Beint á leiđarkerfi vefsins

Umheimur

9. Janúar 2016

HVAĐ ER AĐ GERAST Á IMRALI EYJU?

Kúrdaleiðtogi 2016
Abdullah Öcalan, leiðtogi tyrkneskra Kúrda var tekinn höndum í Nairobi árið 1999. Það var tyrkneska leyniþjónustan sem þar var að verki og naut aðstoðar bandarísku leniþjónustunnar CIA. Í kjölfarið var kveðinn upp duaðadómur yfir Öcalan en svo brá við að skömmu síðar var dauðarefsing afnumin í Tyrklandi og tengdist sú ákvörðun umdsókn Tyrkja um aðild að Evrópusambandinu. Fyrir bragðið hefur ekki verið unnt að framfylgja þessum dómi. Auk þess má ætla að aftaka Öcalans hefði kveikt ófriðarbál sem enginn hefði ráðið við að slökkva. Þessu gera yfirvöld sér án efa grein fyrir.  

Í tíu ár var Abdullah Öcalan eini fanginn í fangelsi á Imrali eyju í Marmarahafinu undan ströndum Tyklands.

Eftir 2009 var fangelsið notað fyrir fleiri einangrunarfanga. Nú berast fréttir af því að þessir fangar hafi verið fluttir til meginlandsins og Öcalan settur í algera einangrun. Fær enginn leyfi til að hafa við hann samband og hafa stðuningsmenn hans og fjölskylda af þessu þungar áhyggjur.

Árið 1978 var Ocalan einn af stofnendum   Verkamannaflokks Kúrdistan, PKK. Framan af hvatti flokkurinn til vopnaðrar baráttu og var það réttlætt í ljósi ofbeldis sem Kúrdar voru beittir, pólitískt, félagslega og menningarlega. Var þeim til dæmis bannað að tala tungumál sitt. Hef ég hitt marga Kúrda sem sátu í fangelsi fyrir það eitt að hafa orðið uppvísir af því að tala kúrdenskt mál!

Eftir því sem líður á nýja öld fara áherslur Öcalans að breytast og á mjög afgerandi hátt árið 2013. Í ávarpi til Kúrda það ár talar hann mjög eindregið fyrir friði: http://www.freeocalan.org/?p=531  

...og síðan aftur 2014. Varð ég sjálfur vitni af því þegar ávarp Öcalans var lesið upp á fjöldafundi í Diabakir: http://www.freeocalan.org/?p=699
Frásögn mín er hér: http://ogmundur.is/annad/nr/7053/

Frá 2013 hafa bæði forysta Kúrda svo og tyrknesk stjórnvöld talað máli friðar eða þar til eftir þingkosningarnar í júní í fyrra. Þá missir Erdogan forseti þingmeirihluta sinn og lýðræðisbandalagið, HDP, þar sem Kúrdar eru áhrifaríkir kemst inn á þing með rúmlega 13% atkvæða. Þótti þá sýnt að friðarferlið skilaði sér í auknum stuðningi í kosningum. Við svo búið söðlar Erdogan forseti um og hefst nú ofsóknarherferð gegn Kúrdum sem hefur stigmaganst frá því hún hófst eftir að NATÓ gaf blessun sína og grænt ljós undir lok júlímánaðar. Þetta hafði þau áhrif að stuðningur við Kúrda í kosningum dalaði um tvö og hálft present og fór niður fyrir 11% í þingkosningunum í nóovember. Þær kosningar hafa reyndar verið harðelga gagnrýndar, m.a. af eftirlitsmönnum Evrópuráðsins og úrlsitin véfengd.

Neyðarkall hefur birst frá Kúrdabyggðunum í suð-austur hluta Tyrklands þar sem segir að um 200 þúsund manns hafi neyðst til að yfirgefa heimili sín sbr, http://ogmundur.is/umheimur/nr/7761/  

Í vikulokin var svo greint frá því að tyrkneskir þjóðernissinnar hefðu ráðist á skrifstofur HDP flokksins í Istanbúl og víðar í Tyrklandi. Lögreglan hefði horft á aðgerðarlaus en fréttir bárust einnig af handtökum forsvarsmanna Kúrda. Samhliða berast fréttir af landhernaði gegn Kúrdum og að tyrkneskir herflokkar hafi veitt sveitum Kúrda sem staðið hafa í baráttu við ISIS eftirför inn fyrir landamæri Íraks. Kúrdar eru byrjaðir að svara fyrir sig með árásum á tyrkneskar hersöðvar og urðu þær kveikjan að mótmælunum í Tyrklandi sem voru látin heita mótmæli gegn hryðjuverkum Kúrda! Viðurstyggielg flétta Erdogans er með öðrum orðum að ganga upp!
Þingmaður HDP af armenskum uppruna  Garo Paylan, sagði við fréttamann Reuters: "Það er verið að brjóta vonir okkar um friðsamlega sambúð".
Sjá frásögn BBC: http://www.bbc.com/news/world-europe-34193733

Samtímis öllu þessu berast fyrrgreindar fréttir frá Imrali eyju.

Það er ástæða til að baráttufólk fyrir mannréttindum fylgist vel með þróun mála í Tyrklandi og láti frá sér heyra Kúrdum til varnar:
http://www.freeocalan.org/?p=741


Bréf til síđunnarRSS Fréttaveita

Frá lesendum

16. Janúar 2018

SÖGULEGIR SIGRAR EĐA HVAĐ?

Því er slegið upp að atvinnuveganefnd Alþingis verði nú í fyrsta skipti stýrt af konum. Af þessu stærir formaðurinn sig, Lilja Rafney Mgnúsdóttir. Inga Sæland, Flokki fólksins, verður fyrsti varaformaður og Halla Signý Kristjánsdóttir, Framsóknarflokki, annar varafromaður. Lítið vitum við um stefnu þeirra í atvinnumálum. Á sama tíma berast fréttir frá Noregi að ný stjórn sé á teikniborðinu. Saman komu þær fram á fréttamannafundi til að skýra frá þessu þær Erna Solberg, Hægri flokknum, Siv Jensen, Framfaraflokknum og Trie Skei Grande, Frjálslynda flokknum. Allt konur. Allar afturhald að mínu mati! Kynin eiga að standa jafnt að vígi í stjórnmálum. En þá á líka að sýna þeim þá virðingu að taka konur jafnt sem karla alvarlega, óháð kyni og spyrja um stefnu og innihald. Eitthvað er rangt við þessa framsetningu og ótrúlega afturhaldssamt á árinu 2018. Kannski líka svoldið niðurlægjandi - fyrir konur.
Kona

13. Janúar 2018

VALHÖLL OG BORGARSTJÓRN

Baráttan er byrjuð þar
og bjartsýnir eygja von.
Útsvars-stjarnan valin var
Vilhjálmur Bjarnason.

Eyþór Arnalds ætlar sér
oddvitasætið þarna.
En Villi víst með sigur fer
enda vinur Bjarna.
Pétur Hraunfjörð

8. Janúar 2018

SKORIĐ NIĐUR HJÁ LANDHELGIS-GĆSLUNNI Í GÓĐĆRI!

Eftir hrun voru varðskip leigð til útlanda til að mæta óhjákvæmilegum niðurskurði. Það var ekki gott en menn féllust á að það væri óhjákvæmilegt. En er óhjákvæmilegt að skera niður fjárframlög til Landhelgisgæslunnar við núverandi aðstæður þar sem peningum er hlaðið á degi hverjum inn í hagkerfið m.a. með stórauknum straumi ferðamanna? Stenst Landhelgisgæslan þetta? Nei, það gerir hún ekki enda ...
Starfsmaður Landhelgisgæslunnar

7. Janúar 2018

ÁBYRGĐ Í VERKI?

Formaður flokks sem segist vera vinstri flokkur og er kominn í samstjórn með Sjálfstæðisflokknum og er forsætisráðherra í þokkabót, segir að mál málanna sé að gera vinnumarkaðinn ábyrgan. Hvað þýðir það? Auðvitað skilja allir skilaboðin, enda höfum við margoft heyrt þau áður - úr munni Sjálfstæðisflokksins. Fólk á að þegja og sætta sig við það sem því er skammtað. Nema átt sé við að forsvarmsmenn SA og Viðskiptaráðs lækki við sig launin og stuðli að kjarajöfnun, er ríkisstjórnin  ef til vill til í það líka og biskupinn og Hæstiréttur? Þá skulum við fara að tala saman. En á meðal annarra orða, var það ábyrgt að auka framlag úr ríkissjóði til stjónmálaflokkanna á þingi - til sjálfra sín -  um 362 milljónir? Var það ábyrgð í verki?
Jóel A.

