Umheimur 2006

BETLEHEM FYRR OG NÚ

Í Betlehem er barn oss fætt

, er sungið um jólin þegar fólk minnist fæðingar Krists. Okkur er innrætt að jólin eigi að vera tilefni til göfugrar hugsunar. Prestarnir predika um mannkærleikann og boðskapur réttlætis og friðar er í hávegum hafður. Allt of mörgum þykir það hins vegar vera þægilegra að hugsa um tvö þúsund ára réttlæti eða ranglæti, eftir atvikum, en veruleika samtímans sem kallar á afstöðu okkar hér og nú. Í dag heyrðum við í fréttum Svein Rúnar Hauksson, lækni og formann félagsins Ísland-Palestína, tala frá Betlehem. Hann hafði komist til borgarinnar í fylgd biskups frá Jerúsalem, að því er mér skildist (eða var það biskupinn af Kantaraborg sem einnig var í Jerúsalem í dag?). Borgin er nánast eins og lokað fangelsi, umlukt múrum og umsetin ísraelsku hernámsliði. Þetta ætti að vera umfjöllunarefni úr hverjum predikunarstól á jólum meðan þetta kúgunarástand varir. Orð Sveins Rúnars voru ...

Lesa meira

SAMSTÖÐUFUNDUR VEGNA PALESTÍNU – SAMTÖK LAUNAFÓLKS HVETJA TIL SAMSTÖÐU

Í tilefni af alþjóðlegum baráttudegi fyrir sjálfsákvörðunarrétti palestínsku þjóðarinnar efnir félagið Ísland Palestína til samstöðufundar á Hótel Borg í kvöld, miðvikudag kl. 20, þar sem Ziad Amro, helsti frumkvöðull blindra og fatlaðra og stofnandi Öryrkjabandalags Palestínu, er aðalræðumaður. Hann mun fjalla fjalla um áhrif hernáms á líf þjóðar, með sérstakri áherslu á fólk með fötlun. Ziad missti sjálfur sjónina af völdum hernámsins.

Lesa meira

ÞAU SKORTI REISN OG DÓMGREIND


...Nálgun Guðna Ágústssonar er hins vegar röng í tvennum skilningi. Í fyrsta lagi er rangt að skírskota til vilja þjóðarinnar í því samhengi, sem Guðni gerir. Vilji hennar lá alltaf ljós fyrir. Ítrekað sýndu skoðanakannanir að þjóðin var andvíg árásarstríðinu. Það var því íslenska ríkisstjórnin sem misnotaði íslensku þjóðina en ekki Bush. Í öðru lagi var það íslenska ríkisstjórnin sem einhliða tók ákvörðun sína um að lufsast með þeim Bush og Blair þrátt fyrir að þær upplýsingar, sem nú liggja fyrir væru öllum sem vildu vita morgunljósar. Hér vísa ég í frábæra grein Steinþórs Heiðarssonar, hér á vefsíðunni. Þar segir á meðal annars: Til að gera langa sögu stutta, lágu fyrir allar þær upplýsingar sem þurfti til að taka rétta ákvörðun í þessu afdrifaríka máli, bæði um stöðu mála í Írak og þau hagsmunasambönd sem sköpuðu samstöðu innrásarríkjanna. Það sem íslensku ráðherrana - Davíð, Halldór, Geir, Þorgerði, Valgerði og öll hin - skorti í raun og veru var einfaldlega ...

Lesa meira

HVERS VEGNA SENDIHERRA ÍSRAELS VILL EKKI FUND MEÐ VG

Menn hafa nokkuð velt því fyrir sér hvers vegna sendiherra Ísraels vildi hitta að máli fulltrúa allra annarra stjórnmálaflokka en VG,  til að skýra hin "tæknilegu mistök" í Ben Hanun á Gaza þar sem 18 óbreyttir borgarar voru myrtir í síðustu viku....Gæti verið að sendiherra Ísraels hafi fengið það veganesti að heiman fyrir Íslandsheimsókn sína að gæta þess að eiga sem minnst samneyti við fulltrúa stjórnmálaflokks sem sendi frá sér orðsendingu af þessu tagi?...

Lesa meira

ÍSLENSK GAGNRÝNI SAMKVÆMT GAMALKUNNRI FORMÚLU


...Enda þótt Valgerður Sverrisdóttir, utanríkisráðherra tæki skýrt fram að hrannvígið í Beit Hanun í síðustu viku væri með öllu óafsakanlegt þá þurfti þessi formúlering að fylgja með. Gerir utanríkisráðherra Íslands sér ekki grein fyrir því að hún er að ávarpa fulltrúa hernámsþjóðar sem hefur fótum troðið mannréttindi og vanvirt samþykktir Sameinuðu þjóðanna um áratugaskeið. Og nú þegar við mótmælum hryllilegum morðum á saklausum börnum þá er hvorki staður né stund til að árétta að Íslendingar telji að Ísraelsríki hafi rétt til sjálfsvarnar! Hvenær skyldi koma að því að Íslendingar fylgi sjálfstæðri utanríkisstefnu og hætti að... Lesa meira

HALLAR Á LÝÐRÆÐIÐ Í EVRÓPU?


Á miðvikudagsmorgun klukkan 8:15 er efnt til morgunverðarfundar á Grand Hótel í Reykjavík undir fyrirsögninni: EVRÓPUSAMVINNAN OG LÝÐRÆÐIÐ. Það er Evrópufræðasetrið að Bifröst sem stendur að fundinum í samvinnu við BSRB, ASÍ, Samtök atrvinnulífsins og Samtök iðnaðarins.
Marius Vahl
sérfræðingur um málefni EFTA ríkjanna hjá CEPS stofnuninni (Center for European Policy Studies) í Brussel flytur erindi á fundinum sem hann nefnir: Double democratic deficit; Influence of the EEA on democracy in Iceland and Norway.
Af þessum titli sýnist mér að megi ráða að fyrirlesari telji að við séum í tvöföldum mínus hvað lýðræðið snertir með hlutdeild okkar í Hinu evrópska efnahagssvæði. Hvað hann á við með því að tala um tvöfaldan mínus á eftir að koma í ljós – hvort hann telur að það ...

Lesa meira


PRÓFDÓMARINN


...Davíð Oddsson, seðlabankastjóri hefur aðra skoðun á þessu máli. Það er honum að sjálfsögðu frjálst að hafa og ekkert nema gott um það að segja ef ekki væri fyrir þær sakir að Ríkisútvarpið gerir hann að eins konar prófdómara í þessu máli. Þegar menn opnuðu vefsíðu Ríkisútvarpsins í morgun gat þar að líta flennimynd af Davíð Oddssyni. Fyrirsögn stórfréttar Ríkisútvarpsins var einkunnagjöf þessa merka álitsgjafa: Davíð Oddsson segir umræðu um Grímsskýrslu vera vitleysu...

Lesa meira

FRAMTÍÐ FRIÐARGÆSLUNNAR


Að undanförnu hefur farið fram talsverð umræða um aðkomu Íslendinga að friðargæslustörfum. Eins og kunnugt er olli það talsverðum deilum þegar íslenskir friðargæsluliðar voru sendir til Afganistans til starfa í tengslum við Bandaríkjaher og NATÓ. Þótti okkur mörgum að verið væri að koma á fót íslenskum her bakdyramegin. Þessu var afdráttarlaust neitað af hálfu utanríkisráðuneytisins þótt myndir af íslenskum friðargæsluliðum sýndu menn með alvæpni og fram kæmi að þeir bæru titla og heiti sem notuð eru í herjum.

Lesa meira

HEFUR ÍSRAEL FYRIRGERT TILVERURÉTTI SÍNUM?

Áfram berast fréttir frá Ísrael, Palestínu og Líbanon þar sem ekkert lát er á ofbeldinu. Mér varð hugsað til ferðar minnar til Palestíunu þegar ég sá í fréttum að minn ágæti félagi og bílstjóri í ferðinni, Qosai Odeh, hafði verið tekinn höndum fyrir mótmæli við bandarísku ræðismannsskrifstofuna í Jerúsalem og beittur harðræði af hálfu ísraelskra hermanna. Qosai  er íslenskur ríkisborgari og væri fróðlegt að vita hvort íslensk stjórnvöld hafi mótmælt handtökunni. Mér varð hugsað til foreldra Qosais, sem ... Þá hafa birst bréf hér á síðunni þar sem skrif mín og annarra, sem hafa verið mjög gagnrýnin í garð Ísraela, eru sögð of einstrengingsleg. En hvað skyldi þeim hinum sömu þá þykja um skrif hins heimsþekkta norska rithöfundar Josteins Gaarder í Aftenposten um síðustu helgi undir fyrirsögninni Guðs útvalda þjóð. Jostein Gaarder segir að Ísrael sé liðin tíð; að við eigum ekki lengur að viðurkenna Ísrael. Ekki verði lengur umflúið að komast að þessari niðurstöðu. Ísrael hafi svívirt viðurkennigu heimsins á tilvist sinni. Ísraelum sé sjálfum um að kenna og eigi þeir ekki að fá frið fyrr en þeir leggi niður vopn. Jostein Gaarder segir stofnum Ísraels hafa verið réttlætanlega í kjölfar Heimsstyrjaldarinnar síðari en með skefjalausu ofbeldi, ofsóknum og rasisma hafi ríkið fyrirgert tilverurétti sínum. Nú sé nóg komið og að menn eigi að tala tæpitungulaust. Grein Josteins er birt hér að neðan á norsku ásamt slóð inn á greinina í Aftenposten. Ég skal viðureknna að ég verð sífellt meira og meira efins um þann rétt sem gömlu nýlenduveldin tóku sér til að stofna ríkið Ísrael með því að hrekja þáverandi íbúa á brott eins og gert var. Ef gyðingar áttu siðferðilegan rétt til stofnunar sjálfstæðs ríkis, eftir Helförina,...

Lesa meira

UM MÆTINGU Á MÓTMÆLAFUNDI GEGN STRÍÐSGLÆPUM

Birtist í Fréttablaðinu 03.08.06.
...Það getur vel verið að á Fréttablaðinu þyki þetta fyndið. Okkur sem sóttum fundinn þótti hann hins vegar vel mannaður, þótt það veki óneitanlega áhyggjur hvílíkt sinnuleysi margir sýna þeim stríðsglæpum sem heimurinn verður nú vitni að í Líbanon og Palestínu og læt ég þá liggja á milli hluta afstöðu hinna sem telja ástæðu til að hafa þessi mál í flimtingum. Með því að gera lítið úr mótmælum sem þessum, er Fréttablaðið að taka afstöðu. Að vísu með hinum lítilmannlegu vopnum, hroka og kaldhæðni, en afstöðu samt...

Lesa meira

Frá lesendum

LOFORÐAVERTÍÐIN BYRJUÐ

Nú kjörtímabilið er klárlega búið
kófsveittir akta á bæði borð
En samstarfið var jú lélegt og lúið
lítið heyrðust trúverðug orð.

Í frjálshyggjunni ei frelsi sést

flokksmenn snúa til varna
En væri ekki lang lang best
að leiða í burtu Bjarna?
...
Höf. Pétur Hraunfjörð

Lesa meira

JÁ NÚ ER KOMIÐ AÐ ÞVÍ

Nú sósíalistar setjast á þing
Sjálfstæðis flokks að gæta
Með alþýðu nú Nallann syng
úr neyðinni vaskir bæta.

Hér svik og lygi sitt á hvað
sjáum nú alla daga
í September við sjáum það
hverjir sultarkjörin laga.

Í lífsins skóla lærði fljótt
að loforð frambjóðenda
Lifðu alls ekki eina nótt
á lygina vildi benda.
...
Höf. Pétur Hraunfjörð

Lesa meira

BRANDARAKALLARNIR SEM GERÐU ÍSLAND GJALDÞROTA

Óli Björn gerir grín að sósíalisma – „Kastró er ekki búinn að vera fimm mínútur í helvíti og við erum þegar byrjaðir að fá flóttamenn“.  Ég man Þegar Íhaldið sá um fjármálaráðuneytið 2008 og Gerði Ísland GJALDÞROTA. Almenningur missti húsnæði og vinnu og FLÚÐI land!

Brandara kallinn Óli Björn
baunar á sósialisma
Virðist í frjálshyggju vörn
hatar víst komonista.

Sósíalistum ég sendi hug
saman hafið valdið
Með samstöðunni sýnið dug
sækið á auðvaldið.

Ráðherraliðið rauk nú austur
í rólegheita kjaftalotu
En fáránlegur var fjáraustur
fóru víst í einkaþotu.
...
Höf. Pétur Hraunfjörð.

Lesa meira

NÚ ER ÞAÐ NALLINN!

Sósíalistar sigla á þing
seinna á þessu ári
Auðvitað nú Nallann syng
nelgdu það Gunnar Smári.

Aðalheiður er alveg óð
aldeilis illa hitti
segir sjómenn veiða kóð
og sýkta ormatitti.

Sautjándi júlí kemur senn
sjötíu og fjagra verður þá
Hann segist í fullu fjöri enn
farðu varlega og slakaðu á.
...

Höf. Pétur Hraunfjörð.

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: ÓPERASJÓN BARBAROSSA – ENN OG AFTUR

Áttatíu ár eru í dag liðin frá innrás Þýskalands í Sovétríkin, Óperasjón Barbarossa, mannskæðasta glæp veraldarsögunnar. Haldið er upp á afmælið með mikilli samræmdri heræfingu í Austur-Evrópu undir bandarískri stjórn, gegn Rússlandi. Æfingin sem nefnist  DefenderEurope 2021 stendur nú yfir en er dreift á nokkrar vikur í 12 Austur-Evrópulöndum, á landi og sjó. Þátt taka 37 þúsund hermenn frá 27 löndum, þar á meðal frá hinum 14 nýju aðildarríkjum NATO í Austur-Evrópu. Öll fer æfingin fram í Austur-Evrópu, frá Eystrasalti til Svartahafs og Balkanskaga ...

Lesa meira

Baldur Andrésson skrifar : “VANDASAMT ER VEGABRASK”

... Árás á sameignarviðhorf um almannavegi birtist í Vaðlaleiknum. Það högg reyndist klámhögg og verður því ekki sértjaldað vegabraski til framdráttar. Sú er ástæðan fyrir þöggun og yfirklóri, enda eru önnur plön um vegabrask í bígerð. Að auki er orðstýr skapara absúrd Vaðlaleiks þeim mikilsverðastur af öllu. Því er reynt að fela öll óhreinindin, allt kusk á hvítflibbum dustað af þeim sem með spunavald fara gagnvart almenningi. Eftir stendur þó ...

Lesa meira

Kári skrifar: HVER Á VINDINN? - BRASK MEÐ ALMANNAGÆÐI

Umræða um vindorkuver á Íslandi hefur varla farið framhjá nokkrum einasta manni undanfarna mánuði og ár. Fjölmiðlar hafa greint frá mjög glannalegum áformum um stóra vindorkugarða, oft í eigu erlendra aðila. Þetta er enn einn anginn af botnlausri græðgisvæðingu samfélagsins. Ætlunin er að fórna landsvæði, útsýni og fuglalífi á altari fáeinna braskara og jafnvel fjárglæframanna.  Fjölmiðlar margir eru gagnrýnislausir, segja einungis frá áformunum en tengja þau ekkert við stærra samhengi. Eftir því sem áherslan eykst á „græna orkugjafa“ sjá braskararnir sér einfaldlega leik á borði að ...

Lesa meira

Þórarinn Hjartarson skrifar: FRÁSÖGN KJARTANS ÓLAFSSONAR AF ÍSLENSKUM KOMMÚNISTU

...Pólitískur klofningur verkalýðsaflanna á Íslandi birtist í stofnun KFÍ og brösóttri sambúð hans við Alþýðuflokkinn. Af hverju var sú sambúð svo erfið? Hverjir klufu mest? ASÍ var samvaxið Alþýðuflokknum frá stofnun, 1916. Allt frá 3. áratugnum predikuðu kommúnistar aðskilnað verkalýðsfélaga frá flokknum og stofnun óháðs verkalýðssambands, en kratar hindruðu það. Flokksfélögum kommúnista var meinuð aðild að Alþýðusambandinu, og ekki bara það – krataforingjarnir ákváðu að aðeins Alþýðuflokksmenn skyldu kjörgengir til trúnaðarstarfa innan sambandsins. Þeir klufu verkalýðsfélög hiklaust ef kommúnistar höfðu þar forustu, stofnuðu ný félög og véku hinum úr ASÍ. Þetta var alvarlegasta klofningsstarfið í hreyfingunni. Kjartan Ólafsson kemur inn á þessa klofningsaðferð kratanna, lýsir henni málefnalega (t.d. bls. 87) en hefur samt ekki um hana mörg orð ...

Lesa meira

Baldur Andrésson skrifar: FUGLAR OG FÓLK.

Rjúpa ein hvílir í klóm frænda síns, fálka. Haldin Stokkhólmseinkenni, unir rjúpa sér vel eftir atvikum og bæði segja samband sitt samþykkt í nafni samstöðu. Yfir sveimar vígalegur konungur fugla, fálka og rjúpu, örn, sem kallast Sammi á stundum og veit vel af yfirvaldi sínu yfir þeim frændsyskinum í samstöðubandinu.
Með sunnavindi bárust nýlega öllu fuglageri Íslands vondu tíðindin af harmi kúgaðs fólks í Palestínu, fjöldadrápi á fólki í fangabúðum, fjölþættum ofsóknum um langan tíma á svæði þar sem hatrið ríkir. Hugaður ...

Lesa meira

Kári skrifar: STOFNUN UM SAMVINNU LANDSREGLARA (ACER) - Framsal íslensks ríkisvalds  - Framhaldsumræða

  Í síðustu grein var rætt um tilurð og stofnun ACER og reglugerðirnar sem þessi stofnun landsreglara byggist á. Eftir því sem sumir stuðningsmenn orkupakkanna, sérstaklega á þingi, tjá sig oftar og meira, þeim mun augljósari verður djúpstæður þekkingarskortur þeirra á heildarsamhengi málsins. Málflutningur þeirra minnir helst á tal krakka sem eru að byrja að átta sig á heiminum og reyna að skilja muninn á hlutbundnum og óhlutbundnum veruleika...

Lesa meira
Allt Frjálsir pennar