Greinar Janúar 2014

...Ég fagnaði þessum áformum en gagnrýndi jafnframt ýmsar áherslur skýrslunnar um beint lýðræði. Ég sagði að "stofnanaveldið" ætti ekki að leyfa sér íhaldssemi í þessum efnum heldur nýta þá kosti sem ný tækni byði upp á hvað varðar beint lýðræði....Ég tók einnig skýrt fram að menn ættu ekki að horfa framhjá misnotkun á netinu og minnti á að Evrópuráðið hefði fengið í hendur óyggjandi sannanir fyrir því að netið væri notað sem tæki barnaníðinga. Þetta ætti ekki að líðast fremur en ofbeldi annars staðar í samfélaginu. Internetið væri hluti af samfélaginu en stæði ekki utan þess. ...

Birtist í Morgunblaðinu 28.01.14.
...Það er því mikilvægt að stjórnvöld  hugi  sjálf að umbótum í sínum ranni. Það er þeirra að sjá til þess að borgararnir fái notið lögboðinna réttinda hvað sem líður eftirliti af hálfu Alþingis og stofnana þess með störfum stjórnsýslunnar. Það er ljóst af skýrslum umboðsmanns að ýmislegt má betur fara í störfum stjórnsýslunnar og það á t.d. við um almenna afgreiðslu mála og þá sérstaklega um meðferð mála vegna stjórnsýslukæra.  Þar þurfa stjórnvöld að viðhafa markvissari og skjótari vinnubrögð en nú.  Á vettvangi Stjórnskipunar- og eftirlitsnefndar Alþingis hefur þannig sérstaklega verið rætt um þörfina á því að stjórnvöld gæti betur að því að ...

... Umræðan var í tilefni þess að Evrópuráðið hefur tekið upp samstarf við palestínsk stjórnvöld um eflingu lýðræðis og réttarríkis í Palestínu. Evrópuráðið samþykkti ályktun þar sem fagnað er þeim skrefum sem stigin hafa verið í þessa veru en að vænst sé frekari aðgerða því enn sé þörf á átaki til að styrkja réttarríkið í Palestínu. Ég lýsti því hvernig Íslendingar hefðu á undanförnum árum staðið í farabroddi í stuðningi við Palestínumenn í sjálfstæðisbaráttu þeirra. Þannig hefðu Íslendingar samhljóða samþykkt á Alþingi viðurkenningu á fullvalda og sjálfstæðri Palestínu og jafnframt  verið eina vestræna ríkið sem ...

Biritist í helgarblaði Morgunblaðsins 26.01.14
...En mín skoðun er sú að sakamál gegn einstaklingi hljóti að byggja á ásetningi hans um að fremja brot. Ég spái því að ef við sem eigum undir heilbrigðiskerfið að sækja, gerumst mjög harðdræg gagnvart því muni það snúast til varnar með svipuðum hætti og gerst hefur vestanhafs. Og hví ætti læknir sem kallað er eftir í flugvél þar sem farþegi hefur orðið fyrir hjartastoppi yfirleitt að gefa sig fram ef hann á það á hættu að verða sóttur til saka fyrir að gera ekki allt nákvæmlega eins og best verður á kosið? Af hverju ætti hann ekki að sitja í sæti sínu og láta lítið fyrir sér fara - eins og við hin? Þetta breytir ekki því að heilbrigðiskerfi sem bregst sjúklingum ber undanbragðalaust að grípa til ráðstafana ...

...Guðni Guðnason er sagður hafa tekið þátt í fleiri 1. maí göngum en flestir ef ekki allir Íslendingar fyrr og síðar. Oft tókum við tal saman þegar við hittumst á förnum vegi og eftirminnilegt er mér nokkurra klukkustunda spjall þegar ég fyrir nokkrum árum bauð honum til fundar á skrifstofu minni í Alþingi. Þá flaug tíminn. Æviágrip Guðna Guðnasonar segir sína sögu. Þar kemur fram hvernig hann gegndi jöfnum höndum starfi lögfræðings, sjómanns og verkamanns. Ég þykist vita að innheimtustörf hafi ekki verið honum að skapi. Ég minnist þess hve gott orð  lá ætíð til Guðna Guðnasonar þegar ég heyrði á hann minnst í uppvexti mínum ...

...Forstjóri Landsvirkjunar segir að enn þurfi nokkurn tíma - jafnvel nokkur ár til að kanna þetta mál til hlítar. Vandinn er hins vegar sá að þegar búið verður að fjárfesta í rannsóknum og vangaveltum um málið í langan tíma og margir hafa af slíku atvinnu, er hætt við að málið öðlist sjálfstætt líf og harðdræga fylgismenn þess að láta drauma sína rætast. Tónninn í málflutningi forstjóra Landsvirkjunar þykir mér þegar farinn að bera keim af þessu viðhorfi. ...

Í Bítinu á Bylgjunni  í morgun ræddum við Brynjar Níelsson, þingmaður Sjálfstæðisflokksins um yfirlýsingar landeigenda á Geysissvæðinu um að engum komi það við öðrum en landeigendum hvort þeir innheimti gjöld við náttúruperlur Íslands.  Þá var rætt um bankaskatt og lekamál, sbr. ...

Hugmyndir Ragnheiðar Elínar Árnadóttur, ferðamálaráðherra, um gjaldtöku við eftirsóttar náttúruperlur, hafa greinilega komið róti á huga nokkurra landeigenda, sem telja sig nú geta makað krókinn með gjaldtöku. Yfirlýsingar ýmissa landeigenda bera ekki beinlínis vott um jafnvægi hugans. Ég hygg að flestir landsmenn telji rukkun fyrir að skoða landið, sé mikilvægt prinsíppmál, sem kalli á almenna umræðu áður en ákvarðanir eru teknar. Þá hlýtur að vera mikilvægt að farið sé að lögum. Fyrir þetta virðast landeigendur við Geysi  ekki gefa mikið. "Við höldum okkar striki og erum .... 

...Framsýnir stjórnmálamenn hljóta að hugsa í nýjum lausnum. Mér sýnist sá ágæti maður, Halldór Halldórsson, sem skipar fyrsta sætið á D-lista, sjálfstæðismanna í Reykjavík  ekki hugsa í nýjum lausnum, bara nýjum hraðbrautum og fyrir ennþá fleiri bíla. Halldór segist vilja byggja hraðbraut út frá Suðurgötunni í vesturbæ Rekjavíkur yfir Skerjafjörðinn og út á Álftanes, til að taka við bílaumferð af Kópavogs-, Hafnarfjarðar- og Álftanessvæðinu. Spennandi? Það er eftir því frá hvaða sjónarhóli málið er skoðað. Hafnfirðingar og einhverjir Suðurnesjamenn kunna að  ...

Gary S. Becker hefur sannað að hægt er að fá Nóbelsverðlaun í hagfræði þótt menn séu aular og siðlausir í ofanálag. Visir.is segir frá nýlegu framlagi þessa Nóbelsverðlaunahafa í hagfræði til samfélagsumræðunnar. Í pistli í Wall Street Journal sem hann skrifar ásamt og Julio J. Elias, öðrum hagfræðingi, er reynt að sannfæra okkur um ágæti þess að líffæri gangi kaupum og sölum á markaði líkt og hverjar aðrar markaðsvörur. Í frásögn á vísir.is (sem byggir á grein þeirra félaga í Wall Street Journal) segir ...

Bjánar leiða blinda hér
elítan bíður rakkann
Meirihlutinn miljónir sér
 og velur orkupakkann.
...
Höf. Pétur Hraunfjörð.

Bandarískir verðir halda uppi eftirliti á íslandi! Í krafti hvaða laga er þetta gert? Hafa íslensk stjórnvöld samþykkt þetta og þá hvenær og hvernig? ... 
Magni

Í franska sjónvarpinu í gær (áður en eldurinn í Notre Dame breiddist út) horfði ég á umræðuþátt þar sem gestir, pólítkusar, voru að bollaleggja um hvað Macron Frakklandsforseti myndi segja í ræðu sinni klukkan 20 um kvöldið (sem síðar var aflýst vegna brunans) og átti að vera svar við mótmælum Gulu vestanna,  ráðstafanir til þess að koma til móts við kröfur þeirra og útkomu "Le Grand Débat". Einn gesta þáttarins sagði að Evrópusambandið væri að neyða Frakka til þess að selja vatnsaflsvirkjarnir einkaaðilum. Þótt þær skiluðu hagnaði ...

Sammála Jóhannesi Gr. hér á síðunni. Það þarf að skoða alla pakkana heildstætt, líka þá sem ókomnir eru, þ.e. fjórða og fimmta pakkann. Sá fjórði er tilbúinn, þar er hert á markaðsvæðingunni og miðstýrðu eftirliti. Með öðrum orðum það þarf að taka afstöðu til allrar vegferðarinnar.
Friðjón

Hve margir þingmenn skyldu lesa tilskipanirnar frá Brussel sem þeim er ætlað að samþykkja? Mér sýnast einu “rökin” af hálfu þeirra sem vilja samþykkja vera þau að þingmenn vilji ekki vera “einangrunarsinnar”, eða “popúlistar”. Ég er sammála þinni nálgun Ögmundur, að spyrja hvert ferðinni sé heitið, hver séu ferðalokin? Og þá hvort við erum sátt við þau? 
Jóhannes Gr. Jónsson

Sæll Ögmundur; ég minnist magnaða pistils þíns um eldvatn og glerperlur fyrir örfoka virkisturn ESB æðstu ríkja í norðri. Er ekki tímabært að birta hann aftur? ... 
Mbkv.
Jón jón jónsson

Sæll Ögmundur. Af hverju ekki að nálgast þetta frá rótum. Af hverju 3. orkupakkinn? Var það til þess að Evrópa, sem er með frjálsan orkumarkað lendi ekki öll undir orku Pútíns? Er þetta fyrir neytendur þar? Guðlaugur Þór lofar að þetta breyti engu fyrir Ísland og enginn sæstrengur verði lagður. Ok segjumst vera ...
Þórður

Þakka þér fyrir Ögmundur að taka þátt í umræðum um Orkupakkan. Ég bjó í Danmörku frá 2002-2015 og varð ískyggilega vör við að á EU svæðinu yrði að vera sambærilegt verð. Upp úr 2007 fór raforkuverð að hækka ískyggilega og rétt áður en ég kom heim aftur var komin 73% skattur ofan á orkunotkun. Mér persónulega finnst ekki koma nógu skýrt fram, hvað skeður ef sæstrengur er samþykktur ...
Sigríður Ragnarsdóttir

Ég er algerlega sammála þér í morgun á Bylgjunni að nú er þörf á yfirvegaðri og ábyrgri umræðu um orkumálin og að láta ekki svívirðingatal manna á borð við Þorstein Víglundsson, varaformann Viðreisnar, trufla sig. Ég ætla því ekki að fara í hnútukast við hann enda dæma orð hans sig sjálf.
Jóhannes Gr. Jónsson

Sæll Ögmundur, þakka þér fyrir skeleggan málflutning um þann vara sem verður að hafa á varðandi orkupakka 3 - algerlega nauðsynlegt að aðvara almenning. Vonandi verður hafin undirskriftarsöfnun á netinu á vegum þíns hóps sem fyrst.
Kær kveðja,
Nína Margrét