ALLIR FÁ SITT

Davíð reisir níðstöng í leiðara Moggans – Segir Dag B. ábyrgðarlausan ónytjung

Ónytjungur hann eflaust er
eymdina vildi tjá
Davíð athygli dregur að sér
Dagsverkin allir sjá.

,,ER BJART FRAMMUNDAN?‘‘

Lundin vonandi léttist brátt
er líður á nýja árið
Kófið þá búið og komin sátt
en byrjað kosningafárið.

Mbl. Samdrátturinn miklu meiri á Íslandi

Hér samdrátturinn sækir að
um sárt nú margir binda
Staðfest er og stefnir í það
að fólki í fátækt hrinda.

Sagðir vilja halda Vigdísi frá völdum

Vigdísi þeir vildu alls ekki
í varaformannsembættið
Konan virðist komin í hlekki
og kvartar nú við almættið.

Tíminn líður traustið fer
töluverð fátækt þvingar
illa líður mörgum og mér
menn telja í kosningar.

,,ALLTAF SAMASAGAN‘‘

Við Íhaldið er nú alls ekki dús
Það ekkert lagast hefur
Hér skammta öllum hungurlús
en milljarða SA gefur.

KAPÍTALISMI SEM KNÚNINGSVÉL

Hulin hönd er komin á kreik
og kapítalísk mulningsvél
Hún er klók og hvergi smeyk
henni farnast ávallt vel.

Jólin bráðlega bæta geð
Þá bökkum útúr kófi
Verum bjartsýn vertu með
og hættum grímuþófi.

ALLIR FÁ SITT

Hátíðin nú gengur í garð
grímu jól og pestin
Kaupmenn allir fá sinn arð
en tekjufallsbætur restin.

Höf. Pétur Hraunfjörð.