Í RÍKIS-VILLU Í TREKYLLISVÍK?

Sæll Ögmundur minn.
Nú hef ég séð að það standi jafnvel til að flytja þig hreppaflutningum til Trékyllisvíkur. Mér hefur skilist að Þráinn fasistabani í Villi Gemsa flokki Steingríms haldi fast við þá kröfu, enda hefur hann líf þessarar vesælu og maðkétnu ríkisstjórnar í hendi sér. Ég hélt að það værir þú, en þú ert svo aumingjagott ríkis-atvinnu-góðmenni að líkast til læturðu þetta eftir honum og sjálfum mastermind Beríanna, Birni Val, samherta Brimaranum. En verður ekki örugglega byggð þar yfir þig vönduð ríkis-villa? Ég veit að ég þarf ekki að benda sönnum nómenklatúru komma eins og þér á, að auðvitað skaltu notast við útboðsgögn frá Saga Capital/Sjóvá/Byr/Ríkiskaupum. Þú færir aldrei að treysta einhverjum glæpa-iðnaðarmönnum og glæpa-hönnuðum og einhverju ógeðslega siðblindu venjulegu fólki að vinna fyrir ríkis-valds-ráðuneyti, ó nei ekki hann Ögmundur minn. Enda treystir þú sem betur fer engum nema þinni vel-smurðu skúffu-ríkis-nómenklatúru, sem skaffar þér líka höfðinglegt atlæti á kostnað venjulega aumingjanna út í bæ, sem þú nýtur að lepji dauðann úr skel meðan þú prédikar eigið ágæti. Eins og þú veist þá geri ég allt ókeypis fyrir þig (þó þér sé í nöp við mig) og mig munar ekkert frekar en ekkjunni með eyrinn, að gefa villu þinni nafn við hæfi ... nei ekki villa nova ... heldur Villa Skjaldborg og garðinn í kring máttu kalla Versaille-parque, því þar vil ég að þú getir sprangað í stíl Loðvíks 14 með hirð þinni. Það finnst mér hæfa svona fínum manni eins og þér, sem treystir ekki glæpahyski út í bæ.
Ps. Er nokkur flugvöllur í Trékyllisvík? Þá kemurðu bara í bæinn á þarfasta þjóninum, nú eða asna í stíl frelsarans.
Nóboddíinn