UM LÖGLEG BANKARÁN, UNDIRLÆGJUR OG HEILBRIGÐAN HÁVAÐA

Ræna banka, reyna enn,
reynslu hafa í faginu.
Fara útaf alþingsmenn,
einkavæðingarlaginu.

 „Þórdís segir hægrimenn glaðari en vinstri“

Rífa kjaft og reikna fall,
ræna banka - völdum.
Gleðin sanna, gróðabrall
grilla vel á kvöldum.

 Forseti gagnrýnir þá „sem hafa hæst“

Lofgjörð til valdsins ég lítils met,
lygi þó margir sæju.
Ofar því heilbrigðan hávaða set,
hógværri undirlægju.

 „Talsamband“ við „djúpríkið“ á Alþingi

 Ráðherramyndirnar mæna á síma,
mega ekki á gagnrýni hlusta.
Við djúpríkið spjalla og deila tíma,
dvelja við allskonar rusta.

 Að vera „kurteis“ - í vélráðum

Flokkar á þinginu fjárglæfrum veita,
frelsi og margskonar lykla.
En viljirðu þjóðina vélráðum beita,
veldu þá kurteisi mikla.

Andsvörum breytt til „fyrra horfs“

Hverfa svo til hrífu og orfs,
hverjum þjónar sálin?
Forseti breytir til fyrra horfs,
forðast að ræða málin.

Kári