Stjórnmál Maí 2012

Á Alþingi fer nú fram umræða um Vaðlaheiðargöng. Í seinni tíð hef ég gerst gagnrýninn á þá framkvæmd vegna þess að áhöld eru um að forsendur hennar standist og síðan hitt að tillögur eru um að flýta Norðfjarðar- og Dýrafjarðargöngum og óheppilegt er að vinna að tvennum göngum í einu. Aðkoma mín að þessum málum hefur fléttast inn í umræðurnar á þingi og hafa söguskýringar sumra þingmanna verið harla misvísandi. Vil ég því gera grein fyrir málinu eins og það blasir við frá mínum bæjardyrum. ...Nú hefur verið ákveðið að freista þess að flýta Norðfjarðar- og Dýrafjarðargöngum. Það hlýtur að skipta máli þegar menn tímasetja Vaðlaheiðargöng sem annars hefðu verið ein í framkvæmd meðan beðið væri eftir fjármagni af samgönguáætlun í hin göngin. Nú ræðir enginn lengur um að setja Vaðlaheiðargöng í einkaframkvæmd - því eftir því er ekki eftirspurn á markaði...

Í gær fóru fram eldhúsdagsumræður á Alþingi og tók ég þátt í umræðunni. Gerði ég aðildarviðræður Íslands að ESB m.a. að umræðuefni og sagði að nú loksins væri ESB farið að viðurkenna að það væri háð vilja samningsaðila hvenær viðræðum lyki en ekki óviðráðanlegum lögmálum himintunglanna eins og iðulega hefur verið gefið í skyn. Þetta hafi komið fram hjá Stefan Füle "stækkunarstjóra" ESB í nýafstaðinni heimsókn hans til Íslands. Síðan fór ég ...

Birtist í Sunnudagsmogganum 26. 05. 2012
Í stjórnarskrá Íslands er eignarrétturinn talinn til grunnréttinda: Mannréttinda. Ef eignarrétturinn er á einhvern hátt skertur skal tjónið bætt að fullu. Nú bregður svo við að í nýjum stjórnarskrárdrögum stjórnlagaráðs eru menn enn við sama heygarðshornið í þessu efni þótt heldur sé verið að færa sig til nútímans hvað varðar auðlindir í almannaeign. Í hinum nýju drögum er líka skírskotað til þess að eignarrétti fylgi skyldur. En grunnhugsunin gamla og úr sér gengna er enn til staðar. Svo heilagur gerðist eignarrétturinn undir nýliðin aldamót og fram á þennan dag, að iðulega heyrist því fleygt að ef sameign hefði verið einkavædd væri hún nánast óafturkræf nema þá á ofurkjörum markaðsprísa. Það er einmitt þetta sem menn vilja læsa aftur inn í nýja stjórnarskrá...

Flugfreyjur eiga í fágætum vanda
félagsmenn þarna nú illa standa
verður sú raunin
að lækka launin
og nýja félagið samningum landa.
Höf. Pétur Hraunfjörð.

Í fjölmiðlum kemur fram að innan heilbrigðisgeirans sé gagnrýnt hve hratt eigi að fara í að opna landið fyrir ferðamönnum. Nú les ég að skattgreiðendur verði látnir greiða reikning til breskrar auglýsingastofu upp á fleiri hundruð milljónir til að trekkja að sem allra flest aðkomufólk. Af þessi vakna tvær spurningar: 1) Meina stjórnendur þessa lands ekkert með tali sínu og skrifum um að kaupa eigi íslenskt? 2) Eitt er að opna landið, annað að vilja gleypa allan heiminn! Þykir þetta góð dómgreind? Var meiri hófsemi í ferðamennskunni ekki ...
Sunna Sara

Oft hef ég séð þig skrifa til stuðnings ferðamennsku Ögmundur. Ég hef verið þér sammála en finn að ég er að snúa við blaðinu - svona innra með mér.
Nú í veirufárinu er ferðamennskan fyrir bí - í bili.
Hvílíkur léttir! Getur ekki orðið of mikið um áganginn af ferðamönnum - bæði þeim hér og þá sömuleiðis af okkur í útlöndum? Barselóna og Feneyjar vilja helst ...
Jóhannes Gr. Jónsson

Útgerð fær án endurgjalds,
auðinn kvóta hylja.
Draga tauminn dýpra valds,
drekkja þjóðarvilja.
...
Kári

Kapítalisminn er kominn að þrotum
kemur ei lengur að nokkrum notum
lítill er gróði
misnota sjóði
og væla út fé með augum tárvotum.
Höf. Pétur Hraunfjörð.

Með fagurgölum og fuglasöng
ferðumst í gegnum lífið
Kannski verður kreppan löng
upp kærleikann því hífið.
Höf.Pétur Hraunfjörð.

Komdu sæll og ávallt blessaður. Þar eð þú ert fyrrum þing- og enbættismaður langar mig að koma því í letur til þín nú þegar allar horfur eru á að mikill fjöldi manna verði á launum  hjá ríkinu að þegar túrisminn kom svo ört til landsins að fólkið örnaði sér úti um móa og holt í landinu til litils sóma, hvort ekki væri nú tækifæri nú til að setja göngustíga, varnargirðingar, salerni með nýfengnu vinnuafli? ...
Jónas

Þjóðin greiðir þeirra raup,
þrýtur kveikinn stuttan.
Sjálf sín hækka siðlaust kaup,
senda fólki puttann.
...
Kári

Veraldar horfi á vorboða káta,
vilja þeir sækja í föngin.
Heilandi er það í hæsta máta,
að heyra fuglasönginn.
Kári

Sammála því sem fram kemur í stuttu en skýru 1. maí ávarpi þínu hér á síðunni um hvað þurfi að ræða svo við verðum viðbúin því að endurreisa Ísland á nýjum forsendum. Það er rétt sem þú segir að í þeirri umræðu þurfi menn að segja til nafns og hver kjör þeir búa við sjálf(ir).
Guðf. Sig.