Greinar Júlí 2012

KOSNINGALÖGUM VERÐUR BREYTT!

Birtist í Fréttablaðinu 30.07.12.
Fréttabladid hausÖryrkjabandalag Íslands lét reyna á það í kæru til Hæstaréttar hvort ógilda bæri nýafstaðnar forsetakosningar þar sem fatlaðir kjósendur hefðu ekki getað haft aðstoðarfólk að eigin vali sér til aðstoðar í kjörklefanum. Nú hefur Hæstiréttur hafnað kröfunni og þar með staðfest túlkun Innaríkisráðuneytisins á kosningalögunum.
Það breytir því ekki að ég tel baráttu Öryrkjabandalags Íslands reista á réttmætum forsendum eins og fram kom í yfirlýsingu sem ég sendi frá mér 28. júní síðastliðnum áður en forsetakosningin fór fram. Þar kemur fram hvernig á því stendur að lögum hafði ekki verið breytt og...

Lesa meira

FJÖLMIÐILL ÍSLANDS

Lára Hanna

Við erum lítið land og fámenn þjóð og í fámenninu reynir meira á einstaklinginn en í margmenninu. Við eigum ekki Spiegel, Le Monde eða Financial Times. En við eigum Láru Hönnu Einarsdóttur. Aftur og aftur hefur hún sannað sig sem afburðafréttakona eða eigum við að segja fréttamiðill. Því það er hún. Þessar fáu línur eru þakkir fyrir góða frammistöðu jafnframt því sem hér eru...

Lesa meira

MEÐ SKÁTUM Á ÚLFLJÓTSVATNI

úlfljótsvatn 1

... Skátar hafa búið vel um sig á Úlfljótsvatni. Á svæðinu, sem þeir hafa til ráðstöfunar, hefur átt sér stað mikil uppbygging og er aðstaða öll til fyrirmyndar. Umhverfið býður upp á mikla möguleika, í Úlfljótsvatni er góð silungsveiði og að auki skemmtilegt að fara út á vatnið á bátum sem þarna voru margir, Úlfljótsfjallið býður upp á fjallgöngur og gönguleiðir aðrar eru margar. Með skátamótinu rís síðan heilt þorp og var greinliegt að allt var þar vel skipulagt og þaulhugsað. Okkur var sagt að ákveðið hefði verið að ...

Lesa meira

FUNDAÐ OG FRÆÐST Á KÝPUR

Kypur

Ráðherrar aðildarríkja Evrópusambandsins svo og ráðherrar ríkjanna sem aðild eiga að Evrópskra efnahagssvæðinu - Íslands, Noregs og Liechtenstein - koma reglulega saman til að ráða ráðum sínum í aðskiljanlegum málaflokkum í því ríki sambandsins sem hverju sinni fer þar með formennsku.
Að þessu sinni er formennskan hjá  Kýpur. Sótti ég tvo slíka ráherrafundi sem haldnir voru nánast hvor á fætur öðrum í Nikósiu, höfuðborg Kýpur eða Lefkósíu eins og hún í reynd heitir, annars vegar ráðstefnu sem samgöngu- og fjarskiptaráðherrar sátu og hins vegar dómsmálaráherrar. Fundirnir voru fróðlegir og gagnlegir því til umræðu voru málefni sem snerta okkur Íslendinga. Á fyrri fundinum voru...

Lesa meira

VILJUM VIÐ RJÚFA KYRRÐ ÖRÆFANNA?

Birtist í Sunnudagsmogganum 22.07.12.
Mgginn - sunnudags...Hingað til hafa Íslendingar glaðst yfir því að fá fleiri ferðamenn með hverju árinu. Kannski er kominn tími til að hugsa meira um gæði en magn og að landinu verði hlíft eins og kostur er. Þetta krefst jafnvægislistar. Annars vegar er að varðveita hið ósnotna, hins vegar að nýta náttúruna í atvinnuskyni. Ef við ekki gerum það gera það aðrir. Og okkar hlutskipti verður hráefna-nýlendunnar. Kannski er það ekkert sérstaklega snjallt að fá erlendan auðjöfur til að byggja risahótel á Grímsstöðum á Fjöllum til að geta selt öllum þúsundunum, sem þangað koma, einsemdina í Herðubreiðarlindum - kyrrð öræfanna, sem okkur hefur hingað til þótt svo mikilvægt að varðveita...