7. Janúar 2018

UM HVAĐ SNÝST DÓMARAMÁLIĐ?

Um hvað snúast stjórnmálin á Íslandi? Veit það einhver? Stjórnarandstaðan vill að Sigríður dómsmálaráherra segi af sér, finnst það mikilvægast af öllu! En hvað gerði hún rangt? Var það ekki svokölluð matsnefnd sem klúðraði málum? Hvernig væri að fjölmiðlar reyndu að skýra þetta dómaramál? Það er orðið augljóst í mínum huga að málið er ekki eins svart hvítt og margir vilja vera láta - er ég þó enginn aðdáandi dómsmálaráðherrans né Sjálfstæðisflokksins. 
Sunna Sara

7. Janúar 2018

ENGIN ÁBYRGĐ

Ef landinn brýtur löginn hér
leiddur er til sakar
En Sigríður enga ábyrgð ber
ef skaða mörgum bakar
Pétur Hraunfjörð

7. Janúar 2018

SAMTRYGGING Á ALŢINGI

Það er rétt sem þú segir Ögmundur að alltaf er það mest sannfærandi þegar menn byrja á sjálfum sér! Það má til sanns vegar færa með ríkisstjórnina að hún geri þetta en með undarlegum og öfugsnúnum áherslum. Hún byrjar á því að skrúfa frá peningstreyminu úr ríkissjóði og eykur framlag til eigin þarfa um 362 milljónir! Þetta er kostnaðurinn við lýðræðið er gjarnan viðkvæðið þegar kostaðar eru heilsíður í blöðum með auglýsingum sjálfum sér til dásemdar. Annars eru ríkisstjórnarflokkarnir ekki einir um þetta, Samfylking, Viðreisn og Miðflokkurinn eru þarna í liði með VG, Sjálfstæðisflokki og Framsóknarflokki. Það er þetta sem kallað er ...
Jóel A.

5. Janúar 2018

HVAR FĆ ÉG HLJÓMDISKINN?

Þakka þér fyrir skrif þín um Andrés Björnsson og Einar Benediktsson, Tími er svipstund ein sem aldrei líður. Mér þóttu þessi skrif þín vera orð að sönnu. Ég las viðtalið við Andrés sem þú lést okkur lesendur fá aðgang að og las ljóð Einars Benediktssonar, Kvöld í Róm. Nú verð ég að eignast hljómdiskinn með ljóðalestri Andrésar Björnssonar, en hvar er hann að fá? Geturðu upplýst um það Ögmundur?
Jóhannes Gr. Jónsson 

3. Janúar 2018

YFIR STRIKIĐ

Katrín færði mikla fórn
og fór yfir strikið
Situr nú í samherjastjórn
al-sæl fyrir vikið.
Pétur Hraunfjörð

15. Desember 2017

SAMHERJA-STJÓRN?

Í fjölmiðlum hefur komið fram að ríkisstjórnin er með 80% stuðning þjóðarinnar. Þetta er afrek VG. Veita Bjarna Ben., skjól fyrir skattaskjólsávirðingum og þar með uppreisn æru, heiðra Sigríði Andersen fyrir dómararáðningar væntanlega.  Og VG eiga þeir það að þakka Kristján Þór  og Björn Valur að þeir njóta nú vinsælda hjá 80% þjóðarinnar. Ekki að undra að Samherji sé ánægður. En finnst vinstra fólki í lagi að gerast samherjar með Samherja og mynda Samherjastjórn?
Jóhannes Gr. Jónsson


BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

12. Október 2017

Kári skrifar: FÁEIN ORĐ UM VEGTYLLUR, SKYNFĆRI OG MANNGREINAR-ÁLIT

Mannvirðingar meta best,
máta flokka, stöður þrá.
Til Himnaríkis heldur lest,
henni vilja margir ná.

Hugtakið "vegtylla" er skilgreint í íslenskri nútímamálsorðabók svona: "sýnileg upphefð, viðurkenning eða góð staða". Mikilvægt er að hafa þessa skilgreiningu á hreinu, enda sækjast margir eftir vegtyllum sem svo eru kallaðar. Eins og skilgreiningin ber með sér, má ljóst vera að "sýnileg upphefð" er einhvers konar "upphefð" sem maður, eða menn, sýnir öðrum manni eða mönnum. Þetta er með öðrum orðum ...

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

Slóđin mín:

Umheimur

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta