STRANDIÐ STÓRA Á BAKKA-KOMPLEXINN

Umleikis í Bakkaframtaki opinberra aðila,lífeyrissjóða, Íslandsbanka að PCC GROUP ógleymdu,er eitthvað á áttunda tug milljarða, útreiknað. Miklu meiri útgjöld en það eru óbeint tengd Bakkaframtaki, sem illt er þó að meta öll, enda álitaefni uppi.

Pælingarnar færa Bakkaframtak í flokk viðamestu stóriðjutiltækja á Íslandi, áður útnefndan vott um póltíska dirfsku og dáð athafnaskálda - Því miður fór Bakkaframtakið mikla fjandans til, þar sem það dvelst nú. Ónothæft kísilver PCC, sem allt snérist áður um, stendur nú óvirkt. Leppi þýska eigandans, BakkiSilicon, skuldaþræli hans, er trauðlega viðbjargandi.

Lánadrottnar í tárum, ekki síst ísl.lífeyrissjóðir.

18 mánaða ógöngur á rekstri kísilvers PCC á Bakka voru metnar glóruleysi fyrir árslok 2019. Tilkynning um strand barst þó fyrst í júní sl. enda þurfti að hreinsa upp lager hráefna, reyna að bæta óreiðu i fjármálum auma BakkiSilicon hf. Nýorðin plága varð happafengur til yfirklórs yfir gömulu risafeilsporin. Ennfremur var stórstrandi lýst sem stuttri sumarpásu í kísilveri, áhyggju-fólki til hugarhægðar, t.d.brottreknu starfsfólkinu og öðru í nærumhverfi.

Einhver villa í kompás leiddi áður til stóriðjuumsvifa á Bakka, orðuð við PCC, með ónothæft kísilver sem aðalviðmið. Varla hófst sigling PCC vorið 2018,þegar strand var fyrirséð og eftir 18 mánaða basl, við árslok 2019, var bjargarleysið algert orðið.

Þá níu mánuði sem liðnir eru af þessu ári umlykur dúnmjúk þöggun stórstrand PCC BakkiSilicon hf á Bakka, hvað rétta málavexti snertir. Viðkvæmt er málið vissulega og hörmulegt ferlið frá upphafi 2013 til enda þess. PLÁGAN 2020 er því helst nýtt nú til skýringar á eldri afglöpum.

Ásett þagnarumgerðin um strandið stóra og afdrifaríka á Bakka er ein af mörgum furðuhliðum atviksins. Víst er Bakkastrandið “leiðindamál”. Umbreyting þess í leyndarmál er þó móðgandi aðgerð við samfélagið.