Beint á leiđarkerfi vefsins

Umheimur

9. Janúar 2016

HVAR LIGGUR ÁBYRGĐ ÍSLANDS?

Birtist í DV 08.01.16.
DV - LÓGÓVíða um heim eru blikur á lofti.
Milljónir manna hafa flúið heimkynni sín vegna hernaðar heima fyrir. Og flóttamannavandinn vindur upp á sig, nú síðast í Kúrdistan.
Í öðru lagi eru illvirki hafin til skýjanna sem aldrei fyrr; ríki og öflugar stríðshreyfingar beita þannig kúgun og ofbeldi sem minnir á margt það versta úr myrkri fortíð. Kannski ekki að undra því þangað virðist förinni heitið. Í vikunni kom í ljós að Saudi Arabar vilja ekki vera minni ofbeldisfantar en ISIS trúbræður þeirra og keppinautar.
Í þriðja lagi eru kjarnorkuvopn aftur á dagskrá. Eitt frumstæðasta ríki veraldarinnir gumar af tilraunum sínum við kjarnorkusprengjuna en sem kunnugt er kveðast Norður-Kóreumenn hafa sprengt í tilraunaskyni í vikunni.

Getum ekki firrt okkur ábyrgð

Í öllum tilvikum eru gerendur ofbeldisins fjarri okkur landfræðilega en ekki er þar með sagt að við getum firrt okkur ábyrgð. Á vandamálum stríðshrjáðs heims eru ekki alltaf til einfaldar lausnir en þær eru  þó til oftar en margir vilja vera láta. Ef allir horfðu í eigin barm og tækju á þeim hluta vandans sem er að finna heima fyrir má ætla að við byrjuðum á því að þokast fram á við.

Flóttamannavandinn

Ég efast ekki um að það er erfitt fyrir smáríkið Ísland að hafa sig yfirleitt í frammi á fundum hernaðarbandalagsins NATÓ þar sem ákvarðanir eru teknar. Enda mun hafa farið lítið fyrir okkar mönnum á NATÓ fundinum í Brussel í júlílok þegar Tyrkir fengu grænt ljós á að ráðast á Kúrda til að veikja réttindabaráttu þeirra í Tyrklandi.
Allir sem til þekkja vita að allar götur frá því flokkur Erdogans forseta missti meirihluta sinn í þingkosningum í Tyrklandi um miðjan júní hafa stjórnvöld staðið fyrir ofbeldishrinu gegn Kúrdum til þess að eyðileggja friðarferli sem nú hefur varað um nokkurra missera skeið og orðið til þess að Tyrkir almennt voru farnir að líta Kúrda jákvæðari augum en áður. Á ofbeldisöldunni sem Erdogan skóp, reið flokkur hans síðan til valda að nýju með hreinan meirihluta í þingkosningum í byrjun nóvember. Í kjölfar kosninganna hefur enn verið hert á ofsóknum gegn Kúrdum í austurhluta Tylklands. Í neyðarkalli sem nýlega barst frá kúrdískum verkalýðssamtökum segir að tvö hundruð þúsund manns hafi þurft að flýja heimili sín af völdum þessa ofbeldis. Ef ekki verður lát á má ætla að þetta flóttafólk leiti norður á bóginn.
Hvernig væri að erindrekar ríkisstjórnar Íslands hreyfðu þessu máli á næsta NATÓ fundi? Og það með afdráttarlausum hætti! Það yrði lóð á þá vogarskál að draga úr flóttamannavandanum.

Illvirki bandalagsríkja

Ýmsar kenningar eru uppi um hvað valdi fjöldaaftökunum í Saudi Arabíu í byrjun árs. Sumir telja Saudi Araba vilja hleypa upp nýgerðu samkomulagi Bandaríkjanna og Íran, aðrir að þetta sé liður í innbyrðis valdaátökum mismunandi hópa innan Sunni hreyfingar Múhameðstrúar og snúist um ítök í arabaheiminum. Enn fleiri skýringar eru uppi.
Það sem ég tel hins vegar að við eigum að staðnæmast við, er að ofbeldið í Saudi Arabíu er látið óátalið af hálfu bandalagsríkja Íslands og ekkert slíkra ríkja hefur gagnrýnt Bandaríkjastjórn fyrir umfangsmestu vopnasölusamninga til Saudi Arabíu í sögunni en síðustu samningarnir voru undirritaðir fáeinum dögum fyrir fjöldaaftökurnar.
Ef ISIS hefði myrt fjörutíu og sjö fanga á einum degi í höfuðvígi sínu í Raqqa í Sýrlandi og flesta með því að höggva af þeim höfuðið hefði verið rekið upp ramakvein í okkar heimshluta. En þegar slíkt gerist í Ryad í Saudi Arabíu - bandalagsríkinu góða, heyrist hvorki hósti né stuna. Og Öryggisráð Sameinuðu þjóðanna lætur við það eitt sitja að fordæma árás á sendiráð Saudi Arabíu í Íran.
Hergagnasamningar Bandaríkjanna hafa verið gagnrýndir af hálfu Amnesty International sem segir þá brot á ATT samningunum sem kveða á um að sala á vopnum sem vitað er að beitt er gegn óbreyttum borgurum skuli teljast ólögleg. Alþjóðanefnd Rauða Krossins hefur gert lista yfir eitt hundrað árásir Saudi Araba á sjúkrahús í Jemen. Ekki er úr háum siðferðissöðli að detta fyrir Bandaríkjamenn því sjálfir hafa þeir tekið þátt í árásum á saklausa borgara með drónum í Jemen og víðar.
Hvernig væri að erindrekar ríkisstjórnar Íslands hreyfðu þessu máli á næsta NATÓ fundi? Og það með afdráttarlausum hætti!

Kjarnorkusprengjan og við

Árið 1970 gekk í gildi samningur um bann við útbreiðslu kjarnorkuvopna. Þessi samningur endurspeglar vel völdin í heiminum. Hann kveður á um að óátalið sé að fimm ríki hafi kjarnorkusprengjur í vopnabúrum sínum og vel að merkja þetta eru ríkin sem ráða lögum og lofum hjá Sameinuðu þjóðnum með fastafulltrúa í Öryggisráðinu: Bandaríkin, Rússland, Kína, Frakkland og Bretland. Ekki hafa öll ríki heims undirgengist samkomulagið, ekki Indland, Pakistan, Súdan og Ísrael en þrjú þessara ríkja hafa komið sér upp kjarnorkuvopnum að því er talið er. Norður Kórea sagði sig frá samkomulaginu árið 2003 og við þekkjum eftirleikinn sem síðast var staðfestur í vikunni.
Hvernig væri að kjarnorkuveldin horfðust í augu við að aldrei, ekki undir neinum kringumstæðum, yrði forsvaranlegt að beita kjarnorkuvopnum, hvorki í sókn né í vörn og að þeim beri að eyða eigin vopnum.
Hvernig væri að erindrekar ríkisstjórnar Íslands töluðu slíku máli innan NATÓ og annars staðar?

Engin lausn án lýðræðis.

Ég hef reyndar ekki trú á því að orð okkar á fundum NATÓ breyttu einhverju en við gætum sýnt vilja okkar í verki með því að ganga út úr bandalaginu eftir að á þetta hefur verið látið reyna án árangurs.
Og varðandi hinar einföldu lausnir sem vikið var að í upphafi, þá rúmast þær undir regnhlífinni lýðræði. Það er umhugsunarvert að lausnir stórveldanna á taflborði sýrlenskra valdastjórnmála, svo nærtækasta dæmið sé notað,  snúast aldrei um þetta hugtak heldur hvað komi hagsmunum viðkomandi stórveldis best.
Hvernig væri að Íslendingar gerðust málsvarar lýðræðisins, að allar friðartilraunir miðist við lýðræðislegar lausnir, ekki hagsmuni Assads og Pútins, Obamas eða Erdogans, hvað þá þeirra sem kunna það eitt að drepa andstæðinga sína með sveðjum?

 


Bréf til síđunnarRSS Fréttaveita

Frá lesendum

14. Júní 2017

MAY OG ELLIGLAPA-SKATTUR

Kepptist við það konugrey,
Corbyn hrynda af stalli.
Elliglöpin urðu May,
algerlega að falli.
Kári

11. Júní 2017

AĐ STIMPLA SIG INN Í STRÍĐSÁTÖK

Ég er þér sammála um vopnaburð lögreglunnar, að forðast beri í lengstu lög að vígbúa löggæslumenn okkar með þessum hætti. Þá er ég ekki síður sammála þér um að verið er að "stimpla okkur inn " í stríð með þessum aðgerðum. Finnst okkur það orðið skiljanlegt og eðlilegt að á okkur verði ráðist? Hvenær fer fólk að skilja að hruyðjuverk í Evrópu eru stríðsátök og að Evrópuríkin sem verða fyrir hryðjuverkaárásum standa sjálf fyrir árásum á aðra eins og þú bendir á!!! Hvernig væri að menn fari að kveikja á þessu?
Jóel A.

11. Júní 2017

MEĐ ALVĆPNI Á TORGUM

Með alvæpni á öllum torgum
athyglissýkin var sterk
Eins og í erlendum borgum
ef upp koma hryðjuverk.
Pétur Hraunfjörð

5. Júní 2017

UM FUNDINN Í IĐNÓ: ŢESSU ŢARF AĐ HALDA LIFANDI!

Ég var hugfanginn á þessum fundi og fékk tærari sýn á hversu frelsisskerðing konunnar er undirrót allrar kúgunar og undirstaða valdastrúktúrs feðraveldisins eða svo ég vitni í Abdullah Öclan „A country can't be free unless the women are free ... Þetta eru kannski ekki ný sannindi og að Marx og Engels hafi á sínum tíma rakið uppbyggingu og þróun kapitalismans en þessu þarf að halda lifandi í takti við nýja tíma og framsetning Havin Guneser var uppljómun fyrir mér. Takk Ögmundur, Ebru Gunay og Havin Guneser fyrir frábæran fund ...
Anna

3. Júní 2017

FRÁBĆR FUNDUR!

Ögmundur Jónasson á miklar þakkir skildar fyrir frábæran fund í dag um framtíð Kúrda. Framsögukonurnar tvær, Ebru Günay og Havin Guneser, töluðu mjög skilmerkilega fyrir sósíalisma, lýðræði og kvenréttindum auk þess sem þær sögðu frá blóðugum ofsóknum tyrkneska ríkisins gagnvart Kúrdum og leiðtoga PKK, Abdullah Öcalan, sem hefur verið fangelsaður í einangrun síðan árið 1999. Eitt af því áhugaverðasta við frelsishreyfingu Kúrda, eins og Havin Guneser lýsti henni, er hvernig hún hefur sagt skilið við baráttuna fyrir hefðbundnu þjóðríki og tekið upp nýja áherslu á beint lýðræði ...
Viðar Þorsteinsson

3. Júní 2017

30 DAGA FANGELSI VEGNA SAMLOKU

Sífellt málin brjóta blað,
brött er dóma gnípa.
Sakavottorð sýnir það,
samloku að grípa.
Kári

2. Júní 2017

HANDSTÝRĐ NIĐURSTAĐA

Dómsmála-stýran stendur keik
stórhuga en pen
Enn handstýrði þó ljótum leik
lævís Andersen.
Pétur Hraunfjörð

31. Maí 2017

MĆLT MEĐ FUNDI!

Ég fagna því að fá fundinn á laugardag um framtíð Kúrda. Ég verð því miður fjarri góðu gamni því ég verð erlendis. Ég hef hins vegar lagt mig eftir því að fylgjast með mannréttindabaráttu Kúrda og þeir eiga allan minn stuðning. Annan fyrirlesarann, Havin Guneser, þekki ég af afspurn en hún hefur þýtt höfuðrit Öcalans, helsta talsmanns Kúrda. Allur heimurinn þarf að kynna sér pólitíska aðkomu hans að lausn deilumála en hún er lýðræðislegri en almennt gerist!
Jóel A.

30. Maí 2017

ELDHÚSDAGUR

Stigalausa stjörnufjöld,
stéttin gæfu rúna.
Brynjar átti besta kvöld,
bravó segi núna.
Kári

30. Maí 2017

EKKI REIĐ HELDUR LEIĐ

Air Iceland Connect segjast þau nú heita sem áður hétur Flugfélag Íslands! Mikið er þetta leiðinlegt. Félag sem manni hefur þótt vænt um eða alla vega langað til að þykja vænt um, hrindir manni frá sér með þessum hætti og segist vera að gera þetta til að "tengja" betur! Aumingja fólkið! Ég get varla sagt að ég sé reið, miklu frekar leið yfir því stjórnendur þessa félags, sem nánast heyrir til grunnstoðanna, skuli ekki sjá sóma sinn í því að reyna að passa upp á íslenskuna, því eins og þú bendir þá eru þau að reyna það hjá Samtökum atvinnulífsins.
Sunna Sara



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

23. Apríl 2017

Sveinn Elías Hansson skrifar: VISTARBANDIĐ (kemur ţađ aftur?)

... Líkja má fólki sem ekki hefur efni á að kaupa húsnæði við jarðnæðislaust fólk á árum áður,  það var neytt í  vinnumennsku hjá bændum gegn húsaskjóli og fæði. Fyrirtæki eins og Vísir í Grindavík hafa keypt heilu blokkirnar undir starfsfólk sem var flutt frá Húsavík, þegar fiskvinnsla var þar lögð niður. IKEA hyggst reisa nýjar íbúðir fyrir starfsmenn sína, kísilverið á Bakka við Húsavík er að reisa íbúðir þar fyrir starfsmenn og svo mætti eflaust lengi telja. Hver er hin raunverulega hugsun bak við þessar aðgerðir fyrirtækjanna? Nú spyr eflaust einhver. Af hverju er maðurinn að velta þessari spurningu fyrir sér? ...

Slóđin mín:

Umheimur

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta