Greinar Júní 2019

Ýmsu góðu hafa mörg íslensk fyrirtæki fengið áorkað um dagana – enda margir lagt hönd á plóginn. Óneitanlega hefur frumkvæði einstaklinga líka skipt miklu máli. Það á án nokkurs efa við um Össur Kristinsson sem setti á laggirnar Össur nafna sinn, fyrirtækið,  sem síðan hefur vaxið og dafnað, fyrst á Íslandi og svo um heiminn allan. Og framleiðslan er ekki eins og hver önnur neysluvara heldur ...

...Pólitískar fangelsanir eru daglegt brauð og á það við um börn og unglinga auk fullorðins fólks. Ég hvet alla til að kynna sér árasfjórðungsrit Addameer sem nálgast má hér ... Hið skelfilega við framvinduna í Palestínu er þögn umheimsins. Eins og við þekkjum þá segir máltækið að þögn sé sama og samþykki. Sem betur fer er þögnin ekki alger. Sveinn Rúnar Hauksson, læknir, hefur aldrei þagnað enda gerðu Palestínumenn hann að heiðursborgara í höfuðborginni Rammallah fyrir ekki svo ýkja löngu og Björk Vilhelmsdóttir, fyrrum borgarfulltrúi ...

Talsverðar umræður hafa spunnist víðs vegar um heiminn um kröfu Bandaríkjamanna um að Julian Assange, stofnandi Wikileaks, verði framseldur til Bandaríkjanna þar sem honum verði stefnt fyrir njósnir. Eins og fram hefur komið á hér á síðunni fór ég til London fyrr í mánuðinum til að sitja fyrir svörum hjá Press Association í London ásamt Kristni Hrafnssyni, ritstjóra Wikileaks og lögfræðingum Wikileaks, um málareksturinn á hendur honum. Þessu greindi ég frá ... Í ofangreindri frásögn kom einnig fram að ég tók þar þátti í fundi ásamt fleirum undir yfirskriftinni Imperialism on Trial ...

Bændablaðið hefur í seinni tíð vera einn kröftugasti fjölmiðill landsins. Bændablaðið er að vinna sér þann sess í hugum okkar margra að blaðið verði maður að lesa vilji maður fylgjast með því markverðasta sem fram kemur í þjóðmálaumræðunni. 
Ritstjórnargreinar Bændablaðsins hafa verið afbragðsgóðar og sömuleiðis fréttaefni. Þá er að nefna greinar í blaðinu sem margar hverjar eru í senn fróðlegar og vekjandi.
Ein slík birist í síðasta tölublaði og er eftir Örn Þorvaldsson, sem ...

ECRI er skammstöfun fyrir þá nefnd Evrópuráðsins (ekki Evrópusambandsins) sem fjallar um kynþáttafordóma og umburðarleysi, European Commission against Racism and Intolerance. Einn fulltrúi er frá hverju 47 aðildarríkja Evrópuráðsins og var ég skipaður fulltrúi Íslands sumarið 2017 og sat ég minn fyrsta fund í lok þess árs ... Á að leyfa trúarhópum að reka skóla á sínum vegum og sínum forsendum innan almenna skólakerfisins, þ.e. skóla kaþólikka, gyðinga, íslamska skóla og á þá ríkið jafnaframt að standa straum af kostnaði; á að leyfa klæðnað í skólum og þegar opinberum embættum er sinnt, sem endurspeglar trúarbrögð ...

Birtist í helgarblaði Morgunblaðsins 22/23.06.19.
Afstaða lækna til boðaðrar heilbrigðisstefnu virðist nokkuð ráðast af því hvar þeir eru starfandi. Afstsaða samtaka lækna er svo aftur varfærin, þeir vilja greinilega sem fæsta styggja og minna á veðurfræðinginn sem sagður var hafa spáð fyrir verslunarmannahelgi: “Gert er ráð fyrir breytilegu veðri - um allt land.“ Það sannleikskorn er í þessari aulafyndni að spá um slæmt veður um verslunarmannahelgi getur ...

Ég varði fyrrihluta þjóðhátíðardagsins í flugvél flugfélags sem einu sinni hét Flugleiðir og einhvern timann Flugfélag Íslands, en heitir nú Icelandair fyrir millilandahlutann og Iceland Connect fyrir hinn innlenda. Icelandair er þó ekki útlenskara en svo að í tilefni dagsins var um borð í vélinni boðið upp á súkkulaðiköku með íslenskum fána á lítilli stöng. Þetta var vel til fundið og kom öllum í gott skap, útlendingum jafnt sem Íslendingum. Síðan fékk maður ...

... Í vikunni var ég í London, tók þar þátt í ráðstefnu um þetta málefni undir heitinu Imperialism on Trial. Þar talaði ég ásamt fleirum en fundarstjórinn var Goerge Galloway. Ég sat einnig ásamt Kristni Hrafnssyni, ritsjóra Wikileaks og lögmanni úr teymi Wikileaks, fyrir svörum á fréttamannafundi Press Association þar sem saman voru komnir um áttatíu fréttamenn víðs vegar að úr heiminum. Ég taldi sextán sjónvarpsmyndavélar og er það til marks um áhugann á málinu. Á miðvikudag var tekið upp viðtal við mig í myndveri Russian Television þar sem ...

Birtist í helgarblaði Morgunblaðsins 08/09.06.19.
Nú er ljóst að ríkisstjórnin ætlar að samþykkja matarinnflutningspakkann. Um er að ræða mál sem varðar stefnu Evrópusambandsins þannig að Samfylking og Viðreisn verða með stjórnarflokkunum og í ljósi sögunnar Píratar að líkindum líka. Saga málsins er sú að  ...

...Hvert hinna 47 aðildarríkja Evrópuráðsins eiga fulltrúa á nefndinni en á fimm ára fresti heimsækja, fyrir hennar hönd, tveir nenfndarmenn ásamt starfsmönnum Evrópuráðsins sérhvert aðildarríkja Evrópuráðsins. Hinn nefndarmaðurinn var írskur, Michael Farrell að nafni, þekktur mannréttindalögfræðingur í Írlandi en lengi vel hafði hann búið á Norður-Írlandi. Þetta var fyrsta heimsókn mín fyrir ECRI nefndina en áður hafði ég verið svipaðra erindagjörða í Moldóvu í nokkur skipti fyrir hönd þings Evrópuráðsins ...

Þá er Verkamannaflokkurinn breski búinn að sparka Jeremy Corbyn og velja sér nýjan formann, man ekki hvað hann heitir, það á eftir að koma. Bernie Sanders er líka á leið í úreldingu vestur í BNA og í staðinn kominn einn álíka spennandi og nýi formaður Verkamnnaflokksins breska. Sá síðarnefndi flutti tíu mínúntna ávarp sem var sjónvarpað og streymt í dag. Ég reyndi að hlusta en eftir þrjár mínúntur var ég farinn að hugsa til jólanna, hvað ætti að kaupa í jólagjafir. Lengur hélt hann ekki minni athygli. Eflaust á hann eftir að hljóta þá umsögn að vera aðgerðarlítill og þess vegna farsæll! 
Þetta veit ekki á gott í heimi sem ...
Jóel A.

Veirunni skulum nú varpa á brott,
vísindum allir því hlýði.
Fólkið það ástundar afbragðsgott,
ætlar að hlusta á Víði.
Kári

Takk fyrir greinina um Venesúela. Og þakkir líka til þeirra annarra sem hafa verið að skrifa í þessa veru, til dæmis um framferði Alþjóðagjaldeyrissjóðsins sem tekur þátt í að níðast á fátækri þjóð með viðskiptaþvingunum á tímum heimsfaraldurs. Það sem stendur okkur náttúrlega næst er að horfa til ríkisstjórnar Íslands og hvernig hún dansar heimsvalda-polka. 
Í ríkisstjórinni hreyfir enginn andmælum og aldrei hef ég heyrt aukatekið orð á Alþingi gegn þessum yfirgangi BNA annars vegar og undirgefni Íslands hins vegar ...
Jóhannes Gr. Jónsson 

Þar Alma, Þórólfur og Víðir. 
Þegnum reglur setja
Þeim landinn í þrautum hlýðir
það lýðinn virðist hvetja.

Metrana þú passa mátt
mæla ávallt tvo 
þú heima líka hanga átt
og hlýða svo.

Þríeykið hér þakkir fær
Þung er sóttar vaktin.
Árangri þar eflaust nær
ákveðin slá taktinn.
...
Höf. Pétur Hraunfjörð.

Hvar skyldi SA telja að mörkin liggi þegar kemur að því að skerða kjör fólks? SA hefur nú lagt til launa- og lífeyrisskerðingar og er þar með að reyna að fara með okkur út á mjög vafasamar brautir. Stjórnvöld vilja að hægt sé að skipa fólki hjá hinu opinbera að gera það sem forstjórarnir ákveða hverju sinni og nú vill atvinnurekendavaldið toppa það með því að láta fólkið í ofanálag sæta skerðingum á umsömdum réttindum.
Nei takk!
Sunna Sara

Það skýtur nokkuð skökku við,
ef skoðum málin brýn.
Að auka vill hún aðgengið,
og elskar brennivín. 

Lýðheilsan er læknum kunn,
líkar sumum miður.
Á Alþingi menn opna brunn,
en aðrir falla niður.
Kári

Ég er sammála þér Ögmundur að raunveruleg hætta er á því að forræðishyggja taki hér yfir. Kapítalisminn ræður nú yfir ríkisvaldinu, það er algerlega augljóst mál. Allt er nú leyfilegt ef aðeins megi það verða til að bjarga kapítalismanum. Frá forræðishyggju er ekki stórt skref yfir í fasisma. Verum á varðbergi. 
Jóhannes Gr. Jónsson

Svikabæturnar þeir sækjast í 
létta sárt kreppunnar dirindí
útgjöld spara
misnota bara
hér atvinnuleysisbætur á því.

Kapítalisminn fékk á kaunin
kominn á ríkiskassann
Nú láta þeir ríkið borga launin
og lyfta undir trassann.
...
Höf. Pétur Hraunfjörð.

Kapítalisminn er kominn á bakkann
kannski þeir detti niður í slakkann
um eymdina gapa
og alveg sér tapa 
auðvitað hysjum við uppum rakkann. 
Höf. Pétur Hraunfjörð.

Gaman er að finna fyrir samstöðu Íslendinga í baráttunni við kórónaveiruna. Heilbrigðisyfirvöldum og almannavörnum er mætt á jákvæðan hátt og farið að þeirra ábendingum. Einhver meiningarmunur kemur öðru hvoru fram innan heilbrigðiskerfisns og er það traustvekjandi. Umræðulaus hlýðni er aldrei góð og meiningarmunur málefnalega fram settur er ekkert annað en jákvæður.
Haffi