Greinar 2017

UM EINSTAKLINGSÁBYRGÐ OG SAMÁBYRGÐ

MBL - LogoBirtist í helgarblaði Morgunblaðsins 19/20.08.17.

... Hitt er nú orðið morgunljóst, að barátta þeirra sem vilja breytt fyrirkomulag hefur skilað árangri. Fyrir þeirra tilstuðlan virðist nú vera vilji til að breyta lögum þannig að barnaníðingur geti aldrei öðlast rétt til að gegna varðstöðu í réttarkerfinu. Þegar upp er staðið er þetta það eina sem hefur raunverulega þýðingu. Þegar þessum sigri er náð má segja að annað sé fremur til þess fallið að þjóna gægjuþörf og löngun til að geta haft þá til sýnis sem mundað hafa penna sinn í þessu ógæfumáli og þar með  ...

Lesa meira

BRYNJAR VILL MEIRA FRELSI FYRIR SPILAVÍTI OG ÁFENGISSÖLU!

Brynjar 2Austurríski hagfræðingurinn Friedrich Hayek, frjálshyggjupostulinn sem öðrum fremur hvatti til endurreisnar frjálshyggjunnar upp úr seinna stríði og kom meðal annars hingað til lands að frumkvæði Hannesar Hólmsteins í byrjun níunda áratugar síðustu aldar, vildi takamarka ríkisvaldið, nema að einu leyti: Ríkið átti með lagaumgjörð að skapa fjármagninu frelsi ... Brynjari Níelssyni, þingmanni Sjálfstæðisflokksins, nægir ekki þessi nálgun nýfrjálshyggjunnar. Hann vill sérstaklega beina sjónum að frelsi til að reka fjárhættuspil og hagnast á áfengissölu ...

Lesa meira

HVERJIR RÁÐA Í KERFINU?

Bylgjan í bítið 2 rétt

Bylgjumenn, þeir Heimir og Gulli, lögðu í Bítinu í morgun upp í maraþon vegferð. Þeir ætla að spyrja hverjir ráði í "kerfinu", stjórnmálamennirnir, embættismennirnir eða kannski verktakarnir. Þetta eru mín orð en ekki þeirra en inntakið er þetta. Það eru líka mín orð að þetta verði maraþon umræða hjá þeim félögum. En þó hef ég grun um að svo verði enda tilefnið ærið. Mín niðurstaða er þessi: Engar alhæfingar takk! Við riðum á vaðið við Árni Hjörleifsson ...

Lesa meira

AF HRÚTUM, STJÓRNMÁLAMÖNNUM OG PRÓFESSORUM

MBL - LogoBirtist í helgarblaði Morgunblaðsins 05/06.08.17.

 ... Ég get mér til að hinn akademíski bakgrunnur sé ekki það sem sameinar heldur hinir íslensku vinir, væntanlega sjálfir höfundar stjórnarskrárdraganna. Alla vega einhverjir þeirra. Varla getur þetta talist góður vitnisburður um fræðimennsku í nafntoguðum bandarískum háskólum. En aðvitað á ekki að alhæfa um bandaríska lagaprófessora fremur en um stjórnmálamenn almennt eða kynferði þeirra ...

Lesa meira

ÞÁ VERÐUR DÝRT AÐ FARA Í BAÐ

Vestmannaeyjagos 1973
Í fréttum segir frá hræringum í Kötlu og viðvörun varðandi Múlakvísl sem gæti tekið brúna og rofið hringveginn. Það hefur jú áður gerst. Svo eru jarðskjálftar á sunnanverðu Reykjanesinu, þeir eru sagðir óvenju miklir. Eins gott að þar gjósi ekki. Þá kynnu samgöngur við Leifsstöð að raskast og kannski heldur meira en það. Áður hefur gosið á Reykjanesi, mörg hraunin þar runnu eftir landnám og örnefni minna á gossöguna, t.d. Hvassahraun. Ísland er nefnilega eldfjallaland og má búast við öllu. Líka á ólíklegum stöðum. Í bók sem ég las ...

Lesa meira

HUGMYND FRÁ ALMENNINGI!

FrettablaðiðBirtist í Fréttablaðinu 27.07.17.
... Þau voru ófá sem þótti ámælisvert að Björt framtíð skyldi verða til þess að færa Sjálfstæðisflokknum stjórnartaumana í hendur, töldu að þar með væri Björt framtíð að ganga erinda fjármagnsins. Nú fjölgar þeim sem hafa snúið dæminu við og áfellast Sjálfstæðisflokkinn fyrir að greiða götu Bjartrar framtíðar að Stjórnarráðinu, svo mjög gangi sá flokkur erinda gróðaaflanna á kostnað almennings. Er þar sérstaklega horft til framgöngu heilbrigðisráðherrans sem heldur með okkur sífellt lengra út í fen markaðsvæddrar heilbrigðisþjónustu. Gengur hann þar enn lengra en forveri hans úr Sjálfstæðisflokknum, sem illu heilli vildi koma á kerfi Miltons Friedmans ...

Lesa meira

HVER Á AÐ RÁÐA OG HVAÐ Á AÐ RÁÐA, RÚTAN EÐA ÞÚ?

Rútan - 1

Í gær birtist athyglisverð frétt á mbl.is. Fréttin var svona: "Of þung­ar rút­ur aka Gjá­bakka­veg í þjóðgarðinum á Þing­völl­um en Vega­gerðin tak­mark­ar öxulþyngd á veg­in­um við 8 tonn. Gert verður við veg­inn á næst­unni en ástand hans er mjög slæmt. Ljóst er að fjöl­marg­ar rút­ur fara um veg­inn á degi hverj­um sem eru ná­lægt 20 tonn­um að þyngd líkt og rút­an á mynd­inni. Í síðustu viku fór rúta með 43 farþega þar út af eft­ir að veg­ur­inn gaf sig ... 

Lesa meira

Á AÐ BANNA ÖLDRUÐUM AÐ GANGA Á FJÖLL?

MBL - LogoBirtist í helgarblaði Morgunblaðsins 22/23.07.17.

... Sums staðar orkar mannvirkjagerðin tvímælis. Rukkunarskúrinn við Kerið í Grímsnesi og nýleg stigagerð þar fyrir fólk að príla upp og niður, dregur að mínu mati heldur úr ánægjunni að horfa ofan í þennan gamla eldgíg. En "eigendum" er vorkunn ... Ef gengið er mjög langt í mannvirkjagerðinni er hætt við því að við fáum ekki notið hins ósnortna, nálægðarinnar við móður jörð. Burt frá henni værum við komin óralangt á upphækkuðum og sálarlausum Kjalarvegi svo nýlegt dæmi úr þjóðfélagsumræðunni sé tekið. Þeir sem hafa ...

Lesa meira

NÝJA GENGIÐ OG GAMLA GENGIÐ

Sansafn frjálshyggjunnar

... Buchanan var svo einn þeirra sem Jóns Þorlákssonar stofnunin fékk hingað til lands í þágu málstaðarins. Á meðal annarra sem komu, til að vitna hinu heilaga pólitíska orði, má nefna þá félaga í andanum, Milton Friedman og Friedrich Hayek. Miðað við Buchanan voru þeir síðarnefndu sagðir nokkuð útvatnaðir, svo stækur var hann. Tilefni þess að þetta  kemur nú  upp í hugann er að í gær birtist í vefmiðli breska blaðsins Guardian, fróðleg grein ... um Buchanan... Hér á landi heita fánaberarnir Bjarni, Þorgerður og Óttarr, svo fáeinir séu nefndir ... Þetta fólk er nú að eyðileggja heilbrigðiskerfið í umboði kjósenda sinna. Það hlýtur að vera umhugsunarefni fyrir kjósendur Bjartrar framtíðar, Viðreisnar og Sjálfstæðisflokks ... 

Lesa meira

"NASDAQ ICELAND" VILL UMBÆTUR!

Nadasq Iceland II

...Thatcher vildi tryggja kapítalismanum pólitískan bakhjarl í almenningi með því að gera sem flesta að kapítaistum þannig að þeir ættu persónulegra hagsmuna að gæta í velgengni þessa kerfis. Magnús Harðarson, talsmaður Nasdaq Iceland, orðar þessa hugsun Thatchers í miðvikudags Mogga þannig: "Þátttaka almennings á hlutabréfamarkaði er mjög mikilvæg til að stuðla að góðri sambúð atvinnulífs og almennings. Aukin þátttaka er eitt af þeim umbótaverkefnum sem blasa við okkur..." Síðan koma vangaveltur um hvernig hægt væri að láta ríkið niðurgreiða hlutabréfabrask ... Deja vu er raunveruleg tilfinning þessa dagana ...

Lesa meira

Frá lesendum

VERÐUR GENGIÐ GEGN VINSTRI GRÆNUM???

Keflavíkurgöngur gegn Vinstri grænum!! Vinstri menn og konur fóru um langa hríð í árvissar Keflavíkurgöngur gegn hersveit á Miðnesheiði. Nú er varnarliðið farið, en þá allt í einu spretta fram Vinstri grænir og taka sér varðstöðu - um íslenska kvótahafa. Hvað næst? Keflavíkurgöngur gegn Vinstri grænum? Svik sjálfsæðismanna við eigin gildi, þeas ...
Emil J. Ragnarsson.

Lesa meira

,,FLOTT SUMARFRÍ‘‘

Á húsvögnum nú hendast um landið
hamast við að slappa af
Með kórónuveiruna blús og blandið
og fimmþúsundin sem Bjarni gaf.

Nú Samherjasirkusinn sjáum
því saklausar aðgerðir dáum
múlbinda tarfinn
börnin fá arfinn
öllu haldið á svæðum gráum?
...
Höf. Pétur Hraunfjörð. 

Lesa meira

VIÐ LÁTIN BORGA ERLENDRI AUGLÝSINGASTOFU TIL AÐ TREKKJA AÐ ÍSLANDI!

Í fjölmiðlum kemur fram að innan heilbrigðisgeirans sé gagnrýnt hve hratt eigi að fara í að opna landið fyrir ferðamönnum. Nú les ég að skattgreiðendur verði látnir greiða reikning til breskrar auglýsingastofu upp á fleiri hundruð milljónir til að trekkja að sem allra flest aðkomufólk. Af þessi vakna tvær spurningar: 1) Meina stjórnendur þessa lands ekkert með tali sínu og skrifum um að kaupa eigi íslenskt? 2) Eitt er að opna landið, annað að vilja gleypa allan heiminn! Þykir þetta góð dómgreind? Var meiri hófsemi í ferðamennskunni ekki ...
Sunna Sara

Lesa meira

HÓF VERÐI Á TÚRISMANUM!

Oft hef ég séð þig skrifa til stuðnings ferðamennsku Ögmundur. Ég hef verið þér sammála en finn að ég er að snúa við blaðinu - svona innra með mér.
Nú í veirufárinu er ferðamennskan fyrir bí - í bili.
Hvílíkur léttir! Getur ekki orðið of mikið um áganginn af ferðamönnum - bæði þeim hér og þá sömuleiðis af okkur í útlöndum? Barselóna og Feneyjar vilja helst ...
Jóhannes Gr. Jónsson

Lesa meira

NÓG AÐ GERA FYRIR NÝFENGIÐ VINNUAFL

Komdu sæll og ávallt blessaður. Þar eð þú ert fyrrum þing- og enbættismaður langar mig að koma því í letur til þín nú þegar allar horfur eru á að mikill fjöldi manna verði á launum  hjá ríkinu að þegar túrisminn kom svo ört til landsins að fólkið örnaði sér úti um móa og holt í landinu til litils sóma, hvort ekki væri nú tækifæri nú til að setja göngustíga, varnargirðingar, salerni með nýfengnu vinnuafli? ...
Jónas

Lesa meira
Allt Frá lesendum

Fréttabréf

 

Frjálsir pennar

Kári skrifar: MEIRIHLUTI VALDAKLÍKUNNAR ER ANDSNÚINN LÝÐRÆÐI

Meðal þess sem illa hefur gengið að ná fram á Íslandi er lýðræðisumbætur. Kallað hefur verið eftir auknu lýðræði, og þá alveg sérstaklega beinu lýðræði, þannig að hægt sé að skjóta þýðingarmiklum málum beint til þjóðarinnar. Íslenska valdaklíkan er hins vegar almennt skipuð afar valdagráðugu og stjórnlyndu fólki sem lítur á þjóðina sem uppsprettu atkvæða en ekki hóp fólks með sjálfstæðan vilja. Almennt kæra þessir stjórnmálamenn (klíkubræður og systur) ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA TVÖ - RAFORKUTILSKIPUN 2019/944 ORKUPAKKI 4

Þessi grein er framhald síðustu greinar, frá 20. janúar 2020, um sama efni. Haldið verður áfram að rekja innihald tilskipunar ESB 2019/944 um raforku. Tilskipunin er hluti af orkupakka 4. Í síðustu grein var endað á 16. gr. tilskipunarinnar. Eins og áður hefur komið fram brugðust Alþingi og ríkisstjórn Íslands algerlega í orkumálum þjóðarinnar með innleiðingu á orkupakka 3. Hið sama gerðu fyrri þing og fyrri ríkisstjórnir sem vörðuðu leiðina að takmarki einka- og braskvæðingar orkulindanna og nýtingar þeirra. Þjóðin er aldrei spurð álits en vísað til þess að menn hafi umboð kjósenda eftir kosningar. Það eru rök sem halda alls ekki enda eru þeir fáir þingmennirnir sem standa við loforð sín eftir kosningar. „Það er leikur að ljúga leikur sá er mér kær“ var sungið í áramótaskaupinu árið 1967, í umsjón Flosa Ólafssonar ... 

Lesa meira

Þórarinn Hjartarson skrifar: COVID-FARALDUR OG KREPPA - SKOÐUN

Ísland er nú á miðjum skala yfir dánartíðni vegna Covid-19 í heiminum. Dánartíðnin á heimsvísu sýnist sambærileg við árstíðabundna inflúensu, en viðbrögðin eru alveg ósambærileg. „Aukaverkanir“ heilbrigðisstefnunnar eru kreppa sem er líkleg til að valda miklu meiri þjáningu en veikin sjálf. Íslensk stjórnvöld stæra sig af glæstum árangri í baráttunni við heimsfaraldurinn Covid-19. Aðeins 10 eru dánir af veikinni á Íslandi (af Covid-19 og öðrum undirliggjandi sjúkdómum), af 357 þúsund manna þjóð. Dánartíðni vegna sjúkdóma er gjarnan mæld sem hlutfall af milljón, og íslenska dánartalan tilsvarar 28 eða 29 af milljón. Our World in Data er rannsóknarstofnun tengd háskólanum í Oxford og ástundar útreikninga um hnattræn vandamál, fátækt, sjúkdóma, hungur, loftslagsbreytingar, stríð m.m. og byggir á ...

Lesa meira

Þórarinn Hjartarson skrifar: HUGLEIÐINGAR UM COVID-KREPPU

... Getur ein veira sem er ekki sýnist afskaplega mannskæð miðað við sumar aðrar (sjá hér aftar) valdið þvílíkum skaða á efnahagslífi og samfélagi? Nei, en veiran kemur sem viðbót við aðra sjúkdóma sem hrjá hið kapítalíska efnahags- og samfélagskerfi og því verða afleiðingarnar meiri en sjúkdómurinn sjálfur gefur tilefni til ... Fæðuöryggið er í öfugu hlutfalli við stig hnattvæðingar. Kreppan opinberar að „fæðuflæðið“ er líka mjög viðkvæmt. Það má ljóst vera, og tengist hnattvæðingarþróun, að sjálfbjargarstig Íslands hefur aldrei verið minna en nú. Í þessu efni eiga bændur og bæjarbúar (og umhverfissinnar) nú augljóslega sameiginlega hagsmuni af að byggja það aftur upp. ...

Lesa meira
Allt Frjálsir pennar