Greinar Apríl 2017

ER FÁMENNIÐ DÝRMÆTASTA AUÐLIND ÍSLANDS?

MBL - LogoBirtist í helgarblaði Morgunblaðsins 29/30.04.17.

... Ég veit að það færi fyrir brjóstið á einhverjum ef áfram yrði haldið að tíunda ágæti okkar lands; að slíkt væri þjóðremba af verstu sort.  Ég myndi þvert á móti stilla slíku upp sem andstæðu hroka og rembings og kalla þetta þakklæti fyrir það sem okkur er falið. En gagnvart hinum hneykslunargjörnu og öllum þeim sem vilja búa í stöðluðum heimi helst frávikalausum - þar sem allt hefur verið fært alla leið niður að lægsta samnefnara - ætla ég að ganga enn lengra í meintri þjóðrembu og afturhaldssemi og ræða fámennið ...

Lesa meira

LAUNAFÓLK HLUNNFARIÐ?

Vistarband - öj

Sveinn Elías Hansson skrifar athygllisverða grein á heimasíðu mína um það sem hann kallar nútímavistarband. Fyrirtæki sjái verkafólki fyrir húsnnæði en þar fylgi böggull skammrifi. Hann þekki dæmi þess að atvinnurekandinn skuldajafni húsaleigunni og launagreiðslum og sleppi þennig við að greiða í lífeyrissjóð. Þannig verði launamaðurrinn af réttindum sem honum beri lögum smkvæmt. Í grein Sveins Elíasar segir m.a. ...

Lesa meira

EDINBORG HEIMSÓTT

Edinborg II

.. Gestgjafar okkar voru sannkallaður höfðingjar og hugulsamir í ofanálag þannig að við vorum sem blóm í eggi hverja einustu stund. Kosturinn við að búa inni á heimili er að þá kemst maður nær ýmsum siðum og venjum sem maður ella færi á mis við. Þar fer að sjálfsögðu allt eftir dyntum hvers og eins. Gestgjafar okkar fóru um helgar á markað - og var laugardagur fyrir páska þar engin undantekning - á Castle  Terrace og í Grassmarket að sækja "brauðið sitt" og "skonsurnar, marmelaðið og sultuna sína". Allt bragðst þetta að sjálfsögðu betur þegar öllum seremóníum er fylgt.
Að einu leyti skildi hins vegar með okkur og eftirsókninni í það sem fólki fannst vera eftirsóknarverðast. Þannig ...

Lesa meira

SAMVISKUSPURNING DAGSINS

Palestina I
Addameer

mun þýða samviska á arabísku. Þetta er jafnframt heitið á samtökum sem beita sér til varnar mannréttindum í Palestínu, einkum mannréttindum fanga. Þessi samtök hafa sent frá sér ákall til heimsbyggðarinnar um að taka undir eftirfarandi kröfur um að mannréttindi verði virt í Palestínu:... Undir allt þetta tek ég og hvet aðra til að gera einnig og ennfremur að við gerum þennan dag að tilefni umræðu um Palestínu, þá freslsibaráttu sem þar er háð og þau mannréttindabrot sem þar eru framin af hernámsliði Íslarels. Ætlum við að þegja um misréttið sem á sér stað í Palestínu öllum stundum alla daga, að öllum heiminum ásjáandi? Þetta er samviskuspurning dagsins ...

Lesa meira

NATÓ, DONALD TRUMP OG ÖRYGGI ÍSLANDS

MBL - LogoBirtist í helgarblaði Morgunblaðsins 15/16.04.17.

Atlantshafabandalagið, NATÓ, var stofnað árið 1949 og er einu ári yngra en ég. Sitthvað hefur drifið á dagana síðan ... Þá stóð austurheimurinn og vesturheimurinn andspænis hvor öðrum og voru báðir gráir fyrir járnum. Árás á eitt aðildarríki okkar jafngildir árás á okkur öll sagði NATÓ ... Undir aldamótin hafði áherslunum verið breytt. Í stað árásar var nú talað um ógn. Væri einu aðildarríki NATÓ ógnað væri öllum ógnað.... Duttlungar og árásargirni í bland við skort á yfirvegaðri hugsun er sennilega hættulegasti kokteillinn .... Og nú á að klára Norður-Kóreu. "Ætla Kínverjar að vera með?" spyr Trump - á twitter ...

Lesa meira

BÍTLARNIR Í IÐNÓ?

Bítlarnir
Núverandi rekstraraðila Iðnó hefur verið sagt að taka pokann sinn því nú bjóðist nýir og spennandi kostir. Forsvarsfólk Reykjavíkurborgar hefur hins vegar ekki látið svo lítið að svara okkur sem höfum verið hæstánægð með núverandi rekstraraðila til margra ára og viljum fá að vita hvers vegna hún skal nú hrakin á brott. Að sögn mun tilboð nýrra rekstraraðila hafa þótt svo frábærlega gott að ekki hafi verið hægt að hafna því. Ég náði mér í þetta tilboð, alla vega þann hluta þess sem liggur á lausu. Flottar myndir og fyrirheit um ...

Lesa meira

VEL HEPPNAÐUR FUNDUR Á AKUREYRI

Dýrasjúkdómar

... Fundurinn var haldinn á Hótel KEA og hann sótti fólk úr landbúnaðargeiranum, heilbrigðisstarfsfólk og síðan áhugafólk um lýðheilsu - og síðan náttúrlega bara fólk sem er áhugasamt um umhverfi sitt. Ætli ég teljist ekki sjálfur til þess hóps. ... Við hljótum að leggja við hlustir þegar færustu sérfræðingar okkar vara við óheftum innflutningi á ferskum matvælum og segja að lýðheilsu stafi hætta af.   

Lesa meira

FRAMSÝNI FRAMSÝNAR

Kjötinnflutningur - fundur
Ánægjlulegt var að heimsækja verkalýðsfélagið Framsýn á Húsavík sl. föstudag og laugardag.

Fyrri daginn hélt ég erindi um alþjóðlega viðskiptasamninga í fundarsal verkalýðsfélagsins undir heitinu Togstreita fjármagns og lýðræðis. Spunnust af erindinu góðar og gagnlegar umræður. Á vef verkalýðsfélagsins er gerð ágæt grein fyrir þessum fundi ... Á laugardeginum var svo fundur á FOSS hótelinu þar sem fluttu erindi þeir Vilhjálmur Svansson, dýralæknir og veirufræðingur á Tilraunastöð Háskóla Íslands í meinafræði á Keldum og Karl G. Kristinsson, prófessor og yfirlæknir á sýklafræðideild Háskóla Íslands. Yfirskrift fundarins var ...

Lesa meira

HÁDEGISFUNDUR Á HÓTEL KEA Á SUNNUDAG

Karl og Vilhjálmur
Í fréttatilkynningu frá Búnaðarsambandi Eyjafjarðar segir um fundinn á KEA: Sunnudaginn 9. apríl kl. 11-13 verður haldinn fundur á Hótel Kea Akureyri sem ber yfirskriftina: "Innflutningur á ferskum matvælum - hver er áhættan?" ... Óvíða er jafn stórt hlutfall samfélagsins og í Eyjafirði sem lifir á landbúnaði, úrvinnslu og þjónustu við hann. Mikilvægi þess að þær vörur sem hér eru framleiddar njóti sannmælis vegna hreinleika, bæði hvað varðar takmarkaða notkun lyfja og eiturefna. Á þessum fundi flytja sérfræðingar í fremstu röð erindi um þá hættu sem það hefur í för með sér að flytja fersk matvæli til landisins ...

Lesa meira

TVEIR FUNDIR Í BOÐI FRAMSÝNAR!

Framsýn 2

Föstudag og laugardag verð ég á tveimur fundum í boði FRAMSÝNAR, stéttarfélaganna I Þingeyjarsýslum. Fyrri fundurinn verður föstudaginn 7. apríl klukkan 17:30 í fundarsal verkalýðsfélaganna. Ég verð þar frummælandi og er fundarefnið TOGSTREITA FJÁRMAGNS OG LÝÐRÆÐIS. Mun ég fjalla um alþjóðlegu viðdskiptasamningana sem nú eru á döfinni og meðal annars ræða hvers vegna þeir skipta okkur máli ... Síðari fundurinn verður á FOSS hótelinu, laugardaginn 8. apríl. Hann hefst klukkan 11 og er gert ráð fyrir tveggja tíma fundi þar sem tveir fremstu sérfræðingar okkar í sýklafræði manna og dýra fjalla um HÆTTUNA AF INNFLUTNINGI FERSKRA MATVÆLA ...   

Lesa meira

Frá lesendum

HÚRRA FYRIR BLAÐA- OG FRÉTTAMÖNNUM!

Íslnskir blaða- og fréttamenn hafa ályktað til varnar Wikileaks. Það er fagnaðarefni og um leið undrunarefni. Ég hélt sannast sagna að íslenskir fréttamenn hefðu almennt lagt sig til svefns og svæfu svefninum langa þegar kæmi að gagnrýninni fréttamennsku, hvað þá að verja þá sem NATÓ ríkin ofsækja. Á þingi er í seinni tíð hins vegar lítið um varnir og orði aldrei hallað á blóðugt NATÓ hernaðarbandalagið. Um mál Julian Assange er helst spurt hver hafi sagt hvað og hver megi segja hvað, aldrei er spurt um afstöðu eða hún viðruð í málum af þessu tagi. Það róttækasta sem heyrist úr þinghúsi og ráðhúsi er krafa um að kæligeymslu verði komið fyrir í ...
Sunna Sara

Lesa meira

VILJA Í STRÍÐ VIÐ ÍRAN

Núna er einn utanríkisráðherra að beljga sig út og vill fara í stríð við Íran.
Eftir því sem ég best veit þá réðust Íranir síðast á annað land áður en Bandaríkin voru stofnuð. Núna eiga Íranir að hafa ráðist á olíuflutningaskip frá Noregi og Japan.
Eftir því sem mig minnir þá var það Noregur sem hjálpaði Íran við að koma upp raforkuframleiðslu með kjarnorku.
Því er ólíklegt að ...
Davíð Örn

Lesa meira

SYNDA-AFLAUSN Í BOÐI ICELANDAIR

Ég las Mogga-grein þína (sem birtist einnig á heimasíðu þinni) um synda-aflausn kolefnisjöfnunar. Fannst hún skemmtilegt grín eða þar til í dag að ég uppgötvaði að þetta er dauðans alvara. Ég sé nefnilega tilboð frá Icelandair um flugfar sem yrði gert umhverfisvænt með því að planta tré fyrir ferðalanginn. Með öðrum orðum, viðkomandi þyrfti ekki að hafa samviskubit yfir því að menga þótt flugferðin sjálf mengaði. Sakirnar yrðu gerðar upp með kolefnisjöfnun!
Niðurlagsorðin í ...
Jóel A.

Lesa meira
Allt Frá lesendum

Fréttabréf

 

Frjálsir pennar

Kári skrifar: RAFMAGN ER UNDIRSTAÐA SAMFÉLAGS - HVORKI VARA NÉ ÞJÓNUSTA Í NEINUM VENJULEGUM SKILNINGI - ORKUPAKKI 3

Ýmsum stjórnmálamönnum á Íslandi virðist líka það vel að láta erlendar stofnanir skilgreina fyrir sig eðli fyrirbæra á borð við rafmagn. Taka skilgreiningu ESB á rafmagni sem „vöru“ þannig að hafið sé yfir allan vafa. En því fer fjarri að svo sé. Á skilgreiningunni er einmitt mikill vafi. Enda er hún hönnuð til þess að passa inn í reglur innri markaðar Evrópu, samkeppnisreglur og aðrar þær reglur sem lúta að „frjálsum“ viðskiptum milli ríkja á innri markaðinum. Það hefur verið aldeilis furðuleg upplifun að fylgjast með því undanfarnar vikur og mánuði hvernig íslenska stjórnmálastéttin (að undanskildum Miðflokknum) hefur hrakist eins og skip með bilað stýri undan ...

Lesa meira

Þórarinn Hjartarson skrifar: ÍRAN, HEIMSVALDASTEFNAN OG "MIÐSVÆÐIÐ"

„Ef Íran langar til að berjast verður það opinber endalok Írans“, tísti Donald Trump 19. maí sl.“ Viðskiptaþvinganir, stríðshótanir, hernaður eru kjarninn í bandarískri utanríkisstefnu. Undanfarna mánuði hafa spjótin og sviðsljósið beinst að Venesúela og Íran. Bandaríkin senda herflotafylki og kjarnasprengjuberandi flugvélar austur að Persaflóa. En nú bregður svo við að fáir taka undir bandarísku stríðsöskrin ...

Lesa meira

Kári skrifar: ORKUPAKKI 3 OG GREINING VILMUNDAR GYLFASONAR Á ÍSLENSKA VALDAKERFINU

Fáir hafa greint íslenska valdakerfið betur en hugsjónamaðurinn og eldhuginn Vilmundur Gylfason. Enn er margt í fullu gildi sem hann sagði fyrir tæpum 40 árum síðan um það. Margt af því hljómar enn í hugskotinu enda í fullu samræmi við nútímann. Vilmundur Gylfason hélt eftirminnilega þrumuræðu á Alþingi þann 23. nóvember árið 1982. Þá lýsti hann valdakerfinu þannig að lengi verður í minnum haft. Þátturinn Vikulokin í morgun, á Rás eitt, er gott dæmi um það hvernig „varðhundar valdsins“ á Íslandi afbaka það sem raunverulega á sér stað ...

Lesa meira

Kári skrifar: ÁHRIF EVRÓPURÉTTAR Á RÉTT EINSTAKRA AÐILDARRÍKJA ESB

... En í ljósi þess hvernig mál hafa þróast á umliðnum árum, þar sem Evrópusambandið hefur öðlast æ meira vald frá þjóðríkjunum, verður sú spurning sífellt áleitnari hvort ekki sé kominn tími til þess virkilega að hugsa þessi mál öll upp á nýtt. Sumir vilja „ganga alla leið“ - í Evrópusambandið. Það sýnist að mörgu leyti mun verri kostur nú en stundum áður. Fyrrum utanríkisráðherra ...

Lesa meira

Kári skrifar: HVAÐ SKÝRIR STEFNU STJÓRNVALDA UM INNLEIÐINGU ÞRIÐJA ORKUPAKKANS?

Í ljósi þeirrar ofuráherslu sem stjórnarmeirihlutinn leggur á innleiðingu þriðja orkupakkans er mjög knýjandi að finna orsakir þess. Hér verður sett fram eftirfarandi tilgáta. Vinstri-græn leggja á það mikla áherslu að stóriðjan verði smám saman lögð niður en raforkan þess í stað seld í gegnum sæstrengi til Evrópu – sem græn raforka. Hugmyndin er þá sú að Landsvirkjun verði skipt upp, á næstu árum (og byggt á samkeppni í takti við þriðja orkupakkann) reistir verði vindmyllugarðar (í nafni grænnar orkuframleiðslu) og fjöldi smávirkjana reistur ...

Lesa meira
Allt Frjálsir pennar