LÁTIÐ JÓN Í FRIÐI

Erindi fagnaðar hefur nú nýverið verið boðað hvers innihald ber með sér staðfestingu á styrk Ögmundar og Jóns Bjarnasonar. Ég geld engu síður varhug við að hróflað verði við Jóni um næstkomandi áramót í aðdraganda stofnunar atvinnuvegaráðuneytis. Þá er viðbúið Ögmundur minn að þú þurfir að endurstílisera línuna sem forveri þinn úr samstarfsflokknum hafði lagt, en þá á ég við vegtolla og stapp við lífeyrissjóðina. Ég held aukinheldur í vonina um afturköllun aðildarumsóknarinnar sem og breyttan prófíl á undirlægjuhætti gagnvart AGS. Nú ríður á Ögmundur minn kæri að þú nýtir það bakland og þann styrk sem að baki því býr og mundu að þú nýtur fylgis langt út fyrir raðir þíns flokks, að þeim forsendum gefnum segi ég einu sinni enn og aftur, haltu áfram á sömu leið og ef það þýðir samkv. túlkun samstarfsflokksins óþæga deildin, þá kyngjum við því. Ég ítreka samt fyrri hug minn og óskir um viðskilnað við samstarfsflokkinn, því fyrr því betra.
Kær kveðja,
Óskar K Guðmundsson fisksali