Greinar Ágúst 2015

HELGI H. JÓNSSON KVADDUR

Helgi H. Jónsson

Helgi H. Jónsson, fyrrum fréttamaður er látinn. Við vorum þremennigar að frændsemi þar sem afi minn og amma hans voru systkini, ættuð norðan frá Torfalæk í Húnavatnssýslu. Það voru þó ekki ættartengslin sem leiddu til kynna okkar heldur Ríkisútvarpið, sem um árabil var sameiginlegur samstarfsvettvangur okkar. Á síðustu árum höfum við haft nokkur samskipti þar sem ég kynntist vel hjálpseminni og velviljanum sem bjó með þessum frænda mínum. Eftirfarandi minningarorð birtust í Morgunblaðinu í dag ...

Lesa meira

LEIÐSÖGUMAÐURINN

Birtist í helgarblaði Morgunblaðsins 22/23.08.15.
MBL- HAUSINN... Það fór nefnilega svo - eða þannig heyrði ég söguna-, að svo kyngimögnuð hafi frásögn leiðsögukonunnar verið, að ferðalangarnir urðu hreinlega uppnumdir og kváðust aldrei hafa komið til eins heillandi og spennandi lands og Íslands. Höfðu þeir þó ekkert séð! ... Það fylgdi sögunni að minningin lifi enn í huga hinna ítölsku ferðalanga. Aðra litla sögu kann ég um mikilvægi leiðsögumannsins. Hún er frá í sumar. Við erum stödd í Víkingasafninu í Reykjanesbæ. Þar er að finna skipið sem hagleikssmiðurinn Gunnar Marel smíðaði og sigldi, ásamt áhöfn sinni,  þöndum seglum alla leið til Vesturheims ... Leiðsögumaður kemur í safnið með hóp bandarískra ferðamanna. Þar eru á ferð verkfræðimenntaðir ...

Lesa meira

ALTARISTAFLAN Á ÓLAFSVÖLLUM OG AFREKSVERK STEFÁNS STERKA

Altaristafla - Ólafsvellir

Altaristafla listmálarans Baltasars í kirkjunni á Ólafsvöllum á Skeiðum er mögnuð. Myndin sýnir síðustu kvöldmáltíð Krists með lærisveinum - og fleirum. Tuttugustu-aldar manninum Baltasar hefur greinilega fundist ófært að hafa ekki konur með á myndinni ... En það magnaða við töfluna er hvernig samtíminn, og þar með kirkjugesturinn á Ólafsvöllum, rennur inn í heim Biblíunnar ... Við vorum komin að Ólafsvöllum til að sjá eigin augum Prestsskurðinn, sem svo er nefndur, en það er rúmlega kílómeters langur handgrafinn(!) áveituskurður sem séra Stefán Stephensen, prestur á Ólafsvöllum, 1864 til 1885, lét grafa. Sjálfur mun hann reyndar hafa gengið harðast fram í greftrinum. Enginn, sem sér þennan ...

Lesa meira

EKKI KENNA NATÓ-FYLGISPEKT VIÐ LÝÐRÆÐI!

Nató - Vopn

...Í febrúar 2014 var lýðræðislega kjörinn forseti í Úkraínu settur af með valdi. Hann þótti andsnúinn ESB og hallur undir Rússa.Bandarísk yfirvöld voru staðin að verki um bein afskipti, m.aað vilja handvelja leiðitaman eftirmann ...Fasísk öfl voru gerendur í valdaráninu og eru enn.Eftir hrun Sovétkerfisins var Krím-búum hótað valdbeitingu ...Um er fyrst og fremst að ræða hagsmuni hernaðar og fjármagns.En hvað skyldu þessihagsmunaöfl þurfa að gera til að fylgjendum NATÓ og ESB þætti ástæða fyrir Ísland að rjúfa samstöðuna;"rjúfa samstöðu lýðræðisþjóðanna"?... Við þessu kann ég ekki svar. En það er þetta sem ég á við þegar ég segist sakna Palme-tímans þegar Svíar rufu slíka samstöðu með því að tala máli mannréttinda ...

Lesa meira

FYRIR HVAÐ ERU ÍSLENDINGAR AÐ REFSA RÚSSUM?

Birtist í DV 14.08.15.
DV - LÓGÓ

... Er það vegna þess að rússnesk stjórnvöld virða ekki lýðréttindi í Rússlandi, til dæmis réttindi samkynhneigðra? Nei, sú er ekki ástæðan. Er það vegna þess að Rússar eru almennt ógnun við grannríki sín? Nei, sú er ekki ástæðan ... Er það þá vegna þess að Rússar hafi haft forgöngu um að steypa lýðræðislega kjörnum stjórnvöldum af stóli þar í landi? Nei, það voru Bandaríkin, Evrópusambandið og NATÓ ... Er það ef til vill vegna uppreisnar aðskilnaðarsinna í austurhluta Úkraínu ...Já, nú við erum að hitna ... Og kannski fyrst og fremst vegna þess að Pútín og félagar innlimuðu í Krímskagann í Rússland? Bingó, rétt svar! Rússland virðir með öðrum orðum ekki rétt landamæri Úkraínu... en vilji íbúanna skiptir engu máli ...

Lesa meira

FJALLAÐ UM KÚRDA OG PALESTÍNUMENN

Annette Groth - skip

...Í vikunni sótti ég tvo mjög áhugaverða fundi annars vegar um Kúrda á mánudag á vegum Róttæka sumarháskólans og hins vegar á vegum Félagsins Ísland-Palestínaá miðvikudagskvöld þar sem þýskur þingmaður sem var um borð í hjálparskipinu Mavi Marmara, sem Ísraelar hertóku þegar reynt var að sigla því til Gaza með nauðsynjar og hjálparstarfsmenn fyrir réttum fimm árum. Þessi för endaði með ósköpum.

Lesa meira

VILJA REISN Í UMRÆÐUNA EÐA KANNSKI EKKI

Þorbjörn og Vilhjálmur B.
...Þingmaður og fréttamaður hafa gefið upp boltann.Þetta eru þeir Vilhjálmur Bjarnason, þingmaður Sjálfstæðisflokksins og Þorbjörn Þórðarson, fréttamaður ... Nú er það svo að í flestum löndum - og öllum löndum sem við helst viljum bera okkur saman við - er reynt að stuðla að því að fólk, sérstaklega ungviði í uppvexti - neyti heilnæmrar fæðu, drekki t.d. mjólk frekar en kók. Þess vegna styrkjum við neytendur með því að hafa verð á heilnæmri matvöru ekki hærra en svo að þeir geti ráðið við að hafa hana á borðum til daglegrar neyslu ... Og ég mótmæli málflutningi af því tagi sem hér hefur verið vísað til og gengur út á það að koma inn sektarkennd hjá íslenskum bændum ...

Lesa meira

ÁHUGAVERÐUR FUNDUR Í FRIÐARHÚSI!

Annette Groth
Félagið Ísland-Palestína

stendur fyrir áhugaverðum fundi í Friðarhúsinu Njálsgötu 87 (horni Njálsgötu og Snorrabrautar) í Reykjavík, miðvikudaginn 12. ágúst klukkan 20 með þýsku þingkonuninni Annette Groth um stöðu mála í Palestínu og Ísrael. Í fréttatilkynningu frá félaginu segir m.a.: "Fimm ár voru liðin í maí s.l. frá því ísraelskar sérsveitir réðust á friðarskipið Mavi Marmara á alþjóðlegu hafsvæði og drápu níu sjálfboðaliða. Skipið var á leið til Gaza með með hjálpargögn og átti um leið að rjúfa herkvína. Annette Groth var meðal sjálfboðaliðanna um borð. Hún hefur ...

