UM KLÓSTERKA KAUPAHÉÐNA

Prússin Preussner og efnariddarinn Ratcliffe eiga báðir sess sem Íslandsvinir í hjörtum margra. Saman eiga þeir, að hafa auðgast nokkuð á efnaiðnaði, þ.á.m. á eiturspúandi fabrikkum víða um lönd og tiltækjum sem ógna umhverfi smá, lífríki í þágu eigin hugðarefna. Hjartagóðir þó, eru þeir að eigin sögn, afar miklir ástvinir umhverfis, mynd, sem okkur er sýnd.

Efnariddarinn Ratcliffe hefur t.d.slíka ást á nátturu Íslands, að hann hefur þegar fórnað 6 milljörðum til landkaupa og ekkert lát verður á slíkri landvernd, segja þjónar öðlingsins hérlendis. Efnaprangarinn Preussner er afar grænn líka í hjarta sér skv. m.a. sjálfskynningum á netinu, og líka virkur í þróunarhjálp við mýmörg ósjálfbjarga samfélög. Ódýrt rafmagn, sjálfsprottið úr jörðu, bauðst hann til að nýta á Íslandi, sem mótsvar við nauðsynlegum sóðaskap af fylgjandi drullumalli. Skaðaminkun.

Ekki lukkast öll þróunarhjálp, né átök í umhverfisvernd - en vilji til góðverka skal þó virtur vel.

Aldrei skulu Íslendingar góðu floti neita þá það býðst til stundarkæti, að þeirra mati. Kálið hans Preusners varð ekki sopið á Íslandi, þótt í ausu kæmi, en vér virðum vilja hans vel til hjálparstarfs og borgum þvi glöð fyrir feilsporið.

Kaup Ratcliffes á vænum hluta N.A-lands eru á hinn bóginn vel á veg komin, þróunarhjálp hans beint úr góðu hjarta, úr góðri pyngju, enda nýtur hann góðra landskjara á móti.

Eiturefnabraski víða um lönd, stýrðu af hjartagóðum mönnum, getur fylgt flot fyrir fátækt fólk á útskerjum. Sem að sjálfsögðu þakkar auðsýnda góðvild, veitta þróunarhjálp öðlinga.

Nú þegar harðnar á dal, munu fleiri klófagrir fagurfuglar sjást á lofti færandi með sér flot, gegn fátæklegri umbun í formi landsgæða. Þótt sumt flot þeirra bragðist illa, valdi kveisu, skal það ekki vanþakkað. Ekki heldur flotið, sem úr afturenda auðfugla skýst yfir land og þjóð.