SAMFYLKINGIN AÐ KLOFNA?

Sæll Ögmundur.
Ríkisútvarpið, sem þú verð langt út fyrir hið óendalega, kemur þrátt fyrir allt ennþá á óvart. Í morgun heyrði ég tvo snillinga setja á dagskrá hugaróra lagastúdents úr Háskólanum. Aflaði mér upplýsinga um manneskjuna í dag og mér er sagt að hún sé innundir hjá Samfylkingunni og tengist henni meira en margur annar. Snillingarnir, umsjónarmennirnir á Rás 2, ræddu við samfylkingarkonuna um yfirvofandi klofning í VG og kosningar í haust. Kostulegt var að fylgjast með útleggingunum og spurningafæð umsjónarmannanna. Engu var líkara en hér væri kominn grínari, sem ætti sér þann draum heitastan, að verða á landsvísu það sem leiðtogi Besta flokksins er í Reykjavík. Makalaus umfjöllun. Þetta er eins og mæta í útvarp allra landsmanna og segjast hafa heyrt að Samfylkingin sé að klofna. Annars vegar séu ESB-sinnar og hins vegar hópur, sem hefur á stefnuskrá sinni, að gera Yngva Örn Kristinsson að forstjóra Íbúðalánasjóðs, Runólf Ólafsson að Umboðsmanni skuldara og fyrrum stjórnarmann í FME og Seðlabanka að nýjum viðskiptaráðherra. Framganga RÚV kemur á óvart, hryggilega á óvart.
Kv.
Jóna Guðrún