ER FALIN MYNDAVÉL???

Varðandi Grímsstaði á Fjöllum: Hér virðist annars vegar um að ræða 1400 000 000 manna einræðisríki sem ásælist 300km2 landsvæði hjá fámennri lýðræðisþjóð. Einræðisríkið hefur stundað gríðarlegt landnám í afríku og fylgt fótfestu eftir með ágengri diplómatíu/lobbyisma svo líkt hefur verið við engisprettufaraldur. Hvernig skyldi okkur sjálfum svo hafa gengið að ná fram réttlæti gagnvart fjármálamönnum, t.d. handhöfum fiskveiðiheimilda, eða útrásarvíkingum? Höfðu þeir síðarnefndu ekki stjórnvöld meira eða minna í vasanum fram að hruni og hafa þeir fyrrnefndu ekki verið ósnertanlegir, bæði fyrr og síðar? Eigum við síðan að fá eitt stykki kínverskt heimsveldi í ábót? Getur nokkur lifandi maður séð fyrir sér skjól hjá íslenskum stjórnvöldum/ íslenskum dómstólum fyrir "bjargvættum" frá Kína ef á þarf að halda? Þetta kínverska landnám á Íslandi er svo fráleitt að að e.t.v. ætti maður að fara að líta í kringum sig eftir falinni myndavél. Umræðan sem af þessu hlýst gagnast þó e.t.v. einhverjum.
emil jón ragnarsson