Beint á leiđarkerfi vefsins

Stjórnmál

16. Maí 2014

AĐGERĐIR RÍKISSTJÓRNARINNAR Í SKULDAMÁLUM

Húsin í bænum - skuldamál
Aðgerðir ríkisstjórnarinnar í skuldamálum hafa framkallað mikil viðbrögð og ekki alltaf mjög yfirveguð. Að sama skapi veldur tímaþröng því að stjórnarflokkunum gefst ekki ráðrúm til að leiðrétta augljósa skafanka á tillögum sínum.

Það minnir á hve mikilvægt það er að tillögur um grundvallarmálefni fái tíma í opinberri umræðu til að leiða í ljós vankanta á lagafrumvörpum og varpa ljósi á ágreining, hvers eðlis hann er, hvort hann er vegna tæknilegrar útfærslu eða mismunandi pólitískrar afstöðu.

Mismunandi afstaða til skattafsláttar af séreignasparnaði er málefnaleg/pólitísk í eðli sínu í þeim skilningi að sumum þykir óeðlilegt að ríkisvaldið heimili skattaafslátt til þeirra sem vilja nýta sér slíkan sparnað til að færa niður höfuðstól húsnæðislána sinna. Ég er þessu hins vegar algerlega sammála og tel þetta skynsamlegt. Færði ég rök fyrir afstöðu minni í þingræðu um málið.
Í stuttu máli þá tel ég það vera æskilegt að stuðla að því að fólk færi sparnað sem (alltof stórir) lífeyrissjóðirnir höndla með á ótryggum fjármálamarkaði inn í öruggasta form sparnaðar sem gefst: heimilið. Og að þetta gerist framan af starfsævinni en ekki eftir að henni er lokið.
Ráðstafanirnar nú taka til þriggja ára en íhuga mætti að mínu mati hvort þetta form ætti að gilda til frambúðar. Sumum þykir miður er hve hátt skattleysismarkið er, þ.e. 750 þúsund á ári, sem þýðir að heimili með rúma milljón í brúttótekjur á mánuði getur nýtt sér afsláttinn að fullu. Þeir sem eru með slíkar tekjur eða umfram þetta og telja þær ekki fram - en þeir eru ófáir - njóta að sjálfsögðu ekki góðs af aðgerðinni.
Ræða mín um málið er hér: http://www.althingi.is/altext/upptokur/raeda/?raeda=rad20140513T133401


Hin meginaðgerðin snýr að lækkun á höfuðstól húsnæðislána. Ég styð meginhugsunina í þeim áformum en hún byggir á því að afnema skattundanþágu þrotabúa bankanna, sem að uppistöðu eru í eigu fjárfestingarspekúlanta og setja jafnframt skatt á fjármálafyrirtæki til að fjármagna aðgerðina. Þetta er í grunninn svipuð hugsun og fyrri ríkisstjórn hugðist byggja á við fjármögnun sérstakra vaxtabóta, að því leyti að hún vildi láta fjármálafyrirtækin kosta aðgerðina, sem gekk eftir að hluta til. Nema hvað nú á féð að renna til þess að lækka höfuðstól lána. Þessa munu njóta margir sem illu heilli fengu engar úrbætur með svokallaðri 110% leið og er það vel.

Að mínu mati skiptir ÖLLU máli að fyrirhuguð skattlagning gangi eftir. Hún er forsendan fyrir mínum stuðningi við málið.  Í öðru lagi VERÐUR að setja eignamörk inn í þessa ráðstöfun. Gangi það ekki eftir mun ég ekki greiða atkvæði með frumvarpinu heldur sitja hjá. Í þriðja lagi er fráleitt að draga sérstakar vaxtabætur frá í útreikningi á því hverjir skuli njóta aðgerðanna og hverjir ei. Vaxtabæturnar gengu nefnilega ekki til að lækka höfðustól lána og eiga því ALLS EKKI að koma þarna til frádráttar. Í síðasta lagi verður þetta aldrei ásættanlegt fyrr en hópar sem þarna eiga að vera inni fá aðkomu að þessum aðgerðum og nefni ég þar sem skýrt dæmi fólk í kaupleigufyrirkomulaginu einsog Búseta. Þá þarf sérstakar aðgerðir fyrir leigjendur.
Að lokum nefni ég mikilvægi þess að fá lausn í máli LÁNSVEÐSHÓPSINS. Það er grundavallar réttlætiskrafa sem óforsvaranlegt er að sinna ekki.
Ræða mín um þetta málefni er hér: http://www.althingi.is/altext/upptokur/raeda/?raeda=rad20140515T155742    

      

 

 


Bréf til síđunnarRSS Fréttaveita

Frá lesendum

14. Október 2018

LANG - LANG BEST

Allsherjar samstaða ákveðin sést
upp sultarkjörin skal hífa
Og auðvitað væri það lang-lang ...
Pétur Hraunfjörð

7. Október 2018

GUĐ BLESSI HEIMINN

Geir bað Guð að blessa landið,

gjaldþrotið og þjóðarstrandið.

Við höfum þanka

...

Pétur Hraunfjörð

 

3. Október 2018

UPPGJÖRIĐ VIĐ UPPGJÖRIĐ: ÍSLENSKIR BANKSTERAR Í AĐAL-HLUTVERKI

Uppgjör við útrás landans
ugglaust ræða má
þegar allt fór til fjandans
og fjöldinn hrunið sá.
...
Pétur Hraunfjörð

2. Október 2018

BRENNIVÍN Í BÚĐIR

Áfengið þau elska mest,
ölið kæra, sanna.
Þörfu ráðin þekkja flest, þ
etta má ei banna.
Kári

20. September 2018

HERĆFINGAR NATÓ MEĐ MEIRU

Herskipin nú hópast að
í heræfingum gellur.
Og flugvélar hér fylltu hlað
að sækja Kanamellur.
Pétur Hraunfjörð

16. September 2018

ŢARF AĐ TALA SKÝRAR UM PENINGAÖFLIN

Sæll Takk fyrir fundinn fyrr í dag (í gær). Verður hægt að nálgast glærurnar og upptöku af fundinum? ... Eitt sem mér fannst nokkuð einkennilegt var að mikið var talað um peningaöfl en samt ekki hver þau í raun væru í núverandi samfélagi. Orðin ferðaþjónustua og hótel voru lítið sem ekkert notuð. Það gæti enginn sagt að VG hefði gert neitt nema að beygja sig niður fyrir þeim öflum á kostnað íbúa borgar og lands. Líf dásamar airbnb og heldur áfram núverandi meirihluta. Katrín talar á móti skattalagabreytingum því hún vinni gegn minni félögum. SJS gerir lítið út umhverfisáhrifum ferðaþjónustunnar ...
Daníel Þór

12. September 2018

ŢEGAR JÓAKIM VON AND FĆR VÖLDIN

Þakka þér fyrir að standa fyrir fundi um braskavæðingu borgarinnar. Ég hvet sem flesta að leggja leið sína í Efstaleitið og verða vitni að því sem þar er að gerast. Í stað opins fallegs svæðis þar sem Útvarpshúsið naut sín vel er nú komin mini-Manhattan nema að á Manhattan hefði þetta aldrei verið leyft! Vísa ég þar í Central Park sem ...
Jóel A.  

12. September 2018

HAG-FRĆĐINGAR TIL LIĐS VIĐ SA

Kjararáðið kepptist við,
k
aupið hækka toppa.
Fjögur prósent fáið þið,
flóðið viljum stoppa.
Kári

23. Ágúst 2018

MEIRIPOKA-MENN HANNESAR

Meiri pokann margur vó,
Mammons trú þeir játa.
Í minni pokann mega þó,
menn við dauða láta.
Kári

21. Júlí 2018

TIL HAMINGJU!

Nú sjötugur ´ann segist vera
og sennilega er rétt
En ellina mega ýmsir bera
Ögmundur gerir það létt.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

8. Október 2018

Gunnar Örn Gunnarsson skrifar: MANNAUĐS-STJÓRNUN EĐA „ŢRĆLAHALD".

Það er sorglegt að átta sig á því að alþjóðlegir auðhringar, eigendur allrar stóriðju á Íslandi, sem hugsa fyrst og fremst um hagnað og gróðavon, fari miklu betur með sinn mannauð en opinberar stofnanir sem reknar eru að meirihluta til af almannafé. Mikil umræða hefur verið um styttingu vinnuvikunnar og sitt sýnist hverjum og veltur það aðallega á „hagsmunum" þeirra sem um fjalla eða á misskilinni hagsmunagæslu ákveðinna aðila. Það skal tekið fram að eftirfarandi samanburður er ekki gerður til að öfundast út í þá sem vinna í stóriðju eða til að grafa undan þeim réttindum og kjörum sem þar hafa náðst ...

27. September 2018

Ţórarinn Hjartarson skrifar: HĆGRI-POPÚLISMINN - HELSTA ÓGN VIĐ LÝĐRĆĐIĐ?

RÚV, popúlisminn og hnattvæðingin; Hvaðan kemur hægri-pópulisminn, hvert er samband hans við hnattvæðinguna og ríkjandi stjórnmálastefnur á vesturlöndum, hvað vantar í greiningu/umfjöllun fjölmiðla og meginstraums-stjórnmálaflokka á honum? Ef hlustað er á RÚV fæst sú mynd að mesta vandamál í stjórnmálum Vesturlanda og jafnvel heimsins alls sé hægripopúlismi/ þjóðernispopúlismi. Sem er ekki rétt, en stafar af því að RÚV er málgagn markaðsfrjálslyndrar, hnattvæddrar, kapítalískrar heimsvaldastefnu (vestrænnar). Sem stafar aftur af því að ...

3. Júlí 2018

Kári skrifar: ŢJÓĐAREIGN OG KVÓTAKERFI Í LJÓSI SAMKEPPNIS-RÉTTAR

... Löggjafinn, Alþingi, er hins vegar rígbundinn margskonar hagsmunaöflum sem í raun stjórna ferðinni og því ekki við miklu að búast úr þeirri áttinni. Umræða um „hag­ræðingu" kemur fyrir lítið, eigi menn ekki það sem hagræðingin snertir. Með öðrum orðum; eignarréttur íslensku þjóðarinnar var hafður að engu. Þjóðareign varð að „þjófaeign". Það er kjarni málsins. Hið svokallaða „framsal" er því lögleysa frá upphafi þegar af þeirri ástæðu. Þar að auki hefur íslenska þjóðin notið í litlu meintrar hag­ræðingar sem hefur að stærstum hluta endað í vösum braskara og hluthafa útgerðarfyrirtækja ...

Slóđin mín:

Stjórnmál

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta