Greinar Mars 2018

ERU ÞÁ LÍKA TIL ÓVINAÞJÓÐIR?

MBLBirtist í helgarblaði Morgunblaðsins 30/31.03.18.

"Ríkisstjórn Íslands hefur ákveðið taka þátt í samstilltum aðgerðum vestrænna ríkja vegna efnavopnaárásar í enska bænum Salisbury í upphafi mánaðarins. Árásin er alvarlegt brot á alþjóðalögum og ógnun við öryggi og frið í Evrópu. Efnavopnum hefur ekki verið beitt í álfunni frá lokum síðari heimsstyrjaldar. Viðbrögð rússneskra stjórnvalda við árásinni hafa hingað til verið ótraustvekjandi og yfirlýsingar þeirra ótrúverðugar." Svona er upphafið á fréttatilkynningu frá Stjórnarráði Íslands ...

Lesa meira

ÞAÐ VERSTA VIÐ GREIN ÞÓRARINS UM HEIMSSTYRJALDARHORFUR

Þórarinn HJa, hvað skyldi það vera? Ekki þykir mér greinin slæm. Og til að eitthvað sé verra þarf eitthvað að vera slæmt. Þvert á móti þá þykir mér grein Þórarins Hjartarsonar, Heimstyrjaldarhorfur mjög góð og tvímælalaust til umhugsunar. Þ að versta við þessa grein er ekki greinin sjálf, heldur að hún skuli ekki hafa fengist birt í því blaði sem fékk hana senda til birtingar, Fréttablaðinu.
Nú hefur greinin hins vegar birst á fréttavefnum vísir.is og síðan á feisbókarsíðu höfundarins með þessum yfirlætislausu kynningarorðum ...

Lesa meira

NATÓ VER ÞJÓÐERNISHREINSANIR Í AFRIN!

Nató - götóttur fáni

Þetta er veruleikinn. NATÓ hefur enn einu sinni sýnt okkur sinn innri mann. Jens Stoltenberg, framkvæmdastjóri NATÓ pakkar stuðningi sínum við ofbeldi Tyrkjahers í Afrin í Norður Sýrlandi að sjálfsögðu inn í umbúðir eins og stundum áður. Formúlan er þessi: Tyrkir "hafa rétt á að verja sig." Tilefni ummæla NATÓ foringjans eru gegndarlausar loftárásir Tyrkjahers og kjölfarið tortíming á jörðu niðri í Afrin héraði í Norður-Sýrlandi með þeim afleiðingum að hundruð þúsunda hafa þurft að yfirgefa heimili sín, sem oftar en ekki eru rústir einar. Tyrkir þurfi vissulega að  ...

Lesa meira

Á ÚTIFUNDI Í STRASBOURG GEGN OFBELDINU Í AFRIN

Kúrdar - Strasborg

Í kvöld var ég ræðumaður á útifundi í Strasbourg gegn hernaðarofbeldinu í Afrin í kúrdíska hluta Norður Sýrlands. Sem kunnugt er hefur tyrkneski herinn náð Afrin borg á sitt vald með skefjalausu ofbeldi og hrakið þorra íbúanna á brott. Eftir að sjá myndbönd af framferði tyrkneska hersins í Kúrdahéruðum Tyrklands í vitnaleiðslum í París í síðustu viku get ég gert mér í hugarlund ástandið í Afrin og héraðinu umhverfis sem ber sama nafn; mannfall mikið, heilu byggðirnar og borgarhverfi í rústum, hundruð þúsunda manna á vergangi.
Í ræðu minni vísaði ég meðal annars til ...

Lesa meira

ENN NOKKUR ORÐ UM FUNDINN MEÐ VANESSU BEELEY

Beely Vanessa II

Smám saman er taugaveiklunin vegna fundarins sem efnt var til í Safnahúsinu að rjátla af fréttamönnum sem fundu því allt til foráttu að fá hingað til lands rannsóknarfréttakonu sem sögð var draga taum Sýrlandsstjórnar. Gerði hún það? Það má til sanns vegar færa að svo hafi verið. En þá verða menn líka að hafa heiðarleika til að bera til að setja afstöðu hennar í rétt samhengi. Vanessa Beeley hefur minnt á þá staðreynd að Sýrland hafi verið eitt þeirra ríkja sem Bandaríkjastjórn hafði sett á lista yfir ríki þar sem þörf væri á "regime change", með örðum orðum að ...

Lesa meira

BROT Á KÚRDUM SKOÐUÐ Í ANDA BERTRANDS RUSSELLS

MBLBirtist í helgarblaði Morgunblaðsins 17/18.03.18.

... Öllu þessu hafði ég fengið að kynnast á ferðum mínum til þessara svæða og í frásögnum og skýrslum en þegar maður fékk þessa inngjöf í sálarlífið, skipulega fram setta og hlustað var  á þau sem áttu alla þessa þjáningu í vitund sinni, þá held ég að það hafi verið sameiginleg viðbrögð allra sem á hlýddu, að nú væri komið að okkur; að gera allt sem í okkar valdi stæði til að stöðva hryllinginn. Þrjú hundruð áhorfendur grétu ...

Lesa meira

ER ÞAÐ SVONA SEM VIÐ VILJUM HAFA ÞAÐ?

Mismunandi sjónarmið
Ef við gæfum okkur,

að rannsóknarblaðakonan Vanessa Beeley, sem flutti erindi sl. laugardag um sína sýn á fréttaflurning af Sýrlandsstríðinu, væri persónuleg málpípa Assads Sýrlandsforseta... Ef við gæfum okkur að ástralski fræðimaðurinn Tim Anderson, sem skrifaði bókina, The Dirty War against Syria, sem nú hefur verið þýdd á íslensku, væri ný-nasisti og verði stjórnarhætti í Norður-Kóreu og  ...Ef við gæfum okkur að ég væri Rússasleikja, "miðaldra karl með Rússablæti" ....Ef við gæfum okkur að allt þetta væri satt og rétt (sem það núttúrlega ekki er!) ... Gæti það engu að síður ekki staðist að þrátt fyrir þetta kunni ...

Lesa meira

UPPLÝSANDI FUNDUR EN SVONA SVARAÐI RÍKISÚTVARPIÐ

FUNDUR - 10 - SÝRLAND

... Vanessa nýtur virðingar víða um heim en því fer fjarri að hún sé óumdeild. Sumir gagnrýna hana málefnalega en þau eru einnig til sem telja sig ekki þurfa að hlusta á rök hennar og upplýsingar heldur afgreiða hana eins og þeim þóknast best sem vilja forðast gagnrýna umræðu. Í kynningu á fundinum var send út fréttatilkyning til allra fjölmiðla, nokkrum fréttamönnum skrifað ég beint, þar á meðal nokkrum fréttamönnum á RÚV. Ekki fékk ég svar en þegar einn skipuleggjenda skrifaði einum af fréttamönnum Sjónvarps til viðbótar, stóð ekki á svari sem hann sendi frá sér nær samstundis ...

Lesa meira

ER VERIÐ AÐ SEGJA OKKUR SATT UM STRÍÐIÐ Í SÝRLANDI?

fundur _MARS _ ÖJ

Næstkomandi laugardag klukkan tólf á hádegi er boðið til fundar í Safnahúsinu við Hverfsgötu með bresku rannsóknarblaðakonunni Vanessu Beeley. Á fundinum mun hún fjalla um stríðsátökin í Sýrlandi en fyrst og fremst um fréttaflutning af stríðinu og hennar eigin reynslu af vettvangi.
Vanessa heldur því fram að fréttaflutningur frá Sýrlandi sé mjög tengdur hagsmunum stórveldanna og er hún þá sérstaklega gagnrýnin á Vesturveldin, Sádí Arabíu og bandalagsríki þeirra í Mið-Austurlöndum, ekki síst Ísrael. ... Fundurinn mun ekki standa lengur en í rúma klukkustund en hann fer að mestu leyti fram á ensku. Ég hvet öll áhugasöm um málefnið að mæta!... https://www.facebook.com/tilrottaekrarskodunar/?pnref=story

Lesa meira

TIL UMHUGSUNAR Í HEIMI STJÓRNMÁLANNA

Boaras _ upp og niður II

Forystufólk Samfylkingarinnar, núverandi og fyrrverandi, hvatti til þess á landsfundi sínum að samfylkingarfólk hlífði VG í gagnrýni sinni en einbeitti sér þess í stað að Sjálfstæðisflokknum, hinum raunverulega "óvini". Ég er sammála því að Sjálfstæðisflokkurinn er raunverulegur andstæðingur félagshyggjunnar. En hvers vegna? Vegna þess að hann hefur reynst vera málsvari auðhyggjunnar, ekki aðeins í orði heldur hefur hann einnig sýnt það í verkum sínum. En eru það þá ekki verkin og málefnin sem á að gagnrýna? Og á ekki að gera það, sama hver á í hlut?  Þá myndi ég nú leyfa mér að bæta  ...

Lesa meira

Frá lesendum

HÚRRA FYRIR BLAÐA- OG FRÉTTAMÖNNUM!

Íslnskir blaða- og fréttamenn hafa ályktað til varnar Wikileaks. Það er fagnaðarefni og um leið undrunarefni. Ég hélt sannast sagna að íslenskir fréttamenn hefðu almennt lagt sig til svefns og svæfu svefninum langa þegar kæmi að gagnrýninni fréttamennsku, hvað þá að verja þá sem NATÓ ríkin ofsækja. Á þingi er í seinni tíð hins vegar lítið um varnir og orði aldrei hallað á blóðugt NATÓ hernaðarbandalagið. Um mál Julian Assange er helst spurt hver hafi sagt hvað og hver megi segja hvað, aldrei er spurt um afstöðu eða hún viðruð í málum af þessu tagi. Það róttækasta sem heyrist úr þinghúsi og ráðhúsi er krafa um að kæligeymslu verði komið fyrir í ...
Sunna Sara

Lesa meira

VILJA Í STRÍÐ VIÐ ÍRAN

Núna er einn utanríkisráðherra að beljga sig út og vill fara í stríð við Íran.
Eftir því sem ég best veit þá réðust Íranir síðast á annað land áður en Bandaríkin voru stofnuð. Núna eiga Íranir að hafa ráðist á olíuflutningaskip frá Noregi og Japan.
Eftir því sem mig minnir þá var það Noregur sem hjálpaði Íran við að koma upp raforkuframleiðslu með kjarnorku.
Því er ólíklegt að ...
Davíð Örn

Lesa meira

SYNDA-AFLAUSN Í BOÐI ICELANDAIR

Ég las Mogga-grein þína (sem birtist einnig á heimasíðu þinni) um synda-aflausn kolefnisjöfnunar. Fannst hún skemmtilegt grín eða þar til í dag að ég uppgötvaði að þetta er dauðans alvara. Ég sé nefnilega tilboð frá Icelandair um flugfar sem yrði gert umhverfisvænt með því að planta tré fyrir ferðalanginn. Með öðrum orðum, viðkomandi þyrfti ekki að hafa samviskubit yfir því að menga þótt flugferðin sjálf mengaði. Sakirnar yrðu gerðar upp með kolefnisjöfnun!
Niðurlagsorðin í ...
Jóel A.

Lesa meira
Allt Frá lesendum

Fréttabréf

 

Frjálsir pennar

Kári skrifar: RAFMAGN ER UNDIRSTAÐA SAMFÉLAGS - HVORKI VARA NÉ ÞJÓNUSTA Í NEINUM VENJULEGUM SKILNINGI - ORKUPAKKI 3

Ýmsum stjórnmálamönnum á Íslandi virðist líka það vel að láta erlendar stofnanir skilgreina fyrir sig eðli fyrirbæra á borð við rafmagn. Taka skilgreiningu ESB á rafmagni sem „vöru“ þannig að hafið sé yfir allan vafa. En því fer fjarri að svo sé. Á skilgreiningunni er einmitt mikill vafi. Enda er hún hönnuð til þess að passa inn í reglur innri markaðar Evrópu, samkeppnisreglur og aðrar þær reglur sem lúta að „frjálsum“ viðskiptum milli ríkja á innri markaðinum. Það hefur verið aldeilis furðuleg upplifun að fylgjast með því undanfarnar vikur og mánuði hvernig íslenska stjórnmálastéttin (að undanskildum Miðflokknum) hefur hrakist eins og skip með bilað stýri undan ...

Lesa meira

Þórarinn Hjartarson skrifar: ÍRAN, HEIMSVALDASTEFNAN OG "MIÐSVÆÐIÐ"

„Ef Íran langar til að berjast verður það opinber endalok Írans“, tísti Donald Trump 19. maí sl.“ Viðskiptaþvinganir, stríðshótanir, hernaður eru kjarninn í bandarískri utanríkisstefnu. Undanfarna mánuði hafa spjótin og sviðsljósið beinst að Venesúela og Íran. Bandaríkin senda herflotafylki og kjarnasprengjuberandi flugvélar austur að Persaflóa. En nú bregður svo við að fáir taka undir bandarísku stríðsöskrin ...

Lesa meira

Kári skrifar: ORKUPAKKI 3 OG GREINING VILMUNDAR GYLFASONAR Á ÍSLENSKA VALDAKERFINU

Fáir hafa greint íslenska valdakerfið betur en hugsjónamaðurinn og eldhuginn Vilmundur Gylfason. Enn er margt í fullu gildi sem hann sagði fyrir tæpum 40 árum síðan um það. Margt af því hljómar enn í hugskotinu enda í fullu samræmi við nútímann. Vilmundur Gylfason hélt eftirminnilega þrumuræðu á Alþingi þann 23. nóvember árið 1982. Þá lýsti hann valdakerfinu þannig að lengi verður í minnum haft. Þátturinn Vikulokin í morgun, á Rás eitt, er gott dæmi um það hvernig „varðhundar valdsins“ á Íslandi afbaka það sem raunverulega á sér stað ...

Lesa meira

Kári skrifar: ÁHRIF EVRÓPURÉTTAR Á RÉTT EINSTAKRA AÐILDARRÍKJA ESB

... En í ljósi þess hvernig mál hafa þróast á umliðnum árum, þar sem Evrópusambandið hefur öðlast æ meira vald frá þjóðríkjunum, verður sú spurning sífellt áleitnari hvort ekki sé kominn tími til þess virkilega að hugsa þessi mál öll upp á nýtt. Sumir vilja „ganga alla leið“ - í Evrópusambandið. Það sýnist að mörgu leyti mun verri kostur nú en stundum áður. Fyrrum utanríkisráðherra ...

Lesa meira

Kári skrifar: HVAÐ SKÝRIR STEFNU STJÓRNVALDA UM INNLEIÐINGU ÞRIÐJA ORKUPAKKANS?

Í ljósi þeirrar ofuráherslu sem stjórnarmeirihlutinn leggur á innleiðingu þriðja orkupakkans er mjög knýjandi að finna orsakir þess. Hér verður sett fram eftirfarandi tilgáta. Vinstri-græn leggja á það mikla áherslu að stóriðjan verði smám saman lögð niður en raforkan þess í stað seld í gegnum sæstrengi til Evrópu – sem græn raforka. Hugmyndin er þá sú að Landsvirkjun verði skipt upp, á næstu árum (og byggt á samkeppni í takti við þriðja orkupakkann) reistir verði vindmyllugarðar (í nafni grænnar orkuframleiðslu) og fjöldi smávirkjana reistur ...

Lesa meira
Allt Frjálsir pennar