Í AUÐMENN KOKKAÐ

Þeir fengu fyrst auðlindir okkar
framsókn og sjálfstæðisflokkar
í fátækt oss hnepptu
svo bankana hrepptu
í auðmennina Bjarni nú kokkar.

LAFIR FRAM Á HAUST

Á bláþræði hún hangir víst
með heldur lítið traustið
Um heiðar-leika lífið snýst
hún lafir fram á haustið.

,,HVER ER MAÐURINN?‘‘

Með lokuð augun lífið allt
og líka talsvert skertur
Höfuð lúið og hjartað kalt
en skreytir heilar tertur.

,,PÚTÍN ÁSÆLIST HEIMINN‘‘

Lífið var tekið fólki frá
fjölda teljum grafir
Pútín situr á sakaskrá
og Rússar sigurglaðir.

,,TÍMI TIL AÐ FARA FRÁ‘‘

Ekkert líst mér landið á
ljótt er orðið ástandið
Verðbólga sést himin há
og hörku spillt íhaldið.

,,Vilja kaup völd og vinsældir‘‘

Vinsældir kaupa nú vítt og breitt
virðast svaka góð og hlíðin
Enn í landsmönnum er ansi heitt
 og eflaust vanmeta skrílinn.

Heiðarleika þar hafa ekki
hentistefna passar best
Vinstri græna víst ég þekki
en sá að mér fyrir rest.

Bjarni hefur ekkert breyst
vill bankamálinu loka
En gárungar þó geta treyst
greindarleysi og hroka.

Kosningar bráðum bresta á
betri stjórn við fáum
Allt íhald og Katrín farin frá
en framsókn aftur sjáum.

Víst ég hugsaði vandann hér
og vandamálið ljósa
það væri rétt sem sýnist mér
sóðaskap frá kjósa.

Kosningar jú koma senn
Kannski fyrr en ber
Koma nýir konur og menn
Kunnugur Bjarni fer.

Auðvitað okkur öllum brá
óvitunum með tolu
Nú Katrín mætti fara frá
fegraði bankasölu.

Siðblinduna við sáum þar
sóðaskapinn og plottið
Á vinagreiða ei virtist spar
og Katrín sýnir glottið.

Höf. Pétur Hraunfjörð.