Beint á leiđarkerfi vefsins

Frá lesendum

30. Desember 2016

HVERS Á ÓTTARR AĐ GJALDA?

Okkur er sagt að þýska tímaritið Spiegel stingi upp á því við lesendur sína  að velja Birgittu Jónsdóttur, Pírata, sem einn af helstu stjórnmálaleiðtogum heims á árinu sem er að líða, ásamt þeim Pútín, Trump og fleira yfirburðafólki. Þetta er án efa mjög verðskuldað. En með fullri virðingu fyrir Birgittu get ég þó ekki setið á mér að spyrja hvers Óttarr Proppé eigi að gjalda. Hann hefur fyrir hönd flokks síns, Bjartrar framtíðar, tekið þátt í tilraunum til stjórnarmyndunar með öllu pólitíska litrófinu á Íslandi og alltaf séð ljósið. Að mati Óttars virðist ekkert standa í vegi þess að björt framtíð geti runnið upp á Íslandi, aðeins ef menn hætti að setja stjórnmálaágreining fyrir sig. Ég fæ ekki skilið annað en ...
Sunna Sara

28. Desember 2016

STJÓRNARMYNDUN

Framundan eru dimmir dagar
og dauðans alvaran köld.
Frjálshyggja ei fátækt lagar
fari Íhaldið með völd.
Þá hægrimenn og helvíti
hefja búskap saman.
Verkafólk guð varðveiti,
hér verður lítið gaman.
Pétur Hraunfjörð

26. Desember 2016

Í LJÓSI STÖĐUNNAR

Í þjóðfélaginu er mikil krafa um breytt stjórnarfar. Vilji er fyrir stjórn flokka með ólíkar áherslur, þar sem  hagsmunir togast á, fyrir stjórn Vinstri Grænna,  Sjálfstæðisflokks, Framsóknarflokks og Samfylkingar. Fólk vill aukið lýðræði í stjórnarfarið að við ríksstjórnarborðið togist á hagsmunir og mál séu til lykta leidd. Mér finnst eins og forysta okkar Vinstri Grænna sé ekki nógu næm á stöðuna. Þjóðin er að fara fram á það ...
Bjarni

24. Desember 2016

HJÓNIN OG BARNIĐ

Ríkisstjórnar-laust er land
líklega yfir jólin.
En frændur þá fara í hjónaband
og Proppe fær barnastólinn.
Pétur Hraunfjörð

24. Desember 2016

BJÖRT FRAMTÍĐ SJÁLFSTĆĐIS-FLOKKS OG VIĐREISNAR?

Ekki finnst mér sérlega bjart yfir þeirri framtíðarsýn að Sjálfstæðisflokkur og Viðreisn myndi hér ríkisstjórn til næstu fjögurra ára í boði hins stórfurðulega stjórnmálaflokks Bjartrar framtíðar. Og nú þegar stjórnarandstaðan hefur sýnt og sannað fyrir sjálfri sér og þjóðinni að hún er þarflaus á þingi, er ekki við góðu að búast.
En sem betur fer höfum við jólin og síðan ...
Sunna Sara

24. Desember 2016

KOMA ŢARF Í VEG FYIR HĆGRI STJÓRN

Það er skelfileg tilhugsun ef satt reynist að við séum að fá harðsvíraða hægri stjórn yfir okkur, með Sjálfstæðisflokki, Viðreisn og Bjartri framtíð. Þessu er nú haldið fram í einhverjum fjölmiðlum. Er ekki hægt að koma í veg fyrir þetta með því að kippa Framókn með inn í einhvers konar miðjubandalag. Þar hefur Viðreisn að sjálfsögðu aldrei átt heima. Hvað finnst þér Ögmundur ... ? 
Jóhannes Gr. Jónsson

24. Desember 2016

TIL HAMINGJU GUĐMUNDUR ÁRNASON

Mig langar til að óska Guðmundi Árnasyni, ráðuneytisstjóra fjármálaráðuneytisins, til hamingju með fjárlagafrumvarpið sem hann lagði fyrir Alþingi og þingið síðan samþykkti í sögulegri sátt fyrir jólin að því undanteknu að örfáir fjárlagaliðir voru hækakaðir lítillega. Þjóðfélagið þegir- ennþá því varðstöðumenn þess á þingi þegja þunnu hljóði. Þegar kemur að framkvæmdinni minnumst við þess að þingið allt er ábyrgt fyrir afgreiðslunni.
Jóel A.

21. Desember 2016

TAKK FYRIR SKÝRINGU OG BRÝNINGU

Takk fyrir viðtalið á Rás 2 í morgun um Grímsstaði á Fjöllum en ekki síður brýninguna sem þingmenn fengu í lífeyrismálinu ... Ég saknaði málflutnings af þessu tagi í þinginu í gær. Þessi rödd var hreinlega ekki til staðar. Það var hún hins vegar síðastliðið haust og hvet ég alla til að hlusta á þessa ...
Kennari

21. Desember 2016

EITTHVAĐ AĐ MARKA ŢINGMENN?

Alþingi er nákvæmlega sama platið og áður. Birgitta Jónsdóttir segir í viðtali við Fréttablaðið að gagnsæi verði að ríkja um starfskostnaðargreiðslur þingmanna. Það er ekkert að marka hana né aðra fyrr en hún  sjálf og þau hin hafa birt sínar eigin greiðslur, til dæmis fyrir síðasta ár. Hvernig væri að byrja á því? Síðan segist þetta fólk vera á móti lífeyrisskerðingu opinberra starfsmanna. Hvers vegna stöðva þau ekki málið? Eins og ...
Sigríður Einarsdóttir

21. Desember 2016

ALVARA AĐ BAKI LÍFEYRIS-ANDMĆLUM?

Þú vísar í grein þinni í átökin um lífeyrismál árið 1996. Við unnum það mál vegna alvöru baráttu. Nú er okkur sagt í fréttum að samtök opinberra starfsmanna séu ekki hlynnt lífeyrisfrumvarpi ríkisstjórnarinnar og andstæðingar á þingi ætli ekki að styðja frumvarpið! Með örðum orðum, ætla ekki að berjast á móti - bara ekki styðja. Hér er enginn alvara á ferð. Ef svo væri þá væri efnt til fjöldamótmæla og hnefinn settur í borðið! Málið síðan stöðvað í þinginu sem enginn vandi er að gera við þessar aðstæður, óafgreidd fjárlög og að koma jól.
En vel að merkja, samtökin sömdu um ...
Lífeyrisþegi  

20. Desember 2016

ALLIR VILDU SAMEINAST UM GRÍMSSTAĐI!

