BARÁTTUKONUR FYRIR EINKAVÆÐINGU HEILBRIGIÐSÞJÓNUSTUNNAR FENGNAR TIL EFTIRLITS OG LEIÐSAGNAR!

Bjarni - ásdís - ásta -kristján - takk

Ýmsum  - þar á meðal mér- þótti ekki boða gott þegar heilbrigðisráðherra þjóðarinnar, Kristján Þór Júlíusson,  mætti við kynningu þeirra Ásdísar Höllu Bragadóttur og viðskiptafélaga hennar á nýjum bisnissáformum "á velferðarsviði"  fyrir rétt rúmu ári

Á mbl.is hinn 7. desember  2013 segir m.a.:
"Broadway verður breytt í lækna- og heilsumiðstöð og Park Inn hótel þróast í heilsuhótel. Þetta er meðal þess sem verður kynnt á blaðamannafundi síðar í dag. Um rúmlega tveggja milljarða króna fjárfestingu er að ræða. Á fundinum verða Ásdís Halla Bragadóttir, stjórnarformaður EVA consortium ehf. og heilbrigðisráðherra Kristján Þór Júlíusson en þau munu kynna breytingarnar sem gerðar verða á húsnæðinu .... Sinnum, sem er í eigu EVA consortium, rekur sjúkrahótel á Park Inn en fyrirtækið fékk verkefnið eftir útboð. Samningur var gerður til tveggja ára sem unnt er að framlengja í eitt ár í senn. Sinnum sér um rekstur hótelsins, m.a. matargerð og þrif, en Landspítalinn sér um hjúkrunarþjónustuna.

Hluthafar í EVU ehf. eru Gekka ehf. sem er í eigu Ásdísar Höllu Bragadóttur og Aðalsteins Jónassonar og Flösin ehf. sem er í eigu Ástu Þórarinsdóttur og Gunnars Viðar." Sjá nánar: http://ogmundur.is/stjornmal/nr/6935/

á - ásta - líf
Fyrr á árinu, í júní 2013, höfðu þær Ásdís Halla Bragadóttir og  Ásta Þórarinsdóttir, sem Bjarni Benediktsson, fjármálaráðherra og formaður Sjálfstæðisflokksins, hefur nú skipað nýjan formann Fjármálaeftirlitsins, birst gaðhlakkalegar eftir að lífeyrissjóðir höfðu gengið til liðs við þær í viðleitni til að taka yfir heilbrigðiskerfið: sjá m.a. http://ogmundur.is/samfelagsmal/nr/6734/ .

Rikisútvarpið kynnti Ástu Þórarinsdóttur, sem  fjárfesti á velferðarsviði. Henni verður nú í ofanálag ætlað að hafa eftirlit með  heilbrigði fjármálakerfis landsins. Með fullri virðingu fyrir Ástu þórarinsdóttir leyfi ég mér að spyrja hvort virkilega ekki sé hægt að finna einstakling til þessara starfa sem sjálfur er ekki á kafi í fjármálabraski. Þá hef ég stundum trúað lesendum þessarar síðu  fyrir því að fyrirtæki sem leggja ríka áherslu á kvenlega mýkt vekja orðið hjá mér ugg því þau hafa reynst harðdrægust við að koma velferðarþjónustinni í hendur fjárgróðafólks - hönd í hönd með mildri Evu. Nánast þannig hefur það verið orðað.  http://ogmundur.is/annad/nr/3535/
Ásdís Halla fjárfestir - Kristján Þór Júl
Nú rær fyrrum bæjarstjóri Sjálfstæðismanna í Garðabæ, Ásdís Halla Bragadóttir, lífróður undan yfirlýsingum sínum hjá Samtökum atvinnuífsins frá því í apríl í vor þar sem hún sagði Albaníu mörgum ljósárum á undan Íslendingum í þróun heilbrigðisþjónustunnar. Og þegar Egill Helgason benti henni á að í því landi væri barnadauði mikill - en fæðingarhjálpin í Albaníu  var einmitt útgangspunktur Höllu Bragadóttur í messu sinni hjá SA, þá sagði hún að það væri valfrelsið sem hún dáðist að því að þar gætu mæður valið á milli almennrar þjónustu og gullpakkaþjónustu. Þetta væri ekki hægt hér á landi og reyndar svo fjarri lagi að aðeins verði mælt í ljósárum. http://www.visir.is/-ekki-hvarflar-ad-mer-ad-gera-albaniu-ad-fyrirmyndarlandi-vardandi-heilbrigdisthjonustu-/article/2015150109563

Er þetta leiðsögukona Íslendinga inn í nýja heilbrigðisþjónustu? Eða hvað voru þau að kynna hún og heilbrigðisráðherrann í desember 2013?

rúnar vilhjálmsson passamyndFyrir Íslendinga er gott að eiga að góða fræðimenn á borð við Rúnar Vilhjálmsson, prófessor við Háskóla Íslands en í umræðu um heilbrigðiskerfið hefur hann margoft haldið staðreyndum til haga.

RUV greindi í fyrrdag frá könnun sem Rúnar Vilhjálmsson gerði ( sjá: http://www.ruv.is/frett/felagsleg-heilbrigdiskerfi-komi-best-ut ) en hann fór yfir fjölmargar rannsóknir "sem gerðar hafa verið í Bandaríkjunum og Evrópu um árangur ólíks reksturs heilbrigðisþjónustu. Niðurstöðurnar sýna að þegar mat er lagt á aðgengi að þjónustu þá koma félagsleg kerfi, eins og hér hefur verið, best út. Blönduð kerfi, eins og eru í Vestur-Evrópu, næst best en lakast er aðgengi að þjónustunni í kerfum sem eru í einkarekstri. Kostnaður er lægstur í félagslega kerfinu og lýðheilsa best. "Þannig að eftir því sem bæði fjármögnun og rekstur fer frá því opinbera og til einkaaðila þá verður stýring eða stjórnun þjónustnnar eða kerfisins erfiðari," segir Rúnar."

"Heilbrigðisþjónusta verður brotakenndari og skilar minni árangri þegar einkarekstur breiðist út í félagslegu heilbrigðiskerfi eins og er hér á landi. Þetta er niðurstaða úttektar á rekstri heilbrigðisþjónustu í Evrópu og vestan hafs. Mikil samstaða er meðal Íslendinga um að hið opinbera eigi fyrst og fremst að fjármagna heilbrigðisþjónustuna. Þetta hefur komið fram í könnunum hér á landi. Meiri ágreiningur hefur hins vegar verið um hvernig eigi að reka þjónustuna"

Fréttabréf