Lesa meira

HVATNING TIL AÐ SKRÁ SIG Á FRÉTTABRÉF

Heimasíða Ogmundar - haus

Nýlega sendi ég út Fréttabréf eftir langt hlé. Í þessu Fréttabréfi voru skrif á síðunni síðustu vikur. Hugmyndin er hins vegar sú að senda út Fréttabréfið miklu tíðar eins ég gerði áður. Ég hvet lesendur síðunnar til að skrá sig á áskrifendalista svo þeir fái Fréttabréfin send reglulega og hin sem eru á listanum og mótfallin því að fá slíkar sendingar afskrái sig. Þetta á allt að vera hægt að gera á síðunni...

Lesa meira

MANNRÉTTINDADÓMSTÓLINN TÖKUM VIÐ ALVARLEGA

Birtist í DV 18.07.12
DV...Ljóst er að endurskoða þarf löggjöf sem snýr að tjáningarfrelsinu. Það verk er reyndar vel á veg komið. Hvað tjáningarfrelsið varðar var stórt skref stigið með nýjum fjölmiðlalögum. Dómsmálin tvö sem hér um ræðir voru til lykta leidd á grundvelli ákvæða í eldri lögum sem nú hafa verið felld úr gildi. Ný fjölmiðlalög hafa breytt stöðu mála og eins og ráða má af greinargerðinni sem fylgdi frumvarpinu til fjölmiðlalaga, höfðu mál blaðakvennanna tveggja áhrif á að reglur um ábyrgð á miðlun efnis í gegnum fjölmiðla var skýrð. Meiðyrðalöggjöfin er nú til endurskoðunar og er mikilvægt að sú vinna taki mið af niðurstöðum Mannréttindadómstólsins. Það er þó ekki nóg að regluverkið sé í lagi. Beiting þess og túlkun skiptir engu minna máli. Þetta snýr að því sem kallað hefur verið "andi laganna." Samkvæmt niðurstöðu Mannréttindadómstólsins hafa íslenskir dómstólar túlkað lögin of þröngt og mættu þeir að hans mati vera rýmri í andanum ef svo má að orði komast. Þetta er nokkuð sem dómstólar okkar og réttarkerfið...

Lesa meira

PAVEL BARTOSZEK SVARAÐ

Birtist í Fréttablaðinu 16.07.12.
Fréttabladid hausNokkuð er um liðið síðan Pawel Bartoszek beindi til mín spurningum sem snúa að fjárhættuspilum og þá sérstaklega á Netinu. Málefnið er brennandi og brýnt að um það fari fram umræða á opinberum vettvangi. Þess vegna er miður hve dregist hefur að svara, auk þess sem Pawel á að sjálfsögðu rétt á svörum. Hann birti grein í Fréttablaðinu 23. mars þar sem hann víkur meðal annars að tölum um hversu miklu er eytt í fjárhættuspil á Netinu en ég hef nefnt töluna 1,5 milljarða króna í því samhengi. Finnur hann að þessari fjárhæð og telur hana ágiskun...

Lesa meira

GEGN ÓBILGIRNI OG ÖFGUM

Illugi II

...Fyrst Illugi Jökulsson lætur svo lítið að skrifa mér opið bréf þá langar mig til að biðja hann að sýna mér þann sóma að hlaupa yfir þrjú sýnishorn af innlegi sem frá mér hefur komið um trúmál og lífsskoðunarfélög á síðustu misserum. Þar kem ég m.a. inn á það sem ég kalla trúvæðingu samfélagsins og hvernig sporna megi við henni. Það sem fyrir mér vakir er að styrkja hófsemdaröfl en hvorki ofsatrúarmenn né ofsafengna trúleysingja. Þeir finnst mér ekki vera til eftirbreytni...

Lesa meira

REYKJAVÍKURFLUGVÖLLUR OG ALMENNUR LÝÐRÆÐISLEGUR VILJI

Birtist í Fréttablaðinu 13.07.12.
Fréttabladid haus...Má af þeim ráða að meirihluti bæði borgarbúa og landsmanna vilji hafa flugvöllinn áfram í Vatnsmýrinni. Ef menn á annað borð vilja byggja á almennum lýðræðislegum vilja, sem ég tel einboðið hvað þetta þverpólitíska ágreiningsefni varðar, þá leyfi ég mér að spyrja hvort nokkuð mæli gegn því að efna að nýju til atkvæðagreiðslu og láta hana ná til landsmanna allra? Þetta er málefni sem kemur okkur öllum við, hvar á landinu sem við búum.