Ég þakka þér fyrir pistilinn um Grímsstaði. Ég fór inn á slóðina sem þú gefur um málið þar sem m.a. er upplestur þinn á nöfnum áskorenda. Ég hvet alla til þess að gera þetta. Þá skilur maður betur hvers vegna þú kallar það vesaldóm að virða að vettugi greinilegan þverpólitískan vilja í þjóðfélaginu. Hvílíkur vesadómur! Upp í mér blossar reiði.
Ég fæ ekki betur séð en þetta mál sé algerlega óháð flokkapólitík og allir hefðu getað sameinast um það. http://ogmundur.is/annad/nr/7018/
Náttúruverndarsinni

20. Desember 2016

NÚ FALLA TÁR

Fjandi þarna illa fór
 falla tár hjá öllum. 
Köllum núna öll í kór
á Grímstaði á Fjöllum. 
Pétur  Hraunfjörð

18. Desember 2016

UM FAGURGALA FRJÁLSLYNDIS OG STÖĐUNA Í STJÓRNMÁLUM

Það var frétt í blöðunum um daginn um að Trump hafi haft nýtt sér til framdráttar sérsniðnar Facebook kannanir á stjórnmálaskoðunum. Valdir markhópar hafi fengið spurningar sem leiddu í ljós að þeir ættu samleið með Trump.
Ég sel þetta ekki dýrara en ég keypti en varð þó hugsað til fjöldaþátttöku hérlendis í stjórnmálaprófum þar sem menn staðsettu sig á ásum frjálslyndis frekar en stjórnlyndis og alþjóðahyggju frekar en einangrunar. Þar póstuðu menn með stolti að þeir væru frjálslyndir og víðsýnir - og í kjölfarið komu flokkarnir og sögðu að þeir væru einmitt þannig: Frjálslyndir og víðsýnir. Allavega þeir nýju sem þurftu ekki að dragnast með ábyrgð á því sem gert hefur verið til þessa. En svo þegar kemur að viðræðum um stjórnmál ...
Kjósandi í Kraganum

13. Desember 2016

SVARIĐ ER JÁ!

Ég var að hlusta á Sigurð Inga, starfandi forsætisráðherra, tala um mikilvægi þess að samræma lífeyrisréttindin þannig að fólk gæti farið á milli lífeyrissjóða án skerðinga! En gengur samræmingin ekki út á að skerða lífeyrisréttindi opinberra starfsmanna? Ég þykist vita að þú getir svarað þessu Ögmundur ...
Verðandi lífeyrisþegi

3. Desember 2016

KENNSLUSTUND Í SAMRĆĐU-STJÓRNMÁLUM

Ekki verður sagt að það sé sérlega uppörvandi að horfa á það sem nú fer fram á aðalsviði Þjóðleika-hússins.
Okkur er sagt að í næsta leikþætti verði afstöðuleysi mál málanna. Ef tryggt sé að allt sé gagnsætt, segja Píratar, og allir samskiptaferlar í lagi, þá verði ekkert mál að gera alla að vinum, úlfinn, Rauðhettu, Mjallhvíti, nornina og Öskubusku, vondu systurnar tvær og svo alla froskana, sem bíða eftir að verða kysstir inn í konungdóm. Allir séu búnir að vera saman í svo mörgum teboðum í aðdraganda aðventunnar og spjalla svo mikið og kynnast svo vel, að eftirleikurinn, næstu fjögur árin við landstjórnina, verði leikur einn ...
Sunna Sara

3. Desember 2016

UM SMALAMENNSKU BIRGITTU

Birgittu færðist mikið í fang 
fær að smala köttunum
þá fjölflokka stjórnin fer í gang
með frjálshyggju skröttunum.
Pétur Hraunfjörð

26. Nóvember 2016

ANDSTAĐA GEGN NATÓ: BARA FYRIR FÍFL EINS OG MIG?

Frá því stofnsamþykktum Nato var breytt og frá með loftárásunum á Júgóslavíu sálugu og öllu því sem NATO hefur gert síðan hef ég skammast mín fyrir að vera Íslendingur og að hafa myrt og limlest ég veit ekki hvað marga. Þegar við gengum í NATO, fyrir mína tíð, var þetta varnarbandalag og ... Kannski er þetta bara gamalt stefnumál sem er bara fyrir fífl einsog mig. Áttar fólk sig almennt bara ekki á því hve hrylliga hluti við erum að gera öðrum eða er fólki bara alveg sama eða finnst það bara flott? Það er hvergi talað um þetta mál. Nóg komið. Ef ég ætti ekki 4 íslensk börn hér sem ég ber ábyrgð á vildi ég helst afsala mér íslensku ríkisfangi, sé það hægt á annað borð ...
Ásgrímur Ágústsson

20. Nóvember 2016

HVER ER HVAĐ?

Ég bíð spenntur eftir að sjá stjórnarsáttmála hinnar "frjálslyndu miðju" og "umhverfissinnanna" sem samþykktu milljarðastyrki til stóriðju á Bakka. Svart er að verða hvítt og hvítt er að verða svart, vinstri verður hægri og hægri verður vinstri. Upp fer niður og niður fer upp. Þar til enginn botnar lengur upp né niður og kýs þá sennilega helst Trump í næstu kosningum. Hann gæti alla vega verið andhverfan við sjálfan sig. 
Jóhannes Gr. Jónsson 

19. Nóvember 2016

FRJÁLSHYGGJU-BRĆĐUR Á JÖTU?

Frjálshyggju bræðurnir báðir tveir
bráðlega komast á jötu
Benidikt.Óttar.Birgitta og þeir
eru að tala við Kötu.
Pétur Hraunfjörð

18. Nóvember 2016

AUĐLINDARÁN OG DONAL TRUMP

Brynjar er bannsettur kjáni
bjánann köllum strump
Sem hyllist að auðlindaráni
og lofar Donald Trump.
Pétur Hraunfjörð

17. Nóvember 2016

BRÁĐUM BRESTUR ŢOLIĐ

Bráðum mun nú bresta þolið,
brennur eldur glóðar.
Útgerð hefur auðlind stolið,
eignarréttur þjóðar.
Kári

6. Nóvember 2016

ÍSLENSK SKATTASKJÓL, ATHVÖRF OG NÁLGUNARBANN

Alls kyns ofbeldi viðgengst í okkar samfélagi. Í því sambandi skal ekki lítið gert úr því skattaofbeldi sem hér hefur lengi fengið að þrífast án nokkurra úrræða fyrir brotaþola. Í ljósi þessa er meira en einboðið að komið verði á fót íslenskum skattaskjólum og að reist verði skattaathvörf fyrir þá sem verst hafa orðið úti í glímunni við Skattmann.
Jobbi

6. Nóvember 2016

ALMĆTTIĐ FORĐI OSS FRÁ HĆGRI VARGÖLD

Benedikt, Óttar og Bjarni
berja saman völd.
Almættið oss verji og varni
fyrir hægri vargöld.
Pétur Hraunfjörð

6. Nóvember 2016

MIKIL REIĐI, EN ER HÚN RÉTTLÁT?

Öryrkjum og lágtekjufólki svíður hækkanir til þingmanna, ráðherra og forseta Íslands. Þessu fólki svíður að kjaramisréttið sé aukið ... Ég á hins vegar erfiðara að skilja reiði forkólfa verkalýðshreyfingarinnar. Þau segjast vera voðalega reið en sjálf með hærri laun en skammta á þingmönnum. Reiði er eitt en réttlát reiði er annað. Þetta getur varla talist réttlát reiði.
Bjarni

6. Nóvember 2016

HVERJIR EIGI AĐ VEFA VOĐIRNAR

Þakka þér grein þína um samvinnuþráðinn sem þú telur vera til staðar í Framsóknarflokknum og að reynslan sýni „að úr honum megi vefa ágætar voðir". Þetta er hárrétt og væri betur ef aðrir kæmu auga á þetta, ekki síst framsóknarmenn sjálfir. Ég held að besti kosturinn nú væri stjórn VG, Framsóknar, Samfylkingar, Bjartrar framtíðar og Pírata. Hinir síðastnefndu vilja fá forseta Alþingis. Gott og vel. Er það ekki ágætt?
Samvinnumaður

5. Nóvember 2016

KOMANDI BARÁTTA

Ögmundur minn. Þakka þér pistlana hér í upphafi mánaðarins. Þau stjórnarmynstur sem nú liggja í loftinu lofa illu einu fyrir almenning. Þú verður af koma heim, hvar sem þú ert staddur núna, og láta vel til þín taka í komandi baráttu til varnar skólakerfinu, heilbrigðiskerfinu og félagslegum gildum í þjóðfélaginu.
J.T.

2. Nóvember 2016

UPPHAF EN EKKI ENDIR

Ég er smmála þér um að ákvörðun Kjararáðs verði kölluð til baka. En til málamiðlunar mætti taka hana til baka að hálfu leyti, hækka síðan öryrkja og aldraða upp í einn þriðja af forstalaununum eins og þú leggur til. Með þessu móti væri horft til kjaranna hjá "Björnebanden" í SA og Viðskiptaráði og jafnað í áttina að þeim, lítillega þó. Látum ákvörðun Kjararáðs verða upphaf en ekki endi.  
Jóhannes Gr. Jónsson 
 

2. Nóvember 2016

KVÍGUR KJARARÁĐS

Kjararáð og kalvínstrú,
kerfislæg er raunin.
Kvígur þjaka þjóðarbú,
þrælar greiða launin.
Kári

1. Nóvember 2016

KOSNINGAÚRSLIT

 Framundan eru dimmir dagar
og dauðans alvaran köld
Fátækt ei frjálshyggja lagar
fái  Íhaldið aftur völd.
Þá hægrimenn og helvíti
hefja búskap saman
Vinstrimenn guð varðveiti
hér verður ekkert gaman.

Pétur Hraunfjörð.

1. Nóvember 2016

NÓG HANDA ALŢÝĐUNNI?

Er ekki konan í Kjararáði, í Vinstri grænum? Sjálf hef ég 200 þúsund á mánuði eftir skatt og greiddi þó í lífeyrissjóð í 33 ár. Þykir það ekki bara hið besta mál hjá stjórnvöldum; að þetta sé bara nóg handa alþýðunni, hún eigi ekki meira skilið.
Edda

31. Október 2016

HUGMYND

Ég er með hugmynd. Samfylkingin gangi inn í VG. Að því búnu verði nafni VG breytt. Vel mætti hugsa sér heitið Samfylking. Það nafn hefur unnið sér sess sem nafn á krataflokki. Ekkert ætti að trufla, hvorki ESB né Bakki. Allir vinir í kattlausum þingheimi.
S.E.

28. Október 2016

HVERNIG STJÓRN VILT ŢÚ?

Það hefur lítið heyrst í þér í þessari kosningabaráttu Ögmundur, enda náttúrlega ekki í framboði. En hvernig stjórn vilt þú?...
Sunna Sara

28. Október 2016

SAKAR EKKI AĐ SÝNA SANNGIRNI

Ég er Samfylkingarkona og ég segi eins og þú Ögmundur, að frekar vil ég sósíaldemókrata en hægri krata úr Viðreisn eða Bjartri framtíð. Það lið er meira að segja hægri sinnaðra en sjálft Íhaldið. Síðan sakar ekki að sýna smá sanngirni. Gunnar Smári Egilsson, ritstjóri, segir á samfélagsmiðlum að Samfylkingin sé að hrynja út af oddvitum sínum Oddnýju, Össuri, Árna Páli og Sigríði Ingibjörgu. Þau hefðu öll átt að segja af sér þegar Samfylkingin missti flugið í kosningunum 2013. En ég spyr hvort eigi að gleyma því að Samfylkingin mældist með vel yfir 30 prósentum í formannstíð Össurar og hefur aldrei komist hærra! Er hann þá sökudólgurinn? Hvílíkt rugl. Er ekki skýringa ...
Guðfinna

24. Október 2016

ORĐASKIPTI EKKI SKRÁĐ

Kæri þingmaður, fatlaður einstaklingur sem stanslaust kallar hjálp biður formann eftirlits og stjórnskipunarnefndar um afrit fundargerðar er fatlaður sat fyrir nefndini  ...
Arngrímur Pálmason

19. Október 2016

SIĐBÚIN HEIFT

Var að lesa þessa frétt á Hringbraut: .... Er þetta ekki svoldið síðbúin heift? Er það vegna þess að grunur leikur á að Eva Joly kunni að styðja Pírata? Sjálfum finnst mér ekkert órökrétt við að hún geri það – úr því sem komið er.
Pírati

17. Október 2016

FREKAR ŢRJÁR MÍNÚNTUR EN ŢRJÁ TÍMA EF INNIHALDIĐ ER Í LAGI!

Ég tek undir með Sigríði Einarsdóttur hér á síðunni að mér finnst skipta meira máli hvað menn segja á Alþingi og hvaða afstöðu þeir taka en hversu lengi þeir eru tilbúnir að standa í pontu. Frekar vil ég þriggja mínúntna ræðu á móti Bakka hneykslinu en þriggja tíma réttlætingu á milljarða ríkisstuðningnum við Bakka að undirlagi ráðherra VG.
Jóhannes Gr. Jónsson

16. Október 2016

GLEYMDIR BJARTRI FRAMTÍĐ

Í skrifum þínum um Viðreisnarkrata, sem þú sérð allt til foráttu og telur ekki vera heilsusamlegan pólitískan kokteil, eins og þú orðar það, þá þykir mér þú gleyma Bjartri Framtíð eða hvernig myndir þú skilgreina þann flokk? ...
Sunna Sara

15. Október 2016

MÁLĆĐISKEPPNIN Á ŢINGI

... Það var flokkssystir þín sem sagði að ef fólk væri ekki alla daga malandi í ræðustól Alþingis þá vari það að svíkjast um í vinnunni. Mér finnst þessi málæðis-keppni sorglega fáránleg en tek eftir að oft er það fólkið sem hefur ekkert fram að færa af viti sem talar mest! Hvernig væri að spyrja út í innhald þess sem alþingismenn hafa fram að færa í afar misgóðum ræðum sínum frekar en í hve marga klukkutíma þeir þurfi til að koma þessu innhaldi á framfæri.
Sigríður Einarsdóttir

9. Október 2016

SVARAĐU NÚ

Sæll Ögmundur. Það hefur lítið heyrst frá þér um Venezuela eftir að þú skrifaðir pistla undir fyrirsögnum á borð við ,Lýðræðissinnar fagna úrslitum í Venezuela" og ,,Fróðlegur fundur um Venezuela" Hygg að það ætti erindi við dygga lesendur síðunnar ef þú gætir varpað frekara ljósi á ástæður vöruskorts, hækkandi glæpatíðni, óðaverðbólgu og a.m.k. 20% í samdrætti landsframleiðslu frá því að stjórnarstefna sem kallað hefur verið ,,sósíalismi 21. aldarinnar" var innleidd.
Arnar Sigurðsson
...

9. Október 2016

ÖMURLEGUR ŢINGMAĐUR?

Er ekki hálfömurlegt að vera að fara út af þingi með þá einkunn að þú sért í hópi þeirra sem greiða sjaldnast atkvæði í þinginu og þá umsögn félaga þinna að þú stundir ekki vinnu þína eins og kom fram í þinginu samkvæmt sjónvarpsfréttum sem í gær birtu búta úr ræðum þingmanna VG? Ertu ekki bara ömurlegur þingmaður? Ég verð ánægðari kjósandi VG án þín.
Kjósandi VG
...

24. September 2016

EN FINNA MENN SANNLEIKANN MEĐ RANNSÓKNAR-AĐFERĐUM HRUNVERJA?

...Mér finnst ekki gott að þú skulir vera að hætta á þingi en ég vil treysta því að þú sem formaður eftirlits- og stjórnskipunarnefndar Alþingis munir ekki láta deigan síga á lokametrunum heldur sinna starfi þínu af kostgæfni og sjá til þess að skipuð verði fagleg og óháð nefnd til að skrifa rannsóknarskýrslu um einkavæðingu bankanna, hina síðari. Vona að þú hafir lesið afbragðsgóðan pistil Marinós Njálssonar um málið og hafir þar margt til hliðsjónar, en í pistlinum staðfestir hann í megindráttum það sem í Vigdísarskýrslunni stendur skrifað. Margsinnis hefur þú sýnt það Ögmundur að þú ert maður til að sjá hið augljósa og akta samkv.mt því. Hið augljósa er að einkavæðingu bankanna, hina síðari sem og þá fyrri, varðar beinlínis þjóðarhag og virðingu Alþingis, að hið sanna megi koma fram, hversu dapurt  ...
Nóboddíinn

22. September 2016

SVÖR FYRIR KOSNINGAR - OG EFTIR!

Er það rétt að fyrir alþingi liggi drög að frumvarpi sem muni skerða bætur öryrkja og ellilífeyrisþega ? Hver er ástæða fyrir þvi að sífellt er verið að kroppa af bótum þessa hóps en hópar eins og þeir sem hljóta listamannalaun eru ósnertanlegir? Hvers á þessi hópur að gjalda ? Hvenær er komið nóg af að koma fram við þetta fólk eins og niðursetninga. Er þetta virkilega stefna núverandi stjórnvalda ? Það væri gott að fá að vita fyrir kosningar.
Ásdís Bergþórsdóttir

18. September 2016

EKKI RÓTT VEGNA LÍFEYRISMÁLA

Þakka þér fyrir að vekja máls á lífeyrismálunum. Í mínum vinnustað, Landspítalanum, heyrist því fleygt að á bak við tjöldin sé verið að semja um skerðingar á lífeyrissjóðum opinberra starfsmanna. Varla á að fara að samþykkja skerðingar á þingi, verður ekki að breyta lögum til að slíkt nái fram að ganga? Mér er ekki rótt ...
Ljósmóðir

18. September 2016

MÁL AĐ LINNI?

Ég sé ekki betur en að stjórnarandstaðan hafi algerlega látið ríkisstjórnina taka sig í bólinu. Samkomulag um haustkosningar var feigðarflan frá upphafi. Ég heyri marga sem trúðu því að efnt yrði til haustkosninga með hraði, signa sig þegar  hvert stórmálið á fætur öðru  er keyrt í gegnum þingið og alltaf frestast þinglokin. Auðvitað átti að kjósa síðastliðið vor eins og krafsit var en ef ekki, þá næsta vor og að þingið gæfi sér þá betri tíma í vandaðri lagasetningu en við horfum nú upp á. Í lok síðustu viku var sagt að LÍN frumvarpið eigi að klára og önnur stórmál. Er ekki mál að linni?
Kjósandi og stjórnarandstæðingur 

17. September 2016

JÓEL A. VILL SVAR OG FĆR ŢAĐ

Hver er þín afstaða til fólksfjölgunaráforma Bjartrar framtíðar og visa ég þar í nýlega flokkssamþykkt um að fjölga Íslendingum upp í 800 þúsund á næstu þrjátíu árum? Svar óskast ...
Jóel A.

11. September 2016

ENGAR LÍFEYRIS-SKERĐINGAR!

