Greinar 2015

VARNIR ÍSLANDS ÖFLUGRI EN BANDARÍKJANNA

Birtist í DV 11.12.15.
DV - LÓGÓ

Þegar alvarleg vá steðjar að samfélögum fæst innsýn í styrk innviða þeirra. Mörgum brá í brún þegar fellibylurinn Katrina gekk yfir Bandaríkin árið 2005, hve vanmáttugt helsta hernaðarveldi heims reyndist vera frammi fyrir eyðileggingu af völdum byljarins. George W. Bush, þáverandi Bandaríkjaforsti þakkaði og þáði utanaðakomandi aðstoð en orkaði ekki einu sinni að þakka fyrir tilboð Kúbu um að senda ...

Lesa meira

LOSUN Í PARÍS, LOKUN Í GENF

Birtist í Fréttablaðinu 09.12.15.
FrettablaðiðÁ sama tíma og fulltrúar heimsbyggðarinnar ræða hvernig hamla megi gegn losun gróðurhúsalofttegunda, koma fulltrúar TiSA ríkjanna saman í Genf til að ræða hið gagnstæða; hvernig koma megi í veg fyrir að félagsleg sjónarmið standi í vegi fyrir markaðsvæðingu þess sem á TiSA máli kallast "Environmental services" eða umhverfistengd þjónustuviðskipti ... Ísland er þarna með á báti, sem áður segir, og var í fréttum í síðustu viku,  vísað í Noreg og Ísland sem tillöguríkjum um tiltekna þætti  í þessum viðræðum án þess að nokkur opin umræða hafa farið fram um það hér á landi ...

Lesa meira

FRÁBÆR VIÐTALSÞÁTTUR VIÐ AUSTIN MITCHELL

Austin og Bogi
Sjónvarpið á lof skilið fyrir frábæran viðtalsþátt Boga Ágústssonar við breska stjórnmálamanninn Austin Mitchell en hann var þingmaður Verkamannaflokksins 1977 til 2015. Mitchell ... hefur alla tíð verið þekktur úr eldlínu breskrar stjórnmálaumræðu ... Bogi Ágústsson stýrði þættinum frábærlega vel enda þaulkunnugur breskum stjórnmálum og einn reyndasti sjónvarpsmaður okkar. Sjónvarpið gerði vel að fela Boga reglulega  þáttagerð af þessu tagi og ...

Lesa meira

ER MORGUNLAÐIÐ EITT UM AÐ SÝNA TiSA ÁHUGA?

Tisa og Mbl
Sannast sagna þykir mér nokkurri furðu sæta hve lítinn áhuga íslenskir fjölmiðlar sýna TiSA viðræðunum í Genf. Þó eru þær öndverðan við loftsalagsviðræðurnar í París, því þær ganga út á tilraunir alþjóðafjármagnsins að greiða götu markaðsviðskipta á sviði orkuframleiðslu og umhverfismála og reisa lýðræðinu skorður á því sviði. Þegar Wikileaks kom upplýsingum á framfæri um gang viðræðnanna um "Environmental Services" ... Þær byggja á tilraun ríkari hluta heimsins til að þröngva hinum snauðari hluta inn í markaðsmót, hannað af þeim fyrrnefnda ...

Lesa meira

ÞRJÁR SPURNINGAR TIL HEILBRIGÐISRÁÐHERRA

Birtist í DV 04.12.15.
DV - LÓGÓKristján Þór Júlíusson, heilbrigðisráðherra, hefur greint frá áformum um frekari einkavæðingu heilbrigðisþjónustunnar.

Þegar eru hafin viðskipti við Klínikina, fyrirtæki fjárfesta í heilbrigðisþjónustu og á döfinni er að bjóða út heilsugæslu á höfuðborgarsvæðinu. Á heilbrigðisráðherra er að skilja að markmiðið sé tvenns konar, annars vegar að koma heilsugæslunni í einkahendur og síðan innleiða kerfi þar sem peningar fylgi sjúklingi. Það var formúla Miltons Freedmans, höfuðklerks frjálshyggjunnar  ... langar mig til þess að beina þremur spurningum til ráðherrans og væri vel þegið að hann svaraði þeim á síðum þessa blaðs. Efast ég ekki um að honum yrði ljáð rými til þess ... 

