Greinar Júní 2020

Olís hefur ákveðið að fjarlægja spilakassa af þjónustustöðvum sínum. Ég tek ofan fyrir OLÍS. Af þessu er manndómsbragur og í þessu felst virðing fyrir fólkinu sem fyllir raðir Samtaka áhugafólks um spilafíkn sem kallað hefur eftir því að spilakössum og spilasölum verði lokað. Reyndar er það þjóðin öll, eða yfirgnæfandi meirihluti hennar, sem kallar eftir þessu samkvæmt nýlegri skoðanakönnun Gallup. Alma Hafsteinsdóttir, formaður Samtaka áhugafólks um spilafíkn skrifar ...

Birtist í Morgunblaðinu 23.06.20.
... Ekkert dugir minna að mínu mati en afgerandi lagasetning sem afdáttarlaust bannar eignarhald einstaklinga á stórum landsvæðum. Hér þarf löggjafinn að setja framkvæmdavaldi, hvort sem er til ríkis eða sveita, stólinn fyrir dyrnar.
Ég þekki það af eigin reynslu hvernig ...

Rætt er um samgögufrumvap ríkisstjórnarinnar á Alþingi, iðulega kallað “samvinnufrumvarpið”. Þar er talað fyrir einkavæðingu í samgöngumálum ... Einhvern tímann hefði VG barist af alefli, jafnvel lagst í málþóf, gegn svona áformum og svona málflutningi. Nú boðar flokkurinn einkavæðingu og mærir hana hástöfum ...

Birtist í helgarblaði Morgunblaðsins 20.21.06.20.
Þegar þeir Kristján Thorlacius, Einar Ólafsson, Haraldur Steinþórsson og fleiri úr forystusveit BSRB á árum áður stóðu að uppbyggingu orlofsbyggða samtakanna á áttunda og níunda áratug síðustu aldar, kölluðu þeir sér til leiðsagnar bestu landslagsarkitekta sem völ var á. Þetta þótti ekki ...

Eftirfarandi umsögn um frumvarp til laga um breytingu á lögum er varða eignarráð og nýtingu fasteigna. 715. mál sendi ég til Alþingis og kom ég fyrir fáeinum dögum fyrir þingnefndina sem um málið fjallar ...

Birtist í Morgunblaðinu 18.06.20.
Á undanförnum árum hafa verið mikil brögð að því að auðmenn, bæði íslenskir en þó ekki síður erlendir, kaupi upp landareignir hér á landi og eru sumir þeirra komnir með umtalsvert eignarhald á sína hendi, sumir gríðarlegt. Þetta hefur farið mjög fyrir brjóstið á mörgum leyfi ég mér að fullyrða, þótt ekki hafi mótmæli verið mjög sýnileg. Nýlega afhenti kona úr Hafnarfirði, Jóna Imsland, forsætisráðherra tíu þúsund undirskriftir þar sem ... 

Þar kom að því að þöggun á kröfum um að spilakössum og spilavítum verði lokað er mætt með því að færa ábyrgðina á nöfn og kennitölur þeirra sem stýra þeim samtökum og stofnunum sem hagnast á rekstri þessara vítisvéla sem sett hafa fjölda heimila í rúst og eyðilegt líf þúsunda einstaklinga. Þetta er gert í heilsíðuauglýsingu í Fréttablaðinu í dag. Þetta eru fullkomlega eðlileg og réttmæt viðbrögð Samtaka áhugafólks um spilafíkn eftir alla þá ...

Hinn 15. mars síðastliðinn stóð til að efna til fundar um fiskveiðistjórnunarkerfið í Reykjanesbæ þegar tilmæli bárust frá sóttvarnaryfirvöldum að ekki skyldi efnt til fjölmennra funda vegna veirufaraldursins illræmda. Þá var brugðist við með því að senda út “sjónvarpsþætti” á netinu ... Nú verður gert hlé á þessum útsendingum fram yfir verslunarmannahelgi en þá munum við láta heyra í okkur enda stendur ekki til að þagna ...

... Þarna sýnir Olís félagslega ábyrgð sem ber að þakka og lofa. Vonandi verður framhald þarna á. Fyrir bragðið verður ánægjulegra að koma inn á sölustaði Olís! ... Þá þarf að horfa til ríkisstjórnar og Alþingis sem bera ábyrgð á ósómanum með því setja ekki lög sem banni spilavíti eða að lágmarki setji lagaramma sem veiti spilafíklum einhverja lágmarksvörn þegar framangreindar hjálparstofnanir og æðsta menntastofnun þjóðarinnar gera atlögu að þeim. Ríkisstjórn og Alþingi hafa til þessa stólað á að þögn ...

Sveinbjörn Jónsson, sjómaður til áratuga, er gagnrýninn á kvótakerfið, segir það ekki byggt á neinu sem líkja megi við vísindi. Þvert á móti hafi  vanbúin vísindi verið notuð til að afvegaleiða okkur. Sveinbjörn á að baki gríðarlega ... Ragnar Önundarson, viðskiptafræðingur, hefur hins vegar ekki talað gegn kvótakerfi í fiskveiðum. En ekki ver hann braskið, þvert á móti gagnrýnir hann það harðelga. Rifjar upp að útgerðarmanni voru gegfnar upp skuldir upp á 20 milljarða í bankahruninu. Skömmu síðar hafi sami aðili ...

Jólin bráðlega bæta geð
Þá bökkum útúr kófi 
Verum bjartsýn vertu með
og hættum grímuþófi.

Hátíðin nú gengur í garð
grímu jól og pestin
Kaupmenn allir fá sinn arð
en tekjufallsbætur restin.

Lítið gerist lötum hjá
Leiðindin allir sjá
Lúnu höfði lyfta má
Líka mætti fara frá.
Höf. Pétur Hraunfjörð.

Velja Dauðann og verja þann,
virðingu þingsins flíka.
Á Íslandi vantar umboðsmann,
ófæddu barnanna líka.

Þannig er talað á þinginu maður,
þar eru fáir til varna.
Ísland er tilvalinn áfangastaður,
ef eyða skal lífi barna.
Kári

Spilakassi er spillingin ein
sparlega ættir að njóta
þetta er algjört manna mein
marga niður brjóta.

Heimilin eiga nú heldur bágt
um hörmungarnar því yrki
Að vinnu er leitað hátt og lágt
og sótt um tekjufallsstyrki.
...
Höf. Pétur Hraunfjörð

Sífellt meira á móti blæs
margir hætta að anda
Sigríður líklega orðin læs
léttir þó nokkurn vanda.
...
Höf. Pétur Hraunfjörð.

Herinn sig hafði burt
hann er kominn aftur
Verður víst um kurt 
sá vandræða raftur.

Vinstri græn virðast nú
vera á undanhaldinu
því leiðitöm og liðleg frú
er liðhlaupi hjá Íhaldinu.

Hörmuleg er andskotans hítin
hér borga eigum íhaldsskítinn
um þetta yrki
lokunarstyrki
er ríkistjórnin eitthvað skrítin?
...
Höf. Pétur Hraunfjörð.

Smáfrétt var nýlaga laumað út um að 21 ma mundi Pentagon verja í fyrsta áfanga stríðsundirbúnings á Vellinum. IAV strax valið í 6 ma verk- hlutann, aftur mætt í hermangið. VG er afar lúpulegt í meðvirkni sinni. Mjög er fyndin vöktun umhverfis þeirra, sem látast ekki sjá, að blásið er nú í herlúður af kjarnorkutröllum. Blástur úr beljurassi er áhyggjuefnið. Svo illa er komið fyrir eldri málefna- skrá VG að vandséð er, á hvaða grunni það appírat stendur nú. Svo langt er gengið að VG blasir við sem tannlaust viðrini, reikult sem ...
Nonni

Algerlega er ég sammála þér Ögmundur að með afnámi 70-ára starfslokareglu hjá ríki og sveitarfélögum er verið að gera vinnustöðum, stjórnendum þar og vinnuandanum illt með þessu frumvarpi sem þú vísar í hér á síðunni. Þetta er vanhugsað. Ég þekki þetta af eigin raun sem stjórnandi á vinnustað sem er umhugað um góðan starfsanda.
Forstöðumður 

Að kaupa völd er krefjandi og dýrt
í kosningum er áróðri faglega stýrt
í Cóvid fári
á næsta ári
er fátæktin svakaleg
það er skýrt.

Þar kreppunnar verður vart
vælir því allt heima
En þetta fólk allt vinnur svart
ekki má því gleyma. 
...
Höf. Pétur Hraunfjörð.

Í morgun hlustaði ég á forsætisráðherrann tala í útvarpi um afstöðu ríkisstjórnarinnar til sóttvarnaraðgerða. Henni fannst allt vera rétt gert. Allt bara tilmæli, ekki bönn. En það eru ekki einu sinni tilmæli til þeirra sem reka viðbjóðslega spilakassa um að loka þeim. Aðstandendur spilafíkla hafa þó grátbeðið um að “góðgerðafélögin” verði skikkuð til að loka. Nei, aldeilis ekki! Ríkisstjórnin hefur meira að segja fyrir því að breyta reglum frá í vor til að undanskilja spilakassaútgerðina timælum sínum. Ég á dóttur sem þessir kassar hafa eyðilagt. Þess vegna vil ég tala tæpitungulaust við ykkur sem stjórna hér. Í mínum augum eruð þið vesalingar.
Móðir spilafíkils

Haustlitir úti gullnir glóa
gefur okkur aðra sýn
Fljótlega þó fer að snjóa
og vetur yfir öllu gín.
...
Höf. Pétur Hraunfjörð.