EKKI GEFA EFTIR Í VEGTOLLAMÁLUM!

Sæll Ögmundur.
Ég er þér sammála Ögmundur um að gefa ekkert í þessum vegatollsmálum vegna nýlagningar þjóðvega í þéttbýli og gera um leið fólki sem býr á Suðurlandi ókleyft að stunda vinnu sína sunnan heiða vegna kostnaðar. 10% hækkun er boðuð 1. júlí í Hvalfjarðargöngum vegna minni umferðar og þess að bæta hafi þurft brunavarnir til að uppfylla ESB staðla sem kosti sitt. Þá eru einnig uppi áform um gjaldtöku í væntanlegum Vaðlaheiðargöngum en hvers vegna? Af hverju skal vera frítt í Siglufjarðargöng og Vestfjarðargöng? Mér finnst fyllilega réttmætt að sporna við fótum og banna hreinlega alla gjaldtöku í göngum þannig að allir standi jafnfætis burtséð frá búsetu og ættu menn að muna Reykjanesbrautina og tollhliðin þar.
Staðan í ríkisfjármálum er grafalvarleg og erfitt verk framundan fyrir Alþingi að lækka kostnað að vel kæmi til greina sem neyðarbrauð að banna öll verkföll næstu 36 mánuðina á meðan við vinnum okkur úr skuldunum. Vel var gefið í síðustu samningum og eigum við eftir að sjá fækkun starfa þeim samfara auknum kostnaði og verðbólguskoti bara vegna innlendra vandamála og er þá gengið krónunnar ekki tekið með. Sjáum Grikkland sem dæmi? Hvernig er staðan þar hjá blessuðu fólkinu? Verkföll kröfugöngur slys á fólki og dauðsföll í þeim atgangi og krafa ESB er að lækka laun um 20-30% og kostnað í landinu til að verða samkeppnishæf á innanlandsmarkaði ESB. ESB benti Írum vinsamlega á að þeir ættu falinn fjársjóð í stóðhestum af forláta kyni sem þeir gætu selt á markaði og aflað tekna?? Hvað skyldi ESB komi til þess telja eðlileg laun hinna ýmsu stétta hér á landi við upptöku Evru? Sama og Pólland eða kanski í efsta sæti með Þjóðverjum og velsæld þegnanna? A
pparatið í Brussel höfuðstöðvar ESB er eitthvert versta pólitíski klúbbur sem til er vegna spillingar og þeirra ofurlauna sem þar eru greidd. Hreingerningakonur þar hafa tæp 300 þús á mánuði og öryggisverðir um hálfa milljón fyrir utan öll fríðindi einkabílstjóra húsnæði hótel lestarferðir frítt fæði á dýrum veitingastöðum. Góðar stundir.
Þór Gunnlaugsson