ÞOLINMÆÐI Á ÞROTUM

Í sambandi við vörn Björns Vals fyrir Samherja er nauðsynlegt, að fólk hafi í huga, að Björn Valur er fyrst og fremst búrtík hins alræmda stjórnmálamans, Steingríms J, Sigfússonar, sem hefur með verkum sínum reynst einn af hörðustu haukunum í horni Líú-einokunarmamafíunnar. Það er auðvitað ekki minna en stórhlægilegt, að fyrrverandi formaður VG (sen enn er hinn raunverulegi formaður VG) og núverandi varaformaður sama flokks, skuli vera jafn bíræfnir og óforskammaðir í vörnum fyrir stórauðvaldið á Íslandi og raun ber vitni. - En svona til upprifjunar er rétt að rifja það upp að þessir dólgar og aftaníossar þeirra fullyrða í ræðu og riti, að VG sé róttækur vinstrflokkur, sá róttækasti á landinu til vinstri og til mikillar fyrirmyndar hvað það varðar. En hvað ætli valdi því að menn sem halda því fram að þeir séu vinstrimenn og eru kjörnir til forystu ,,vinstriflokks" taka svona eindregna afstöðu með auðvaldinu og verja það leynt og ljóst með kjafti og klóm? Helsta skýringin á því hlýtur að vera sú, að þar eru á ferð mjör óheiðarlegir tækifærissinnar, sem munar ekkert um að leika vinstrimenn þrátt fyrir að vera í raun og veru járnbentir hægrigaurar því það eru þeir í verki, hvað sem fagurgala þeirra og kjafthætti líður um vinstrimennsku. Flokkeseigendafélag VG er stærsta vandamál VG og um leið stærsta vandamál allra raunverulegra, jarðbundinna sósíalista á Íslandi, hvorst sem þeir eru skráðir í VG, gengnir úr þeim flokki eða hafa aldrei skráð sig í hann. Það, að tiltölulega fámennur hópur harðsvíraðs fólks, fullkominna tækifærissinna, sé stærsta málefni VG er í aðra röndina kómískt, en fyrst og fremst er það þó alvarlegt mál. Ég get því ekki annað en skorað á alla róttæka vinstrimenn, sósíalistana, innan og utan VG, að fara nú að ganga í það verk að losa okkur í eitt skipti fyrir öll við hina illræmdu meinsemd, sem í daglegu tali er kölluð Flokkseigendafélagið og samanstendur af óheilindafólki sem enginn ærlegur maður getur unnið með. Það má t.d. spyrja Ögmund Jónasson: ætlarðu ekkert að gera í þessu vandamáli maður? Ætlarðu að láta Steingrím, Álfheiði, Svavarsfjölskylduna, Úlfar Þormóðs og búrtíkurnar þeirra og undanrennulið velta þér og fleirum endalaust uppúr svaðinu á kostnað alþýðufólks í landinu? Þú veist það mætavel, Ögmundur minn, að langlundargeð og þolinmæði þeirra sem skipta raunverulegu máli fyrir róttækt vinstrifólk er á þrotum.
Jóhannes Ragnarsson