Dr. ROBERT

2007-ruglið heldur áfram, nú í boði Vinstri hreyfingarinnar græns framboðs og fyrirtækis sem stofnað var undir handarjaðri fjármálaráðuneytisins. KADEKO hringir það einhverjum bjöllum? Sem sagt einkavæðing heilbrigðisþjónustu í herspítala í Heiðinni í boði heilbrigðis- og fjármálaráðherra. Faglegi hlutinn verður á ábyrgð heilbrigðisráðherra og fjármagn til að byggja upp spítalann kemur af ráðstöfunarfé íslenska ríkisins, en íslenski fjármálaráðherrann er formaður VG. Kastljós sjónvarpsins kynnti hugmyndina í kvöld, eða greiddi áferðarfallegum kadeco-talsmanni leið inn í stofur landsmanna. Hann talaði um viðskiptamódel, hann talaði um gríðarlegar tekjur sem einkarekstur sjúkrahússins myndi skila til dæmis vegna hálaunastarfanna sem tengjast rekstrinum.
Og sjónvarpskonan spurði - ekki. Ekki út í viðskiptaáætlunina, ekki út í skattekjurnar sem hálaunamenn eiga að skila. Hvort ætli læknar og aðrir heilbrigðisstarfsmenn starfi í Heiðinni sem almennir launamenn eða vertakar hjá eigin einkahlutfélögum eða samlagsfélögum? Ætli einkahlutafélags- og samlagsfélagsformið verði ekki fyrir valinu. Í því felst niðurgreiðsla af hálfu ríksins. Ríkið greiðir fyrir endurbætur húsnæðis og líkur benda til að skipulag hugsanlegrar vinnu feli í sér niðurgreiðslu af hálfu ríkisins í formi hagstæðs skattaumhverfis. Um allt þetta þurfti að spyrja, allt þetta ætti að vera uppi á borðum hjá tveimur VG-ráðherrum.
Setjum svo að loftkastali Róberts Wessmans verði að veruleika, að heilbrigðisráðherra klippi á borða með Árna Sigfússyni, og starfsemin hefjist. Hvað ætli það líði langur tími þar til Heilsufélag Dr. Roberts mætir inná gólf hjá fjármálaráðherra, hjá Sjúkratryggingastofnun, eða hjá Álfheiði heilbrigðisráðherra, til að biðja um að fá að sinna læknisverkum á mörlandanum? Það mun ekki líða langur tími. Sennilega er það forsenda fyrir rekstrinum, ef illa fer, plan-B. Röksemdirnar eru skotheldar: Álfheiður sjáðu til. Ríkið er búið að setja milljarð í enduruppbygginguna á spítalanum, þetta er tapað fé ef við fáum ekki íslenska sjúklinga, ef þú semur ekki við okkur. Þar fyrir utan geturðu ekki hafnað okkur um samning vegna samkeppnismála, og þar fyrir utan krefst Alþjóðagjaldeyrissjóðurinn þess að heilbrigðisþjónustan verði einkavædd að hluta! Bara að hluta!
Þetta gerist á VG-vaktinni! Það þurfti sem sé VG til að klúðra þessu máli í gegn. Undarleg tík pólitík og ef einhvern tíma var ástæða til að fá sér te að hætti Róberts, þá er það við þessar aðstæður, þegar svart er hvítt og nóttin verður dagur.
"Ring my friend I said you'd call Dr. Robert,
Day or night he'll be there anytime at all Dr. Robert.
Dr. Robert, your a new and better man,
He helps you to understand,
He does everything he can, Dr. Robert.
If your down he'll pick you up Dr. Robert,
Take a drink from his special cup Dr. Robert
Dr. Robert, he's a man you must believe,
Helping everyone in need,
No one can succeed like Dr. Robert"
(Lennon og McCartney)
Hafsteinn