Ég er sámmála því sem skrifað var hér á síðuna um bóusuna og lífeyrismálin. Að taka það í mál að skerða lífeyri um svo mikið sem eina krónu á sama tíma og forréttindaliðið, þar á meðal viðsemjendur launafóilks eru að raka til sín milljónum á mánðuði í "laun" og bónusa, á hreint ekki að koma til greina!
Sunna Sara

11. September 2016

FORGANGSRÖĐ VERKALÝĐS-HREYFINGAR Í HEIMI BÓNUSA

Af hverju ættu opinberir starfsmenn að afsala sér lífeyrisréttindum sem tók þá áratugi að öðlast og var haldið niðri í launum fyrir bragðið? Er það ekki almenna markaðarins að ná kjörunum upp á við? Það hefur verið gert með talsverðum árangri.´Ég er sammála þér Ögmundur að í þá áttina á að jafna kjörin, upp á við! 
Finnst verkalýðshreyfingunni núna ...
Jóhannes Gr. Jónsson

11. September 2016

ÖĐRU VÍSI MÉR ÁĐUR BRÁ

Ég hlustaði á ræðu þínu um almannatryggingafrumvarp ríkisstjórnarinnar á Alþingi og samhengið við hugsanlegar breytingar á lögum um lífeyrissjóði. Ég fór inn á tengilinn við frásögn þína hér á síðunni. Takk fyrir það. Með örfáum undantekningum - ég nefni skrif Hörpu Njáls - þá er nánast ekkert um þessi mál fjallað. Mér brá þó í brún við að hlusta á ræðu þína og þær kjaraskerðingar sem ...
Kennari

4. September 2016

FLUGVÖLLINN Í ŢJÓĐARATKVĆĐI

Mér líst vel á að fá flugvallarmálið í þjóðaratkvæði. Þá mun liggja skýr fyrir þjóðarviljinn og er ég sammála þér að þá beri ríki og borg að komast að niðurstöðu í samræmi við þennan vilja. Ég hef hins vegar efasemdir um að borgin muni láta segjast jafnvel þótt staðfest yrði í þjóðaratkvæðagreiðslu það sem við reyndar öll vitum að ...
Jóhannes Gr. Jónsson

24. Ágúst 2016

"OG ŢAĐ SEGI ÉG SEM KVEN-RÉTTINDA-KONA"

Ég hef í forundran fylgst með umærðunni í kjölfar ummæla þinna á þá lund að stundum sé reynt að nota kynferði sjálfum sér til framdráttar og þá ekki síst  til að skjóta sér undan því að axla ábyrgð í erfiðum málum. Þetta er alveg hárrétt. Og það segi ég sem kvenréttindakona! Þetta hefur ekkert með það að gera að hlutur kvenna í þjóðfélaginu er almennt annar og erfiðari en hlutur karla og að þetta þurfi að leiðrétta eins og þú sagðir í þættinum!!! Hvaða asnaskapur er í fólki að reyna að ...
Ingibjörg

19. Ágúst 2016

ŢÁ FYRST TRÚI ÉG Á MÓDELIĐ

Ég er sammála því að binda leyfilegan launamun í 1 á móti 3. Ég er sammála þér að auðvitað er þetta hægt ef vilji er til þess. En þá þarf að sýna þann vilja í verki. Heldurðu að forystufólk launafólks sé tilbúið ákveða að eigin laun fari ekki yfir átta hundruð þúsund þar sem því tókst ekki að hækka lægstu félagsmenn sína í meira en 260 þúsund?  Ef við sjáum einhverja samkvæmni þarna skal ég trúa að módelið gangi upp.  
Jóhannes Gr. Jónsson

4. Ágúst 2016

SAMI RASSINN UNDIR ÖLLUM?

Eftir að hafa kynnt mér vaxtabótamálin, og skerðingarnar sen þar koma nú um stundir vegna hækkunar fasteignamats (sem er bara tala á blaði) þá hefði verið rökréttast að kenna framsóknaríhaldinu um allt þetta. Þegar vel er að gáð kemur ýmislegt í ljós, sem skýrir þögn Vinstri grænna og Samfylkingar í þessu máli. Árið 2010 gerði vinstri stjórnin breytingar á kerfinu, hækkaði hámark til útreiknings bóta og hækkaði einnig fjárhæð vaxtabótanna. Einnig komu til SÉRSTAKAR vaxtabætur. Skerðing vegna tekna fór úr 6% í 8%, og átti þetta að koma þeim lægst launuðu best, sem það gerði í ákveðinn tíma. Ásamt þessu LÆKKAÐI stjórnin skerðingarmörk eigna úr ...
Sveinn Elías Hansson

25. Júlí 2016

AĐ SLEPPA TAKINU

Að vera án sjálfsins er að vera sannur og það er sem nóboddíinn. Sá sem sækist ekki eftir einhverju er frjáls. Það sem þú sækist eftir bindur vit þitt, heltekur vit þitt og gerir þig að þræli þess sem þú sækist eftir. Að vera nóboddíinn er að hafa ekkert að óttast því ekkert getur hann misst því hann ásælist ekki völd og væntir einskis sem getur bundið og heft vit hans af hégómlegum hvötum. Megir þú nú Ögmundur minn ...
Nóboddinn

16. Júlí 2016

ÓSKIR UM AĐ ÉG NÁI BATA

...Ert þú enn að berja höfðinu við steininn varðandi icesave? Ég held að þú þurfir að skoða niðurstöðuna betur og láta af þrjóskunni. Staðreyndin er sú að frumhlaup þitt í tíð ríkisstjórnar Jóhönnu Sigurðardóttur leiddi yfir þjóðina einhverja ósvífnustu ríkisstjórn sem hér hefur setið. það er oftar en ekki betri kostur að standa fast með sínum þó ekki náist ítrustu óskir manns, heldur en að opna stjórnkerfið fyrir ruslaralýð eins og þú náðir að gera, illu heilli þegar þú ...
Kristjón Sigurðsson 300645 4969

15. Júlí 2016

SAMIĐ Á KOSTNAĐ ŢRIĐJA AĐILA!

...Var að hlusta á þig á Bylgjunni í morgun varðandi einkarekstur heilsugæslu. Er svo hjartanlega sammála þér að þetta væri ófremdarfyrirkomulag. Ég las einhversstaðar þessi rök sem mér finnast mjög góð þessum málstað. Í einkarekinni heilsugæslu er markmið hámörkun hagnaðar og viðleitni við að auka tekjur sem mest og skera niður kostnað. Þegar skjólstæðingur leitar til læknis þá mælir læknirinn með meðferðum, skurðaðgerðum og lyfjagjöfum. Skjólstæðingurinn er ekki í góðri aðstöðu að rökræða við lækninn og yfirleitt fylgja menn ráðleggingum lækna og gera það sem fyrir er lagt. Þarna eru tveir aðilar að semja um kostnað sem að þriðji aðili (ríkið) þarf að borga fyrir án þess að ...
Bragi Baldursson

27. Júní 2016

BREXIT ÚRSLIT KALLA EKKI Á MÍN TÁR!

Ég er sammála þér að gráta ekki Brexit úrslitin en enn einu sinni sjáum við inn í hugarheim Evrópusambandsfólksins. Því var sama þótt Ísland sækti um aðild að Evrópusambandinu  án þjóðaratkvæðagreiðslu, heimtuðu síðan þjóðaratkvæðagreiðslu þegar viðræðum var hætt! og nú er vælt yfir afgerandi niðurstöðu í þjóðaratkvæðagreiðslu í Bretlandi. Seglum alltaf hagað eftir vindi. Hálf bjánalegt þykir mér ...
Jóel A.  

1. Júní 2016

BARÁTTAN VERĐUR AĐ FARA FRAM UTANDYRA

Alþingi er vonlaust og verður alltaf meira og meira vonlaust!. Nú þarf að taka slaginn utandyra! Það er ekkert annað í stöðunni.
Fótgönguliði

1. Júní 2016

ŢARF EKKI AĐ STALDRA VIĐ?

Ég hlustaði á eldhúsdagsumræðurnar og varð enn meira hugsi yfir því að þú ætlir að hætta á Alþingi Ögmundur. Ég  hef verið hugsi yfir þessu og ágerðust áhyggjur mínar við þessar umræður í þingsal. Þú kallar á auknar vinstri áherslur. En með brotthvarfi þínu veikir þú þessar áherslur. Þetta segi ég ekki í ásökunartón en þetta er því miður staðreynd. Og ég leyfi mér að hafa áhyggjur af henni! Nú les ég að Frosti Sigurjónsson, samfélagsbankamaður, ætli að hætta líka. Það yrði mikill missir fyrir ...
Jóhannes Gr. Jónsson 

31. Maí 2016

AFLANDSEYJA TIL ...

Gammar stunda glæfraspil,
græðgi ræður lífi.
Aflands flytja eyja til,
auðæfi og þýfi.
Kári

13. Maí 2016

VIĐBÓT UM DUBAI

Örlítil viðbót við grein Sveins Elíasar Hanssonar. Bjarni Ben. hefur ekki sagt okkur í hverju hið stórfellda tap hans á fasteignaviðskiptum í Dubai er fólgið. Er það í dollurum eða krónum? Þar er ærinn munur á, eins og sést í eftirfarandi töflu. Apríl 2006: Gengi dollars 72 kr; 40.000.000 kr / 72 = 555.556 dollar Apríl 2009: Gengi dollars 126 kr; 555.556 dollar x 126 = 70.000.056 krónur 20% tap í dollurum: 444.445 d = 56.000.070 kr - 40.000.000 = 16.000.070 gróði í krónum 30% tap í dollurum: 388.889 d = 49.000.014 kr - 40.000.000 = 9.000.014 gróði í krónum 40% tap í dollurum: 333.334 d = 42.000.084 kr - 40.000.000 = 2.000.084 gróði í krónum 40.000.000 af 70.000.056 eru 57,14 %, og hefði því getað verið 42,86 % tap í dollurum án þess að um tap í íslenskum krónum væri að ræða.
Sigurjón

3. Maí 2016

SÚ TILFINNING AĐ EINHVER VAKI

Við þessi tíðindi er ekkert minna en Biblíutilvitnun sem hæfir, mér kemur í huga spámaðurinn Jesaja og orð hans á ögurstundu "Vökumaður, hvað líður nóttinni?" Það eru stórtíðindi þegar þingmaður af stærðargráðu Ögmundar hverfur af vaktinni einmitt þegar allir samningar um rétt og rangt, gott og illt, fagurt og ljótt, svart og hvítt eru lausir, ekki aðeins hér á landi heldur sýnist manni það eiga við um heiminn allan. Ögmundur hefur gegnt hlutverki hugsjónamannsins sem Jesaja kallaði vökumann, þeir fuglar eru alltaf í litlum hópum, og syngja stundum framandi ljóð, sama hvar þeir ...
Gunnar

2. Maí 2016

MAĐUR KEMUR EKKI Í MANNS STAĐ

Oft er haft á orði að maður komi í manns stað. Þar með á að skiljast að mannabreytingar skipti engu höfuðmáli. En menn eru mismunandi og aldrei hefur mér þótt þetta orðtæki eins villandi og nú þegar sagt er að maður komi í manns stað þegar þú hættir á þingi Ögmundur. Þín rödd á þingi er allt öðru vísi en allra annarra. Fyrir bragðið mun pólitísk umræða verða fátæklegri í þinginu þegar rödd þín þagnar þar og skýringin er náttúrlega sú að maður kemur ekki í manns stað hvað þig varðar. Þess vegna megum við ekki missa þig af þingi.
Jóhannes Gr. Jónsson

1. Maí 2016

EKKI NÚ!

Ég tel þig baráttumann með rödd sem ekki má hljóðna á Alþingi. Mitt mat er að ekki sé rétti tíminn að hætta nú.
Í vinsemd,
Bjarni

8. Apríl 2016

ŢAKKIR

Sæll Ögmundur
Mig langar til að þakka þér fyrir mjög skelegga og vel flutta ræðu þína sem þú fluttir blaðalaust af mjög miklum krafti og sannfæringu! Sjálfur sit eg heima, treysti mér ekki í fjölmenn mótmæli á Austurvelli eftir erfiðan uppskurð vegna krabbameins fyrir nokkrum vikum. En mitt fólk er núna á Austurvelli að mótmæla!
Bestu baráttukveðjur!
Guðjón Jensson, Mosfellsbæ

6. Apríl 2016

UM ÍBÚĐAKAUP Í DUBAI

... Bjarni Ben keypti hlut í félagi sem keypti íbúðir í Dubai árið 2006. Hann segist hafa sett 40 milljónir króna í verkefnið árið 2006, og í apríl það ár var gengi dollara 72 krónur. Þannig að um 555 þúsund dollara er að ræða. Bjarni leggur OFURÁHERSLU á að hann hafi selt íbúðirnar með TAPI, og notar það sem réttlætingu fyrir gjörðum sínum. Í apríl 2009 þegar hann seldi sinn hlut í félaginu var gengi dollars 126 krónur. 555 þúsund dollarar eru þá 70 milljónir króna eða 75% hærri upphæð í krónum talið, en upphaflega var sett í viðskiptin. Nú er spurning hversu marga dollara seldi Bjarni Ben hlut sinn á árið 2009. Tap í dollurum er ekki tap í  ...
Sveinn Elías Hansson

23. Mars 2016

VANHUGSAĐ

Í sjónvarpsfréttum sjáum við nú vopnaða lögreglumenn spranga um í Leifsstöð. Hver er tilgangurinn? Verja okkur, fæla hryðjuverkamenn frá? Ég spyr hvort þetta kunni að hafa alveg gagnstæð áhrif. Ég hef grun um að þetta sé ekki hugsað í þaula. Heldur séum við bara að gera eins og hin(ir). Mér finnst þetta bera það með sér að vera vanhugsað.
Grímur

27. Febrúar 2016

ILLA KOMIĐ FYRIR LĆKNUM!

Ósköp er nú dapurlegt að fylgjast með talsmönnum heimilslækna  sem ólmir vilja gerast braskarar. Öðru vísi mér áður brá. Fyrir aðeins örfáum arum hefði læknastéttin sem heild aldrei látið niðurlægja sig með þessum hætti! Er svo komið að peningamenn eru einir um að hafa meiningar í þessari stétt? Hvers vegna láta þau sem eru annarrar skoðunar ekki frá sér heyra?
Sunna Sara

26. Febrúar 2016

SJÁLFSTĆĐIS-FLOKKUR EINKAVĆĐIR ŢVERT Á ALMANNA-VILJA!

Hvernig stendur á því að Sjálfstæðisflokkurinn er ekki þurrkaður út? Skoðanakannanir sýna að fólk vill ekki sjá einkavædda heilbrigðisþjónustu en samt heldur flokkurinn þessari stefnu til sttreitu og fer sínu fram og einakvæðir. Engu að síður heldur sama fólkið og gagnrýnir þessa stefnu áfram að kjósa flokkinn eða alla vega ...
Sunna Sara

15. Febrúar 2016

HLÝ ORĐ

Einn af fáum sem gæti tekið við sem forseti, og þjóðin treyst heitir Ögmundur Jónasson. Sagði fyrir hrun að best væri að bankarnir færu úr landi, en fékk bágt fyrir.Hann hafði rétt fyrir sér. Sagði af sér ráðherradómi þar sem hann mátti ekki hafa aðra skoðun í Icesave málinu, heldur en ríkisstjórnin. Stóð alltaf á móti Núpó bullinu, þar sem aðrir sáu glitta í aura og vildu selja sig eins og hórur. Þar hafði hann rétt fyrir sér. Tók aldrei laun sem formaður BSRB þegar hann var þingmaður, og þáði aldrei ráðherralaun ofan á þingfararkaupið. Það hefur enginn annar gert. Þetta er maður sem lætur ekki kúga sig til hlýðni við aurana, og er alltaf samkvæmur sjálfum sér. Einn af örfáum sem almenningur getur treyst fyrir þessu embætti, og hann mun ekki láta auðvaldið stjórna sér eins og sumir hafa gert í þessu embætti. Skora á þig Ögmundur Jónasson að gefa kost á þér í þetta embætti.
Sveinn Elías Hansson

7. Febrúar 2016

SVEINN RÚNAR VERĐ-LAUNAĐUR AĐ VERĐLEIKUM

Ég er sammála svari þínu um Svein Rúnar Hauksson þar sem þú fagnar því að hann skuli hafa verið heiðraður í Palestínu með því að gera hann að heiðursborgara þar. Sveinn Rúnar á mikið lof skilið fyrir framlag sitt til mannréttindabaráttu. Enda þótt honum hafi án efa oft verið heitt í hamsi hefur honum tekist að vera hófsamur í málflutningi og fyrir bragðið sannfærandi. Heimurinn væri betri ef við ættum fleiri menn eins og Svein Rúnar Hauksson.
Sunna Sara

24. Janúar 2016

HVERS VEGNA HEIĐURS-MAĐUR?

Sæll Ögmundur! Því kallar þú Svein Rúnar heiðursmann? Hann hefur marg verið staðinn að ósannindum. Hann hvetur til stríðsátaka. Styður og er í persónulegu vinfengi við Hamas leiðtoga sem nota barnahermenn. Sömu menn hafa stolið hundruðum milljónum dollara frá almenningi á GAZA ströndinni. Þú hæðir orðið heiðursmaður með því að veita Sveini Rúnari þann titil ...
Kristjón Benediktsson

10. Janúar 2016

KÚRDAR Á FLÓTTA

Þakka þér fyrir umfjöllun þína um ofsóknir á hendur Kúrdum í Tyrklandi. Þú bendir réttilega á að þar með er búinn til nýr flóttamanavandi. Mér þótti þetta ríma fullkomlega við nýlega frétt Eyjunnar um flóttamenn frá Kúrda héruðum Tyrklands sem nú verða fyrir ofsóknum. Kúrdar eru upp til hópa ágætisfólk sem kemur úr menningarheimi ekki ósvipuðum okka,r til dæmis hvað varðar lýðræði og jafnrétti kynjanna. Þannig að þeir ættu að vera aufúsugestir.
En helst vilja þeir væntanlega vera heima hjá sér - alla vega ekki láta hrekja sig frá heimahögunum. Ég er þér sammála að við eigum að beina sjónum okkar að fyrirbyggjandi aðgerðum ekki síður en lausn vandans þegar búið að búa hann til! Sjá frétt ...
Sunna Sara

4. Janúar 2016

HEFĐI KOSIĐ FROSTA

... En það er ekki valið á manni ársins sem ég staldra við heldur fyrirkomulagið á þessu vali. Einn aðal umræðuþáttur stjórnmálanna, Sprengisandur Bylgjunnar, stendur fyrir þessu vali og ákveður hverja við megum kjósa. Látum vera að kjósa eigi á milli formanna flokkanna. Þá ætti útkoman að heita formaður ársins en að sjálfsögðu ekki stjórnmálamaður ársins því þá ættu allir stjórnmálamenn að koma til greina við valið. Nei, svo gott er það ekki. Að vísu megum við kjósa formennina sem stjórnmálamenn ársins en síðan örfáa tiltekna sérvalda einstaklinga að auki. Þannig mátti til dæmis kjósa Vigdísi Hauksdóttur en ekki Frosta Sigurjónsson, sem ég hefði ...
Bjarni

3. Janúar 2016

BURT MEĐ KJARA-MISMUNUN

Jafnframt að óska þér gleðilegs árs vil eg hvetja þig og alla þingmenn að gefa svonefndum Kjaradómi betri gaum. Þarna virðist vera eitthvað fyrirbæri sem er ekki í neinum tengslum við raunveruleikann. Annaðhvort á að leggja þennan kjaramismunardóm niður eða breyta heimild hans. Legg eindregið til að hér eftir verði honum einungis heimilt að LÆKKA laun þeirra sem betur mega sín í samfélaginu en ALLS EKKI hækka! Við sitjum uppi með allt of fjölmenna yfirstjórn í þessu samfélagi á allt of háum kjörum ...
Guðjón Jensson

Bréf til síđunnarRSS Fréttaveita

Frá lesendum

18. September 2017

UM KOSNINGAR OG RÍKISSTJÓRN

 Ef valdið heim nú viljið þið,
verður nýtt að prófa.
Kosningu ef klúðrum við,
kætist flokkur bófa.
...
Kári

15. September 2017

LANDINN FRJÁLS

Loksins verður landinn frjáls,
losnar við Íhaldið.
Ber þá enga hespu um háls
og alþýðan fær valdið.
Pétur Hraunfjörð

6. September 2017

HEIMSVIĐSKIPTIN ŢRÓUĐ Í FINNAFIRĐI

Efla hefur þróað Finnafjarðarverkefnið. Það er kallað viðskiptaþróun. Hugmyndin er að olíuhreinsunarstöðin risastóra verði í Finnafirði. Þá er hægt að nýta höfnina bæði fyrir olíuskip og fyrir siglingar yfir Norðurpólinn þegar ísinn verður bráðnaður.
Ingibjörg Elsa Björnsdóttir

