CORBYN Á ÍSLANDI

Jeremy Corbyn, fyrrum formaður breska Verkamannaflokksins og núverandi grasrótarpólitíkus, gerði stormandi lukku í troðfullu Þjóðmenningar-/Safnahúsi í Reykjavík í hádeginu í gær. Fólk alla vega á litinn í pólitíkinni var mætt til leiks en að sjálfsögðu var vinstri undiraldan ráðandi á fundinum. Hér að neðan er slóð á ræðu Corbyns og slóðir á umræðuþætti á Samstöðinni  í kjölfarið.
Ég hafði á orði eitthvað á þá leið að áhuginn á þessum fundi væri til marks um að þess væri ekki langt að bíða að vinstri pólitík hæfi sig til flugs. Ég held að það sé rétt - það er að segja ef við gefum okkur að hugsa megi í misserum og jafnvel árum  fremur en dögum og vikum. Kapítalisminn með allri sinni samþjöppun og einokun færist hins vegar alltaf nær bjargbrúninni. 
Boðskapur Corbyns var þó ekki þessi heldur á þann veg að ef okkur á að auðnast að ráða við meinsemdir samtímans, misskiptingu og mengun, stríð og ofbeldi þá þurfum við á lausnum sósíalismans og áherslum hans að halda. 
Klappið á fundinum bar þess vott að fundarmenn væru þessu sammála. 

Slóðin á fyrirlestur Corbyns
https://www.youtube.com/watch?v=mRm5WENrjSw

Umræður á Samstöðinni í kjölfar fundarins með Corbyn

Myndasafnið má sjá í heild sinni á slóðinni: Myndir - Corbyn á Íslandi: