Beint á leiđarkerfi vefsins

Umheimur

7. Ágúst 2014

BÖRN ERU EKKI DEILUAĐILAR

Birtist í DV 06.08.14.
DV - LÓGÓAllur almenningur í heiminum stendur agndofa frammi fyrir ofbeldinu sem Ísraelar beita Palestínumenn, nú síðast á Gaza. Og forsvarsmönnum margra ríkja heims er órótt. Þegar ráðist er á flóttamannabúðir á vegum Sameinuðu þjóðanna, talar framkvæmdastjóri SÞ um stríðsglæpi. Frakklandsstjórn segir nú í byrjun vikunnar að Evrópusambandið verði að beita sér af meira krafti til í að stöðva blóðbaðið. Bandaríkjastjórn tekur undir. Líka íslensk stjórnvöld. Það er gott.  En svo kemur hún, setningin sem gerir gagnrýnina nánst að engu: „Ísrael hefur rétt til að verja sig!"

Leynilykillinn  


Þetta er siðlausasta setningin af þeim öllum. Vegna þess samhengis sem hún er í. Þegar ríkisstjórn lýsir yfir fordæmingu, þá leggja Ísraelar, Bandaríkjamenn og aðrir stuðningsmenn ofbeldisins við hlustir. Vantar nokkuð þessa litlu setningu? Leynillykilinn sem gerir alla fordæmingu að engu, setur alla vega lítið vinablikk í augað: „ Þetta er vissulega hrikalegt af hálfu Ísraelsríkis, og framferði þess ber að fordæma, en það hefur jú rétt á að verja sig!" Og þetta er sagt þegar allur heimurinn sér að ráðist er gegn saklausu fólki, börn myrt, skólar eyðilagðir, sjúkrahús og sjúkrabílar, rafveitur, vatnsveitur, allt er eyðilagt sem gerir það mögulegt að lifa af á Gaza, þessu stærsta fangelsi heimsins, umsetið og afgirt. Og nú undir sprengjuregni. Þetta eru ekki varnir heldur grimmilegt árásarstríð.

Ógnaröldin úthugsuð!


Mynstrið er orðið gamalkunnugt: Með reglulegu millibili gerir Ísraelsher árás á Gaza. Árásirnar eru hugsaðar sem ofbeldisárásir svo hrikalegar að þær hafi lamandi áhrif. Þær eru líka hugsaðar og taldar nauðsynlegar til að koma í veg fyrir að Palestínumenn geti komið sér upp varnar- og árásarviðbúnaði sem kynni að reynast Ísraelum raunverulega hættulegur. „Við erum langt komin með að eyðileggja jarðgöngin sem liggja út af Gaza", tilkynnti Ísraelsher á mánudag. Og að sjálfsögðu er herinn líka búinn að eyðileggja þann búnað sem til var á Gaza til að skjóta eldflaugum á Ísrael. Látum það vera ef þar hefði verið staðar numið því. En það var ekki gert enda hafa Palestínumenn ekki rétt til að verja sig!

Stefið kyrjað án afláts

En hvað Ísrael áhrærir þá glymur stefið, sem vinaríkin kyrja við mótmæli sín gegn banramorðunum: „Ísrael hefur rétt til að verja sig". En er virkilega sama hvernig það er gert? Verður ekki rétturinn að engu þegar vörnin er fólgin í  árásarstríði og stríðsglæpum?
Ísraelar tala sjaldnast um palestínsk börn eða starfsfólk skóla og sjúkrahúsa. Öllu fólki er dengt undir eina regnhlíf, eitt samheiti: Hamas. Og það er gegn Hamas sem Ísrael segist vera að verja sig.

Deilt og drottnað

Ekki er ég aðdáandi Hamas. En Hamas sigraði í kosningum árið 2006, fékk meirihluta á þingi, 74 þingsæti af 132. Það er staðreynd og það er líka staðreynd að  þá sameinaðist allur hinn vestræni heimur í því að fordæma Hamas, sniðganga lýðræðislega niðurstöðu palestínsku þjóðarinnar. Ýmis ríki sem stutt höfðu uppbyggingu í Palestínu, þar á meðal Evrópusamandið, lokuðu fyrir fjárstuðning. Sá ljóti leikur byrjaði fljótlega  að ganga upp, spilið sem heitir  að deila og drottna. Og síðan þegar það gerist núna nýlega að hreyfingar skipulagðra stjórnmálaarma Palestínumanna, Hamas og Fatah, virtust vera að ná saman, þá þurfti aftur að hella olíu á hatursbál þeirra í milli, allt til að geta deilt og drottnað.

Þá drepum við öll börn!

Og þess  vegna er nú sprengt og myrt og eyðilagt sem aldrei fyrr. Nú þarf nefnilega að gera andstæðingum Hamas það ljóst að hvers kyns samastarf við þau samtök þýðir að börn allra annarra verða í hættu, og rafmagnið tekið af þeim líka og vatnið - ef menn voga sér samstarf við Hamas.
Og ríki hins vestræna heims syngja viðlagið, Ísrael hefur rétt til að verja sig.

Virðingarvert framtak

Ég tek ofan fyrir þeim rúmlega sjö þúsund Íslendingum sem hafa skrifað undir áskorðun um að slíta stjórnmálasambandi við Ísrael. Ég geri það vegna þess að þetta fólk sýnir í verki að það vill leita leiða til að stöðva ofbeldið og sýna á áþreifanlegan hátt andstyggð sína á því.

Lífæðin til Palestínu

Það er með nokkrum trega að ég er ekki með nafn mitt þarna á blaði. Ég vil nefnilega  ekki slíta stjórnmálsambandi vegna þess að eftir það myndu Ísraelar sjá til þess að enginn Íslendingur færi inn í Palestínu og þar með hefðum við því klippt á þá lífæð sem hugsjónafólkið sem heimsótt hefur Palestínu á undanförnum árum, dvalist þar og starfað, hefur haldið opinni og fyrir vikið höfum við verið upplýst um gang mála og jafnframt stuðlað að uppbyggjandi og styrkjandi samskiptum við Palestínumenn  - og friðarsinna í Ísrael - gleymum ekki því hugrakka fólki!.

Þarf að gefa í!

Hitt þykist ég vita að áhrifaríkast væri að slíta stjórnmálasambandi við Bandaríkin. Það kæmi við okkur sjálf sem sýndi aftur hver alvara byggi að baki. Hins vegar er ég ekki talsmaður stjórnmálslita almennt. Ég vil halda leiðum opnum og gera nákvæmlega það sem síðasta ríkisstjórn gerði, viðurkenna Palestínu, tala  máli hennar eins og fyrrverandi utanríkisráðherra gerði hjá Sameinuðu þjóðunum, koma skilaboðum á framfæri við ísraelsk stjórnvöld, sniðganga vörur frá Ísrael, og mæta til mótmæla við sendiráð Bandaríkjanna. Á öllum þessu sviðum þurfum við að gefa í.

Kúgarar og kúgaðir

Og alltaf þegar við heyrum stefið gamalkunna um réttinn til að verja sig og nauðsyn þess að deiluaðilar nái saman, þá þurfum við að minna á það að börnin og allur almenningur í Palestínu er enginn deiluaðili fremur en svart fólk í Suður-Afríku fyrir ekki svo ýkja löngu. Þar voru hins vegar kúgarar og kúgaðir.

 


Bréf til síđunnarRSS Fréttaveita

Frá lesendum

3. Júlí 2017

ŢAĐ SEM TEKJUSKATTS-SKRÁRNAR SEGJA OG SEGJA EKKI

Ég fagna því að tekjuskattsskráin skuli vera birt opinberlega. Hún gefur innsýn í tekjuskiptinguna þrátt fyrir alla fyrirvara sem gera þarf. Furðu margir þykir mér vera með vel rúma milljón á mánuði og eiga því helmingi auðveldari lífsbaráttu en þeir sem eru með þriðjunginn af því. Svo eru hinir sem eru með fleiri milljónir á mánuði. Skyldu þeir skilja hlutskipti hinna tekjulágu? Skondið er að sjá talsmenn samtaka launafólks með hálfa aðra milljón á mánuði, sama fólkið og hefur að undanförnu bísnast yfir þeim sem nálgast þá í tekjum og segja að hækkanir til þeirra hafi sett kjarasamninga úr jafnvægi! Vottar ekki fyrir sjálfsgagnrýni hjá þessu fólki? Síðan er athyglisvert að sjá fólk eins og þingmenn og jafnvel ráðherra nánast ...
Jóhannes Gr. Jónsson

