BALLERI-BRELLAN

Vopnasali til “heppilegra” herstjóra i Afríku að undirlagi CIA og stoltur útgerðarstjóri eigin” öryggissveita” til heppilegra manndrápa m.a. í Sómalíu, gerðist Íslandsvinur 2019. Michele Ballarín er hörkukvendið, sú sem keypti flugfreyjubúninga WOW 2019 ( þó án innihalds) og hélt að flugfélag fylgdi með í tombóluverði. Boðaði þvi ný flugtök WOW um jól en graut skorti i skálina, vængi á fuglinn.
Nýkveikt ást Ballarin á Íslandi varð til áætlunar um kaup á 7 milljarða drottnandi hlut í Icelandair nýlega. Strax fúlsuðu sölumenn hlutabréfa við slíku framlagi. Sögðu Ballarin þessa skítblanka, frekju að auki og þvi óvelkomna i fínt samkvæmi.
En neyð kennir sölumönnum að spinna. Strax var þvi lekið sögu um ágirnd bandarísks fjárfestis í 7 milljarða ný hlutabréf í Icelandair. Gefið i skyn að kaup væru umsamin, eftir að þeim var þó snarlega hafnað. Eins og til stóð með spunagerð, hljóp kaupæði á lága sem háa Islendinga !
Auðmjúkur þakkar nú forstjóri Icelandair fyrir kaupæðið, auðsýnt traust og vináttu við aumt kompaní. Margur ríkisbubbinn gerist ástvinur Islands, einkum á útsölutímum. Þeir nýtast með ýmsum hætti, t.d.Al Thani forðum fyrir Kaupþing i steik sinni.
Nú varð röska Ballerín óvænt lykilpersóna í spunabrellu, líklega til björgunar á Icalandair í heilt misseri. Hvað síðan tekur við veit enginn. Alltaf má þó finna ráð, sem Ballerin-brellan sannar best.