ÆSIR OG HRÍMÞURSAR

Sæll Ögmundur...
Ég óska ykkur til hamingju með góðan fund í Kragakaffi!
Það kemur æ meira í ljós hvaða voða þú og þínir samstarfsmenn hafið bjargað þjóðinni frá, þá meina ég VOÐA með STÓRUM STÖFUM!
Því nær sem við nálgumst dagsetninguna að samþykkja eða hafna Iceslave, þá eykst hraði darraðaradans þeirra sem vilja hlekkja íslensku þjóðina í ánauð erlends auðvalds. Sá dans er núþegar að brjálæðast. Að vísu er háttvirt Alþingi Íslendinga búið að samþykkja Iceslave með fyrirvörum, sem Hollendingar og Bretar ásamt íslenskum þjónum þeirra, hafa hafnað!
Ég horfði á Silfur Egils um helgina og þar kemur vel fram hvað ég er að ræða um. Þar voru umræðugestirnir Jóhann Hauksson blaðamaður, Gauti Kristmannsson lektor, Björg Eva Erlendsdóttir blaðamaður og Ólafur Arnarson hagfræðingur. 
Mér blöskraði málflutningur þeirra tveggja fyrrnefndu og hugsaði mér að það væri ekki furða að blaðamennskan væri á því lága stigi sem hún er, eftir að hafa hlustað á óðamálabull Jóhanns. Ruglið í Gauta sem er háskólalektor á launum frá skattgreiðendum var af sama meiði. Gauti hafði skrifað grein í Morgunblaðið sem Egill Helgason kallaði messu og satt að segja fannst mér persónulega ekki heil brú né rök í skoðun mannsins. Það var líkast því að bæði Gauti og Jóhann væru leigupennar, eða leiguliðar Jóhönnu Sólrúnar og Steingríms J., eða jafnvel Breta og Hollendinga.
Þó ég hafi ekki verið fullkomlega sammála Björgu og Ólafi, þá var málflutningur þeirra settur fram með rökum og í honum var heil brú.
Ég fer ekki lengra út í þessar umræður, en það er góð lexía að hlusta á mál fólks eins og Jóhanns og Gauta til að gera sér grein fyrir að það séu í raun slík láglíf í þjóðfélagi voru, jafnvel í ábyrgðarstöðum, sem eru alltaf tilbúin að taka málstað erlendra auðvaldskúgara framyfir málstað íslensku þjóðarinnar! Enda sitja þeir sumir nú í ríkisstjórn Íslands, bæði ljóst og að tjaldabaki! 
Athugaðu Ögmundur, að það er þessi manntegund sem kallar þjóðrækni, þjóðernishroka!  Það er þessi tegund sem vill hnekkja íslensku þjóðina í erlenda ánauð og þykir það jafnvel fínt, flott og svaka sniðugt! Það er þetta fólk sem kallar þjólegt fólk, molbúa nýkomna úr moldarkofunum, til að lítillækka það!  Það er þessi manntegund sem skilur ekki, eða vill ekki skilja, að í raun er um að ræða baráttu upp á líf og dauða á milli þjóðfrelsis og alþjóða hnattvæðingar auðvaldsins!  Ekki ólíkt því er Æsir og hrímþursar háðu sömu baráttu til forna!  Ef Æsir sigra ekki, þá eru Ragnarök vís fyrir íslensku þjóðina!
Málið er Ögmundur, að þú og þínir eru að sigra fyrir hönd þjóðarinnar, sem kemur fram á öllum sviðum, jafnvel að Jóhanna var pínd til að frábiðjast kröfum Hollendinga og Breta um að við íslendingar yrðum að borga það sem þeir settu upp, hversu sem við óskuðum, eða hvað svo sem dómstólar segðu. Þetta var eitt af því alvarlega sem þú gast eðlilega ekki fallist á, né þjóðin, hefði hún fengið að vita nákvæmlega um eðli Iceslave og um ofbeldi útlendinganna í okkar garð.  Jú, það eru alltaf einhverjir afturkreistingar og föðurlandssvikarar sem skríða undar steinum og úr torfi til að svíkja málstað þjóðar sinnar.
Ögmundur, í guðannabænum láttu ekki bilbug á þér finna, berjumst til sigurs, þú mátt vita að þjóðin stendur með þér, sérstaklega ef hún fær að vita hvað er að gerast!  Þú ert ekki einn, langt frá því!!! 
Með þakklæti og virðingu,
Helgi Geirsson