UTANGARÐS-GEIR OG FERÐALANGUR Á VEGUM SKATT-BORGARANS

Ég á sannast sagna engin orð yfir ráðamönnum þjóðarinnar. Lánin mín æða upp á við með vísitölubundinni verðbólgu! Við þessar aðstæður mætir forsætisráðherrann, Geir með bleikt bindi í Stjórnarráðið og hikstar því upp við fjölmiðla að við eigum bara að vera glöð og halla okkur aftur á bak í áhorfendastúkunni. Á sama tíma eyðir Ingibjörg Sólrún milljónatugum af skattfé okkar  í auglýsingaferð fyrir sjálfa sig til Afganistan. Skýringin er sú, að hana langi svo mikið að sjá landið - ÉG SJÁLF VERÐ AÐ SJÁ!!! Snýst þetta eitthvað um hvað Ingibjörg Sólrún sér sjálf í ferð sem skipulögð er frá upphafi til enda af hernámsliðinu í Afganistan? Auðvitað er Ingibjörg Sólrún að gera nákvæmlega það sama og fyrirrennarar hennar, hún er að leggjast í heimsreisur á okkar kostnað.  Ég er skattgreiðandi og verð að segja að heldur er ég farinn að þreytast á þessum ferðaklúbbi Stjórnarráðsins.
Grimur