EKKI ESB!

Sæll minn kæri Ögmundur.
Ég veit að þú ert hinn vænsti maður inn við beinið og ég er viss um að það finnst þér sjálfum líka. En ég gruna þig stundum um græsku sem þingmann og ráðherra og oddamann, já ég segi oddamann, ríkisstjórnar, sem er á leyndó-ferð inn í ESB, þó þar séu nú veður válynd og amk. 2/3 íslensku þjóðarinnar vilji bara alls ekki innlimast Frankfurtar-veldi Rothschildanna. Þú sem skrifaðir eitt sinn svo fínan pistil um glerperlur og eldvatn og gott ef ekki lebensraum og að því mér skildist sem varúðarorð gegn útþenslustefnu og ESB alræðinu öllu. En nú er það svo að þú kysstir líka Össur rembingskossi í beinni útsendingu RÚV ohf. að kveldi 25. apríl 2009, þannig að við sem heima sátum roðnuðum barasta og urðum öll svona ómöguleg innra með okkur og skynjuðum eitthvað gruggugt í loftinu. Er það svo sem mig gruni nú, að þú viljir fórna flestu fyrir drauminn um að Össur "gjaldi í glíku" og kyssi þig líka á móti þegar "aðlögunar-ferlinu" verður lokið og "júró-barnið" stekkur fullskapað út úr Tróju-hesti ykkar og með þig sem hvað ... leyndó-ljósmóður ...? Segðu okkur núna bara heiðarlega frá Ögmundur minn, er öllu til fórnandi fyrir blautan draum þinn um glerperlur og eldvatn frá Össuri? Ég er bara nóboddí sem veit ekki neitt hvað er að gerast á bak við rekkjutjöld þessarar ríkisstjórnar með fjármálafurstum og hrægömmum, en ég spyr nú bara þig svona sérstaklega Ögmundur minn, því eins og ég sagði þá ert þú sjálfur odda-maðurinn í þessari undarlegu tangar-sókn sem þekkt er í herfræðum valda-gírugra makkíavella og gengur út á að deila og drottna. Ertu að hafa einn gamaldags vinstri sinnaðan og grænan nóboddía að fífli Ögmundur minn? Eða er ég kannski bara svona grænn og saklaus og hrekklaus, að ég skilji bara ekki leyndó-pólitík þína? Ertu á hraðferð eftir átóbana og beint fram af bjargbrúninni með Össuri inn í ESB, undir fölsku flaggi skjaldborgar um heimilin ... eða ekki? Hver er þín raunverulega "Masters Voice" Ögmundur minn ... eða ekki?
Nóboddinn

Ég er að bisa við að hafa hvorki þig né nokkurn annan að fífli. Inn í Evrópusambandið vil ég alls ekki fara! Um leið veit ég að margir vilja þangað inn og síðan er til hópur sem vill sjá hvað kemur út úr viðræðum. Mig skiptir engu máli hvað út úr viðræðunum kemur einfaldlega vegna þess að ég veit að allar undanþágur yrðu til bráðabirgða. Hvað um það, þetta er veruleikinn  og þá er að horfast í augu við hann, efna til viðræðna sjá hvað kemur út úr þeim og greiða um það atkvæði. Þá er málið vonandi út úr hreiminum og Ísland utan ESB. Það er minn draumur hvað sem öllum kyssinngum viðkemur sem þú segiur hafa átt sér stað og ég ætla ekkert að rengja þótt ég minnist þessa ekki sérstaklega.
Þú spyrð hver sé mín Masters Voice. Það er mín samviska.
Kv.,
Ögmundur