3. Júlí 2017

EI VELTA FYRIR SÉR FRĆĐUNUM

Þar gæinn í gulu fötunum
er talin algjört oy
Ei veltir fyrir sér fræðunum
frekar en Benni boy.
Pétur Hraunfjörð

27. Júní 2017

UNDARLEG KJARARÁĐS-ÁKVÖRĐUN

Sæll Ögmundur! Hvað hefurðu að segja um síðasta útspil Kjararáðs? Bíð eftir því. Man aldrei eftir því að almúginn fengi kauphækkun afturvirkt og var þó lengi úti á vinnumarkaðnum. Væri ekki ráðlegt að áðurnefnt "ráð"sæi bara um samninga til alls launafólks í landinu hér eftir, svo og eitthverja lús til aldraðra og öryrkja. ? Þau yrðu fljót að hespa það af ... 
Edda

26. Júní 2017

... OG BOTNAĐ

Bjarni gamli gránar hratt,
gefur vel á dallinn.
Talnafrændinn tekur skatt,
tíuþúsund kallinn.
Kári

25. Júní 2017

EF FRĆNDI TEKUR ŢÚSUND KALLINN

Bjarni gamli gránar hratt
gefur vel á dallinn
Fáa hefur frændinn glatt
fari tíuþúsund kallinn.
Pétur Hraunfjörð

14. Júní 2017

MAY OG ELLIGLAPA-SKATTUR

Kepptist við það konugrey,
Corbyn hrynda af stalli.
Elliglöpin urðu May,
algerlega að falli.
Kári

11. Júní 2017

AĐ STIMPLA SIG INN Í STRÍĐSÁTÖK

Ég er þér sammála um vopnaburð lögreglunnar, að forðast beri í lengstu lög að vígbúa löggæslumenn okkar með þessum hætti. Þá er ég ekki síður sammála þér um að verið er að "stimpla okkur inn " í stríð með þessum aðgerðum. Finnst okkur það orðið skiljanlegt og eðlilegt að á okkur verði ráðist? Hvenær fer fólk að skilja að hruyðjuverk í Evrópu eru stríðsátök og að Evrópuríkin sem verða fyrir hryðjuverkaárásum standa sjálf fyrir árásum á aðra eins og þú bendir á!!! Hvernig væri að menn fari að kveikja á þessu?
Jóel A.

11. Júní 2017

MEĐ ALVĆPNI Á TORGUM

Með alvæpni á öllum torgum
athyglissýkin var sterk
Eins og í erlendum borgum
ef upp koma hryðjuverk.
Pétur Hraunfjörð

5. Júní 2017

UM FUNDINN Í IĐNÓ: ŢESSU ŢARF AĐ HALDA LIFANDI!

Ég var hugfanginn á þessum fundi og fékk tærari sýn á hversu frelsisskerðing konunnar er undirrót allrar kúgunar og undirstaða valdastrúktúrs feðraveldisins eða svo ég vitni í Abdullah Öclan „A country can't be free unless the women are free ... Þetta eru kannski ekki ný sannindi og að Marx og Engels hafi á sínum tíma rakið uppbyggingu og þróun kapitalismans en þessu þarf að halda lifandi í takti við nýja tíma og framsetning Havin Guneser var uppljómun fyrir mér. Takk Ögmundur, Ebru Gunay og Havin Guneser fyrir frábæran fund ...
Anna

3. Júní 2017

FRÁBĆR FUNDUR!

Ögmundur Jónasson á miklar þakkir skildar fyrir frábæran fund í dag um framtíð Kúrda. Framsögukonurnar tvær, Ebru Günay og Havin Guneser, töluðu mjög skilmerkilega fyrir sósíalisma, lýðræði og kvenréttindum auk þess sem þær sögðu frá blóðugum ofsóknum tyrkneska ríkisins gagnvart Kúrdum og leiðtoga PKK, Abdullah Öcalan, sem hefur verið fangelsaður í einangrun síðan árið 1999. Eitt af því áhugaverðasta við frelsishreyfingu Kúrda, eins og Havin Guneser lýsti henni, er hvernig hún hefur sagt skilið við baráttuna fyrir hefðbundnu þjóðríki og tekið upp nýja áherslu á beint lýðræði ...
Viðar Þorsteinsson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Umheimur

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta