ALLAN MINN STUÐNING!

Ögmundur.
Það er átakanlegt að fylgjast með mannorðs-leigumorðingja-fjölmiðlum, hverju nafni sem þeir nefnast. Þeir finnast víðar en á Íslandi. RÚV er án efa falskra/rændra-peninga-auðugasti mannorðs-leigumorðingja-fjölmiðill bankaræningjanna, sem starfandi er á Íslandi.
Þú getur huggað þig við að: að ekki verður ófeigum í hel komið, né feigum forðað. Það gildir þegar allt kemur til alls. Þú hefur gert allt, sem er í þínu valdi einu saman, þegar kemur að rétlátri lýðræðishugsjón, og hefur fórnað miklu til að mæta pólitískum andstæðingum á miðri leið, af eðlilegri og siðsamlegri virðingu. Þeir pólitísku andstæðingar, sem launa þér þá tillitsömu virðingu og heiðarleika, með svona aðför að þér, munu ekki eiga auðvelt uppdráttar í þessum nýja heimi samstöðu, virðingar og heiðarlegra vinnubragða. þeir hrópa hæst um spillingu annarra, sem helst skyldi hlífa, og þurfa mest á fyrirgefningu að halda, vegna siðleysis-veikleika sinna. Svona er siðblind græðgin í hnotskurn á Íslandi, og enginn læknir, (nema kannski Lýður Árnason, sá ágæti drengur), þorir að segja neitt um sjúklegt ástand þeirra, sem stjórna bak við tjöldin. Það sýnir best hversu gjörspillt og sjúkleg þöggunar-samspillingin er í íslenskri stjórnsýslu og kerfinu öllu. Siðferðisvitund íslenskra hæst settu embættismannanna er á vanþróuðu og siðblindu stigi ennþá, og virðast þeir hafa alla aðra embættismenn í vasanum.
Kannski verður þetta þjóðarmein til þess, að hér á landi verður auðveldara að koma auga á, og útiloka þá, sem raunverulega stjórna spillingunni bak við tjöldin. Fátt er svo með öllu illt, að ekki boði nokkuð gott.
Þú ert að berjast einn ráðherra, á móti ofuröflum spillingarinnar í stjórnsýslunni. Ég styð þig í þeirri baráttu, vegna þess að þú hefur sýnt að þú hefur hjartað á réttum stað. Þú færð bara því miður ekki að ráða nógu miklu, og ert látinn taka á þig sakir annarra.
Einelti og sökudólgaleit sumra fjölmiðla lýsir vel sjúklegu einræðinu á Íslandi. Þeir eru sjúkastir, sem leggja aðra í einelti. Það er vel þekkt af sálfræðingum, og fórnarlömbum eineltis. Andlegt ofbeldi er miklu alvarlegra heldur en líkamlegt, og miklu árangursríkara til skamms tíma. Á Íslandi er andlegt ofbeldi notað í mjög ríkulegum skömmtum, í siðspilltu kerfinu. Betur að fleiri ráðherrar hefðu sama hjartalag og jafn heilbrigða hugsun og siðferðis-vitund og þú Ögmundur, af þeim sem sitja, og hafa setið áratugum saman, leynt og ljóst, á ráðherrastólum í þessari svokölluðu (mútuðu) "ríkisstjórn Íslendinga". Gangi þér vel framvegis, og þú átt allan minn stuðning í þinni baráttu við ofuröfl spillingarinnar.
M.b.kv.
Anna Sigríður Guðmundsdóttir