Lesa meira

DAPURLEGT: VILL HEIMILA FJÁRHÆTTUSPIL OG SPILAVÍTI

Birgitta Jónsdóttir
Birgitta Jónsdóttir, þingkona Pírata, talaði á þingi í gær fyrir því að fjárhættuspil yrðu leyfð að fullu og allar hömlur og takmarkanir afnumdar. Ég get vissulega tekið undir að tvískinnungs gætir í umræðu um fjárhættuspil. Þannig hef ég löngum bent á að spilasalir Happdrættis Háskóla Íslands, Gullnáman,  eru að sjálfsögðu ekkert annað en spilavíti. Og sama gildir um spilakassa ... Mér finnst mikilvægt að hemja hinn gráðuga vágest. Tvískinnung á ekki að afnema með því að gefast upp og leita samræmis niður á við - stíga niður á lægsta þrep - heldur leita samræmis upp á við. Að mínu mati er uppgjöf fyrir spilavítisrekendum stóralvarleg því fjárhættuspil svipta öll þau frelsinu sem ánetjast spilafíkninni - og þau eru ófá sem það hendir ... 

Lesa meira

ÍSLAND GEGN LYFJAGLÆPUM

Birtist í Morgunblaðinu 03.12.15.
MBL- HAUSINN

... Eðli máls samkvæmt er ekki vitað nákvæmlega í hverjum mæli falslyf berast sjúklingum ... Hin fölsuðu lyf spanna vítt svið allt frá astma, krabbameini og HIV til megrunar og örvunar fyrir íþróttamenn ... Á ráðstefnunni varð ég var við að það hafi ekki farið framhjá þeim sem standa í farabroddi þessarar vinnu, að Ísland var á meðal fyrstu ríkjanna til að undirrita samning Evrópuráðsins gegn lyfjaglæpum og er ástæða til að vekja athygli á því að á þessu sviði gegna Íslendingar afgerandi hlutverki. Þannig er fulltrúi heilbrigðisráðuneytisns, Einar Magnússon, sem fer fyrir lyfjamálum í ráðuneytinu, formaður nefndar  ...

Lesa meira

MANNRÉTTINDASIGUR: BÆTUR FYRIR LANDAKOTSBÖRN

Landakotskirkja

Í dag var samþykkt á Alþingi frumvarp um sanngirnisbætur til þeirra sem sættu alvarlegu ofbeldi sem börn í Lanadakotsskóla á sínum tíma. Þingmenn úr öllum flokkum á Alþingi stóðu að frumvarpinu og úr þingnefnd sem fékk frumvarpið til umfjöllunar, var einhugur um að mæla með samþykkt þess ... Forsagan er sú að til mín leituðu einstaklingar á fyrstu mánuðum mínum í embætti dómsmálaráherra haustið 2010. Fékk ég þar að heyra ófagrar lýsingar. Ég kom því til leiðar að málið var kært til lögreglu sem tók skýrslu sem ég síðan fékk í hendur. Ég kallaði þá til mín biskup Kaþólsku kirkjunnar á Íslandi. Viðbrögð hans voru daufleg. En eftir nokkra umræðu í fjölmiðlum var ...

Lesa meira

ENN KALLAÐ EFTIR UMRÆÐU UM TISA Á ALÞINGI

Tisa - hlekkir

...Nú hefur það enn eina ferðina gerst að ríkin sem eiga aðild að þessum leynilegu og ósiðlegu samningum verða uppvís að leynibruggi, að þessu sinni um orkumál, "Einvironmental services"  , þ.e. þjónustu á sviði umhverfismála ... Á meðan augu heimsins beinast að loftsalagsráðstefnunni í París þar sem fulltrúar ríkja heims ræða um markmið tengd mengun og loftslagsmálum, þá  sitja samningamenn margra þessara ríkja, TISA ríkjanna tuttugu og þriggja talsins, þar á meðal væntanlega Íslands, á fundi í Genf og ræða framkvæmdina og þá ekki sist hvernig skuli slá markaðstón inn í hana. Það vill TiSA samninganefndin að gert verði  m.a. með því að takmarka valdsvið ríkjanna ...

Lesa meira

VIGDÍS HRÓPAR, KRISTJÁN ÞÓR HVÍSLAR

Vigdís Hauks - Kristján Þór

... Áhyggjuefni þykir mér vera framkoman gagnvart Landspítalnum sem birtist í orðum formanns fjárlaganefndar. Ég þekki allvel til á Landspítalanum og veit hversu ómakleg ummæli formannsins eru, svo ekki sé dýpra í árinni tekið. Áhyggjuefni þykir mér líka vera einkavæðingaráform Kristjáns Þórs Júlíussonar, heilbrigðisráðherra, í heilbrigðiskerfinu, sem hann greinilega vill að fari fram í kyrrþey. Kristján mætti í fréttir í gær til að játa því aðspurður (að sjálfsögðu), að nú ætti að fara að bjóða út heilsugæslu. Fréttakona spurði hvort slík áform þyrfti ekki að ...

Lesa meira

Frá lesendum

LÁNLAUS VERKAMNNAFLOKKUR

Þá er Verkamannaflokkurinn breski búinn að sparka Jeremy Corbyn og velja sér nýjan formann, man ekki hvað hann heitir, það á eftir að koma. Bernie Sanders er líka á leið í úreldingu vestur í BNA og í staðinn kominn einn álíka spennandi og nýi formaður Verkamnnaflokksins breska. Sá síðarnefndi flutti tíu mínúntna ávarp sem var sjónvarpað og streymt í dag. Ég reyndi að hlusta en eftir þrjár mínúntur var ég farinn að hugsa til jólanna, hvað ætti að kaupa í jólagjafir. Lengur hélt hann ekki minni athygli. Eflaust á hann eftir að hljóta þá umsögn að vera aðgerðarlítill og þess vegna farsæll! 
Þetta veit ekki á gott í heimi sem ...

Jóel A.

Lesa meira

DANSAR HEIMSVALDA-POLKA

Takk fyrir greinina um Venesúela. Og þakkir líka til þeirra annarra sem hafa verið að skrifa í þessa veru, til dæmis um framferði Alþjóðagjaldeyrissjóðsins sem tekur þátt í að níðast á fátækri þjóð með viðskiptaþvingunum á tímum heimsfaraldurs. Það sem stendur okkur náttúrlega næst er að horfa til ríkisstjórnar Íslands og hvernig hún dansar heimsvalda-polka. 
Í ríkisstjórinni hreyfir enginn andmælum og aldrei hef ég heyrt aukatekið orð á Alþingi gegn þessum yfirgangi BNA annars vegar og undirgefni Íslands hins vegar ...
Jóhannes Gr. Jónsson 

Lesa meira

,,ÞRÍEYKIБ‘

Þar Alma, Þórólfur og Víðir. 
Þegnum reglur setja
Þeim landinn í þrautum hlýðir
það lýðinn virðist hvetja.

Metrana þú passa mátt
mæla ávallt tvo 
þú heima líka hanga átt
og hlýða svo.

Þríeykið hér þakkir fær
Þung er sóttar vaktin.
Árangri þar eflaust nær
ákveðin slá taktinn.
...
Höf. Pétur Hraunfjörð.

Lesa meira

NEI TAKK SA!

Hvar skyldi SA telja að mörkin liggi þegar kemur að því að skerða kjör fólks? SA hefur nú lagt til launa- og lífeyrisskerðingar og er þar með að reyna að fara með okkur út á mjög vafasamar brautir. Stjórnvöld vilja að hægt sé að skipa fólki hjá hinu opinbera að gera það sem forstjórarnir ákveða hverju sinni og nú vill atvinnurekendavaldið toppa það með því að láta fólkið í ofanálag sæta skerðingum á umsömdum réttindum.
Nei takk!
Sunna Sara

Lesa meira

VERUM Á VARÐBERGI

Ég er sammála þér Ögmundur að raunveruleg hætta er á því að forræðishyggja taki hér yfir. Kapítalisminn ræður nú yfir ríkisvaldinu, það er algerlega augljóst mál. Allt er nú leyfilegt ef aðeins megi það verða til að bjarga kapítalismanum. Frá forræðishyggju er ekki stórt skref yfir í fasisma. Verum á varðbergi
Jóhannes Gr. Jónsson

Lesa meira

TRAUSTVEKJANDI MEININGARMUNUR

Gaman er að finna fyrir samstöðu Íslendinga í baráttunni við kórónaveiruna. Heilbrigðisyfirvöldum og almannavörnum er mætt á jákvæðan hátt og farið að þeirra ábendingum. Einhver meiningarmunur kemur öðru hvoru fram innan heilbrigðiskerfisns og er það traustvekjandi. Umræðulaus hlýðni er aldrei góð og meiningarmunur málefnalega fram settur er ekkert annað en jákvæður.
Haffi