Lesa meira

SJÁLFSTÆÐISFLOKKURINN TALI SKÝRAR UM EINKAVÆÐINGARÁFORM SÍN

Birtist í Morgunblaðinu 10.08.15.
MBL- HAUSINNÓli Björn Kárason' varaþingmaður Sjálfstæðisflokksins

, hefur tekið að sér að skýra og eftir atvikum verja stefnu flokks síns í heilbrigðismálum. Það er krefjandi viðfangsefni og greinilega ekki alltaf auðvelt. ... Gríðarlega mikilvægt era ð taka þessa umræðu nú áður en fjárfestar taka til sín stefnumótunarvaldið. Mikilvægt er að gefa sér góðan tíma til að brjóta til mergjar reynslu annarra þjóða. Hvað það varðar að fjármagn fylgi sjúklingi, þá mun það til dæmis vera reynsla margra nágrannaþjóða eða svæða innan þeirra, að slík kerfi krefjist mikillar yfirbyggingar ef ...

Lesa meira

ÍSLAND ÚR NATÓ!

Birtist í Fréttablaðinu 08.08.15.
Fréttabladid haus

... Sprengjutilræði ISIS var beint að kúrdískum ungliðasamtökum sem unnu að undirbúningi uppbyggingar í Kobani. Þrjátíu og tveir létust og yfir eitt hundrað særðust. Í kjölfarið myrtu kúrdískir vígamenn tvo tyrkneska lögreglumenn sem sagðir voru hafa aðstoðað ISIS við ódæðið.  Lögreglumannanna tveggja hefnir nú tyrkneski herinn með loftárásum á Kúrda.  Á sameiginlegu tungumáli Tyrklands og NATÓ heitir það að berjast gegn hryðjuverkum. Öllum sem vilja vita er hins vegar kunnugt um að ...

Lesa meira

Frá lesendum

VIÐ MUNUM HRUNIÐ

Nú eignast elítan bankana senn
enda kaldrifjaðir kaupsýlumenn
áfallið munið
þjóðarhrunið
öll alþýðan hérna man þetta enn.

Aumur gerist Andrés minn
allir heim rata
Verður því þarna um sinn
þingmaður pírata?
...
Höf. Pétur Hraunfjörð.

Lesa meira

GRÍMUBALLIÐ Á ENDA

Grímulaust í gegnum árin
gróðans ennþá njóta
í samfélaginu blæða sárin
undan sjálfseignarkvóta.

Bankasölu nú Bjarni þráir
Þó bæti lítið okkar hag
Engeyingarnir hér eru fáir
en græðgi þeirra fag.
...

Höf. Pétur Hraunfjörð.

Lesa meira

HVÍSLAÐ TIL AÐ SÝNAST?

... Ég las grein þína um kjarnorkuvopnin og fór á slóðina sem þú gafst inn á ræðu þína í þinginu um NATÓ og “öryggisstefnu” Íslands. Mikið vildi ég að þó ekki væri nema ein rödd á Alþingi sem talaði eins og þú gerðir en það er ENGINN þingmaður sem það gerir. Er að undra að fólk missi trúna á þinginu og þeim sem þar sitja í umboði vinstri stefnu! Ef gagnrýni er hreyft á NATÓ þá er það lágvært hvísl til að sýnast!
Runólfur

Lesa meira

STAÐREYNDIN ER ...

Kosningaárið er komið með stæl
kysumst föðmumst verum indæl
staðreyndin er
að Íhaldið fer
auðvitað verðum ánægð og sæl

Líklega er kreppan kominn á ról
keimlík um heimsins byggðu ból
þá sér hver raftur
gjaldþrotin aftur
og endist víst framyfir næstu jól.
...
Höf. Pétur Hraunfjörð.

Lesa meira

ALVÖRULEYSI PÍRATA

Talskona Pírata, Þórhildur Sunna Ævarsdóttir, sagði í útvarpsfréttum að vonandi yrði komandi þing gott og að menn færu ekki sð karpa um smámál og tók síðan andköf til að frábiðja “málþóf” og mátti skilja að þar vísaði hún í málflutning Miðflokksins um orkupakkann.
Mér þótt sá málflutningur góður en hinn slakur, svo ekki sé meira sagt, frá hendi Pírata, Samfylkingar og Viðreisnar. Flokkur fólksins var í lagi framan af en lyppaðist síðan niður. Stjórnarflokkana...
Jóhannes Gr. Jónsson

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: NATO OG WASHINGTON VÍGBÚAST GEGN "GULU HÆTTUNNI"

"... Greiningin sem Biden gerir, um baráttu milli lýðræðisafla og einræðisafla heimsins, er fölsk þó ekki væri nema í ljósi mikilvægustu bandamanna Bandaríkjanna í Miðausturlöndum. Ekki nóg með það: Bandaríkin ásamt með bandamönnum í NATO sem skreyta sig mikið með lýðræðismerkimiðum er EINI AÐILI SEM HERNAÐARÓGN STAFAR AF á alþjóðavettvangi nú um stundir. Ekki nóg með það: Af langri sögu hefur okkur lærst að því meira sem bandarísk stjórnvöld tala um að tryggja „lýðræði“ (Sýrland eða Úkraína), mannúð og mannréttindi (Írak, Júgóslavía, Líbía) eða kvenréttindi (Afganistan) í öðrum löndum þeim mun meiri dauði og eyðilegging eru í vændum. Bandarískt „lýðræði“ er banvænn útflutningur ..."

Lesa meira

Kári skrifar: ENN UM BRASK- OG MAFÍUVÆÐINGU - UNDIRLÆGJA GAGNVART PENINGAVALDI -

Undirlægja og virðing fyrir peningavaldi eru útbreidd vandamál á Íslandi. Um er að ræða anga af sama meiði og hvort tveggja byggt á „misskilningi“ ef svo má segja. Til þess að skilja undirlægjuna þarf fyrst að greina hina misskildu virðingu fyrir peningum. Flestir tengja peninga við „efnisleg gæði“; skort eða jafnvel ofgnótt. Mikilvægt er að gera sér ljóst að öflun efnislegra gæða er bundin við þá plánetu okkar sólkerfis sem nefnist jörð. Öflunin er enn fremur bundin við jarðlífið sem slíkt. Ekki hefur verð sýnt fram á gagnsemi

Lesa meira

Kári skrifar: LYKILLINN AÐ LAUSNUNUM ER AÐ KJÓSA RÉTT

Það er gott að hugsa í lausnum, sérstaklega ef lausnirnar gagnast þjóðinni sem heild. Allmörg dæmi má þó finna um að „lausnir“ á Alþingi séu sniðnar sérstaklega að hagsmunum braskara og fjárglæframanna. Þetta gerist vegna þess að fólk sem fengið hefur umboð kjósenda („látið kjósa sig“) misfer með umboð sitt og missir öll tengsl við umbjóðendur sína. Segist að vísu í viðtölum oft vera í „góðu sambandi“ við kjósendur sína. En eitt er að þiggja kaffibolla í kjördæmi sínu og annað að gæta hagsmuna almennings á þingi ...

Lesa meira

Kári skrifar: ORKUSTEFNA EVRÓPUSAMBANDSINS

... Hugmyndin um „fullkominn samkeppnismarkað“ felur þannig í sér marga seljendur og kaupendur, samleitni „vöru“ sem um ræðir, góðar upplýsingar fyrir seljendur og kaupendur og hindrunarlausan aðgang eða útgöngu á markaði. Með öðrum orðum, menn geta hafið samkeppni á markaðnum eða hætt þegar þeim sjálfum hentar ...

Lesa meira

Grímur skrifar: PÁSKAUPPRISA PCC

... Upprisa BakkiSilicon nú um páska er að líkum hafin yfir mannlegan, röklegan skilning. Birtist því sem undur. Rétt eins og ófarasagan frá upphafi rekstrar 2018 til stöðvunar 2020 er látin standa óútskýrð, eins og gildir um athæfi æðri máttar-valda. Fullvíst er að “Hönd Guðs” kemur að páskaupprisu BakkiSilicon sú sem líknsöm er oft þeim þurfandi ...

Lesa meira
Allt Frjálsir pennar