SAMNINGANEFND SVEITARFÉLAGA Í ÞAGANRKVÍ ÞEGAR Í STAÐ

Getur ekki einhver reynt að koma þeim skilaboðum til sveitarfélaganna að talsmenn þeirra, sem í dag hafa komið fram í fjölmiðlum og svívirt láglaunafólk, verði hið bráðasta sett í einhvers konar þagnarkví og aðrir fengnir til að ganga frá kjarasamningum við Eflingu.

Efling vill ganga frá samningum við sveitarfélögin á sömu nótum og þegar hefur verið gert í Reykjavík. Um er að ræða vel innan við þrjú hundruð manns, flestir starfandi hjá Kópavogsbæ. Fólkið á það sameignlegt að vera úr röðum lægst launaða verkafólks á Íslandi.

Talskona saminganefndar sveitarfélaganna, sem jafnframt er bæjarstjóri í Hvergerði, talaði í dag um “óforkastanleg vinnubrögð” Eflingar og “ósanngjarnar kröfur” láglaunafólksins.

Vinnubrögð Eflinger eru, eftir því sem ég hef séð og skilið, í hæsta máta sanngjörn og ábyrg. Þannig er farið að öllum ráðleggingum og óskum heilbrigðisyfirvalda varðandi undanþágur og allt gert til að ganga frá samningum hið bráðasta. Við skulum ekki gleyma því að til verkfallsins var boðað löngu áður en ljóst var í hvað stefndi varðandi veirufaraldurinn þannig að það er ekki Efling sem á nokkurn hátt er að notfæra sér hann. Þvert á móti gerir faraldurinn báráttuna torveldari en að sama skapi auðveldari atvinnurekenda sem á annað borð hefur geð í sér til að nota hann í áróðursskyni eins og talskona samninganefndar sveitarfélaganna gerði í dag.    

Varðandi hinar meintu “ósanngjörnu kröfur” fólks sem er með innan við 350 þúsund krónur á mánuði og er nú að reyna að fá leiðréttingu til jafns við fólk í sambærilegum störfum þá skil ég það svo að verið sé að jagast um hækkun á bilinu tíu til tuttugu þúsund krónur. Það er með öðrum orðum, hin óbilgjarna ósanngirni.

En leyfist að spyrja, hver eru laun bæjarstjórans í Hveragerði, talskonu samninganefndar sveitarfélaganna og kannski líka bæjarstjórans í Kópavogi sem samkvæmt fréttum neitar að hitta samninganefnd Eflingar að máli?
Bara svo við fáum betur skilið hve afstæð geti verið hin “óforkastanlegu vinnubrögð”, hvað þá hinar “ósanngjörnu kröfur.”