Lesa meira
Allt Frá lesendum

Fréttabréf

 

Frjálsir pennar

Grímur skrifar: KRÍSUVIÐVÖRUN: VHG-19 2021

Orsök VHG-19 kreppunnar eru gamlir misreikningar. Sérfróðir búast við að þá gjaldfallnar, enn vaxandi skuldir VHG hf við ríkið gætu orðið 19 milljarðar 2021. Furðufyritækið á við mikið rekstrartap að stríða, er ógjaldfært í óbærilegri skuldakreppu. Því ber að selja ótrygg Vaðlabréf í áhættuflokki á markaði 2021, svo gert verði upp við ríkið. Sú aðgerð er kjarni gildandi viðskiptaáætlunar ...

Lesa meira

Ámundi Loftsson skrifar: HVAR ER ALÞJÓÐASAMFÉLAGIÐ?

... Snúast alþjóðastjórnmál kannski eingöngu um það hverjir fara með völdin í heiminum?  Snúast þau kannski bara um hernað með tilheyrandi eyðileggingu, dauða og hruni samfélaga. 
Þjóðir heimsins hafa komið upp um sig.  Alþjóðastjórnmál eru í raun ekki sá trausti þáttur í lýðræðisskipulagi þjóðanna sem flest okkar hafa bundið vonir okkar við ...

Lesa meira

Kári skrifar: STÓRA RÁNIÐ UNDIRBÚIÐ – FRAMHALDSUMRÆÐA - RAFORKUTILSKIPUN 2019/944 - ORKUPAKKI 4

Hér á eftir verður haldið áfram þar sem frá var horfið síðast, fyrir áramót, að rekja í stuttu máli innihald raforkutilskipunar ESB nr. 2018/944. Síðast var fjallað um 9. gr. tilskipunarinnar og endað þar. Er þá komið að 10. gr., III kafla. Sá kafli fjallar um „valdeflingu neytenda“ [consumer empowerment] og „neytendavernd“. Í 1. mgr. 10. gr. segir efnislega að aðildarríki [ESB] skuli tryggja að lokakaupendur (viðskiptavinir) hafi rétt til þess að fá rafmagn frá veitu, samkvæmt samningi hennar, óháð því í hvaða aðildarríki veitan er skráð, að því gefnu að ...

Lesa meira

Þórarinn Hjartarson skrifar: PÓLITÍSK MORÐ OG RÍKISHRYÐJUVERK  - AFLEIKUR TRUMPS

Abdul-Mahdi forsætisráðherra Íraks segir Soleimani yfirhershöfðingja hafa verið í opinberum erindagjörðum þar í landi þegar hann var myrtur, að Bandaríkin hafi óskað eftir milligöngu Mahdis í deilu BNA og Írans og Soleimani stefnt á hans fund af þeim ástæðum. Hann kom í venjulegu áætlunarflugi til Bagdad ... Dráp á opinberum sendimanni er gróft brot á alþjóðalögum. Soleimani var næstvaldamesti maður í Írans og þjóðhetja. Það er erfitt að hugsa sér nokkra grófari ögrunaraðgerð gagnvart Íran né heldur grófari íhlutun í málefni Íraks. Þetta er utanríkisstefna sokkin niður í glæpamennsku ...

Lesa meira

Þórarinn Hjartarson skrifar: BREXIT OG BREYTTAR ÁTAKALÍNUR Í STÉTTABARÁTTUNNI

Bresku kosningarnar 12. desember snérust um Brexit og niðurstaðan speglaði stéttalínur. Alveg eins og Brexitatkvæðagreiðslan 2016 gerði það, þótt margur tregðaðist við að sjá það þá. Nú blasir þetta við, breskur verkalýður öskrar það svo skýrt að ekki verður misskilið. Verkalýðurinn segist tilbúinn að búa við stéttaróvin sinn Boris Johnson næstu fjögur árin til þess eins að reyna að tryggja að staðið verði við það Brexit sem hann valdi 2016. Atkvæðagreiðslan 2016 opinberaði mikla gjá á milli valdakerfisins og kjósenda. Ekki bara hafði almenningur á móti sér ...

Lesa meira
Allt Frjálsir pennar