SAGAN ENDURSKRIFUÐ?

Sæll Ögmundur.
Nú skrifa ég til þín sem kirkjumálaráðherra og þar með trúmála svona almennt séð og efni bréfsins skylt. Ég hef nefnilega orðið smá áhyggjur af þessu gjörningaveðri sem Steingrímur og Jóhanna magma nú upp af mikilli illsku með ofsatrúarliði sínu. Trúboð þeirra gengur út á að ljúga upp á þig sakir og endurskrifa söguna svo mjög að minnir helst á það þegar hægriöfgamenn afneita þróunarkenningu Darwins. Vill kirkjumálaráðherrann verja svona ofsatrúarlið út í hið óendanlega? Lið, sem afbakar sannleikann miskunnarlaust og klastrar upp helgimyndum af AGS og ESB og Magma og Icsave svo tilbiðjendurnir verða sturlaðir og hringsnúast sem snældur og verða þannig snældu-vitlausir og hugsa ekki lengur skýrt, heldur hlaupa út um allar koppagrundir og velli með blinda augað á kíkinn í tossabandalagi og af hjarðeðli og baula að þetta sé allt glæsilegt, því Steingrímur segi það og Svavar segi það og Indriði segi það og Þórólfur og RÚV segi það. Þetta lið er orðið sturlað og veit ekki lengur hvað snýr til vinstri og hvað til hægri, heldur mænir það staurblint á skurðgoð sín. Þó ég viti að þú sért hinn vænsti maður Ögmundur, þá finnst mér það algjör óþarfi að þú bjóðir þessu öfgaliði endalaust vinstri vangann.
Pétur Örn Björnsson