Lesa meira

Frá lesendum

FÉLAG SMÁFYRIRTÆKJA

Takk fyrir að vekja athygli á grein Björns Jónassonar um krónurnar átta. Þtta er góð dæmisaga úr kerfinu og ætti að verða skyldulesning fyrir þá sem stjórna i stjórnarráði, skattinum og öðrum stofnunum sem sagðar eru vera að bjarga efnahagslífinu. Ástæða þess að ég skrifaþér Ögmundur er þó ekki þessi heldur til þess að fagna því að til séu að verða samtök smáfyrirtækja. Einokunarfyrirtækin stóru eru bæði of stór og of frek og oft til óþurftar á markaði sem oftar en ekki er enginn ...
Jóhannes Gr. Jónasson

Lesa meira

EIMSKIP Í BROTAJÁRN

Kunnugleg saga sýnist mér
svindlið allt verja
Því Eimskip alfarið orðið er
í eigu Samherja.

Lífskjarasamning vilja losna við
og hóta líka algjörum vinnuófrið
Halldór því grætur
Vill fá hæri bætur
svo atvinnulífið komist á skrið.
Höf. Pétur Hraunfjörð.

Lesa meira

TEKIÐ UNDIR MEÐ GRÍMI UM BAKKA-RANGHERMI OG ÞÖGGUN

Þú pælir sem aðrir Ögmundur í pestaróféti, m.a hvernig það virkar á stjórnmál. Eitt gróft dæmi um misnotkun er verksmiðjan á Bakka sem okkur er sagt án athugasemda fjjölmiðlafólks að hafi lent í ógöngum vegna Covid. Þetta eru helber ósannindi. Þess vegna fagna ég skrifum Gríms hér á síðunni um staðreyndir þessa máls. Svo vill til að ég þekki þetta nokkuð og tek ég heilshugar undir með Grími: Sleitulausar ófarir i rekstri kísilvers á Bakka hófust um mitt ár 2018, frá byrjun. Ekki batnaði rekstur 2019, tapið þá 7.3 milljarðar. Ömurlegur var gangurinn, 2020 byrjaði mjög illa. Líklega var tap á tveggja ára rekstri orðinn 14 ma þegar glóruleysið leiddi til stöðvunar á rekstri við lok júlí sl. Engin búbót er sýnd í kortum. Krísan algjör. Vegna þessa tekur yfirklór við en mest þöggun um málavexti. Grófasta ranghermið til yfirklórs er ...
Jóhannes Gr. Jónsson

Lesa meira

FER MIKINN

Bítur oft í annars bök
eða ber út þvaður
Þorsteinn hefur á því tök
enda auðmaður. 

Við lygina ´ann laginn er
ef leitar til varna
Maðurinn þar mikið fer
ég meina Bjarna.
...
Höf. Pétur Hraunfjörð.

Lesa meira

PÓLITÍSK LINDÝR

Mosi spyr hvað eigi að kalla stjórnmálafólk sem brýtur reglur sem það setur öðrum, lætur hagsmunaaðila bjóða sér í dekurferðir og síðan þyrlu Landhelgisgæslunnar snatta með sig fram og til baka á ráðherrafundi. Þau sem ekki eru í þyrlunum eða í dekurferðunum kóa með í þögn. Mosi klykkir út með því að spyrja hvort vanti beinin í þetta fólk. Þar með hefur hann svarað spurningu sinni. Að sjálfsögðu eru þetta pólitísk lindýr. 
Sunna Sara

Lesa meira

ALLIR TILBÚINIR AÐ SEGJA ÓSATT?

Þyrla Landhelgisgæslunnar flytur dómsmálaráðherra, sem er í hestaferð á Suðurlandi, til Reykjavíkur og aftur tilbaka. Landhelgisgæslan segir þetta hafi verið í leiðinni og þá væntanlega bæði fram og til baka. Þetta eru augljós ósannindi og er óneitanlega óþægilegt þegar kerfið er tilbúið að segja ósatt beint upp í opið geðið á okkur. Stutt er síðan ferðamálaráðherrann fór í dekurferð á vegum hótelkeðju, sem er siðlaust, og braut auk þess reglur sem hún var nýbúin að setja öðrum af því að það var svo gaman að hitta vinkonurnar og dómsmálaráðherrann segir okkur hve verðmætt það sé fyrir sig að komast á hestbak og í sól. Ríkisstjórnin kóar síðan með. Hvað á að kalla þetta? Vantar beinin í ...
Mosi

Lesa meira
Allt Frá lesendum

Fréttabréf

 

Frjálsir pennar

Kári skrifar: STUTT YFIRLIT UM ALÞJÓÐLEGA DÓMSTÓLA OG GERÐARDÓMA - síðari grein

... Vonandi hefur þessi stutta umfjöllun, í tveimur greinum, fært einhverja lesendur nær skilningi á alþjóðlegum dómstólum og gerðardómum. Segja má að hlutverk alþjóðlegra dómstóla, eins og t.d. stríðsglæpadómstóla, sé ekki hvað síst að senda skýr skilaboð um það að sameinuð ríki heims muni láta sig það varða ef ákveðin ríki önnur láta viðgangast að þar séu framin þjóðarmorð og stríðsglæpir. Að slíkt verði ekki látið átölulaust.
Nú geta menn í sjálfu sér deilt um það hvernig réttlæti virkar í raun og hvernig mismunandi ríki standa þar gagnvart réttlætinu ...

