SEÐLABANKI, VERNE OG RÁÐHERRA

Óreyndur ráðherra Samfylkingarinnar vill frysta laun opinberra starfsmanna og lífeyrisþega. Þetta leggur hann til um leið og hann með liðlegu hendinni samþykkir stórfelldan skattafslátt til fyrirtækis sem Björgólfur Thor Björgólfsson á í komapaníi við athafnamann úr röðum Samfylkingarinnar. Þetta leggur hann til samtímis því að ljóst verður að trúnaðarmenn Samfylkingar hafa leitað leiða til að komast framhjá Kjararáði til að geta greitt annars konar opinberum starfsmanni 400 þúsund krónur meira á mánuði í laun. Hann vill óreyndi ráðherrann ná um þetta þjóðarsátt. Menn sem haga sér svona ferðast gagnrýnislausir á sagaclass viðhlæjenda. Kannski veit hann meira um þann hóp en þjóð sína. Annars ætla ég að láta þig vita Ögmundur að ég hef ekki getað fengið neitt fyrirtæki til að greiða fyrir mig útgjöldin vegna framboðsins til formennsku í húsfélaginu. Þau segja að formennskan sé ekki söluvara. Forsvarsmenn fyrirtækjanna átta sig greinlega ekki á þróuninni.
Kveðja,
Jóna Guðrún