LANDSVIRKJUN OG HJÁLPARSAMTÖKIN IMPREGILO
Ögmundur.
Háttalag LSV að því er "upplýsingamiðlun" um starfsemi fyrirtækisins varðar, líkist sífellt meir því sem viðgengist hefur meðal leyniþjónusta þeirra ríkja sem eiga í hernaðarátökum. Landsvirkjunarmenn finna sig greinilega í svipaðri stöðu, verandi í "hernaði gegn landinu og hluta landsfólksins".
Háttur leyniþjónusta við slíkar aðstæður er ekki hvað síst að miðla "misvísandi" upplýsingum. Þannig er allt gert til að fegra ástandið þegar illa gengur.
Þetta hefur allt frá upphafi framkvæmda við Kárahnjúkavirkjun einkennt fréttaflutning frá svæðinu.
Ævinlega þegar illa hefur gengið birtast "stórfréttir" í sjónvarpi og blöðum af sérlega góðum gangi og þar með að framkvæmdin sé því sem næst algerlega á "kostnaðaráætlun".
Nýjustu tíðindin frá "hernaði" Landsvirkjunar eru þau að þó að kostnaðaráætlun hafi við upphaf hljóðað upp á 95 milljarða ísl. kr. og standi nú samkvæmt "bókum" í 116 milljörðum ísl.kr., séu 20 milljarðar ísl.kr. tilkomnir vegna vaxta og gengisbreytinga á byggingartímanum! Þar með hafi raunverulegur "framkvæmdakostnaður" þannig
einungis hækkað um 1 milljarð ísl. kr. frá upphaflegri áætlun! Mikil Guðsblessun er að hafa slíka snillinga við stjórnvölin, þegar stærsta framkvæmd Íslandssögunnar er annars vegar. Fyrirframgerðar áætlanir um framkvæmdahraða skipta í þessu sambandi greinilega engu máli að því er kostnaðinn áhrærir. Þannig var skv. útboðsgögnum
Landsvirkjunar gert ráð fyrir að nota 2 risabora til að bora ca. 40 km göng milli Hálslóns og Teigsbjargs. Þeirri framkvæmd átti að ljúka í mars/apríl sl. "Hjálparsamtökin" Impregilo, gerðu sér hins vegar grein fyrir að framkvæmdin yrði það miklu viðameiri
en Landsvirkjunaráætlanir kváðu á um að þeir hafa notast við 3 risabora í stað 2ja. Hvernig standa svo mál? Jú mikil gleði braust út eystra fyir sl. helgi. Bormenn sáust skála í kampavíni yfir þeim "árangri" að fyrsti borinn, sem borað hefur gangahlutann
frá Teigsbjargi suður Fljótsdalsheiði lauk sínu verkefni einungis 5-6 mánuðum eftir áætluð verklok! Hvað er að frétta af hinum tveimur?
Jú, þeir puða hvor gegn öðrum í "erfiðu bergi" SV af þrælahálsi og eiga enn rúma 2 km. ófarna! Óvíst er hversu langt er í næstu kampavínsveislu, en nokkuð ljóst að hennar er vart að vænta fyrr enn í nóvember/desember. En þessar tafir og aukakostnaður allur,
sem af 3 borum í stað 2ja leiðir skiptir greinilega engu máli, þ.e. LSV hefur augljóslega náð þeim einstöku samningum við Impregilo að engir eftirreikningar munu berast vegna aukaverka og því réttnefni að kalla slíkt öndvegisfyrirtæki "hjálparsamtök".
Kveðja
Sveinn
Fréttir RÚV: http://dagskra.ruv.is/streaming/ras1/?file=4257253/6 og