin véku formlega frá samningnum 2. ágúst s.l. Vopnauppbyggingin er þegar hafin ...

Lesa meira
Allt Frjálsir pennar