Lesa meira

Baldur Andrésson skrifar: BALLERI-BRELLAN

Vopnasali til “heppilegra” herstjóra i Afríku að undirlagi CIA og stoltur útgerðarstjóri eigin” öryggissveita” til heppilegra manndrápa m.a. í Sómalíu, gerðist Íslandsvinur 2019. Michele Ballarín er hörkukvendið, sú sem keypti flugfreyjubúninga WOW 2019 ( þó án innihalds) og hélt að flugfélag fylgdi með í tombóluverði. Boðaði þvi ný flugtök WOW um jól en graut skorti i skálina, vængi á fuglinn. Nýkveikt ást ...

Lesa meira

Baldur Andrésson skrifar: ÁRÁSIR Á FLÓTTABÖRN

Samblanda af kynþátta-, trúarfordómum og fávisku er rót að illgjörnum árásum á fjögur egypsk flóttabörn og foreldra þeirra, sem hér hafa leyft sér að guða á glugga. Mannorðsníðingar dylgja um föður barnanna, stimpla hann sem líklegan “hryðjuverkamann” ! Fyrir það ámæli eiga ekki síst börn hans að líða. Maðurinn varð aktívisti þegar “ arabíska vorið” kom 2011 til Egyptalands, andóf gegn harðræði. Ekki fer allt að óskum og frá 2014 tók við ný harðstjórn, fræg fyrir ofsóknir gegn fyrri “ ólátabelgjum” Launmorð, pyntingar, aftökur, ólögmætar fangelsanir hafa snúið að þúsundum í Egyptalandi og gera það enn. Þá eru stimplar ekki sparaðir af ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA NÍU - RAFORKUTILSKIPUN 2019/944 ESB - ORKUPAKKI 4

 ... Efist einhver um að þetta sé raunverulega svona í pottinn búið, þá ætti sá hinn sami/sú hin sama að spyrja sig: hefur einhvern tíma verið kosið um þetta fyrirkomulag [að Ísland yrði hluti að innri orkumarkaði Evrópu]? Hefur verið haldin þjóðaratkvæðagreiðsla um fyrirkomulagið? Kallar þjóðin sjálf eftir þessu fyrirkomulagi? Er hugtakið „lýðræði“ það fyrsta sem fólki kemur til hugar í þessu ferli öllu saman, eða frá því að fyrsti orkupakkinn var innleiddur? Eru stjórnmálamenn tilbúnir að leggja spilin á borðið í þessu máli fyrir næstu kosningar? [Þvert á flokka] ...

Lesa meira

Baldur Andrésson skrifar: PCC SE. - ÚTRÁSIN TIL ÍSLANDS.  ( Um eiganda og skuldabera hans)

Þýski hringurinn PCC SE, sérhannað útrásarfyrirtæki, gumar af yfirráðum og eign á 82 leppfyrirtækjum sínum í 18 ríkjum víðsvegar um heim, einu á Íslandi. Öll bera þau sjálfstæða ábyrgð, en eiga að skila eiganda arði. Íslenska “ útibú” PCC SE hlaut nafn, BakkiSilicon hf. Eigandinn hefur ráðskast með öll umsvif þess á Íslandi og erl.viðskipti þess. En sett alla ábyrgð á herðar BakkiSilcon hf, m.a. gífurlega skuldabyrði, sem nú er að sliga útibúið á Íslandi. Við bætast ...

Lesa meira

Kári skrifar: STUTT YFIRLIT UM ALÞJÓÐLEGA DÓMSTÓLA OG GERÐARDÓMA

Í umræðu samtímans gætir eðlilega nokkurs misskilnings hvað snertir alþjóðlega dómstóla og lögsögu þeirra. Misskilningurinn er fullkomlega eðlilegur sökum þess að dómstólarnir eru margir, þeir eru langt frá fólki í daglegum veruleika lífsins og fjalla um mál sem mörgum eru fjarlæg. Í fyrsta lagi þarf að gera greinarmun á alþjóðlegum dómstólum annars vegar og svæðisbundnum (regional courts) dómstólum hins vegar [sbr. Mannréttindadómstól Evrópu]. Í öðru lagi þarf að hafa í huga hvaða ...

Lesa meira
Allt Frjálsir pennar