6. September 2017

ERUM Á LEĐINNI

Stærsta höfn á norðurhveli í Finnafirði og stærsti flugvöllur á norðurslóðum í Keflavik. Ætlum við að láta Björgólf hjá Icelandair, Skúla í Wow og bæjarstjórann í Langanesbyggð færa okkur inn í 21. öldina á sínum forsendum? Ég held við þurfum ekki fleiri stýrimenn til að komast fram af brúninni. Við virðumst vera á réttri leið til að komast þangað.
Haffi

6. September 2017

ENN UM MINNISVARĐA

Fróðelgt væri að fá fréttir af því hver urðu afdrif beiðni stríðsminjanefndar Bandaríkjanna um minnisvarða í Höfða um framlag BNA til freslsisbaráttu mannkyns á seinni hluta tuttugustu aldar, þar með talið Víetnam og Hiroshima. Sagt var að Reykjavíkurborg væri að skoða þessa málaleitan. Hver skyldi hafa orðið niðurstaðan?
Jóel A. 

30. Ágúst 2017

VERĐUR ŢETTA SVONA?

Pistill þin hér á heimasíðunni um fyrirhugaðan minnisvarða í Höfða er umhugsunarverður! Ég hafði svo sannarlega ekki hugsað þetta á þennan veg en er sammála því að það þurfi að gera. Það undarlega er hve lítil umfjöllun er um þetta! Verður þetta svona, hvernig væri að einhver fréttamiðill beindi þeirri spurningu til borgaryfirvalda?
Jóhannnes Gr. Jónsson

25. Ágúst 2017

GÓĐ KVEĐJA!

... I represent a collective (@NirAadCollectiv) opposing Indias draconian biometric ID program, called Aadhaar. I read with great interest the article http://www.katoikos.eu/interview/icelandic-minister-who-refused-cooperation-with-the-fbi-ogmundur-jonasson-in-an-interview.html ... and I was quite taken in with your viewpoints expressed with such clarity and preciseness. There are so many sentences that can be quoted in this interview. Since I was extremely impressed with this interview and since your ideas and thoughts resonated with our, I wanted to drop you a message of gratitude. In solidarity towards a more socially just world. PS: I hope this small letter reaches you :)
Nir Aadhaar Collective

17. Ágúst 2017

ĆRULAUSIR MENN

Hafa löngum kerfið kreist,
kraflað út á jaðar.
Upp ei verður æra reist,
sem engin er til staðar.
Kári

30. Júlí 2017

DÝR VERĐUR SOPINN

Það er rétt hjá þér að þegar við höfum tapað frá okkur neysluvatninu og það komið á einkahendur verður dýr vatnssopinn, jafnvel þótt við böðum okkur ekki úr einkavæddu flöskuvatni! En það verður líka dýrt að ferðast um Ísland og dýrara með hverri vikunni sem líður því sífellt fleiri stökkva upp á rukkunarvagninn. Ríkisstjórnin er hin ánægðasta með einkavæðingu náttúrunnar og almenningur andvaralaus ef þá ekki ...
Jóel A.

30. Júlí 2017

ÚTI AĐ VINNA!

Nú fangarnir frá Kvíabryggju
frjálsir um sveitina vinna
Vanti þig aðstoð þá hafðu í hyggju
að óþrifa verkum sinna.
...
Pétur Hraunfjörð



BSRBVGAlţingi

Póstlisti

Hér ađ neđan geturđu skráđ ţig á póstlista Ögmundar. Skráđir ađilar fá reglulega sent fréttabréf í tölvupósti.




Afskrá | Breyta skráningu

Frjálsir pennar

27. Júní 2017

Sveinn Elías Hansson skrifar: RÍKIĐ SKERĐIR RÉTTINDI ALDRAĐRA OG ÖRYRKJA, MEĐ EIGNUM RÍKISSJÓĐS

Þegar launamenn greiða hlut af launum sínum inn í lífeyrissjóði, sem þeir eru skyldugir að gera, þá er EKKI greiddur tekjuskattur af þessum greiðslum, þannig að ríkið á hluta af þessum greiðslum þegar þær eru greiddar út og þær eignir SKERÐA réttindi lífeyrisþega. Ríkið skerðir semsagt greiðslur til lífeyrisþega, með eignum sínum. Við getum tekið einfalt dæmi til að sýna fram á þetta ...

14. Júní 2017

Sveinn Ađalsteinsson skrifar: ŢEGAR DANIR KOMU ÍSLENDINGUM TIL HJÁLPAR OG REFSKÁKIN Í STJÓRNMÁLUM

Undirritaður skrifaði neðanskráðar hugleiðingar, eftir lestur smápistils Jónasar Kristjánssonar á vef- miðli hans. Þjóð sem er illa að sér í eigin sögu er illa á vegi stödd. Við sem komin eru yfir miðjan aldur voru alin upp við að lesa mjög þjóðernislega, einsleita og að hluta til ranga Íslandssögu Jónasar frá Hriflu. Mjög fáir Íslendingar hafa heyrt um það sem ég tæpi á hér að neðan, þ.e. að einasta „byltingin" sem gerð hefur verið íslensku þjóðinni til hagsbótar, stóðu danskir borgarar Kaupmannahafnar að í mars- mánuði 1786 ...

16. Maí 2017

Sigríđur Stefánsdóttir skrifar: ÉG FER Í STURTU A.M.K. EINU SINNI Á DAG OG NOTA HÁHRAĐA-TENGINGU ALLAN SÓLARHRINGINN

Þannig hef ég hugsað mér að hafa það svo lengi sem hægt er - með eða án aðstoðar.  Hve lengi er hægt er að halda þessari stöðu fer að sjálfsögðu eftir því hve miklu fjármagni er veitt til velferðarmála svo sem félagslegrar heimaþjónustu.  Það eru einkum tvær hugmyndir sem ég hef lengi staldrað við í sambandi við aðstoð við einstaklinga sem hafa þörf fyrir hana, þ.e. markmiðið að fólk skuli geta búið sem lengst á eigin heimili og að þjónustan skuli m.a. vera félagsleg.  Hvort tveggja er afar teygjanlegt, háð persónulegu mati, mannafla, launum og auðvitað fjármunum. Þurfi ég aðstoð við að komast í sturtu og geti fengið hana heima einu sinni í viku lít ég svo á að ég geti ekki búið heima - eða ættu ...

Slóđin mín:

Frá lesendum

Stjórnborđ

Forsíđa vefsins Stćkka letur Minnka letur Senda ţessa síđu Prenta ţessa síđu Veftré Hamur fyrir sjónskerta