KENNSLUSTUND Í SAMRÆÐU-STJÓRNMÁLUM

Ekki verður sagt að það sé sérlega uppörvandi að horfa á það sem nú fer fram á aðalsviði Þjóðleika-hússins.
Okkur er sagt að í næsta leikþætti verði afstöðuleysi mál málanna. Ef tryggt sé að allt sé gagnsætt, segja Píratar, og allir samskiptaferlar í lagi, þá verði ekkert mál að gera alla að vinum, úlfinn, Rauðhettu, Mjallhvíti, nornina og Öskubusku, vondu systurnar tvær og svo alla froskana, sem bíða eftir að verða kysstir inn í konungdóm. Allir séu búnir að vera saman í svo mörgum teboðum í aðdraganda aðventunnar og spjalla svo mikið og kynnast svo vel, að eftirleikurinn, næstu fjögur árin við landstjórnina, verði leikur einn.
Er það virkilega svo?
Sjálfri finnst mér þetta orðin nægilega löng kennslustund í samræðustjórnmálum. Ég eiginlega get ekki meir.
Nú ætla ég að gleyma Alþingi og fara að hugsa um jólin og síðan vorið. Þá verður stutt í sumarið með blóm í haga.
Sunna Sara