Greinar 2017

DRAUMSÝN JÓHÖNNU MEÐ SÖGULEGU ÍVAFI

Johanna Sig 2

Það er ágætur siður stjórnmálamanna að setja fram æviminningar sínar á prenti. Ekki endilega vegna þess að þær séu alltaf áreiðanlegustu heimildir um hvað á daga þeirra dreif heldur vegna þess að slíkar ævisögur varpa iðulega ljósi á þá sjálfa. Nýútkomin ævisaga Jóhönnu Sigurðardóttur, sem Páll Valsson færði í letur, er þannig fyrst og fremst heimild um manngerð hennar sjálfrar, samskipti hennar við samferðarmenn, sanngirni í þeirra garð eða skort á sanngirni eftir atvikum því í bókinni er það hún sem eðli máls samkvæmt er til frásagnar og svo að sjálfsögðu sýn hennar á samtíð og framtíð og þá drauma sem hún hefur borið í brjósti. Ef til vill væri nær að tala um ... 

Lesa meira

TAX-FREE HÚSASMIÐJA OG BUSSAR Í REYKJAVÍK

Taxfree - Húsasmiðjan

... Nú vill svo til að vörur þessara verslana verða áfram skattlagðar enda ekki í valdi Húsamiðjunnar og Blómavals að ráða skattlagningu á vörum sínum. En öðru ráða þessar verslanir og það er eigin álagningu. Hvers vegna ekki segja viðskiptavininum að til standi að lækka álagningu eða afleggja hana með öllu í fáeina daga?
Eflaust mætti þýða þetta yfir á ensku ef menn vilja fremur auglýsa á því tungumáli :A few days without profit in Húsasmiðjan and Blómaval! Og fyrst enskan er annars vegar þá má spyrja hvort það sé í samræmi við vel auglýsta málstefnu Reykjavíkurborgar ...

Lesa meira

DAGLEG ÁNÆGJA MILLJÓNA MANNA

MBLBirtist í helgarblaði Morgunblaðsins 25/26.11.17.

Eldri Reykvíkingar muna án efa eftir þessari flennifyrirsögn sem slegið var upp á stærsta húsvegg Reykjavíkur, Nýja bíói, sem gnæfði innaf horni Lækjargötu og Austurstrætis: Dagleg ánægja milljóna manna. Og hver skyldi hafa hlotið þennan heiðurssess í borgarmyndinni; hvað var það sem talið var veita milljónunum svo ríka ánægju að ástæða þótti til að slá því upp með þessum hætti? Gleðigjafinn góði var Wrigley tyggigúmmí!  Tvær þrjár tyggjóplötur voru undir fyrirsögninni og svo áberandi voru þær að sérhvert gestkomandi auga gat ekki farið á mis við boðskapinn. Eftir nokkurra ára sambýli við tyggigúmmíið  ...

Lesa meira

AÐ SKYNJA OG SKILJA: HUGLEIÐINGAR Á LEIÐARÞINGI KJALARNESSPRÓFASTSDÆMIS

Hafnarfjarðarkirkja 2

... Þegar ég var ungur að árum sótti ég stundum messu í Kristskirkju, á Landakotshæðinni í Reykjavík. Ekki vegna þess að ég væri kaþólskrar trúar eða mikillar trúar yfirleitt, heldur vegna þess að vinir og leikbræður ... áttu kaþólska foreldra sem sóttu kirkju og við strákarnir fengum stundum að fljóta með þegar haldið var til messu á sunnudögum. Mér fannst þetta ágætur siður, hátíðlegt að sjá litskrúðug klæðin, finna ilminn af reykelsinu, hlusta á sönginn og prestana tala og tóna. Á þessum tíma fóru þessar helgiathafnir fram á latínu þannig að maður skildi ekki orð af því sem sagt var. Allt var þetta því fyrst og fremst stemning, hughrif og kannski ...

Lesa meira

SIGURJÓN, TOLSTOJ OG ÞORGEIR

Sigurjón Friðjónsson

Á eftirfarandi hátt skapast hugrenningatengslin sem raða þessum mönnum saman í fyrirsögn: Nýlega sótti ég samkomu í Norræna húsinu til minningar um Sigurjón Friðjónsson en á þessu ári eru eitt hundrað og fimmtíu ár liðin frá fæðingu hans norður í Þingeyjarsýslu. Athygli mín beindist að þessum gáfaða og djúphygla manni fyrir nokkuð löngu síðan en samstarfskona mín til margra ára á BSRB, Svanhildur Halldórsdóttir, er barnabarn hans.  Svanhildur sem augljóslega er barnabarn afa síns, færði mér að gjöf rit hans, Skriftamál einsetumannsins, eftir að ég hafði beðið hana að segja mér af honum. Skemmst er frá því að segja að ég heillaðist af ...

Lesa meira

Á HEIMSÞINGI PUBLIC SERVICES INTERNATIONAL

PSI - LOGO

... Hér nefni ég málstofurnar sérstaklega en á þinginu fór fram lífleg almenn umræða um aðskiljanleg málefni, bæði sem sneru að samtökunum inn á við en einnig út á við. Þess má geta að þegar jafnréttismál bar á góma hlaut Ísland lof fyrir jákvæða viðleitni og þegar í ljós kom að þingið sætu fulltrúar félagasamtaka sem hefðu komið á kröftugan hátt að jafnréttisbaráttunni, þá kvað við dynjandi lófaklapp Íslendingunum til heiðurs. PSI hefur komið mjög að þeim málum sem heitast brenna á heimsbyggðinni, efnalegri misskiptiungu, heilbrigðisvanda fátækra þróunarlanda ... gegn einkavæðingu og alþjóðlegum viðskiptasamningum að því leyti sem þeir eru á forsendum fjármagnisins og á kostnað almennings ...

Lesa meira

MALBIKUM ÍSLAND - EKKI ALLT!

MBLBirtist í helgarblaði Morgunblaðsins 11/12.11.17.
Ekki veit ég hvar Air Connect (Flugfélag Íslands) vill hafa flugvelli á Íslandi en hitt veit ég að forsvarsmenn Icelandair (Flugleiða) telja koma til álita að slétta the Sharp-edged lavafield (Hvassahraun)  þannig að Reykjanesið verði nær allt rennislétt og malbikað með tvo alþjóðaflugvelli og tilheyrandi samgöngukerfum á landi. Nýlega var viðruð hugmynd um að malbika undir alþjóðaflugvöll við Höfn í Hornafirði og ekki ætlar Ölfusið að verða útundan og vill nú fá sinn alþjóðaflugvöll. Svo er að skilja að bæjarstjórnin í Árborg sé að kanna hvort mögulegt sé að steypa sléttlendið norður af Eyrarbakka og ... 

Lesa meira

ÞAKKIR TIL ÆVARS!

Ævar Kjartansson III

Ég var að ljúka við að horfa á þætti Ævars Kjartanssonar um Lúther en tilefnið er að liðin eru 500 frá Siðbót Lúthers. Ævar var á vettvangi, leiddi okkur inn í alla leyndardóma og það verður að segjast eins og er að það er meira en lítið sem vinnst við að segja okkur frá áhrifum Lúthers við hliðina á borðinu þar sem hann sjálfur hafði setið við skriftir og ganga um sömu dyr. Og sjónvarpsmaðurinn frá Grímsstöðum á Fjöllum veit að við þurfum að sjá meira en eitt skrifborð, hús, garða og götur, við þurfum líka að sjá landslag. Allt þetta fylgdi með í pakkanum auk viðmælenda sem ekki voru af verri endanum. Ég hygg að ekki standi margir ...

Lesa meira

VAKNIGARORÐ Á EINELTISDEGI!

Helga Björk - Ogmundur II
Birtist einnig á visir.is

Undanfarin ár höfum við undirrituð sameiginlega sent frá okkur hvatningu á þessum degi en 8. nóvember er alþjóðlegur baráttudagur gegn einleti. Tildrög þessa er samstarf sem við undirrituð áttum á árinu 2009 þegar annað okkar var heilbrigðisráðherra en hitt aktívisti sem beitti sér fyrir aðgerðum gegn einelti, þar á meðal að komið yrði á markvissu samstarfi milli ráðuneyta um að takast á við eineltisvandann í skólum, á vinnustöðum og í þjóðfélaginu. Samráðshópur varð til og síðar var fagráð sett á laggirnar, sem án efa hefur haft þýðingu málefninu til framdráttar ...

Lesa meira

Á FUNDI Í AÞENU OG FRAMHALD Í REYKJAVÍK

AÞENA 2

Föstudaginn 26.október og laugardaginn 27. október var ég gestur á ráðstefnu vinstri sósíalista í Aþenu í Grikklandi. Í forsvari fyrir þennan hóp er Zoe Konstantopoulou, forseti gríska þingsins á fyrstu mánuðum í valdatíð Syriza flokksins en hún sagði hins vegar af sér því embætti og þingmennsku þegar Syriza gekk í björgin sem kalla má svo, þegar flokkurinn undirgekkst Evrópusambandsskilyrðin þvert á úrslit þjóðaratkvæðagreiðslunnar frægu í júlí árið 2015 ... Annar gestur á ráðstefnunni var franski sósíalistinn Jan-Luc Mélenchon, sem fékk rétt tæp 20% í fyrri umferð frönsku forsetakosninganna fyrr á þessu ári með rúmlega 7 milljónir atkvæða, og var því hársbreidd frá því að ...

Lesa meira

Frá lesendum

ÞÖRF Á NÝJU AFLI!

Er ekki gott, fórnfúst og þjóðhollt fólk einhverstaðar þarna úti, sem er tilbúið að vinna að því að koma á fót nýju afli til mótvægis við alla stjórnmálaflokkana sem fyrir eru og sem eru ákveðnir í að fórna Íslandi þrátt fyrir vilja meirihluta þjóðarinnar?! Látum þetta ekki gerast. Það liggur mjög mikið við! Við bíðum eftir að heyra frá slíku afli.
Halldóra

Lesa meira

AUÐVELT AÐ KAUPA FRIÐHELGI

Mér ofbýður hve landinn leggst lágt við að bugta sig fyrir hinum ekki-algóða Ratcliffe „stórbónda“ og „höfðingja“. Það er svo grátlega auðvelt fyrir slíkt fólk að kaupa sér friðhelgi og ofurtrú almúgans á Íslandi; nokkrar krónur til HÍ og orð í eyra þeirra sem það vefst fyrir að neita „velboðnu“.
Halldóra

Lesa meira

ÁKÚRUR HLUTU

Þetta er lélegt katta klór
yfir klaustursrónagengi
þeir viðhöfðu þar orðin stór
er þjóðin minnist lengi.

Siðareglur að sjálfsögðu brutu
en sídrykkunnar allir þar nutu
Beggi og Bragi
eru ekki í lagi
af umælum sínum ákúru hlutu.
...
Höf. Pétur Hraunfjörð.

Lesa meira

LANDSMENN LESI ENDILEGA GREIN HÉRAÐSDÓMARA!

Ég vil benda þínum ágætu lesendum, Ögmundur, á mjög góða grein héraðsdómarans Arnars Þórs Jónssonar, í Morgunblaðinu í dag, 27. júlí og ber heitið; Fullveldið skiptir máli. Greinin er rituð af skarpskyggni og þekkingu á rótum vandans sem við er að etja og birtist nú í bullandi ágreiningi um þriðja orkupakkann. Óhætt er að segja að lestur hennar muni dýpka skilning margra á málinu. Þá hefðu stjórnmálamenn alveg ...
Kári

Lesa meira

Í HÖNDUM AUÐMANNA?

Útlendir hér úr sér breiða
upp til hópa kaupa landið
Frá fjöruborði og til heiða
Íslendingar upp nú standið!!

Í Seðlabanka er sigurinn tær
sjáum brátt örlagaráðinn
Því Katrín valdi konur tvær
og fjármálalæs er snáðinn.

Frjálshyggju-prestinn við fengum
öll vandræðin á Katrínu hengjum
okkur til tjóns
er Ásgeir Jóns
og vaxtaokur enn-þá framlengjum.
...
Höf. Pétur Hraunfjörð.

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: VÍGVÆÐING NORÐURSKLÓÐA

Ný hervæðing á Keflavíkurflugvelli er liður í vígvæðingu norðurslóða, Norður-Atlantshafsins og Norður-Íshafsins. Hver vígvæðingarfréttin rekur aðra. A  Á undanförnum mánuðum hefur útvarpið sagt nokkrar fréttir af viðamiklum framkvæmdum á Keflavíkurvelli á vegum (aðallega) Bandaríkjahers, aðstöðu fyrir fleiri kafbátaleitarvélar, íbúðir fyrir meira en þúsund hermenn og uppfærsla ratsjárkerfa í fjórum landshornum. Hægt verður að taka við allt að tveimur orrustuflugsveitum hvenær sólarhringsins sem er, í hverri flugsveit jafnan 18 til 24 orrustuflugvélar o.s.frv. ...

Lesa meira

Kári skrifar: LANGSÓTTAR OG FJARSTÆÐUKENNDAR LÖGSKÝRINGAR "STEYPUPRÓFESSORS OG LAGADEILDARDÓSENTS - ÞRIÐJI ORKUPAKKINN

... Í grein í Fréttablaðinu í dag, 16. ágúst, er grein eftir „steypuprófessorinn“ og lagadeildardósent við Háskólann í Reykjavík. Greinin er að mestu endurtekning á fyrri rangfærslum. Þó er rétt að fara nokkrum orðum um það sem þar er haldið fram. Í greininni endurspeglast mjög sérkennileg „lagahyggja“ en hún birtist þannig að það eina sem talið er skipta máli sé lagatextinn sjálfur og ef ekkert stendur í lagatextanum (sem er raunar rangt) þá sé engin hætta á ferðum. Þetta má kalla „lögfræði án jarðsambands“...

Lesa meira

Þórarinn Hjartarson skrifar: DANSKA VALDIÐ Í GÓÐU LAGI: BÓKIN HNIGNUN, HVAÐA HNIGNUN?

... Næmi Íslendinga á 19. öld fyrir þjóðernishyggjunni á sér auðvitað fjölþættar orsaskir. Menningarleg einsleitni á Íslandi rímaði mjög vel við hugmyndir þjóðernissinna um þjóðríki. Sameiginleg menningarleg fortíð, tilvist sjálfstæðs samfélags („fríríkis“) í fortíðinni með sinn menningararf (og allar goðsagnir honum tengdar) styrkti sem kunnugt er sjálfskennd þjóðarinnar. Fjarlægð hins danska stjórnvalds frá íslenskum vettvangi samræmdist illa gróandi hugmyndum um lýðræði, vald þegnanna í eigin málum. Loks er það sú hugmynd/kenning baráttumanna fyrir sjálfsstjórn sem mest var notuð: að landið hefði verið vanrækt, arðrænt og dregist aftur úr (því hafi hnignað). „Módernistar“ í túlkun sjálfstæðisbaráttunnar hafa undanfarið sagt að þessi síðasttöldu sjálfstæðisrök hafi byggt á misskilningi ...

Lesa meira

Kári skrifar: FÁEINAR "STEYPUSLETTUR" HREINSAÐAR UPP - ÞRIÐJI ORKUPAKKINN

 Hér á eftir verða nokkrar „steypuslettur“ hreinsaðar upp og tengjast þriðja orkupakkanum. Fyrst má nefna grein eftir Ketil Sigurjónsson í Morgunblaðinu í dag, 9. ágúst. Það sem nauðsynlega þarfnast leiðréttingar þar er eftirfarandi: „Þetta kemur t.a.m. með skýrum hætti fram í Samningnum um starfshætti Evrópusambandsins (Treaty on the functioning of the European Union; TFEU). Í þessu sambandi má vísa í 194. gr. umrædds samnings, þar sem segir að skipan orkumála hvers aðildarríkis sé í þess höndum.“[i] Þarna vísar Ketill til 194. gr. TFEU sem fjallar um orku. Það er rétt að 2. mgr. 194. gr. kveður á um rétt aðildarríkjanna hvað varðar eigin orkumál. Hér þarf hins vegar að greina á milli þess sem annars vegar kallast í Evrópurétti „exclusive competences“ og hins vegar „shared competences“. Það var þannig að aðildarríkin höfðu orkumálin algerlega á sínu valdi. Það á hins vegar ekki við lengur ...

Lesa meira

Kári skrifar: ÞUNN OG SJÓBLÖNDUÐ STEYPA PRÓFESSORS - ÞRIÐJI ORKUPAKKINN

 Í Fréttablaðinu þann 31. júlí er grein eftir mann sem titlaður er prófessor [hér eftir nefndur „Steypuprófessor“] við Háskólann í Reykjavík. Greinin nefnist „Sæstrengjasteypa“. Greinin lýsir einfeldni og oftrú höfundar á lagareglum alþjóðaréttar. Mætti kalla þetta „barnalega einfeldni“. Það er við lestur svona greina sem stundum læðist að manni að brotalöm kunni að vera í lagakennslu á Íslandi. Skal enn og aftur áréttað að greina þarf skýrlega í sundur hvernig annars vegar hlutir eru tilgreindir og skilgreindir, í hinum ýmsu lagatextum, og svo hvernig þeir virka í raun. Þar er oft mikið ósamræmi á milli. Eitt er sýnd annað er reynd. Greina þarf á milli þess sem kalla má „jákvæða skyldu“ og hins sem kalla má „neikvæða skyldu“. Sú fyrrnefnda felur sér ... 

Lesa meira

Jón Karl Stefánsson skrifar: HERNAÐARYFIRGANGUR BANDARÍKJANNA Á HEIMSVÍSU OG RÚSSAGRÝLAN

Árið 2018 eyddu Bandaríkin 649 milljörðum Bandaríkjadala í hermál. Þá eyddu þau ríki sem næst komu hvað hernaðarútgjöld varðar (Kína, Sádí Arabía, Indland, Frakkland, Rússland, Bretland og Þýskaland) 609 milljörðum Bandaríkjadala samanlagt (Tian o.fl., 2019). Bandaríkin stunda umfangsmestu hergagnaframleiðslu heims. Fimm af tíu stærstu vopnaframleiðslufyrirtæki heims eru bandarísk, þar af þau þrjú stærstu. Meira en helmingur allra vopna heims eru framleidd af bandarískum fyrirtækjum. Bandaríki stunda einnig mesta útflutning á hergögnum allra ríkja, en þar er ...

Lesa meira
Allt Frjálsir pennar